Hechos 13:6 - Nuevo Testamento Toba Sombrero Negro

⁶ Yema jaga'me nepole quedalegue ca'li qama'le yovideta di'me Pafos, ua'a da'me 'uo ñe'me yejomedalegue pi'yoĝonaq judío lenaĝat Barjesús, eetapela't Dios 'laqataĝanaĝanec.

Nuevo Testamento Toba Sur

⁶ Nachi soomayi co'ollaq ime da i'axasoxoodelec aso ÿaqa'ata 'alhua, nachi qaivitta'a yi la ciudad Pafos. Qaq huaña yimayi, nachi qanatenalec so judío l'ec, l'enaxat Barjesús, pi'oxonaq, somayi ÿataqta tenataxanaxaic, 'eetega da l'aqtaxanaxanec ñi Dios.

La'aqtaqa Ñim Lo'onatac 'Enauacna 2013

⁶ Nache soomaye co'ollaq ime da ỹa'axasoxoorelec aso ỹaqa'ata 'alhua, nache ivittaxaamalo ye ñegaxasom le'enaxat Pafos. Qaq huaña yemaye, nache nateeralec so judío le'ec, le'enaxat Barjesús, pio'oxonaq, somaye ỹataqta tenataxanaxaic, 'eetega da la'aqtaxanaxanec Ñim Lo'onatac 'Enauacna.

Hechos 13:6 Referans Kwoze

Mateo 7:15

“Achiya'agueta gaa'me qovinaĝanaĝayaqa jo'ne eetapela'ajalo 'yaĝatetedac ñe'me Dios, jo'ne nojomaĝaquidi'ña da'me 'naĝanaĝate 'loyaĝac da'me ami nec'atalo, qalaĝaja naqaegaua yejidi jo'ne diquiya'ape.

1 Juan 4:1

Ami yaqaya'olqa, ena'te anaqapaĝañiyegueta gaa'me jo'ne ami yapaĝague'n, dite da'me cha'li auapiyeñi jogaa'me, qom eja chiyoqodayi joñe'me Dios. Qa'a uo'oe gaa'me qayoĝode' jo'ne ueda'a jena'me aleua, jo'ne qovinaĝanaĝaiquipi jo'ne enapega'ajalo 'yaĝatetedac joñe'me Dios.

2 Corintios 11:13

Qa'a jogaa'me nach'edata da'me pecayaqa 'me eetapela'ajalo namaĝa's, nataq'aen qovinaĝanaĝayaqa jo'ne ch'e nojomaĝaquidi'ña da'me eetapela'ajalo Cristo lamaĝa's.

Marcos 10:46

Qama'le yovideta di'me Jericó. Mane'e ca'li yenoĝonegue ñe'me Jesús da'me ca'e ga'me noic, qama'le jogaa'me lapaĝaguenataqa quetedapegue', nataq'aen joga'me jiyaĝadipi jo'ne jalcote. Qama'le 'uo ñe'me jelaĝanaĝaic jo'ne qanam lenaĝat Bartimeo, c'oĝot ñe'me Timeo, ñichiñe, neta'ña lae ga'me naq'aec.

Mateo 24:24

Qa'a novi't qom'te gaa'me pecayaqa jo'ne eetapela'ajalo Dios liquiyaqa, nataq'aen gaa'me qovinaĝanaĝayaqa jo'ne eetapela'ajalo Dios 'laqataĝanaĝanaqa; qama'le nach'egaua yauo'oe gaa'me 'lanaqa nataq'aen gaa'me lañoqotaĝanaĝaco jo'ne p'ajodaye qaedi doqovinaĝa'n, da'me jetaque yañoĝo't chayovida'alo gaa'me Dios lec'oqo'tolqa jo'ne mach'e liquiyaqa.

Mateo 16:17

Chane'eja Jesús enaac: —Am matacolec Simón, Jonás lec'oĝot, qa'a ja ch'e auachiyoĝotayelo gaa'me jiyaĝa'u da'me auateton, dite da'me am yatetonaĝanec ñe'me Taĝadena' 'me na'ague di'me piyem.

Apocalipsis 19:20

Qama'le ñe'me jiyac polio' male paja'a da'me qoyecoñe' choqoñe'me jo'ne ja eja da'me lapaĝaguenataĝanaĝac, ñe'me jo'ne nach'eñe 'me yachiyoĝotayi da'me yauo'oe naa'me 'nanaqa jo'ne chiyaqayi q'aen da'me uo'oe gaa'me yoqovi'n jo'ne yaje'tema da'me yanayelo joga'me mach'e lenaĝat ñe'me jiyac polio', chayovida'a da'me qoyi'yoĝode'n ca'li joga'me jiyac polio' lequi'i. Qama'le ñe'me jiyac polio' choqoñe'me jo'ne ja eja da'me lapaĝaguenataĝanaĝac male qoyajaĝadiñgui jaga'me limaĝañi jo'ne uetañgui ga'me dole' let'adaic.

2 Timoteo 3:8

Qama'le naa'me naajo' jiyaĝa'u ena'ama jodia'me Janes choqodi'me Jambrés ca'li nauoteteda ñe'me Moisés, qama'le nach'e ena'ama naa'me naajo' jiyaĝa'u nauoteteda da'me yataqata eja. Nach'egaua jiyaĝa'u jo'ne ja 'noe'n naa'me lai'li, nataq'aen joote qoyajaĝadegue jena'me jenjo' qadepi'iyaĝac.

Hechos 13:8

Qalaĝaja ñe'me pi'yoĝonaq jo'ne lenaĝat laqaya 'me griego 'laqatac da'me Elimas yataqata nauatapegueta ca'li, jetaque da'me ja 'yamaqaten ñe'me nejaliaĝanec qaedi ja p'iya'a.

Hechos 13:13

Pablo nataq'aen jogaa'me lecochaĝa'u nedañgui jaga'me licota di'me Pafos qama'le dajotegue di'me Perge, mach'e aleua jo'ne Panfilia. Qalaĝaja Juan ca'ae qama'le 'viyelaĝa di'me Jerusalén.