Hechos 16:9 - Nuevo Testamento Toba Sombrero Negro

⁹ Nach'edi Pablo ua'a da'me 'uo ga'me naloĝonaĝat jo'ne 'lochaĝa; yauana ga'me jiyaĝaua jo'ne ue'ta di'me Macedonia, 'me nec'atetañe nachoĝodetapecot: “Anec'ata jena'me Macedonia qama'le qo'mi alecochiyalo.”

Nuevo Testamento Toba Sur

⁹ Qaq huaña yimayi, nachi so Pablo huo'o so lauanaqchic se'eso pe: iloto'o' so shiÿaxaua mayi naña yi 'alhua Macedonia. Somayi nachattañi, nachi nachoxodeetacot somayi, 'eeta': “Ña 'ananaita qome na Macedonia, qomi' 'autaua'n.”

La'aqtaqa Ñim Lo'onatac 'Enauacna 2013

⁹ Qaq huaña yemaye, nache so Pablo huo'o so lauanaqchec se'eso pe. Iloto'o' so ỹale maye naña ye 'alhua Macedonia. Somaye nachattañi, nache nachoxoreetacot somaye, 'eeta': «Ña 'ananaitactaxa na Macedonia, nache qomi' 'autaua'n.»

Hechos 16:9 Referans Kwoze

Hechos 19:21

Mane'e da'me ena'uaque yenoĝodegue naa'me naajo' uo'oe, Pablo lelnataĝac da'me dejapichiya di'me Macedonia nataq'aen Acaya, qama'le queta da'me leuoĝoc chayovida'a Jerusalén. Uoja'eda nenaĝategue queda'me qom yem da'me yec'ata di'me Jerusalén nach'e ena'am dajoyi di'me Roma.

Hechos 18:5

Ca'li Silas nataq'aen Timoteo yovi't chiyoqoda'a di'me Macedonia, Pablo yataqachiñe yema'eguet da'me 'yaĝatetac da'me 'naqataĝanaĝac nataq'aen yechoĝotetapema joga'me judiopi queda'me Jesús mach'e Dios Liquiyac.

Romanos 15:26

Qa'a joga'me Macedonia laje'pi nataq'aen joga'me 'lachaqa't di'me Acaya onaĝaic da'me yauote da'me yemata'a't jaga'me lajaqaje' qaedi yamaĝalo jogaa'me qadaqaya'olqa jo'ne choĝodache 'me neda'ña di'me Jerusalén.

Hechos 20:1

Mane'e ca'li maqachaĝa yem ga'me nalimaĝa, Pablo yiyaĝanalo ga'me p'etaqadaiquipi qaedi uo'oe gaa'me yanema jo'ne loqotenaĝanaĝaco. Yem qama'le yep'iye'tape jogaa'me, yec'ata di'me Macedonia.

1 Ts 4:10

Jena'me jenjo' nach'ena joote auauoyitac da'me yataqata adoqopichiyalo jogaa'me adaqayadi' jo'ne neda'ña di'me Macedonia. Qalaĝaja yitaĝa 'uo ga'me qanachoĝodenaĝac, ami qadaqaya'olqa, 'noota ta'le na'me adoqopich'ii yitaĝa aueñi nichiguegue.

2 Corintios 12:7

uotaĝa gaa'me Dios jayem yaloĝonalo 'me 'uo da'me 'lonaĝa'j. Qo'che' qaedi ja jayem 'te najaqachigui da'me ñi'yoĝodenaĝac, 'uo da'me jayem qoyanem 'me nayaliaĝac: ena'am ta'le Satanás jayem yejoguec jaga'me yaĝat jena'me yapat qaedi ya'uo yachoĝodec.

2 Corintios 11:9

Ca'li ami jouetauelo qama'le 'uo ga'me jouetaque, qalaĝaja qaya'te ua'a ta'le ami jachoĝoyalo qaedi jayem alecochiiya. Yema di'me aleua jo'ne Macedonia jogaa'me p'etaqadaiquipi jayem novideta ca'li qama'le jayem yate'm yema ga'me jouetaque. Jepaquetapega ta'le ja diyachitapiyelo naa'me adai'lidi' qa'a jouaĝat da'me jayem, qama'le nach'e eta't ja'uo da'me dojo'.

2 Corintios 9:2

Joote ami jayate'n queda'me eja jetaque alecochiiyalo. Qo'che' 'uo da'me ñi'yoĝodenaĝac ca'li ja'aqataĝatapema jogaa'me qadaqaya'olqa 'me neda'ña di'me aleua 'me Macedonia queda'me ami 'me at'achaqadi' di'me Acaya, ami uetauelo da'me nach'e eta't jetaque alecochiiyalo chiyoqo'teguet jo'me uo'e laqaya. Ca'li domachita da'me dojo' jogaa'me Macedonia laje' qayoĝode' jogaa'me yauote da'me lecochaĝa'j.

2 Corintios 8:1

Ami yaqaya'olqa, jetaque ami ja'aĝatema da'me loqopich'i ñe'me Dios jo'ne uetauelo gaa'me p'etaqadaiqui di'me aleua jo'ne Macedonia.

2 Corintios 7:5

Chiyoqotelegue ca'li jovitaĝa di'me aleua Macedonia da'me maliaĝa ja 'ñomataĝaye, dite da'me jauadaqa'aguet nale ga'me qalaq gaa'me jec'otaqapegalo. Jeloquiaqatapegue'to gaa'me mach'e qadauteuapi, nataq'aen jeloquiaĝaguet ga'me mach'e qadoqolanaĝa.

Hechos 20:3

Ua'a ca'li tres gaa'me auoĝoyaqa da'me ue'ta. Ca'li yamta'le nañgui jaga'me licota qaedi dajoyi di'me Siria, qanach'e nometelegue joga'me judiopi queda'me nejoĝoñegue qaedi yala't ñe'me. Chane'eja talegue ga'me 'lañaĝa da'me 'viyelaq, yitaĝa talegue di'me Macedonia.

Hechos 10:30

Cornelio 'yateguet: —Yenoĝodegue jaajo' cuatro noloqo'ote, qalaqach'ele naq'aeta jañe'me ajeua, joue'ta jenjo' 'yachaqa', tachi'ña tres ga'me javit jo'ne laloqoedi nale jauo'oe gaa'me ñetamenaĝaco, ca'li 'uo ñe'me jiyaĝaua jo'ne jayem naloĝoneguet yatedañe ga'me louo jo'ne 'uo da'me lauaqayaĝa'j.

Hechos 10:3

'Uo joga'me nolo' ca'li, qalaqach'ele dajeñe jañe'me ajeua, qama'le 'uo ga'me lauanaĝanaĝac: yataqachiñe di'yoqochigui da'me yauana ñe'me piyem le'ec jo'ne lamaĝajec ñe'me Dios da'me yec'ata ga'me jo'ne ue'ta ñe'me qama'le enaac: —¡Cornelio!

Hechos 9:38

Jope yauoqo'teguet di'me Lida, nach'edi ue'ta ñe'me Pedro; qama'le ga'me p'etaqadaiquipi queda'me nometedelegue da'me ue'ta ga'me qama'le damaĝajoĝodelo'te da'me daja' dojolqa jiyaĝa'u qaedi t'aqataĝatem: “Auanac, ena'te auayaloĝoden da'me anec'ata di'me Jope.”

Hechos 16:10

Ca'li Pablo 'uo da'me dojo' lauanaĝanaĝac qama'le paja'a da'me 'netaqatac qaedi jec'ataĝa di'me Macedonia, qa'a yataqata jayatenaq queda'me eja Dios qo'mi yiyaĝatapegalo qaedi nach'edi ua'a da'me ja'aĝataqatac da'me onaĝaic 'naqataĝanaĝac.

Hechos 16:12

Nach'edi jachiyojoĝo'ña da'me jec'otaĝa di'me noic let'adaic Filipos, nach'ega jo'ne 'noĝodijeguem ca'li ga'me Roma laje'pi, nataq'aen nach'ega noic jo'ne yataqachiñe p'ajaye di'me aleua 'me Macedonia. Nach'edi uo'oe gaa'me noloqo'ote da'me jouaqa'ta.

Hechos 19:22

Chane'eja ye'uauaĝate' daa'me dojolqa 'me lecochaĝa'u di'me Macedonia, Timoteo nataq'aen Erasto, ñe'me qamqa'me cha'li uo'oe gaa'me noloqo'ote da'me ue'ta di'me Asia.

Hechos 19:29

Chane'eja 'uo ca'li ga'me ja niyamaĝa yema ga'me noic. Qama'le qoyauaĝalegue ñe'me Gayo choqoñe'me Aristarco, dojolqa jiyaĝa'u jo'ne chiyoqoda'ña di'me Macedonia 'me naequetedapegue' ñe'me Pablo, nach'e ena'am qoyaueque'tape ga'me chayovida'a gaa'me neualaĝayaqa'.

Hechos 27:2

Chane'eja jonaqañgui jaga'me licota jo'ne napi'ña di'me Adramitio, 'me yamta'le dajoyi di'me Asia. Nach'e ena'am qo'mi uetauelo ñe'me Aristarco, jo'ne Tesalónica le'ec, noic jo'ne na'ña di'me aleua Macedonia.