Hechos 13:10 - Nuevo Testamento Toba Sombrero Negro

¹⁰ qama'le enapega, enaac: —¡Am qovinaĝanaĝaic, am ja no'en jo'ne payac c'oĝot nataq'aen anautenalo ena'uaque gaa'me jo'ne 'noota! ¿Toqoch'e ja aĝañi da'me auajáĝañi' gaa'me chimadetedegue ladico ñe'me Jaliaĝanec?

Nuevo Testamento Toba Sur

¹⁰ Nachi 'enapego', 'eeta': –¡'Am tenataxanaxaic, qataq 'am 'itaxaloxoic, 'am llalec so shiÿaxaua mayi lma'na, qataq ÿataqta 'anpa'aguenaxaua 'enauac na ÿaÿamaqchiguiñisat! ¿Tá'ainco' yi sa i'atai' da 'auashaxaadeec naua ÿaÿamaqchiyiñi 'eetapegueco ñi Dios?

La'aqtaqa Ñim Lo'onatac 'Enauacna 2013

¹⁰ nache 'enapego', 'eeta': –¡'Am tenataxanaxaic, qataq 'am 'etaxaloxoic, 'am llalec so pa'aguenataxanaxaic, qataq ỹataqta 'ampa'aguenaxaua 'enauac na ỹaỹamaqchiguiñisat, 'am saq 'aloxogui da 'auo'ottac da 'aratenataxanaxac! ¿Ta'ainco' 'am ye 'auashaxaare'c naua ỹaỹamaqchiyiñi 'eetapegueco Ñim Lo'onatac 'Enauacna?

Hechos 13:10 Referans Kwoze

Juan 8:44

Ñe'me adet'ai nach'eñe ñe'me payac, chane'eja da'me mach'e lelnataĝac a'vichetac, ga'me jo'ne mach'e 'yamaqaten. Da'me jo'ne 'uaechiñe joca'li nach'eñe ñe'me payac jo'ne dalataĝanac; Ñe'me nach'e eta't da'me ja ue'tajop ga'me eja, nataq'aen da'me ja yaqanatet ta'le 'yaĝatetac da'me eja. Mane'e qom nenaĝategue ga'me loqovinaĝanaĝac qama'le 'yaĝatetac ga'me mach'e loĝot, qa'a nach'eñe jo'ne qovinaĝanaĝaic, nataq'aen e'n qovinaĝanaĝayaqa gaa'me jiyaĝa'u jo'ne mach'e lec'oqo'te.

Gálatas 1:7

Qalaĝaja eja queda'me qaya'te 'naqataĝanaĝac laqaya: ñenaĝategue da'me dojo' qa'a uo'oe gaa'me jetaque yaqataqate'n da'me onaĝaic 'naqataĝanaĝac jo'ne 'yaĝatetac ñe'me Jesucristo, qama'le ami yejomaĝana'ape.

2 Corintios 11:3

Qalaĝaja jo'oyapega ta'le aueñiya'am jadi'me Eva ca'li ñe'me nanaic yoqovin, 'me ja naqala'te' da'me loqovinaĝanaĝac. Nach'e ena'am da'me ami qom yovida'a da'me ami qoyoqovi'n, qama'le uotaĝa aĝañiñi da'me ami nedo'ta't nataq'aen yataqatelo'te da'me oquiyegue ñe'me Cristo.

Mateo 13:38

qama'le ga'me nanaĝanaqa' nach'ena jena'me qa'naleua, jaga'me onaĝai peta nach'egaua uetedaue da'me Dios lejaliaĝa, jaga'me najeguem jo'ne cizaña nach'egaua c'oqo'te ñe'me payac,

1 Juan 3:8

Qalaĝaja ga'me jo'ne quetalo'te jogaa'me loeco, nach'ega jo'ne chiyaqayi ñe'me payac, qa'a jalchi'ena ya'uo loec joñe'me payac joca'li gaa'me noloqo'ote jo'ne 'uaechidiñe. Qalaĝaja joote naequena joñe'me Dios Lec'oĝot qaedi yapalaĝa't ena'uaque jogaa'me 'lonataĝanaĝaco ñe'me payac.

Lucas 11:52

“¡Degueja qom'te da'me adachoĝodequi, ami jo'ne paĝaguenataĝanaĝayaqa daa'me Dios lamaĝajoĝonaĝaco! Qa'a aueuodaĝañiyec jaga'me lo'o da'me qo'youategue da'me Dios layatenaĝanaĝac; qalaĝaja ami ja jetaque ayoue, nataq'aen ja auajeñe'tema gaa'me jo'ne jetaque tadoue, auelaĝachitapeguem nale.”

2 Pedro 2:15

'Uo da'me lejomaĝa'j queda'me yaĝadegue ga'me naq'aec jo'ne chimaqategue. Qama'le quetegue da'me lapaĝaguenataĝanaĝac jodi'me 'naqataĝanaĝanec jo'ne Balaam, c'oĝot di'me Bosor, jo'ne ya'uo joca'li da'me ja no'en yajouaĝat da'me jetaque yauana jaga'me lomataĝanaqate jo'ne laicaua.

Hechos 20:30

Chayovida'a mach'e ami uo'oe qomle gaa'me 'ñedijeguem qama'le dapaĝaguenataĝatec daa'me loqovinaĝanaĝaco qaedi ga'me p'etaqadaiquipi male qodiguelo.

Mateo 23:13

“¡Degueja da'me adachoĝodequi qomle ami judiopi napaĝaguenoqo'tpi nataq'aen fariseopi 'me ja ejoda! Ami jo'ne auapadiñigueta gaa'me jiyaĝa'u laqaya' queda'me jetaque tadoue da'me lejaliaĝa joñe'me Dios, naqa'ami jo'ne ja auaqanachichi ta'le ayoue joda'me, choqoda'me ja auajeñe'tema gaa'me jo'ne jetaque tadoue.

Mateo 15:19

Qa'a gaa'me chiyoqodaue na'me lauel ga'me jiyaĝaua nach'egaua jo'ne chiyoĝogueta naa'me lelnataĝaco 'me ja 'noe'n, da'me nalataĝanaĝac, da'me leuaua jaga'me ja yataqachiñe loua, da'me nequejeguetaĝa, da'me noqovinaĝanaĝac choqoda'me nejenaĝanaĝac.

Mateo 3:7

Qalaĝaja ca'li Juan yauana queda'me qayoĝode' gaa'me fariseopi nataq'aen saduceopi yec'adeta qaedi nachilaĝa'n, qama'le enapegalo: “¡Aueñiya'ama gaa'me nanayaqa c'oqo'tepi jo'ne dajodegue nale novi' ga'me dole'! ¿Toqoch'e aueñetapega ja ami 'te yedalo'te ga'me ane'uaĝanaguequi jo'ne ami na'talo?

Juan 1:23

Qama'le enaac ñe'me Juan: —Naqayem 'me Niyaĝanaĝac jo'ne chimaqatapegue ga'me aleua jo'ne totapega't: «¡Aviyamaĝacheta't ga'me ladic ñe'me Jaliaĝanec!», nach'ena jena'me 'yaĝatetac di'me Dios 'laqataĝanaĝanec Isaías joca'li.

Lucas 11:39

Qalaĝaja ñe'me Jaliaĝanec enaac: —Ami jo'ne fariseopi nale aviyoyi'y gaa'me yomaĝaiqui' nataq'aen gaa'me coqui' qama'le auojamaĝachi' ga'me p'aye, qalaĝaja ga'me p'auo jo'ne mach'e adai'lidi' qamqa'me najaqachiguilo gaa'me jo'ne chiyaqayi da'me adecachaĝaqui nataq'aen da'me ja no'en.

Efesios 4:14

Male ja jenaqa'ama gaa'me ñoqolqa jo'ne nejouoĝodiñe nale daa'me lelnataĝaco qama'le ena'am ta'le ga'me layat yayoĝo'n. Da'me qo'mi qamqa'me male ja jaconaĝagueta gaa'me lapaĝaguenataĝanaĝaco gaa'me qovinaĝanaĝayaqa jo'ne ch'e yoqovi'n jena'me layi qaedi yejomaĝana'ape.