Hechos 16:5 - Nuevo Testamento Toba Sombrero Negro

⁵ Chane'eja joga'me p'etaqadaiquipi qo'yañaqate'tapeque da'me lepe'e', qama'le liñi ga'me p'etaqadaiquipi onolqa'tape noloqo'ote nichiquetedaye.

Nuevo Testamento Toba Sur

⁵ Huaña, nachi na 'amqajnataxanaxaicpi ÿataqta huo'o da l'añaxac da lpi'iÿaxac, nachi naua na'axa'tesa'chi ÿataqta nquictauec yi lcata na da'amqajnataxan.

La'aqtaqa Ñim Lo'onatac 'Enauacna 2013

⁵ Huaña, nache na 'amqaanataxanaxaicpi ỹataqta huo'o da la'añaxac da lpi'iỹaxac, nache naua na'axa'tesa'ache da ỹataqta nquictauec ye lcata na da'amqaanataxan.

Hechos 16:5 Referans Kwoze

Hechos 9:31

Chane'eja gaa'me uetedaue ga'me 'naqataĝanaĝac 'me dalaĝaic, yema di'me aleua Judea, Galilea nataq'aen Samaria, 'uo da'me 'lamaĝa'j nataq'aen naqaloĝodetajeguem da'me lepe'e. Yataqatelo'te t'onataĝade'uo ñe'me Jaliaĝanec, nataq'aen queda'me qolecochaĝanaĝanegueta ñe'me Dios Lepaqal jo'ne ja 'nalegue nach'e eta't nichiquetaye ga'me p'etaqadaiquipi.

Hechos 2:47

'Nonaĝachidegue ñe'me Dios nataq'aen qonedo'teneque jogaa'me; nataq'aen yemeda naa'me noloqo'ote en nichiquetaye ga'me napetenegueta joga'me p'etaqadaiquipi ñe'me Jaliaĝanec, gaa'me jo'ne naqaegaua yiyaĝanalo ñe'me, qaedi qonec'alaĝatedegue.

Hechos 6:7

Joda'me 'laqataĝanaĝac ñe'me Dios nichiquetaye da'me qo'yaĝatetac, qama'le ga'me p'etaqadaiquipi jo'ne Jerusalén laje'pi jalcote da'me nichiquetaye, chayovida'alo qayoĝode' ga'me judiopi tamenaĝaiqui lo'olpi yacoteguet da'me 'naqataĝanaĝac.

1 Pedro 5:10

Qalaĝaja qom yenoĝodegue jogaa'me noloqo'ote da'me 'uo da'me adachoĝodequi qama'le joñe'me Dios male ami 'yañaqateneque, nataq'aen da'me en ami 'uañaĝayaqa choqoda'me ami yanema da'me jo'ne yataqatelegue. Qa'a nach'eñe ñe'me Dios 'uo da'me loqopich'i let'adaic chane'eja ami yiyaĝanalo qaedi ademii'teguet joñe'me Jesucristo qama'le ovitaue da'me jo'ne mach'e 'lonaĝa jo'ne qaya'te loiquiaqa'.

Hechos 15:41

Qama'le tadelegue di'me Siria nataq'aen Cilicia, 'yañaqate'tape jogaa'me qadaqaya'olqa yema gaa'me noyaqa.

Colosenses 2:6

Queda'me joote auacoñiyeguet joñe'me Jesucristo jo'ne Adejaliaĝanequi, qama'le 'noota qom yataqachiñe oquiyegue joñe'me.

1 Corintios 15:58

Chane'eja, ami yaqaya'olqa jo'ne jalcote joqopitalo, 'noota qom a'nañaĝachela't, ja ami 'te damichidiñe, nataq'aen nach'e eta't a'vichiye da'me 'lonatac ñe'me Jaliaĝanec, nataq'aen auayachiñe queda'me qom adaloi'ta't da'me a'uonataĝañiuo'o ñe'me Jaliaĝanec qama'le ja yijamaĝajaye.

Romanos 16:25

'Noota qom 'ñonaĝataĝaye ñe'me Dios, jo'ne yaqanatet da'me ami t'añidañe q'ae'n. Nach'e naq'aeta da'me onaĝaic 'naqataĝanaĝac jo'ne ami ja'aĝatema nataq'aen da'me napaĝaguenataĝanaĝac jo'ne 'yaĝatetac ñe'me Jesucristo. Dojo' uaĝayet da'me jo'ne Dios yaloĝon, jo'ne ja yaloĝonapiye't, nach'eda qoyoĝochiñe chiyoqo'teguet joca'li maliaĝa qaya jena'me aleua.

Hechos 12:24

Qalaĝaja da'me 'laqataĝanaĝac ñe'me Dios nichiquetaye nataq'aen qot'aqataĝatapema gaa'me ale'u lael.

Hebreos 13:9

Qama'le ena'te auajeñeta ta'le ami qoyauequeteda'alo gaa'me napaĝaguenataĝanaĝaco jo'ne yodapecache 'me ja qoyateto'n. Nach'edata da'me lañoqotaĝanaĝac joñe'me Dios jo'ne yataqata 'yañaqate't naa'me mach'e adai'lidi'. Chane'eja ena'te oqui'teguelo naa'me namaĝajoĝonaĝaco jo'ne qoye'n ladiquiyaĝac da'me niqui'yaĝac, qa'a jogaa'me jo'ne quetede'egue da'me dojo' qaya'te ta'le 'uo ga'me naueguedela't.

2 Ts 2:16

Ñe'me Dios jo'ne Qadet'a yataqata qo'mi noqopitalo chayovida'a da'me qo'mi yanema joda'me qat'añaĝac nataq'aen da'me qadeuataqataĝanaĝac jo'ne chiyoqo'ot da'me lichoĝodenataĝanaĝac joñe'me, nataq'aen joñe'me Qadec'alaĝaiqui Jesucristo,

1 Ts 3:13

Nataq'aen yataqata 'yañaĝachilo jonaa'me adai'lidi', qaedi yataqata ami uauelo joga'me ja 'nalegue, nataq'aen da'me yataqata ami ejoda yataqata qaya'te adoecodi' da'me ami nelotapi'ñalo joñe'me ja 'nalegue mach'e Qadet'a Dios, qom male 'niyelaq joñe'me Qadejaliaĝanec mach'e Jesús qama'le naequetedapegue' yema joga'me Dios lec'oqo'tepi jo'ne ja 'nalo'te. Jaja'a, nach'e naq'aeta da'me dojo'.

1 Ts 3:2

qama'le jamaĝajoq ñe'me Timoteo, qa'a jayatenaq da'me yataqata lalemaĝajet joñe'me Dios, nataq'aen qadecochaĝaua da'me ja'aĝataqatac da'me onaĝaic 'laqataĝanaĝac joñe'me Jesús, mach'e Cristo. Jamaĝajoq ñe'me qadaqaya qaedi male yataqata ami 'yañaĝateque chayovida'a da'me male t'añi joda'me adepi'i,

Gálatas 5:1

¡Yataqachiñe eja da'me male qo'mi uojotedañi, qa'a nach'eñe ñe'me Jesucristo qo'mi yejodegue! Chane'eja ena'te oquiya'e da'me dojo' ami qoyejodegue, uotaĝa ta'le a'viyelaqaiya da'me yitaĝa ami lelataqa daa'me namaĝajoĝonaĝaco.

Hechos 11:21

Joda'me lañoqotaĝanaĝac ñe'me Jaliaĝanec uetauelo jogaa'me, qama'le naq'aeta da'me qayoĝode' gaa'me jo'ne yaĝadegue ga'me toye's lepe'eco qama'le p'iida'a ñe'me Jaliaĝanec.

Hechos 5:14

Nataq'aen nichiquetaye ga'me jiyaĝadipi, gaa'me jiyaĝa'u choqogaa'me yauo', jo'ne p'iida'a ñe'me Jaliaĝanec.

Hechos 4:4

Qalaĝaja qayoĝode' gaa'me jo'ne domachita ga'me napaĝaguenataĝanaĝac, qama'le p'iida'a; qama'le ga'me tachi'ña liñi ga'me p'etaqadaiquipi, nach'egauate' gaa'me le'emdipi da'me qonaloqote'n, yamta'le yovida'a da'me cinco mil.