Hechos 15:6 - Nuevo Testamento Toba Sombrero Negro

⁶ Chane'eja yema'a'ajalo gaa'me namaĝa's choqogaa'me 'yaĝaicachidi qaedi qoyelaque ga'me lajoĝoc da'me dojo' 'uo ca'li.

Nuevo Testamento Toba Sur

⁶ Nachi soua Jesús lamaxa'shi qataq soua lÿa't nataxala'te ÿauo'oi so ltaxaÿaxa'c, da yaqto' qailaique ca lataxac de'eda.

La'aqtaqa Ñim Lo'onatac 'Enauacna 2013

⁶ Nache soua Jesús lamaxa'she qataq soua lỹa't nataxala'ate ỹauo'oi so ltaxaỹaxa'c, da yaqto' qailaique ca lataxac de'era.

Hechos 15:6 Referans Kwoze

Hebreos 13:17

Ñaa'me adajoĝola'chidi', 'noota qom auoqochiiyalo, nataq'aen da'me aueñi eja ga'me ami yapaĝagueneque, qa'a nach'eñaua jo'ne ja 'nomatedegue da'me ami netelalo, queda'me yayate'n da'me Dios naloqoten qomle da'me mach'e 'lonataĝanaĝa'j. Chane'eja anapogoĝoiñitapec da'me 'uo da'me lamai'j joñaa'me nale yauote da'me dojo', ena'te aueñi co'yaq da'me 'lonata'j, qa'a ta'le naq'aeta qama'le qaya'te 'uo da'me anaviquila't.

Hebreos 13:7

Anetoviñetaque ñaa'me mach'e adajoĝola'chidi', naqaeñaua jo'ne ami 'yaĝatema ca'li daa'me 'laqataqa ñe'me Dios. Auenachelegue da'me jo'ne chiyaqayi da'me 'loyaĝa'j joñaa'me, qama'le oqui'tegue da'me ee'tec da'me mach'e lepi'iyaĝa'j.

Hechos 15:25

Qo'che' qadalo'ta't da'me qadelnataĝac, queda'me jenaqatapega 'noota ta'le uo'oe gaa'me jiyaĝanaĝanalo jo'ne qo'mi chiyaqauelo qaedi ami dec'atenaĝaneguelo nataq'aen naajo' qadaqaya'olqa jo'ne jauotaĝaque Bernabé choqoñe'me Pablo,

Hechos 21:18

Ga'me nete' laqaya qolaĝague ñe'me Pablo da'me dejapichiya ñe'me Santiago, qama'le nach'e ena'am ue'tajopa gaa'me 'yaĝaicachidi.

Hechos 15:4

Ca'li Pablo nataq'aen Bernabé yovideta di'me Jerusalén, jogaa'me p'etaqadayaqa yelo'ogueta jogaa'me nataq'aen jogaa'me namaĝa's choqogaa'me 'yaĝaicachidi, qama'le t'aqataĝanema jogaa'me yema ga'me jo'ne Dios 'yetaĝanaĝaneque jogaa'me.

Hechos 6:2

Qama'le jogaa'me doce namaĝa's yemata'a'ajalo ena'uaque ga'me p'etaqadaiquipi, qama'le yanema da'me 'laqata'j: —Ja 'noota ta'le janaĝajoĝoñe da'me ja'aĝataqatac da'me dojo' 'laqataĝanaĝac ñe'me Dios qaedi ma'te qadema'a da'me jeloĝolegue da'me qolecochiyalo gaa'me p'ail.

Mateo 18:20

Qa'a qom ga'me dojolqa uotaĝa trejolqa yema'a't yajouaĝat da'me jayem yemetede'eguet, qama'le jouetañe laeñi jogaa'me.”

Hechos 11:30

Naq'aeta da'me yauote, qama'le qoyen yelodelegue ñe'me Bernabé nataq'aen Saulo yamaĝalo jaga'me lajaqaje' joga'me 'yaĝaicachidipi jo'ne neda'ña di'me Judea.

Hechos 15:2

Pablo nataq'aen Bernabé yataqachiñe jalcote da'me necotayapegue'to jogaa'me, qama'le qopacapega ta'le Pablo nataq'aen Bernabé choqogaa'me laqaya' jogaa'me, qaedi yec'adeta di'me Jerusalén da'me qonecotayapiye da'me 'uo jogaa'me namaĝa's choqogaa'me 'yaĝaicachidipi 'me neteda'ña di'me noic.

Hechos 15:22

Jogaa'me namaĝa's nataq'aen jogaa'me 'yaĝaicachidi, choqoga'me ena'uaque ga'me p'etaqadaiquipi, 'yamaqate'n ta'le uo'oe gaa'me yiyaĝanalo 'me chiyaqauelo jogaa'me qaedi qoyamaĝata di'me Antioquía, qoyapetenouelo ñe'me Pablo nataq'aen Bernabé. Chane'eja qoyiyaĝana ñe'me Judas, jo'ne nach'e ena'am lenaĝat Barsabás, nataq'aen Silas, jiyaĝa'u jo'ne di'yaĝalo jogaa'me qadaqaya'olqa,

Hechos 16:4

Qama'le yema gaa'me noyaqolqa jo'ne yec'atapegalo, 'yaĝatetapema jogaa'me qadaqaya'olqa jodaa'me loqotenaĝanaĝaco jogaa'me namaĝa's nataq'aen jogaa'me 'yaĝaicachidi 'me neteda'ña di'me Jerusalén.