Hechos 17:1 - Nuevo Testamento Toba Sombrero Negro

¹ Ga'me leuoĝo'j, Pablo nataq'aen Silas tadelegue di'me Anfípolis nataq'aen Apolonia, ua'edi yovideta di'me Tesalónica, nach'edi ua'a joga'me judiopi 'uo ga'me lemaĝaiqui'.

Nuevo Testamento Toba Sur

¹ Qaq da lliquiaxac so Pablo qataq so Silas tajdelec yi Anfípolis qataq yi Apolonia. Ime, nachi nqo'ooda yi la ciudad Tesalónica. Qaq yimayi huo'o aso laponaxaqui na judiopi.

La'aqtaqa Ñim Lo'onatac 'Enauacna 2013

¹ So Pablo qataq so Silas queto'oto da llecỹaxa'c, taarelec ye nỹecpi ye Anfípolis qataq ye Apolonia ivitta'alo ye nỹecpi ye Tesalónica maye huo'o aso napaxaguenaxaqui na judiopi.

Hechos 17:1 Referans Kwoze

Filipenses 4:16

Nataq'aen ca'li joue'ta di'me Tesalónica ja onolec ga'me najaqaje jo'ne jayem auamaqaiya ca'li.

1 Ts 1:1

Mach'e qo'mi, jayem Pablo, choqoñe'me Silvano, chayovida'a ñe'me Timoteo, qadamaic ami janemaĝama, da'me ami p'etaqadaiquipi jo'ne at'achaqadi' di'me noic Tesalónica, jo'ne yataqata ademii'teguet ñe'me Dios Qadet'a choqoñe'me Qadejaliaĝanec Jesucristo. 'Noota qom Dios ami yanema da'me anichoĝodenataguequi nataq'aen da'me at'emaĝaqui.

2 Ts 1:1

Mach'e qo'mi Pablo, Silvano nataq'aen Timoteo, yataqata t'adaic jena'me qadamaic ami jamaĝajaĝalo, ami qadaqaya'olqa p'etaqadayaqa jo'ne Tesalónica laje', naqa'ami jo'ne Dios lec'oqo'tepi nataq'aen da'me ademii'teguet ñe'me Qadejaliaĝanec Jesucristo:

Hechos 20:4

Equegue ñe'me Sópatro, Berea le'ec, c'oĝot ñe'me Pirro, nataq'aen Aristarco choqoñe'me Segundo, Tesalónica le'ec, Gayo jo'ne Derbe le'ec, Timoteo, nach'e ena'am Tíquico nataq'aen Trófimo, jo'ne 'lachaqa't di'me aleua Asia.

2 Timoteo 4:10

qa'a ñe'me Demas jayem ca'e, en p'ajaye da'me loqopich'i jena'me ua'ña jena'me aleua, qama'le dajoyi di'me Tesalónica. Jo'me Crescente dajoyi di'me aleua Galacia, qama'le ñe'me Tito yec'ata di'me aleua Dalmacia.

Hechos 27:2

Chane'eja jonaqañgui jaga'me licota jo'ne napi'ña di'me Adramitio, 'me yamta'le dajoyi di'me Asia. Nach'e ena'am qo'mi uetauelo ñe'me Aristarco, jo'ne Tesalónica le'ec, noic jo'ne na'ña di'me aleua Macedonia.

Hechos 17:13

Qalaĝaja ca'li gaa'me judiopi jo'ne 'lachaqa't di'me Tesalónica nomeda'a queda'me nach'e ena'am 'yaĝatetac da'me Dios 'laqataĝanaĝac di'me Berea qama'le tategue da'me daja', qama'le paja'a en jalilegue ga'me jiyaĝadipi nataq'aen 'ñemaĝachidiñe.

Hechos 17:11

Naajo' judiopi jo'ne yataqachiñe onaĝaic ga'me letadenataĝanaĝa'j ja ena'ama gaa'me neda'ña di'me Tesalónica, yataqachiñe 'uo da'me lamaic ta'le yacoteguet da'me 'naqataĝanaĝac, qama'le noloqo'ote, noloqo'ote napaĝaguenalo daa'me nedii's qaedi yayaten qom yataqachiñe eja ga'me jo'ne Dios 'yaĝatetac.

Hechos 16:13

Jo'me nolo' jo'ne niyamaqatac jaĝa'ya ga'me p'aye ga'me noic, jec'ataĝa ga'me ñache jo'ne jenaqatapega ua'a da'me 'uo ga'me netamenaqa't joga'me judiopi. Jonaĝañi qama'le ja'aĝataĝama da'me 'naqataĝanaĝac jogaa'me yauo' jo'ne yema'a't ca'li.

Hechos 15:21

Qa'a chiyoqo'tegueta gaa'me noloqo'ote jo'ne 'uaechidiñe uo'oe gaa'me noyaqa jo'ne joote qoyapaĝaguetapeque daa'me namaĝajoĝonaĝaco jo'ne chiyoqodo'ot ñe'me Moisés, 'me nach'edaua qoyec'ate'n nale gaa'me noloqo'ote jo'ne niyamaqataqa.”

Hechos 14:1

Da'me male ueteda'a di'me Iconio, Pablo nataq'aen Bernabé tadoue ga'me judiopi lemaĝaiqui' naq'aeta da'me naeda'ac, qama'le gaa'me 'laqataqa qayoĝode' gaa'me en 'ñemaĝadeta da'me p'iida'a, ga'me judiopi choqogaa'me ja judiopi.

Hechos 17:10

Joote pi'yaq, jogaa'me qadaqaya'olqa yepaquetedapega ta'le Pablo nataq'aen Silas paja'a eque', yec'adeta di'me Berea. Mane'e ca'li yovideta, qama'le yec'adeta ga'me lemaĝaiqui' joga'me judiopi.

1 Ts 2:2

Yataqata auayachiñe da'me yataqata qo'mi qo'eetapegalo nataq'aen ja qo'mi 'te qoyiyamaĝate'tape ca'li jouaqa'ta di'me Filipos, qalaĝaja Dios qo'mi yanema da'me lañoqotaĝanaĝac qaedi maqachaĝa ami ja'aĝataĝama ga'me 'laqataĝanaĝac, mate mane'e 'uo ga'me t'adaic qanep'aguenataĝanaguec.