Hechos 15:4 - Nuevo Testamento Toba Sombrero Negro

⁴ Ca'li Pablo nataq'aen Bernabé yovideta di'me Jerusalén, jogaa'me p'etaqadayaqa yelo'ogueta jogaa'me nataq'aen jogaa'me namaĝa's choqogaa'me 'yaĝaicachidi, qama'le t'aqataĝanema jogaa'me yema ga'me jo'ne Dios 'yetaĝanaĝaneque jogaa'me.

Nuevo Testamento Toba Sur

⁴ Nachi so Pablo qataq so Bernabé co'ollaq ivildeu'a yi Jerusalén, nachi na 'amqajnataxanaxaicpi qataq soua Jesús lamaxa'shi, qataq soua nataxala'te ÿataqta ÿoqochi'igueta soomayi. Nachi soomayi i'axattrac 'enauac nam i'oteque ñi Dios soomayi.

La'aqtaqa Ñim Lo'onatac 'Enauacna 2013

⁴ Nache so Pablo qataq so Bernabé co'ollaq ivildeua'a ye Jerusalén, nache na 'amqaanataxanaxaicpi qataq soua Jesús lamaxa'she, qataq soua lataxala'ate na 'amqaanataxanaxaicpi qochetegueto soomaye. Nache so Pablo qataq so Bernabé ỹa'axattrac 'enauac nam ỹo'otpi Ñim Lo'onatac 'Enauacna da ỹachegoxotchiguilo soomaye.

Hechos 15:4 Referans Kwoze

Hechos 15:12

Ena'uaque 'nemaĝadiñe jogaa'me nataq'aen naquiaĝata ñe'me Pablo nataq'aen Bernabé da'me 'yaĝa'tape gaa'me 'nanaqa choqogaa'me nañoqotaĝanaĝaco jo'ne Dios 'yetaĝanaĝaneque jogaa'me da'me tauelo q'ae'n joga'me ja judiopi.

Hechos 14:27

Ca'li yovideta di'me Antioquía, yemata'a'ajalo gaa'me jo'ne 'uo da'me lepe'e' qama'le 'yaĝatetapema ena'uaque gaa'me p'ajodaye uo'oe 'me Dios 'yetaĝanaĝaneque ca'li jogaa'me, nataq'aen da'me eeta ca'li ñe'me Jaliaĝanec ya'uo ladiideuo joga'me jo'ne ja judiopi, nach'e ena'am jogaa'me p'iida'a.

Hechos 15:3

Chane'eja lamaĝa's ca'li ga'me p'etaqadaiquipi jo'ne Antioquía laje', mane'e da'me tadelegue di'me aleua jo'ne Fenicia nataq'aen Samaria 'yaĝatetedac da'me eeta ca'li ga'me ja judiopi queda'me yaĝadegue joda'me toye's lepe'eco qaedi quetegue ñe'me Dios. Chane'eja ena'uaque jogaa'me qadaqaya'olqa jalcote made'tapolqa ca'li domachita da'me dojo' 'naqataĝanaĝac.

Romanos 15:18

qa'a ja ch'e yichicalegue da'me gamachaqaega ja'aĝatetac, dite da'me Cristo jayem yanem 'me jayem ch'e na'ya q'aen, qaedi ga'me ja judiopi yaqanate't da'me yoqochideta ñe'me Dios. Jauo'oe daa'me 'yaqataqa choqodaa'me 'yonataqa 'me di'yo't da'me je'et da'me dojo'.

Hechos 21:17

Ca'li jovitaĝa di'me Jerusalén, jogaa'me qadaqaya'olqa jalcote made'tapolqa ca'li yauanalo.

2 Juan 1:10

Qom 'uo gamachaqaega ami dejapichiyalo jo'ne ja dapaĝaguenataĝanec da'me dojo' Cristo lapaĝaguenataĝanaĝac, ena'te aueñi taue ga'me at'emequi uotaĝa ta'le auep'iyeñi;

Colosenses 4:10

Aristarco, jo'ne ñecoñetaĝaua, ami yamaĝalo da'me lep'iyenataĝanaĝac, nach'e ena'am ñe'me Marcos 'me lanoqolec ñe'me Bernabé. Joote ami jaqateque da'me qom ami dejapichiyalo ñe'me Marcos, 'noota qom a'nonaĝachigui da'me aueloyiguet.

2 Corintios 6:1

Da'me qo'mi male je'etaq ga'me 'lonatac ñe'me Dios; qo'che' ami ñachoĝodenaqatapecoto qaedi ena'te aualajaĝañiya yema da'me loqopich'i ñe'me Dios jo'ne ami yaloĝonalo.

2 Corintios 5:19

Chane'eja ja'aĝataqatac da'me dojo' onaĝaic 'naqataĝanaĝac yema jena'me aleua: ñe'me Cristo nach'eñe chiyaqayi da'me qoyapalaĝa't jodaa'me qadoeco, nataq'aen ena'uac yanema da'me 'nemaĝac.

1 Corintios 15:10

Qalaĝaja nach'eñe ñe'me Dios jo'ne jayem yichoĝoden, ya'uo da'me qaedi nayi male jayem lamaĝajec joñe'me Cristo, nataq'aen da'me lichoĝodenataĝanaĝac ñe'me Dios 'uo da'me jalayaĝac, qa'a yataqachiñe t'adaic da'me 'yonataĝanaĝac, ja jena'ama gaa'me namaĝa's laqaya'. Qalaĝaja ja mach'e 'yonataĝanaĝac, dite da'me jayem 'yonataĝanaĝan da'me lichoĝodenataĝanaĝac ñe'me Dios.

Romanos 15:7

Chane'eja 'noota qom onolqa'tape ami auacoñiyegueta gaa'me adaqayadi', nach'e naq'aeta ñe'me Cristo da'me ami yaconegueta qaedi qoyi'yoĝodetac ñe'me Dios.

Hechos 21:19

Pablo yep'iye'tape jogaa'me, yem qama'le yipaĝachiñe da'me 'yaĝa'tape gaa'me uo'oe jo'ne Dios en na'yalo ga'me ja judiopi.

Hechos 18:27

Ca'li Apolo jetaque taya'ague di'me aleua Acaya, jogaa'me qadaqaya'olqa yate'm da'me lecochaĝa'j, nataq'aen yauote jaga'me lediije' qaedi yedenaqatenalo ga'me p'etaqadaiquipi da'me daja', qaedi qoyelo'ogueta joga'me. Chane'eja ca'li Apolo yovita di'me Acaya, yataqachiñe lecochiyalo gaa'me jo'ne p'iida'a ca'li, jouaĝat da'me lichoĝodenataĝanaĝac ñe'me Dios.

Mateo 10:40

Qom 'uo ga'me ami yaconegueta, qama'le naqayem da'me jayem yaconeguet; nataq'aen ga'me jo'ne jayem yaconeguet, qama'le nach'e ena'am yaconeguet ñe'me jo'ne jayem namaĝaquena.

Hechos 11:30

Naq'aeta da'me yauote, qama'le qoyen yelodelegue ñe'me Bernabé nataq'aen Saulo yamaĝalo jaga'me lajaqaje' joga'me 'yaĝaicachidipi jo'ne neda'ña di'me Judea.

Hechos 15:2

Pablo nataq'aen Bernabé yataqachiñe jalcote da'me necotayapegue'to jogaa'me, qama'le qopacapega ta'le Pablo nataq'aen Bernabé choqogaa'me laqaya' jogaa'me, qaedi yec'adeta di'me Jerusalén da'me qonecotayapiye da'me 'uo jogaa'me namaĝa's choqogaa'me 'yaĝaicachidipi 'me neteda'ña di'me noic.

Hechos 15:6

Chane'eja yema'a'ajalo gaa'me namaĝa's choqogaa'me 'yaĝaicachidi qaedi qoyelaque ga'me lajoĝoc da'me dojo' 'uo ca'li.

Hechos 15:22

Jogaa'me namaĝa's nataq'aen jogaa'me 'yaĝaicachidi, choqoga'me ena'uaque ga'me p'etaqadaiquipi, 'yamaqate'n ta'le uo'oe gaa'me yiyaĝanalo 'me chiyaqauelo jogaa'me qaedi qoyamaĝata di'me Antioquía, qoyapetenouelo ñe'me Pablo nataq'aen Bernabé. Chane'eja qoyiyaĝana ñe'me Judas, jo'ne nach'e ena'am lenaĝat Barsabás, nataq'aen Silas, jiyaĝa'u jo'ne di'yaĝalo jogaa'me qadaqaya'olqa,

Hechos 16:4

Qama'le yema gaa'me noyaqolqa jo'ne yec'atapegalo, 'yaĝatetapema jogaa'me qadaqaya'olqa jodaa'me loqotenaĝanaĝaco jogaa'me namaĝa's nataq'aen jogaa'me 'yaĝaicachidi 'me neteda'ña di'me Jerusalén.