Hechos 14:1 - Nuevo Testamento Toba Sombrero Negro

¹ Da'me male ueteda'a di'me Iconio, Pablo nataq'aen Bernabé tadoue ga'me judiopi lemaĝaiqui' naq'aeta da'me naeda'ac, qama'le gaa'me 'laqataqa qayoĝode' gaa'me en 'ñemaĝadeta da'me p'iida'a, ga'me judiopi choqogaa'me ja judiopi.

Nuevo Testamento Toba Sur

¹ Qaq huetra'a yi Iconio so Pablo qataq so Bernabé, nachi soomayi nqo'oodeu'a aso laponaxaqui na judiopi, nachi da'aqtaxaata'pe. Nachi ÿataqta qalota na da'amqajnataxan nam judiopi, qataq ivida'a nam saq judiopi.

La'aqtaqa Ñim Lo'onatac 'Enauacna 2013

¹ Co'ollaq so Pablo qataq so Bernabé ivilda ye nỹecpi ye Iconio, nache soomaye nqo'ooreua'a aso napaxaguenaxaqui na judiopi. Huaña, nache ỹa'axattrac So Jesús da'aqtaxaatrapeguem na shiỹaxauapi. Nache ỹataqta qalota na da'amqaanataxan nam judiopi, qataq ivira'a nam saq judiopi.

Hechos 14:1 Referans Kwoze

Hechos 18:4

Qama'le nalochigui naa'me noloqo'ote 'me niyamaqataqa, Pablo yec'ata nale ga'me judiopi lemaĝaiqui', ua'a nale dojetac, jetaque yepaquetapega da'me 'ñemaĝachidiñe ga'me judiopi nataq'aen ga'me ja judiopi.

Hechos 13:51

Chane'eja ñaa'me yichiyoĝolo'te naa'me lapia'te, 'lane'j jo'ne yelo'teguet da'me ja yitaĝa t'aqataĝanema qomle joga'me jiyaĝadipi. Yem qama'le dajotegue di'me noic Iconio.

Hechos 13:46

Qama'le Pablo nataq'aen Bernabé 'uo da'me 'lañaĝa'j da'me doje'tape, 'yategueta: —Qo'mi qoyanema da'me qa'nelopaguec qaedi ja'aĝataqatac da'me Dios lep'iquenataĝanaĝac a'uaviñe ami jo'ne judiopi. Qalaĝaja queda'me a'uoitapeguet, nataq'aen ja auacoñiyeguet da'me at'oyaĝaqui 'me ja 'naidena'a qomle, male jec'ataĝalo nayi gaa'me jo'ne ja judiopi.

Hechos 14:21

Ca'li joote 'yaĝatetedac da'me onaĝaic 'naqataĝanaĝac di'me Derbe, ua'a da'me jalcote ga'me naqachidiñe jo'ne t'amaqatenaĝa'n, qama'le 'viyelaĝadeta di'me Listra, di'me Iconio nataq'aen di'me Antioquía.

Gálatas 3:28

Chane'eja male ja p'ajaye da'me ami judiopi uotaĝa ja ami 'te judiopi, qom ami nelataqa uotaĝa uojotedañi, uotaĝa ami le'emdipi uotaĝa ami yauodipi, qa'a ena'uaque ami qoyapetenegueta ñe'me Cristo qama'le ena'uac nalo'ta't.

Romanos 10:12

Ga'me judiopi le'ec ja napacalegue ga'me ja judiopi le'ec, qa'a nach'eñe ñe'me Jaliaĝanec nataq'aen lejaliaĝane'j ena'uac jogaa'me, nataq'aen ja jematatapeguem da'me 'uo ga'me yanem ga'me jo'ne 'yaĝatetac joñe'me.

Romanos 1:16

Ja jepocoĝolegue da'me dojo' onaĝaic 'naqataĝanaĝac, qa'a nach'eda lañoqotaĝanaĝac ñe'me Dios qaedi ena'uaque gaa'me jo'ne p'iida'a yededalegue da'me qonec'alaĝatedegue, nach'egaua joga'me judiopi jo'ne 'uaediñe, qama'le nach'e ena'ama yema joga'me jiyaĝadipi.

Hechos 19:17

Ena'uaque gaa'me jo'ne neda'ña di'me Éfeso, judiopi choqoga'me ja judiopi nomeda'a, qama'le jalcote da'me loqolanaqa't. Nach'eda eeta da'me nichiquetaye da'me natetonaguec da'me lenaĝat ñe'me Jaliaĝanec Jesús.

Hechos 19:8

Nalo'taguet tres gaa'me auoĝoyaqa, Pablo yec'atapega ga'me nemaĝaiqui, ua'a nale 'yaĝatetac da'me 'naqataĝanaĝac, qaya'te gamachaqaega loqolanaĝa, qama'le t'aqataĝatac nataq'aen jetaque 'ñemaĝachidiñe ga'me jiyaĝadipi da'me lejaliaĝa ñe'me Dios.

Hechos 18:8

Choqoñe'me Crispo 'me yelolegue ga'me nemaĝaiqui p'iya'a ñe'me Jaliaĝanec, nataq'aen yemeda ga'me mach'e c'oqo'tepi. Nataq'aen nach'e ena'am qayoĝode' gaa'me Corinto laje', ca'li domachita da'me 'naqataĝanaĝac, p'iida'a qama'le qonachilaĝa'n.

Hechos 17:12

Qama'le naq'aeta da'me jalcote gaa'me p'iida'a, nataq'aen jalcote gaa'me griegopi 'me p'iida'a, gaa'me yauo' nataq'aen gaa'me le'mi.

Hechos 17:4

Uo'oe ga'me judiopi jo'ne p'iida'a qama'le uaĝayeta' ñe'me Pablo nataq'aen Silas. Nach'e ena'am jalcote ga'me griegopi p'iida'a, jo'ne jalchi'ena 'nonaĝachidegue joñe'me Dios, nataq'aen qayoĝode' gaa'me yauo' jo'ne p'ajodaye.

Hechos 13:43

Ca'li joote yataqachiñe yem ga'me yema'a't jo'ne qoyachaue ga'me nemaĝaiqui, jalcote ga'me judiopi nataq'aen joga'me jo'ne tadoue ga'me judiopi lepe'e quetegue ñe'me Pablo nataq'aen Bernabé. Qama'le noqotetapegalo jogaa'me qaedi 'nañaĝatela'ajalo da'me quetedalegue da'me joote yacoteguet 'me chiyaqayi da'me lichoĝodenataĝanaĝac ñe'me Dios.

Hechos 11:21

Joda'me lañoqotaĝanaĝac ñe'me Jaliaĝanec uetauelo jogaa'me, qama'le naq'aeta da'me qayoĝode' gaa'me jo'ne yaĝadegue ga'me toye's lepe'eco qama'le p'iida'a ñe'me Jaliaĝanec.

Hechos 9:20

Ua'edi Saulo t'aqataĝatapegouelo ga'me nemaĝaiqui' queda'me Jesús nach'eñe c'oĝot ñe'me Dios.

Hechos 21:28

niyaĝatedapejeguem: “¡Ami israelpi, qo'mi alecochiiyalo! Naqaena jena'me jenjo' jiyaĝaua jo'ne ja onolec ga'me ua'a dapaĝaguenataĝatapec ga'me jo'ne nautena ga'me qadayi, nautenalo gaa'me namaĝajoĝonaĝaco jo'ne chiyoqodo'ot ñe'me Moisés nataq'aen nautena jena'me jenjo' qanetamenaĝaiqui. Uoja'eda, nayi uo'oe ga'me griegopi jo'ne yenoĝonaqatede'uo na'me tamenaĝaiqui, en paĝachigui q'aen ga'me chalataqa' 'me ja 'nalegue.”

Hechos 20:21

Ga'me judiopi nataq'aen ga'me ja judiopi ja'aqataĝanema queda'me 'noota ta'le 'viyelaĝadetot joñe'me Dios nataq'aen 'noota ta'le p'iida'a ñe'me Qadejaliaĝanec Jesús.

Hechos 17:17

Qo'che' ñe'me Pablo nataq'aen jogaa'me p'iida'a ñe'me Dios necotayapegue'to nale ga'me judiopi nale uetedaue ga'me nemaĝaiqui', nataq'aen yemeda naa'me noloqo'ote choqoga'me uaĝayeta 'uo da'me necotaĝa'j nale ueda'a ga'me noic laeñi jo'ne nocoegaĝac.

Hechos 16:1

Pablo yovita di'me Derbe nataq'aen Listra, nach'edi ua'a da'me uada'aguet ñe'me p'etaqadaic lenaĝat Timoteo, c'oĝot jañe'me yauo judía nataq'aen let'a ga'me griego,

Hechos 14:2

Qalaĝaja joga'me judiopi jo'ne ja p'iida'a en nautenaĝanegueta ga'me ja judiopi jogaa'me qadaqaya'olqa.

Hechos 13:5

Ca'li yovideta ga'me napi'ña jana'me licota di'me Salamina, paja'a da'me 'yaĝatetedac da'me 'laqataĝanaĝac ñe'me Dios, uetauelo gaa'me lemaĝaiqui' jogaa'me judiopi. Ñe'me Juan nach'e ena'am quetauelo jogaa'me, lecochitapegalo.

Juan 12:20

Ga'me jiyaĝadipi jo'ne dajotegue di'me Jerusalén da'me yema'ajalo jaa'me noloqo'ote jo'ne neualaĝayaĝaiqui, uo'oe gaa'me jo'ne griegopi.

Juan 7:35

Jogaa'me judiopi lajoĝola'te male mach'e nenatetapega't onolqa'tape, yenate'tape jogaa'me laqaya': —¿Jach'e jogamaĝa yec'ata da'me jetaque ec, da'me qaedi ja jaqanatetaq ta'le yitaĝa jauanaĝa? ¿Qo'li ec qaedi yec'atalo jogaa'me judiopi jo'ne nelagaĝa, qama'le uetauelo jogaa'me jo'ne ja judiopi qaedi yapaĝague'n jogaa'me?

Colosenses 3:11

Male qaya'te lajo'viyaĝac da'me am griego uotaĝa am judío, uotaĝa ta'le 'uo ga'me nichaĝajoĝonaĝac uotaĝa ta'le qaya, uotaĝa ta'le am yaqa'a le'ec uotaĝa viaĝa le'ec, uotaĝa ta'le am nelatac uotaĝa ja am 'te nelatac. Nach'eñeta ñe'me Cristo jo'ne yemata'a't yema nataq'aen ena'uaque uetauelo.

Gálatas 2:3

Jogaa'me ja paquetedapega ta'le ñe'me yequiaĝaua Tito yaconeguet da'me nichaĝajoĝonaĝac; nach'eñe jo'ne ja judío le'ec.

Hechos 19:10

chane'eja naq'aeta da'me ya'uo, nalo'tagueta dos gaa'me 'uoidi, nach'eda eeta da'me ena'uaque gaa'me jo'ne neda'ña di'me aleua jo'ne Asia, ga'me judiopi nataq'aen ga'me ja judiopi domachita da'me 'laqataĝanaĝac ñe'me Jaliaĝanec.

Marcos 7:26

Jañe'me yauo ja judía ca'li, dite da'me jalchi'ena Sirofenicia laje. Qama'le nachoĝodenot joñe'me Jesús ca'li qaedi yamaĝaye ga'me payac jo'ne uetaye jaga'me c'oqote.

Hechos 2:47

'Nonaĝachidegue ñe'me Dios nataq'aen qonedo'teneque jogaa'me; nataq'aen yemeda naa'me noloqo'ote en nichiquetaye ga'me napetenegueta joga'me p'etaqadaiquipi ñe'me Jaliaĝanec, gaa'me jo'ne naqaegaua yiyaĝanalo ñe'me, qaedi qonec'alaĝatedegue.

Hechos 14:19

Qanach'e ua'a da'me yovi't ga'me judiopi chiyoqoda'a di'me Antioquía nataq'aen Iconio, jo'ne 'ñemaĝachidiñe ga'me lelnataĝa'j ga'me jiyaĝadipi. Chane'eja qoyijaĝac ga'me qadipi ñe'me Pablo qama'le yepetedapega da'me joote yeleu, qoyauegue'ga ga'me p'aye di'me noic.

Hechos 16:2

qama'le jogaa'me qadaqaya'olqa 'me Listra laje' nataq'aen di'me Iconio, ena'uaque 'nonaĝachidegue ñe'me.

2 Timoteo 3:11

Nataq'aen auayaten da'me eeta da'me ñe'uaĝanaguec choqoda'me yachoĝodec, ena'ama jogaa'me jayem qo'yeteque ca'li joue'ta di'me noic jo'ne Antioquía, nataq'aen di'me Iconio choqodi'me Listra. ¡Yataqata t'adaic da'me qoyen yachoĝodec! Qalaĝaja yataqachiñe jayem lecochiya ñe'me Jaliaĝanec, yema jayem nec'alaĝate'guejop.