Hechos 12:5 - Nuevo Testamento Toba Sombrero Negro

⁵ Chane'eja Pedro netaue jaga'me coñetaĝanaĝaiqui, yataqachiñe qoyeviteta, qalaĝaja joga'me p'etaqadaiquipi ja yaĝadiñi da'me netametedapecot ñe'me Dios, nachoĝodetedalegue ñe'me.

Nuevo Testamento Toba Sur

⁵ Qaq ÿoqo'oyi so Pedro netaigui aso ncoñitaxanaxaqui, ÿataqta qanauaatalec. Qalaxayi na 'amqajnataxanaxaicpi ÿataqta huo'o da l'añaxac da queto'ot da nqouagaxaueetacot ñi Dios, da nqouagaxaueetapeguelec somayi.

La'aqtaqa Ñim Lo'onatac 'Enauacna 2013

⁵ Qaq ỹoqo'oye so Pedro netaigui aso ncoñetaxanaxaqui ỹataqta qanauaatalec. Qalaxaye na 'amqaanataxanaxaicpi ỹataqta huo'o da la'añaxac da queto'ot da nqouagaxaueetacot Ñim Lo'onatac 'Enauacna, da nqouagaxaueetapeguelec somaye.

Hechos 12:5 Referans Kwoze

1 Corintios 12:26

Qama'le qom onolec qadoĝojet da'me qat'oyaĝac 'uo da'me lachoĝodec, qama'le yemeda gaa'me qadoĝoje'te 'uo da'me lachoĝode'j. Nach'e naq'aeta qom ga'me lae da'me qanejiyaĝauayaĝac qoya'uo li'yoĝodic qama'le yema da'me qat'oyaĝac machiñe q'aen.

Santiago 5:16

Qo'che' 'noota qom auechoĝochiyema gaa'me adaqayadi' ga'me adoequi, nataq'aen da'me anetameñilo'te onolqa'tape jogaa'me adaqayadi' qaedi en yemedegue q'ae'n. Qa'a da'me netamenaĝac joga'me jiyaĝaua jo'ne yataqatelegue, nach'eda jo'ne 'uo da'me lañoqotaĝanaĝac da'me lepe'e.

1 Ts 5:17

Nach'e aueñeta't da'me jalcote da'me auauoyi da'me anetamenaĝaqui.

2 Corintios 1:11

qom qo'mi alecochiiyalo, da'me qo'mi auajelaĝañilo'te. Ta'le qayoĝode' gaa'me qo'mi dajelaĝalo'te, nataq'aen qayoĝode' gaa'me jo'ne netotedapec ñe'me Dios queda'me male qo'mi yanema da'me liyalaqataĝanaĝac.

Mateo 18:19

“Ami jayatenaĝaneque queda'me qom ga'me auecoñediye jena'me jenjo' aleua, nach'e ena'am qoyecoñe' da'me daja' piyem, nataq'aen ga'me jo'ne auejoyitañe jena'me jenjo' aleua, nach'e ena'am da'me daja' piyem qoyejotaye ga'me.

Hebreos 13:3

Anetoviñetaque gaa'me adaqayadi' jo'ne netedaue jaga'me coñetaĝanaĝaiqui, qama'le ena'am aueñi da'me uotaĝa ena'am ta'le anecoñetaĝa'udi' jogaa'me, nataq'aen da'me auenache'talo gaa'me jo'ne joote ja no'en da'me qo'yeteque, queda'me uotaĝa nach'e ena'am da'me ami qo'yeteque qomle.

Hechos 12:12

Mane'e da'me yetaden da'me dojo', Pedro yec'ata di'me María 'lachaqa', nach'añe lat'e ñe'me Juan lenaĝat laqaya Marcos, qayoĝode' gaa'me jiyaĝa'u ueteda'a jo'ne yema'a't da'me netame'tape.

Lucas 18:1

Jesús 'yaĝatema dojo' laloqotenaĝanaĝaiqui qaedi yapaĝagueneque queda'me nach'e eta't ja yaĝadiñi da'me netamenaĝaco.

Hechos 12:4

Ca'li yem da'me qoyecoñe', Herodes yamaĝaue jaga'me coñetaĝanaĝaiqui ñe'me Pedro, jo'ne ua'a da'me dieciséis gaa'me coico laje' qoye'n cuatro da'me uaĝayapega't qaedi yiviteda'a. Lelnataĝac da'me yaloĝonouelo ga'me jiyaĝadipi da'me yem ga'me nolo' jo'ne Pascua.

Hechos 12:6

Nach'ejo jo'me pi'yaq ca'li ga'me nete' da'me Herodes jetaque yaloĝonouelo ga'me jiyaĝadipi, Pedro t'ochetac uetauelo jogaa'me vitaĝayaqa, nalochiguilo naa'me loua' gaa'me qoyetaĝanaqa'te 'me laicaual, qaale gaa'me coico laje' laqaya' ueteda'uet ga'me coñetaĝanaĝaiqui najom da'me yeviteteda'a.