Hechos 13:1 - Nuevo Testamento Toba Sombrero Negro

¹ Joga'me p'etaqadaiquipi jo'ne neda'ña di'me Antioquía uo'oe ca'li gaa'me Dios 'laqataĝanaĝanaqa nataq'aen paĝaguenataĝanaĝayaqa. Nach'eñe Bernabé, Simón (jo'ne nach'e ena'am qoyenaqatetapec ñe'me Ledaĝaic), Lucio jo'ne Cirene le'ec, Menahem (jo'ne naquetaje'me' ca'li ñe'me Herodes, nach'eñe jo'ne nejaliaĝatelegue di'me Galilea) nataq'aen Saulo.

Nuevo Testamento Toba Sur

¹ Qaq nam 'amqajnataxanaxaicpi mayi netaña yi Antioquía huo'o na l'aqtaxanaxanec ñi Dios qataq na dapaxaguenataxanec da n'aqtac. Qaq naua l'enqa'te soomayi Bernabé, qataq so Simón (da lÿa l'enaxat Huedaic), qataq so Lucio, l'ec yi Cirene, qataq so Menahem (som nacta'ai' co'ollaxa so nta'a Herodes mayi ilotague' yi Galilea), qataq so Saulo.

La'aqtaqa Ñim Lo'onatac 'Enauacna 2013

¹ Qaq nam ỹa'amaqten So Jesús maye netaña ye nỹecpi ye Antioquía huo'oi soua la'aqtaxanaxanaqa Ñim Lo'onatac 'Enauacna, qataq huo'oi soua dapaxaguenataxaata'ape. Qaq naua le'enaqa'ate soomaye Bernabé, qataq so Simón (da lỹa le'enaxat Hueraic), qataq so Lucio, maye lma' ye nỹecpi ye Cirene, qataq so Menahem (som nacta'ai' co'ollaxa so nta'a Herodes maye ilotague' ye 'alhua Galilea), qataq so Saulo.

Hechos 13:1 Referans Kwoze

Hechos 4:36

Nach'eda da'me eeta ca'li ñe'me lecochaĝaua' gaa'me tamenaĝaiqui lo'ol jo'ne lenaĝat José, mach'e yataqachiñe 'lachaqa' jaga'me nepe jo'ne Chipre, qama'le jogaa'me namaĝa's e'n lenaĝat laqaya Bernabé (jo'ne yelo'teguet: “C'oĝot da'me noyaĝanataĝanaĝac.”)

Gálatas 2:9

Santiago, Pedro nataq'aen Juan jo'ne nach'egaua qoyenapegalo lajel yema gaa'me p'etaqadaiquipi, yayate'n queda'me dojo' mach'e Dios jayem yeyala'ac. Chane'eja da'me yaloĝo'n da'me 'lamaqatenataĝanaĝa'j, qama'le jayem nataq'aen Bernabé qo'mi uajelegueta jogaa'me, qaedi ja'aqataĝanaĝama gaa'me ja judiopi da'me onaĝaic 'naqataĝanaĝac, qama'le jogaa'me qamqa'me t'aqataĝanema gaa'me judiopi.

Hechos 13:9

Chane'eja Saulo, nach'e ena'am lenaĝat Pablo, najaqachigui ñe'me Dios Lepaqal, yataqachiñe yelochigui

Efesios 4:11

Qama'le nach'eñe jo'ne yauo'oe daa'me nayatenaĝanaĝaco jo'ne yanema jena'me jiyaĝadipi. Chane'eja uo'oe gaa'me qoyanema da'me 'lonata'j jo'ne Dios lamaĝa's, nataq'aen gaa'me laqaya' jo'ne Dios 'laqataĝanaĝanaqa, nataq'aen gaa'me laqaya' jo'ne qoyanema da'me 'yaĝa'tape da'me Dios 'laqatac, nataq'aen gaa'me laqaya' jo'ne yelolo'te jena'me Dios lec'oqo'tepi nataq'aen yapaĝague'tape.

Hechos 15:32

Qama'le queda'me Judas nataq'aen Silas nach'e ena'ama Dios 'laqataĝanaĝanaqa, gaa'me 'laqataqa jalcote da'me loyaĝa'tape nataq'aen 'yañaqate'tape jogaa'me qadaqaya'olqa.

Lucas 3:1

Nach'ega uo'e jo'ne quince da'me lejaliaĝa ñe'me Roma le'ec Tiberio, jo'ne nec'atenoqo't di'me aleua, nataq'aen Poncio Pilato nejaliaĝatelegue ca'li di'me Judea, Herodes nejaliaĝatelegue di'me Galilea, ñe'me lachoqolec Filipo nejaliaĝatelegue di'me Iturea nataq'aen Traconítide, nataq'aen Lisanias nejaliaĝatelegue di'me Abilene.

Filipenses 4:22

Nataq'aen ami yamaĝalo jalcote da'me lamaic jena'me qadayi jo'ne 'lachaqa' jena'me jenjo', nataq'aen ga'me Dios lec'oqo'tepi jo'ne t'onataĝatedape'uo joñe'me lejaliaĝane'j ga'me Roma laje'pi.

Gálatas 2:13

Pedro nataq'aen jogaa'me judiopi ch'e yep'aĝatedañe da'me yataqachiñe lajoĝoc da'me 'loyaĝa'j, chayovida'a nach'eñe ñe'me Bernabé 'yamaqate'n jogaa'me.

1 Corintios 9:6

Uotaĝa, ¿qo'li jayem nataq'aen Bernabé nach'e qo'mite' da'me ja chimaqachiñe ta'le qo'mi yanema ga'me jouenaqataque joga'me p'etaqadaiquipi, nach'e naq'aeta jogaa'me jiyaĝa'u laqaya'?

Romanos 16:21

Timoteo ami yanema da'me lep'iyenataĝanaĝac, mach'e yecochaĝaua da'me qat'onataĝanaĝac; qama'le nach'e ena'am ñe'me Lucio, nataq'aen Jasón choqoñe'me Sosípatro, mach'e 'yachaqadiaĝa'u.

Hechos 21:9

Ñe'me Felipe uo'oe gaa'me cuatro c'oqotel 'me jamaĝail, jo'ne Dios 'laqataĝanaĝanal gaa'me ca'li.

Hechos 19:6

Qama'le ca'li Pablo yachalo'te naa'me loua' jogaa'me, nach'e ena'ama novida'ñalo ñe'me Dios Lepaqal, qama'le nenaĝatedegue gaa'me 'naqataqa laqaya', nataq'aen 'yaĝa'tape gaa'me chiyoqodijeguem 'me Dios 'laqataqa.

Hechos 11:30

Naq'aeta da'me yauote, qama'le qoyen yelodelegue ñe'me Bernabé nataq'aen Saulo yamaĝalo jaga'me lajaqaje' joga'me 'yaĝaicachidipi jo'ne neda'ña di'me Judea.

1 Ts 5:20

qama'le ena'te a'uotañi joga'me 'laqataĝanaĝa'j jogaa'me 'laqataĝanaĝanaqa ñe'me Dios.

Hechos 12:25

Ca'li Bernabé nataq'aen Saulo yoma't ga'me 'lonata'j di'me Jerusalén, qama'le 'viyelaĝategue di'me Antioquía. Nataq'aen yauegueta ñe'me Juan jo'ne nach'e ena'am qoyateto'n da'me Marcos.

Hechos 9:1

Saulo maliaĝa yema'eguet da'me ya'uo lachoĝode'j ga'me p'etaqadaiquipi nataq'aen yala't jogaa'me. Chane'eja dajoya'aguet ñe'me p'ajaye lejaliaĝane'j joga'me tamenaĝaiqui lo'olpi,

Mateo 27:32

Ca'li joote yenoĝodegue uadeda'aguet ñe'me jiyaĝaua lenaĝat Simón, 'lachaqa' di'me Cirene, nach'eñe qoyamaĝalegue qaedi yepen jaga'me nesodoso ñe'me Jesús.

1 Corintios 11:4

Nataq'aen gamachaqaega jiyaĝaua ya'uo laqailapo' qom netametac uotaĝa qom dapaĝaguenataĝatac, joga'me male ja 'nonaĝachigui ñe'me laqaic jo'ne Cristo.

1 Corintios 13:2

Nataq'aen qom 'uo da'me yañoqotaĝanaĝac qaedi ja'aĝatetac da'me 'laqataĝanaĝac ñe'me Dios, nataq'aen qom jayate'n ena'uaque jogaa'me 'lonataĝanaĝaco ñe'me Dios, nataq'aen jayate'n ena'uaque gaa'me uo'oe, nataq'aen qom t'adaic da'me yepe'e qaedi jaqanatet ta'le jedaĝat ga'me qajoĝonaĝa, qalaĝaja qom qaya'te yoqopich'i, qama'le ja jayem 'te p'ajaye.

1 Corintios 13:8

Da'me noqopich'i qaya'te loiquiaqa'; nach'e ena'am da'me uo'oe daa'me 'laqataĝanaĝaco ñe'me Dios, qalaĝaja yovita nale ga'me nolo' da'me male yenoĝodegue jogaa'me. Nach'e ena'am da'me uo'oe gaa'me 'naqataqa laqaya' 'me yoda'alo, qalaĝaja yovita ga'me nolo' nale ja yitaĝa qodomachiyalo. Nach'e ena'am 'uo da'me nayatenaĝanaĝac, qalaĝaja yovita da'me pal qomle.

1 Corintios 14:29

Nataq'aen 'noota ta'le dojolqa uotaĝa trejolqa 'yaĝatetedac da'me 'laqatac ñe'me Dios, nataq'aen 'noota qom gaa'me jiyaĝa'u laqaya' naloqote'n gaa'me 'laqataqa qom naqaeñe ñe'me Dios chiyaqayi ga'me nenaĝategue.

1 Corintios 14:32

Ga'me jo'ne qoyanem da'me ja naqalataĝaic qaedi 'yaĝatetac da'me 'laqatac ñe'me Dios, 'noota qom naloqote'n gaa'me 'laqataqa,