Hechos 12:3 - Nuevo Testamento Toba Sombrero Negro

³ qama'le da'me yauana da'me dojo' queda'me 'yamaqate'n joga'me judiopi, nach'e ena'am damaĝajoĝolegue qaedi qoyecoñe' ñe'me Pedro. Dojo' 'uo ca'li gaa'me noloqo'ote nale qo'nonaĝachigui da'me qoyalic jaga'me pan jo'ne qaya'te lale'gue.

Nuevo Testamento Toba Sur

³ Qaq somayi co'ollaq ila'a da na judiopi ÿataqta ÿaÿamaxadeeta de'eda, nachi nataq'en damaxasoxoolec da qaicoñi' so Pedro. Qaq de'eda nachi huetoiguilo soua na'axa'te da qanallic ana pan mayi sa qaÿauo'o ana lalecte.

La'aqtaqa Ñim Lo'onatac 'Enauacna 2013

³ Qaq somaye co'ollaq ila'a da na judiopi ỹataqta ỹaỹamaxareeta de'era, nache nataqa'en damaxasoxoolec da qaicoñe' so Pedro. Qaq de'era nache huetoiguilo soua na'axa'te da qanallec ana nauole 'ayiiña maye qaca aca lalecte maye ỹasheeraxachigui.

Hechos 12:3 Referans Kwoze

Hechos 24:27

Yenoĝodegue dos 'uoidi da'me naq'aetec; ua'edi Félix yaĝanegue da'me lejaliaĝa, na'ña ga'me 'lachaqa' da'me tayi ñe'me Porcio Festo. Qama'le queda'me Félix jetaque nach'e eta't niyamaĝadenegueta joga'me judiopi, ñe'me Pablo nach'e yanetaue jaga'me coñetaĝanaĝaiqui.

Juan 12:43

Qa'a ja en 'te p'ajaye da'me 'nonaĝac jo'ne yanem joñe'me Dios, dite da'me jo'ne chiyaqayilo jogaa'me ch'e jiyaĝa'u.

Hechos 25:9

Qalaĝaja queda'me Festo jetaque niyamaĝadenegueta joga'me judiopi, qama'le yachimaĝata ñe'me Pablo: —¿Qo'li jetaque auec'ata di'me Jerusalén, qaedi naqaedi jouaqa'a da'me mach'e am ñemitaque da'me uotaĝa eja da'me jo'ne am dachinataĝadelegue?

Gálatas 1:10

Ja jelotaque ta'le jiyaĝadipi 'yamaqate'n ga'me ñenaĝategue, uotaĝa ta'le jelotaque da'me qaedi gamachaqaega jayem yiyamaĝaden. Ta'le naq'aeta da'me ja'uo qama'le ena'am ta'le ja jayem 'te Cristo lalemaĝajet. Qalaĝaja da'me mach'e jayem, ¡ga'me jo'ne jen p'ajaye ta'le nach'eñe ñe'me Dios jayem yiyamaĝaden!

Hechos 20:6

Da'me qo'mi, ca'li yenoĝodegue gaa'me noloqo'ote nale qoyalic jaga'me pan 'me qaya'te lale'gue, jonaqañgui jaga'me licota da'me jachiyojoqo'ña di'me Filipos, yenoĝodegue jaa'me cinco noloqo'ote qama'le jovidaqalo'te di'me Tróade, ua'a da'me jouaqa'ta siete gaa'me noloqo'ote.

1 Ts 2:4

Qa'a nach'eñe joñe'me Dios joote qo'mi yiyamaĝade'n nataq'aen qo'mi 'yelopeque qaedi ja'aĝataqatac jena'me jenjo' 'noota ladic qama'le nach'ena jena'me jenjo' jo'ne ja'aĝataqatac. Qalaĝaja ja jenaqatapega ta'le ga'me jiyaĝadipi male yataqata 'yamaqaten ga'me ja'aĝataqatac, dite ta'le yataqata qo'mi yiyamaĝaden joñe'me Dios, qa'a naqaeñe male yec'ate'tape naa'me qadai'li.

Juan 21:18

Am ja'aĝatem da'me eja: da'me chiyoqotelegue da'me am nejoqolec, mach'e ane'tela't da'me auaidiñe jogaa'me adeuo qaedi auajoyi ga'me jo'ne a'uamaqaten. Qalaĝaja qom male am 'yaĝaicachigui, qama'le am qoyeladelegue da'me nacoloĝodegue naa'me adoua' qaedi ga'me jiyaĝaua laqaya am yanayelo ga'me adeuo, qama'le am yauegue qom'te ga'me jo'ne ja jetaque auajoyi.

Juan 19:11

Qama'le Jesús male 'yateguet joñe'me Pilato: —Ñe'me Dios jo'ne na'ague di'me piyem, nach'eñe jo'ne am yanem da'me adañoqotaĝanaĝac qaedi jayem anejaliaĝatelegue. Chane'eja ga'me jo'ne jayem yaneuo, nach'ega jo'ne yaguegue da'me laviyaĝajet jo'ne yajouaĝat, ja ena'am da'me am.

Mateo 26:17

Jo'me nolo' 'uaechiñe da'me qouenata da'me qo'nonaĝachigui da'me qoyalic jaga'me pan jo'ne qaya'te lale'gue, qama'le jogaa'me lapaĝaguenataqa ñe'me Jesús yena't joñe'me: —¿Jach'e ga'me jetaque jec'otaĝa qaedi jiyamaĝataqata't ga'me qadiqui'yaĝac?

Hechos 4:13

Ca'li gaa'me jaliaĝanaqa yauata da'me 'lañaĝa'j ñe'me Pedro nataq'aen Juan da'me doje'y qama'le yetade'n queda'me ja ch'e yatenaĝanaĝayaqa jogaa'me, qama'le qoyoqoche'ema nataq'aen male qoyateto'n da'me nach'egaua lapaĝaguenataqa ñe'me Jesús.

Hechos 2:14

Chane'eja Pedro nechachiñe ca'li choqogaa'me once namaĝa's laqaya', qama'le netenec ga'me 'laqatac, enaac: “Ami judiopi, nataq'aen ena'uaque ami jo'ne oñita'ña jenjo' Jerusalén, 'noota qom yataqachiñe anaquiaĝañiya ga'me jo'ne ami ja'aĝatema, qaedi auayachiñe ga'me yelo'teguet da'me dojo'.

Hechos 12:4

Ca'li yem da'me qoyecoñe', Herodes yamaĝaue jaga'me coñetaĝanaĝaiqui ñe'me Pedro, jo'ne ua'a da'me dieciséis gaa'me coico laje' qoye'n cuatro da'me uaĝayapega't qaedi yiviteda'a. Lelnataĝac da'me yaloĝonouelo ga'me jiyaĝadipi da'me yem ga'me nolo' jo'ne Pascua.