Hechos 12:12 - Nuevo Testamento Toba Sombrero Negro

¹² Mane'e da'me yetaden da'me dojo', Pedro yec'ata di'me María 'lachaqa', nach'añe lat'e ñe'me Juan lenaĝat laqaya Marcos, qayoĝode' gaa'me jiyaĝa'u ueteda'a jo'ne yema'a't da'me netame'tape.

Nuevo Testamento Toba Sur

¹² Qaq tatapigui lauel de'eda so Pedro, nachi nqo'ona ca lma' aso María mayi late'e so Juan, da lÿa l'enaxat Marcos. Qaq somayi nachi hueta'a so qalota shiÿaxauapi lapoota'a't, nqouagaxaueetac.

La'aqtaqa Ñim Lo'onatac 'Enauacna 2013

¹² Qaq tatapigui lauel de'era so Pedro, nache nqo'ona ca lma' aso María maye late'e so Juan, da lỹa le'enaxat Marcos. Qaq somaye nache hueta'a so qalota shiỹaxauapi lapoota'a't, nqouagaxaueetac.

Hechos 12:12 Referans Kwoze

Hechos 12:5

Chane'eja Pedro netaue jaga'me coñetaĝanaĝaiqui, yataqachiñe qoyeviteta, qalaĝaja joga'me p'etaqadaiquipi ja yaĝadiñi da'me netametedapecot ñe'me Dios, nachoĝodetedalegue ñe'me.

Filemón 1:24

Nataq'aen lamai'j ñe'me Marcos, Aristarco, Demas choqoñe'me Lucas, jo'ne lecochita da'me 'yonataĝanaĝac.

Hechos 13:5

Ca'li yovideta ga'me napi'ña jana'me licota di'me Salamina, paja'a da'me 'yaĝatetedac da'me 'laqataĝanaĝac ñe'me Dios, uetauelo gaa'me lemaĝaiqui' jogaa'me judiopi. Ñe'me Juan nach'e ena'am quetauelo jogaa'me, lecochitapegalo.

Hechos 12:25

Ca'li Bernabé nataq'aen Saulo yoma't ga'me 'lonata'j di'me Jerusalén, qama'le 'viyelaĝategue di'me Antioquía. Nataq'aen yauegueta ñe'me Juan jo'ne nach'e ena'am qoyateto'n da'me Marcos.

2 Timoteo 4:11

Qama'le onolec ñe'me Lucas jayem ue'tajop. Auelaque jo'me Marcos qama'le aquiaĝaua, qa'a uotaĝa yaqanatet da'me jayem lecochiya jena'me jenjo' 'yonatac.

Colosenses 4:10

Aristarco, jo'ne ñecoñetaĝaua, ami yamaĝalo da'me lep'iyenataĝanaĝac, nach'e ena'am ñe'me Marcos 'me lanoqolec ñe'me Bernabé. Joote ami jaqateque da'me qom ami dejapichiyalo ñe'me Marcos, 'noota qom a'nonaĝachigui da'me aueloyiguet.

Hechos 13:13

Pablo nataq'aen jogaa'me lecochaĝa'u nedañgui jaga'me licota di'me Pafos qama'le dajotegue di'me Perge, mach'e aleua jo'ne Panfilia. Qalaĝaja Juan ca'ae qama'le 'viyelaĝa di'me Jerusalén.

Hechos 16:40

Mane'e ca'li yenoĝodegue jaga'me coñetaĝanaĝaiqui, Pablo nataq'aen Silas yec'adeta ga'me 'lachaqa' jañe'me Lidia, nataq'aen da'me yauanalo jogaa'me laqaya'olqa, choqoda'me 'yañaqate'tape, qama'le eque'.

Hechos 4:23

Pedro nataq'aen Juan, joote qoyajetedegue ca'li eque', yec'atalo gaa'me laqaya'olqa qaedi yema'a't, qama'le 'yaĝatetapema ena'uaque ga'me jo'ne 'yeteque gaa'me lejaliaĝanaqa ga'me tamenaĝaiqui lo'olpi nataq'aen ga'me 'yaĝaicachidipi ca'li yanema da'me qoyanem 'laqata'j.

1 Pedro 5:13

Jogaa'me jo'ne neda'ña di'me Babilonia, ga'me Dios lec'oqo'tepi jo'ne nach'e ena'ama Dios liquiyaqa jo'ne nach'e ami ena'ama, ami yamaĝalo da'me lamai'j, choqoñe'me Marcos jo'ne ena'am ta'le yalec.