Hechos 13:4 - Nuevo Testamento Toba Sombrero Negro

⁴ Yem da'me dojo' qama'le ñe'me Dios Lepaqal yama' ñe'me Bernabé nataq'aen Saulo, qama'le dajotegue di'me Seleucia, qama'le nach'edi ua'a da'me nedañgui jaga'me licota jo'ne dajoyi di'me Chipre.

Nuevo Testamento Toba Sur

⁴ Qaq co'ollaq ime de'eda, nachi so Espíritu Santo ÿama'q so Bernabé qataq so Saulo, nachi soomayi tadegue da Seleucia. Qaq huaña yimayi, nachi huenotreuo da nqo'ootra yi ÿaqa'ata 'alhuolec, l'enaxat Chipre.

La'aqtaqa Ñim Lo'onatac 'Enauacna 2013

⁴ Qaq co'ollaq ime de'era, nache So Saqcha'a Na'añaxac Qui'itta ỹama'q so Bernabé qataq so Saulo, nache soomaye taregue da Seleucia. Qaq huaña yemaye, nache huenotreuo da nqo'ootra añi ỹaqa'ata 'alhuole, le'enaxat Chipre.

Hechos 13:4 Referans Kwoze

Hechos 4:36

Nach'eda da'me eeta ca'li ñe'me lecochaĝaua' gaa'me tamenaĝaiqui lo'ol jo'ne lenaĝat José, mach'e yataqachiñe 'lachaqa' jaga'me nepe jo'ne Chipre, qama'le jogaa'me namaĝa's e'n lenaĝat laqaya Bernabé (jo'ne yelo'teguet: “C'oĝot da'me noyaĝanataĝanaĝac.”)

Hechos 13:2

'Uo jo'me nolo' ca'li cha'li yema'a't, 'nonaĝachidegue ñe'me Jaliaĝanec nataq'aen noqouaqatela'ajalo, qama'le ñe'me Dios Lepaqal t'aqataĝanema jogaa'me, enaac: “Aviyochiya'a ñe'me Bernabé nataq'aen Saulo qa'a 'uo ga'me jen 'lonata'j: qo'che' jiyaĝanalo.”

Hechos 11:19

Ca'li yoĝo'yi da'me leleuaĝa di'me Esteban qama'le yataqata qoyecaa'tape joga'me p'etaqadaiquipi, chiyaqayi da'me dojo' uo'oe gaa'me yapiyetegue di'me Fenicia, Chipre nataq'aen Antioquía. Nach'edi ueda'a da'me t'aqataĝatapema joga'me judiopi da'me 'naqataĝanaĝac jo'ne onaĝaic, qalaĝaja ja naq'aeta ga'me 'yeteque jogaa'me jiyaĝa'u laqaya'.

Hechos 27:4

Jachiyaqa'ña di'me Sidón, qama'le qanequedaĝataĝana'a jañe'me nepe jo'ne Chipre, qa'a jajoqo'teguet ga'me layat ca'li.

Hechos 20:23

Nach'edata da'me jayaten queda'me yemeda gaa'me noyaqa jo'ne jec'atapegalo, ñe'me Dios Lepaqal jo'ne ja 'nalegue jayem 'yaĝatem queda'me jayem yeuatetaque da'me ñecoñetaguec nataq'aen jalcote da'me yachoĝodec qomle.

Hechos 13:3

Chane'eja ca'li yem da'me netame'tape nataq'aen noqouaqatetapela'ajalo, nataq'aen qoyachalo'te naa'me noua' qama'le qoyep'iye'n da'me eque'.

Hechos 15:36

Ca'li uo'oe gaa'me noloqo'ote jo'ne yenoĝodegue, Pablo dojapegue' ñe'me Bernabé, enaac: —Yitaĝa jejapichaĝalo jogaa'me qadaqaya'olqa ena'uaque gaa'me noyaqa jo'ne joote ja'aqataĝanaqatapema da'me 'laqataĝanaĝac ñe'me Jaliaĝanec, qaedi jayatenaq ga'me eete'.