Hechos 16:1 - Nuevo Testamento Toba Sombrero Negro

¹ Pablo yovita di'me Derbe nataq'aen Listra, nach'edi ua'a da'me uada'aguet ñe'me p'etaqadaic lenaĝat Timoteo, c'oĝot jañe'me yauo judía nataq'aen let'a ga'me griego,

Nuevo Testamento Toba Sur

¹ So Pablo qataq so Silas ivitra yi pueblo l'enaxat Derbe qataq yi Listra. Qaq huaña yimayi, nachi nateedalec so 'amqajnataxanaxaic l'enaxat Timoteo. Somayi llalec aso judío lashi 'amqajnataxanaxai, qaq so lta'a qalaxayi griego l'ec.

La'aqtaqa Ñim Lo'onatac 'Enauacna 2013

¹ So Pablo queto'ot da llecỹaxac ivitta'a ye nỹecpiolec le'enaxat Derbe qataq ye Listra. Qaq yemaye netaña so nsoq le'enaxat Timoteo maye ỹa'amaqteetac So Jesús. Aso late'e so Timoteo asomaye judío lashe ỹa'amaqteetac So Jesús, qaq so lta'a qalaxaye Grecia le'ec.

Hechos 16:1 Referans Kwoze

2 Timoteo 1:5

Nataq'aen ja japalaĝate'ta da'me adepe'e ladic, jo'ne 'uaeñe yacoteguet jenjo' jaga'me adecomena' Loida, nach'e ena'am jaga'me adat'e Eunice. Qama'le yataqata jepetapega nach'e ena'am oquegue jena'me jenjo' nayi.

2 Timoteo 1:2

Yamaic yitaĝa am janem, am Timoteo jo'ne ena'am ta'le am yalec 'me yataqata am joqopita. 'Noota qom Dios mach'e Qadet'a nataq'aen ñe'me Qadejaliaĝanec Jesucristo am yanema da'me anichoĝodenataguec choqoda'me anecochaguec nataq'aen da'me at'emaĝac.

1 Timoteo 1:2

Yamaic am janem, am Timoteo jo'ne yataqata am yalec queda'me aua'uo da'me yepe'e. 'Noota qom Dios mach'e Qadet'a nataq'aen ñe'me Qadejaliaĝanec Jesucristo am yanema da'me anichoĝodenataguec choqoda'me anecochaguec nataq'aen da'me at'emaĝac.

1 Ts 3:2

qama'le jamaĝajoq ñe'me Timoteo, qa'a jayatenaq da'me yataqata lalemaĝajet joñe'me Dios, nataq'aen qadecochaĝaua da'me ja'aĝataqatac da'me onaĝaic 'laqataĝanaĝac joñe'me Jesús, mach'e Cristo. Jamaĝajoq ñe'me qadaqaya qaedi male yataqata ami 'yañaĝateque chayovida'a da'me male t'añi joda'me adepi'i,

1 Corintios 4:17

Qo'che' joote ami jamaĝalo ñe'me Timoteo, jo'ne joqopita, ena'am ga'me yalec 'me equegue ñe'me Jaliaĝanec, nataq'aen jep'etec ñe'me. Nach'eñe ami netouenaĝaneque qomle da'me yadic queda'me jequegue ñe'me Jesucristo, da'me jo'ne nach'e eta't japaĝaguenataĝanec ena'uaque gaa'me nemaĝaiqui' gaa'me jec'atapegalo.

Hechos 18:5

Ca'li Silas nataq'aen Timoteo yovi't chiyoqoda'a di'me Macedonia, Pablo yataqachiñe yema'eguet da'me 'yaĝatetac da'me 'naqataĝanaĝac nataq'aen yechoĝotetapema joga'me judiopi queda'me Jesús mach'e Dios Liquiyac.

Hechos 17:14

Qalaĝaja gaa'me qadaqaya'olqa yauote da'me qaedi Pablo ja neyaloĝoden da'me ca'e ga'me noic, dajoyi ga'me loogue. Silas nataq'aen Timoteo qamqa'me cha'li ueteda'a di'me Berea.

2 Ts 1:1

Mach'e qo'mi Pablo, Silvano nataq'aen Timoteo, yataqata t'adaic jena'me qadamaic ami jamaĝajaĝalo, ami qadaqaya'olqa p'etaqadayaqa jo'ne Tesalónica laje', naqa'ami jo'ne Dios lec'oqo'tepi nataq'aen da'me ademii'teguet ñe'me Qadejaliaĝanec Jesucristo:

Colosenses 1:1

Jayem Pablo jo'ne jayem lamaĝajec ñe'me Jesucristo, qa'a naq'aeta da'me yepaquetapega joñe'me Dios. Da'me jayem choqoñe'me Timoteo male ami jep'iyena',

Filipenses 2:19

Yataqata jajo'ta joñe'me Qadet'a qaedi ja cop'a jo' qomle da'me ami jamaĝalo joñe'me Timoteo, qaedi ami jayate'n jo' qomle, qama'le yataqata jayem matac jo'.

Romanos 16:21

Timoteo ami yanema da'me lep'iyenataĝanaĝac, mach'e yecochaĝaua da'me qat'onataĝanaĝac; qama'le nach'e ena'am ñe'me Lucio, nataq'aen Jasón choqoñe'me Sosípatro, mach'e 'yachaqadiaĝa'u.

Hechos 14:6

Qalaĝaja Pablo nataq'aen Bernabé, ca'li yayate'n da'me dojo', qama'le dajodegue, yec'adeta di'me Listra nataq'aen Derbe, noyaqa jo'ne neda'ña di'me Licaonia, nataq'aen yema di'me aleua ga'me nedalegue,

Hebreos 13:23

Auayachiñe nayi ga'me mach'e qadaqaya Timoteo da'me joote qoyejoye, qama'le qom ja uayaloq da'me jayem novita, qama'le qolaq qomle da'me ami jec'ataĝalo.

1 Timoteo 1:18

Am yalec Timoteo, nayi am janem jenjo' 'yelopaĝac qaedi oquetalo'te jogaa'me 'laqataqa gaa'me qadaqaya' jo'ne am yachedalegue ca'li, qaedi yataqata eja joga'me at'onatac nale aueloiquitapegue' ga'me ja no'en.

1 Ts 1:1

Mach'e qo'mi, jayem Pablo, choqoñe'me Silvano, chayovida'a ñe'me Timoteo, qadamaic ami janemaĝama, da'me ami p'etaqadaiquipi jo'ne at'achaqadi' di'me noic Tesalónica, jo'ne yataqata ademii'teguet ñe'me Dios Qadet'a choqoñe'me Qadejaliaĝanec Jesucristo. 'Noota qom Dios ami yanema da'me anichoĝodenataguequi nataq'aen da'me at'emaĝaqui.

Filipenses 1:1

Jayem Pablo nataq'aen ñe'me Timoteo, da'me qo'mi Jesucristo lamaĝa's, yataqata jalcote da'me qadamaic ami qauamaĝalo, da'me ami Filipos laje' jo'ne ademii'teguet joñe'me Jesucristo. Nach'eda da'me qadamaic jo'ne janemaĝama gaa'me jo'ne yelolo'te ga'me Dios lec'oqo'tepi choqogaa'me necochaĝa'u nataq'aen yema ga'me Dios lec'oqo'tepi.

Hechos 19:22

Chane'eja ye'uauaĝate' daa'me dojolqa 'me lecochaĝa'u di'me Macedonia, Timoteo nataq'aen Erasto, ñe'me qamqa'me cha'li uo'oe gaa'me noloqo'ote da'me ue'ta di'me Asia.

2 Timoteo 3:11

Nataq'aen auayaten da'me eeta da'me ñe'uaĝanaguec choqoda'me yachoĝodec, ena'ama jogaa'me jayem qo'yeteque ca'li joue'ta di'me noic jo'ne Antioquía, nataq'aen di'me Iconio choqodi'me Listra. ¡Yataqata t'adaic da'me qoyen yachoĝodec! Qalaĝaja yataqachiñe jayem lecochiya ñe'me Jaliaĝanec, yema jayem nec'alaĝate'guejop.

1 Ts 3:6

Qama'le nayi joote 'niyelaq joñe'me Timoteo, chiyoĝogue di'me Tesalónica, qama'le yataqata onaĝaic ga'me 'laqataĝanaĝac, da'me ami yataqata t'añi nayi joga'me adepi'i, chayovida'a da'me adoqopich'ii jo'ne ami uetauelo. Choqoda'me qo'mi t'aqataĝatapema da'me nach'e eta't qo'mi auenachetapegalo da'me qo'mi, yataqata ja qo'mi 'te auapalaĝache'talo, nach'e eta't qo'mi avichoĝodeñi, chayovida'a da'me 'uo ga'me lamaic da'me yitaĝa qo'mi auañiyalo, qama'le nach'e ena'am da'me qo'mi 'uo da'me qadamaic da'me yitaĝa ñauanaĝa't qomle.

2 Corintios 1:19

Qa'a Jesucristo, Lec'oĝot ñe'me Dios, nach'eñe jo'ne qo'yaĝatetac ca'li Silvano choqoñe'me Timoteo nataq'aen jayem jo'ne ami japaĝaguenaqatapeque, ja naqaeda ta'le “jaja'a” qama'te ua'edi paja'a enaac “aja'y.” Dios yanem ñe'me Cristo da'me nach'e eta't eja jo'ne ja yitaĝa yem,

2 Corintios 1:1

Jayem Pablo 'me jayem lamaĝajec ñe'me Cristo Jesús, qa'a naq'aeta da'me loequenataĝanaĝac ñe'me Dios. Ami jep'iye'tape nayi, nach'e ena'am ñe'me qadaqaya Timoteo, da'me ami qadaqaya' p'etaqadaiquipi jo'ne Dios lec'oqo'tolqa 'me oñiya'ña di'me Corinto, nataq'aen uoja'aegaua qadaqaya' 'me neda'ña di'me aleua jo'ne Acaya.

1 Corintios 7:14

Qa'a ga'me jiyaĝaua jo'ne ja p'etaqadaic yovida'ya da'me liyamaĝadenataĝanaĝac ñe'me Dios qa'a yajouaĝat da'me uaĝayet jaga'me yauo jo'ne p'etaqadai; nach'e naq'aeta jaga'me yauo jo'ne ja p'etaqadai yovida'ya da'me liyamaĝadenataĝanaĝac ñe'me Dios qa'a yajouaĝat da'me necoñeteguet joga'me p'etaqadaic. Qom ja naq'aeta, qama'le gaa'me ac'oqo'chedi' ena'am ta'le qaya'te niyamaĝadenatague'j, qalaĝaja yataqata Dios e'n ja 'nalo'te jogaa'me.

Hechos 14:21

Ca'li joote 'yaĝatetedac da'me onaĝaic 'naqataĝanaĝac di'me Derbe, ua'a da'me jalcote ga'me naqachidiñe jo'ne t'amaqatenaĝa'n, qama'le 'viyelaĝadeta di'me Listra, di'me Iconio nataq'aen di'me Antioquía.

Hechos 14:1

Da'me male ueteda'a di'me Iconio, Pablo nataq'aen Bernabé tadoue ga'me judiopi lemaĝaiqui' naq'aeta da'me naeda'ac, qama'le gaa'me 'laqataqa qayoĝode' gaa'me en 'ñemaĝadeta da'me p'iida'a, ga'me judiopi choqogaa'me ja judiopi.

1 Corintios 16:10

Qom ami yovitalo ñe'me qadaqaya Timoteo, 'noota qom ja auauoyi loqolanaĝa da'me ami uetauelo ñe'me, queda'me yema'eguet ye'et da'me 'lonatac jo'ne yanem ñe'me Jaliaĝanec ena'am da'me jayem.

Filemón 1:1

Jayem Pablo, jo'ne necoñetaejec qa'a yajouaĝat da'me japaĝaguenataĝanec da'me dalaĝaic 'naqataĝanaĝac jo'ne onaĝaic 'me chiyaqayi joñe'me Cristo Jesús. Jayem nataq'aen ñe'me qadaqaya Timoteo ja'uo jenjo' yediijec qaedi am jedenaqatena, am qadaqaya Filemón, jo'ne mach'e am qat'onataĝanaĝaua jo'ne am jauotaĝac,