Hechos 13:8 - Nuevo Testamento Toba Sombrero Negro

⁸ Qalaĝaja ñe'me pi'yoĝonaq jo'ne lenaĝat laqaya 'me griego 'laqatac da'me Elimas yataqata nauatapegueta ca'li, jetaque da'me ja 'yamaqaten ñe'me nejaliaĝanec qaedi ja p'iya'a.

Nuevo Testamento Toba Sur

⁸ Qalaxayi som pi'oxonaq mayi da lÿa l'enaxat Elimas, somayi ÿataqta ncotatapegueto soomayi, qataq nqanaxattac so nta'a, da yaqto' sa ishit da da'amqajnataxan.

La'aqtaqa Ñim Lo'onatac 'Enauacna 2013

⁸ Qalaxaye som pio'oxonaq maye da lỹa le'enaxat Elimas, somaye ỹataqta ncotategueto soomaye, qataq nqanaxattac so nta'a, da yaqto' saishet da ỹa'amaqten So Qarataxala'.

Hechos 13:8 Referans Kwoze

2 Timoteo 3:8

Qama'le naa'me naajo' jiyaĝa'u ena'ama jodia'me Janes choqodi'me Jambrés ca'li nauoteteda ñe'me Moisés, qama'le nach'e ena'ama naa'me naajo' jiyaĝa'u nauoteteda da'me yataqata eja. Nach'egaua jiyaĝa'u jo'ne ja 'noe'n naa'me lai'li, nataq'aen joote qoyajaĝadegue jena'me jenjo' qadepi'iyaĝac.

Hechos 13:12

Ca'li yauana da'me dojo', ñe'me jaliaĝanec p'iya'a, yoqoch'em da'me napaĝaguenataĝanaĝac jo'ne 'yaĝatetac ñe'me Jaliaĝanec.

Hechos 9:36

Jaa'me jaajo' noloqo'ote ga'me noic jo'ne Jope na'ña jañe'me p'etaqadai lenaĝat Tabitá, jo'ne griego 'laqatac yelo'teguet Dorcas. Janjo' yauo yema da'me nejiyaĝauayaĝac 'yetetac da'me 'noota nataq'aen lecochiyalo gaa'me 'uo da'me louenaĝanaĝa'j.

Hechos 8:9

Qalaĝaja 'uo ca'li ñe'me 'lachaqaidi lenaĝat Simón, jo'ne joote joca'li da'me 'yetetac da'me napinec nataq'aen jo'ne yoqovi'tape ca'li ga'me jiyaĝadipi di'me Samaria, eetapela't jiyaĝaua jo'ne p'ajaye.

Hechos 6:7

Joda'me 'laqataĝanaĝac ñe'me Dios nichiquetaye da'me qo'yaĝatetac, qama'le ga'me p'etaqadaiquipi jo'ne Jerusalén laje'pi jalcote da'me nichiquetaye, chayovida'alo qayoĝode' ga'me judiopi tamenaĝaiqui lo'olpi yacoteguet da'me 'naqataĝanaĝac.

Juan 1:41

Qama'le Andrés paja'a da'me yelaque ñe'me mach'e laqaya Simón qama'le eetac: —Qo'mi joote jauanaĝa ñe'me Mesías (jo'ne yeloteguet da'me Dios Liquiyac.)

Hechos 18:12

Qalaĝaja gaa'me noloqo'ote ca'li ñe'me Galión nejaliaĝatelegue di'me Acaya, joga'me judiopi yema'a't ca'li da'me nauteteguet ñe'me Pablo; yeuede'uo ga'me nojaĝaiqui

Hechos 19:38

Ta'le Demetrio nataq'aen jogaa'me lecochaĝa'u joñe'me 'uo ga'me ja yiyamaĝadetec gamachaqaega, uo'oe gaa'me jo'ne yelodelegue ga'me jiyaĝadipi nataq'aen jogaa'me jo'ne yachimaĝachidiñe nale ga'me 'uo; 'noota ta'le naqaegaua dojapegue'to gaa'me jaliaĝanaqa qama'le onolqa'tape de'uolegue ga'me chimaqachiñe 'lonatac.