Biblia Todo Logo
Bib sou entènèt

- Piblisite -




Hechos 13:2 - Nuevo Testamento Toba Sombrero Negro

2 'Uo jo'me nolo' ca'li cha'li yema'a't, 'nonaĝachidegue ñe'me Jaliaĝanec nataq'aen noqouaqatela'ajalo, qama'le ñe'me Dios Lepaqal t'aqataĝanema jogaa'me, enaac: “Aviyochiya'a ñe'me Bernabé nataq'aen Saulo qa'a 'uo ga'me jen 'lonata'j: qo'che' jiyaĝanalo.”

Gade chapit la Kopi

Nuevo Testamento Toba Sur

2 Qaq huo'o so na'a'q co'ollaq somayipi i'ottac so lli'oxonnataxanaxac ñi qadataxala', nachi nqouaqchit da nqouagaxauen. Nachi so Espíritu Santo 'enapego' somayipi, 'eeta': –Qauÿochiÿauga qome ñi Bernabé qataq ñi Saulo, da yaqto' sanaguilo dam sauotaique l'onataxanaxa'c mayi huo'o mshi seÿaxanalo.

Gade chapit la Kopi

La'aqtaqa Ñim Lo'onatac 'Enauacna 2013

2 Qaq huo'o so na'a'q co'ollaq somayepi ỹo'ottac so llo'oxonnataxanaxac Ñim Nataxala', qataq nqouaqchettac, nache So Saqcha'a Na'añaxac Qui'itta 'enapego' somayepi, 'eeta': –Qauỹochiỹauga qome ñi Bernabé qataq ñi Saulo, ime, nache qoñiỹapegalo da je'c do'onataxaaleguete dam sanaguilo lo'onataxanaxa'c maye huo'omshe seỹaxanalo.

Gade chapit la Kopi




Hechos 13:2
41 Referans Kwoze  

Qalaĝaja Dios jalcote jayem noqopita, qama'le chiyoqo'teguet ca'li maliaĝa ja ñiyiñe, jayem 'yatetelegue qaedi jo'onataĝaneuo'o joñe'me. Uoja'eda jayem yatetonaĝaneguet ñe'me c'oĝot qaedi ja'aqataĝanema ena'uaque gaa'me jiyaĝadipi jena'me aleua da'me onaĝaic 'naqataĝanaĝac jo'ne 'yaĝatetac joñe'me. Ca'li di'yoq da'me dojo' qama'le ja jachoĝoya gamachaqaega qaedi jayem yapaĝaguen,


Qalaĝaja ñe'me Jaliaĝanec enaac: “Oc, qa'a nach'eñe ja'atelegue ñe'me jiyaĝaua qaedi jayem 'yaĝate'tapema ena'uaque ga'me jiyaĝadipi jo'ne uetedalegue jena'me aleua, choqoga'me lejaliaĝanaqa nataq'aen nach'e ena'ama ga'me israelpi.


Dios en jayem lamaĝajec nataq'aen en jayem paĝaguenataĝanaĝaic qaedi ja'aĝatetac da'me dojo' 'laqataĝanaĝac jo'ne onaĝaic.


Qalaĝaja nach'eñe ñe'me Dios Lepaqal jo'ne ye't ena'uaque naa'me naajo' uo'oe; onolqa'tape p'etaqadaiquipi nalotapegueta q'aen ga'me yanema.


Jayem Pablo lalemaĝajet ñe'me Cristo Jesús, nach'eñe jo'ne jayem yiyaĝana qaedi jayem lamaĝajec, jayem qoyiyota'a qaedi ja'aĝatetac da'me onaĝaic 'laqataĝanaĝac ñe'me Dios, ami janema da'me yamaic.


Nach'ena jenjo' qoyen ja'aĝatetac uotaĝa jayem aqataĝanaĝaic naa'me naajo' 'naqataqa, qama'le jayem yamaĝalo joga'me ja judiopi qaedi japaĝaguetapeque gaa'me ejoda jo'ne 'laqataĝanaĝaco joñe'me Jesús. Jenjo' jo'ne ja'aĝatetac yataqata eja, ja joqovinaĝatac.


Qalaĝaja ñe'me Jaliaĝanec enaac: «Jamo, oc, qa'a am jamaĝayelo gaa'me ale'u jo'ne qaya'aguelo.»”


chiyoqoda'ña da'me nedañgui jaga'me licota qaedi yec'adeta di'me Antioquía, nach'edi noic ueda'a ca'li qoyaloĝolo'te da'me Dios lichoĝodenataĝanaĝac queda'me qoyanema ga'me 'lonata'j jo'ne nayi joote yoma't.


Nataq'aen a'uaqataĝañiyem qomle ñe'me Arquipo, aueñiyaac: “'Noota qom auepaquetapega ta'le yataqachiñe auomat da'me a'nelopaguec jo'ne am yanem ca'li ñe'me Jaliaĝanec qaedi a'uonataĝaneuo'o joñe'me.”


qama'le male p'ai chayovida'a ochenta y cuatro gaa'me ne'uoidi. Nach'e eta't yec'ata ga'me tamenaĝaiqui, noloqo'ote, pi'yaĝadi, yema'a ñe'me Jaliaĝanec, choqoda'me noqouaqatetapela't nataq'aen gaa'me netamenaĝaco jo'ne yauo'oe.


Nataq'aen jenjo' joote jayem auomachitapega ca'li japaĝague'tape gaa'me jiyaĝadipi, qama'le nayi jetaque nach'ena jenjo' auapaĝagueneque gaa'me qadaqaya' jo'ne yataqata auep'etapegalo, qaedi naajo' naqaenaua qomle yapaĝague'n gaa'me laqaya'.


Dios yataqata onaĝaic da'me loec da'me yataqata jayem yichoĝoden, qama'le jayem yachetajop joda'me lañoqotaĝanaĝac, qaedi male jaqanatet ta'le ja'aĝa'tape jogaa'me 'laqataqa.


Chane'eja ca'li yem da'me netame'tape nataq'aen noqouaqatetapela'ajalo, nataq'aen qoyachalo'te naa'me noua' qama'le qoyep'iye'n da'me eque'.


Cornelio 'yateguet: —Yenoĝodegue jaajo' cuatro noloqo'ote, qalaqach'ele naq'aeta jañe'me ajeua, joue'ta jenjo' 'yachaqa', tachi'ña tres ga'me javit jo'ne laloqoedi nale jauo'oe gaa'me ñetamenaĝaco, ca'li 'uo ñe'me jiyaĝaua jo'ne jayem naloĝoneguet yatedañe ga'me louo jo'ne 'uo da'me lauaqayaĝa'j.


Qama'le ca'li Pedro maliaĝa uenatetapega da'me yauana, joñe'me Dios Lepaqal dojapegue': —Pega, trejolqa jiyaĝa'u am netetedaque.


Joñe'me Dios Lepaqal 'taqataĝanem ñe'me Felipe: “Jamo, auec'ata janjo' nae't.”


Qo'che' auajelai joñe'me loĝot da'me naqataĝanaĝac qaedi namaĝatequena gaa'me onataĝanaĝayaqa qaedi datoĝo'n.


“Qom anoqouaqachela't, qama'le ena'te lichiguilo naa'me adai'lidi', qaedi ja aueñiya'ama gaa'me ja yataĝalo'te jo'ne enetapela'ajalo totelo'te nale qaedi ga'me jiyaĝadipi yauanalo queda'me noqouaqatela'ajalo jogaa'me. Ami jayatenaĝaneque queda'me joote 'uo ga'me lajo'vi'y.


Qaya'te ta'le yaqanatet da'me mach'e neguela't da'me eetapela't da'me netaĝayaĝanaĝanec jo'ne lajoĝola' ga'me tamenaĝaiqui lo'olpi, dite ñe'me Dios da'me nach'eñe jo'ne yiyaĝana ga'me jiyaĝaua qama'le yanem da'me liyamaqataĝanaĝac, ena'am da'me ee'tec joca'li yiyaĝana ñe'me Aarón.


Qama'le onolec ñe'me Lucas jayem ue'tajop. Auelaque jo'me Marcos qama'le aquiaĝaua, qa'a uotaĝa yaqanatet da'me jayem lecochiya jena'me jenjo' 'yonatac.


Qalaĝaja da'me am Timoteo, yataqata adetela da'me at'onataĝanaĝac, a'nañaĝateta jogaa'me adachoĝodeco, mac joda'me nach'e eta't auapaĝaguenataĝatac jena'me jenjo' 'noota, yataqata aviyamaĝatetac da'me qoyen at'onatac.


Jalcote da'me 'yonataĝanaĝac, 'uo ga'me ua'a ja jaqanatet ta'le jo'oche; jec'on yoqouaĝa nataq'aen jelinquip, nataq'aen queda'me jouetaque ga'me yoĝot qama'le jec'on ga'me 'lomaĝa.


Qo'mi qoyamaĝadoue nale jaga'me coñetaĝanaĝaiqui, ua'edi jouaqataue ga'me qo'mi qoyalimaĝa'n qama'le ja no'en ga'me qo'mi qo'yeteque. Yataqachiñe jalcote da'me qat'onataĝanaĝac, uaĝa'aegue da'me ja jo'ochaq nataq'aen qaya'te jaliguinaq.


Chane'eja gaa'me joote noua' 'noota qom ja nematedapiye nale da'me 'loyaĝa'j queda'me yataqachiñe qoyeloĝonaĝa'ta. Qalaĝaja qom ga'me jiyaĝaua nataq'aen jaga'me loua joote nayatena't queda'me cha'li uo'oe gaa'me noloqo'ote da'me nemana't, qaedi yemeda'a da'me netamenaĝa'j jogaa'me, qom yenoĝonegue ena'uac qama'le yemta yitaĝa uaĝata't jogaa'me, qaedi ñe'me payac ja ami 'te noma't, qa'a ja cop'a da'me aue'yaĝañiya'aguet da'me auepochiya jaga'me yauo.


Da'me jo'onataĝaneuo'o ñe'me Cristo Jesús qaedi 'uo da'me liyamaĝa'j ena'uaque jogaa'me jo'ne ja judiopi. Ja'aĝatetac da'me onaĝaic 'naqataĝanaĝac 'me chiyaqayi ñe'me Dios, qaedi ga'me ja judiopi nach'egaua ñe'me Dios Lepaqal ja 'nalo'te q'ae'n qama'le jano't ñe'me Dios, ena'am ga'me najaqajec nale qoyigoue 'me jama ga'me laeta.


Nataq'aen ¿teua'atoqo' 'yaĝatetedac da'me 'naqataĝanaĝac, qom ja namaĝa's? Nataq'aeta 'yaĝatetac naa'me nedii's jo'ne qoyedidiñe ca'li: “¡Da'me lovidaĝac ga'me yachitac da'me onaĝaic nep'iquinataĝanaĝac, yataqachiñe 'uo da'me li'yoĝodic!”


Chane'eja 'noota qom a'vicheta't adechiliyalo ena'uaque ga'me p'etaqadaiquipi, nach'eda jo'ne Dios Lepaqal ami e'n 'naĝanaĝate neuatoqo'tpi qaedi adechiliyalo ena'uaque ga'me Dios lec'oqo'tepi jo'ne nach'eñe en lajo'vi jaga'me letauo' ñe'me mach'e lec'oĝot da'me ecot.


Qama'le da'me qo'mi qamqa'me qolaqatalegue da'me qanetamenaĝac nataq'aen jechoĝotaqatac da'me 'naqataĝanaĝac jo'ne chiyoĝogue ñe'me Dios.


Ca'li yem da'me dojo', ñe'me Jaliaĝanec nach'e ena'am uoja'aegaua setenta y dos jo'ne liquiyaqa, qama'le en dojolqa'tape da'me ye'uauaĝate' joñe'me, ye'uauaĝa'talo gaa'me noyaqa nataq'aen 'nachaqa'tolqa jo'ne jetaque yec'atalo joñe'me.


Nach'eda da'me eeta ca'li ñe'me lecochaĝaua' gaa'me tamenaĝaiqui lo'ol jo'ne lenaĝat José, mach'e yataqachiñe 'lachaqa' jaga'me nepe jo'ne Chipre, qama'le jogaa'me namaĝa's e'n lenaĝat laqaya Bernabé (jo'ne yelo'teguet: “C'oĝot da'me noyaĝanataĝanaĝac.”)


Yem da'me dojo' qama'le ñe'me Dios Lepaqal yama' ñe'me Bernabé nataq'aen Saulo, qama'le dajotegue di'me Seleucia, qama'le nach'edi ua'a da'me nedañgui jaga'me licota jo'ne dajoyi di'me Chipre.


Swiv nou:

Piblisite


Piblisite