Hechos 11:12 - Nuevo Testamento Toba Sombrero Negro

¹² Joñe'me Dios Lepaqal jayem yamaĝalegue queda'me jequeguelo jogaa'me, da'me ja joqoleguet. Nataq'aen nach'e ena'am jayem quetegue naajo' seis qadaqaya'olqa. Ena'uaque qo'mi jenoĝonaĝague ga'me 'lemec ñe'me jiyaĝaua,

Nuevo Testamento Toba Sur

¹² Nachi so Espíritu Santo aÿim ÿamaxaguelo soomayi da seca'ateguelo, sa ishit da huo'o ca shictega. Nataq'en huo'oi ne'enaua ñinaictagueto seis qadqaÿa't. Nachi 'enauac da sepa'axaigui ñi lma' so shiÿaxaua.

La'aqtaqa Ñim Lo'onatac 'Enauacna 2013

¹² Nache So Saqcha'a Na'añaxac Qui'itta aỹem ỹamaxaguelo soomaye da seca'ateguelo, saishet da huo'o ca shectega. Nataqa'en huo'oi ne'enaua ñenaictegueto seis qarqaỹa't. Nache 'enauac da sepa'axaigui ñi lma' so Cornelio.

Hechos 11:12 Referans Kwoze

Hechos 8:29

Joñe'me Dios Lepaqal 'taqataĝanem ñe'me Felipe: “Jamo, auec'ata janjo' nae't.”

Romanos 3:22

Chiyaqayi da'me jep'iyaqa ñe'me Jesucristo, Dios e'n yataqatelo'te ena'uaque jogaa'me p'iida'a. Chane'eja qaya'te yaguegue, uotaĝa judiopi uotaĝa ja judiopi.

2 Ts 2:2

da'me ena'te aueñetapega aĝañiñi jena'me jenjo' auenachitapega. Nataq'aen ena'te at'oiyi qom 'uo ga'me jetaque ami yoqochoqote't, qom eetapega nach'eñe ñe'me Dios Lepaqal yayatenaĝanaĝanec da'me joote yovita ga'me laloqo' da'me novi' ñe'me Jaliaĝanec, uotaĝa ta'le 'uo ga'me 'yaĝatem da'me dojo', uotaĝa yauana ga'me nediijec jo'ne eetapega mach'e qat'onatac.

Hechos 10:23

Chane'eja Pedro yenoĝonaqatedeuo jogaa'me qama'le nach'e uede'edi ca'li jo'me pi'yaq. Ca'li 'yoĝoñi, Pedro equeguelo jogaa'me, nataq'aen uo'oe gaa'me quetegue lepi'iyaĝa'u jo'ne 'lachaqa't di'me Jope.

Hechos 15:9

Dios ja qo'mi 'te ye'tema da'me qaedi qo'mi yodapecache jogaa'me nataq'aen qo'mi, qa'a nach'e ena'am yoqovite' q'ae'n da'me lepe'e' naa'me lai'li.

Hechos 10:45

Qama'le jogaa'me p'etaqadayaqa jo'ne uetedaje'mec da'me judiopi lepe'e jo'ne naequetedapegue' ñe'me Pedro ca'li novi't, yataqachiñe yoqochetem queda'me nataq'aen qoyanema ñe'me Dios Lepaqal jogaa'me jo'ne ja judiopi,

Juan 16:13

Qalaĝaja qom novi' ñe'me Dios Lepaqal jo'ne yataqatelegue, nach'eñe jo'ne ami yauegouelo yema naa'me naajo' jo'ne ejoda, qa'a ja 'yaĝatetac da'me mach'e 'naĝatetapela't, dite da'me 'yaĝatetac yema ga'me jo'ne domachiya, nataq'aen ami yayatenaĝanaĝaneque gaa'me uo'oe jo'ne di'yo't qomle.

Mateo 1:20

Ca'li joote yataqachiñe uenatetelegue qaedi naq'aeta da'me ya'uo qanach'e 'uo ga'me piyem le'ec jo'ne chiyaqaje'ma ñe'me Jaliaĝanec, qama'le taue q'aen ga'me 'lochaĝa da'me naloĝoneguet qama'le dojapegue': “José, jo'ne mach'e am David c'oĝot, ena'te at'oiyapega da'me anauela't jañe'me María qaedi a'uoneguet, qa'a ga'me c'oĝot mach'e chiyaqayi da'me 'lañaĝac joñe'me Dios Lepaqal 'me ja 'nalegue.

Apocalipsis 22:17

Joñe'me Dios Lepaqal nataq'aen jañe'me jo'ne jetaque en loua ñe'me 'Naĝanaĝate Lec'oĝot enaac: —¡Auanaequena! Da'me ami jo'ne jayem auomachiiya, aueñeetac: —¡Auanaequena! Joga'me jo'ne yelinquip, qa'a 'uo da'me lamaic da'me jayem nec'ata, qama'le 'noota qom niyomigui jenjo' noĝop jo'ne 'uo da'me nec'alaĝa, jena'me noĝop jo'ne ja qodicot.

Hechos 15:7

Ca'li jalcote da'me necotaĝa'j qama'le Pedro ñijeguem nataq'aen enaac: —Ami yaqaya'olqa, ami joote auayachiñe queda'me ja cop'a jaa'me jaajo' noloqo'ote queda'me Dios 'yatetelo'te gaa'me jo'ne ja judiopi qaedi qo'yaĝatema da'me onaĝaic 'naqataĝanaĝac, qaedi jogaa'me p'iida'a joñe'me Dios.

Hechos 13:4

Yem da'me dojo' qama'le ñe'me Dios Lepaqal yama' ñe'me Bernabé nataq'aen Saulo, qama'le dajotegue di'me Seleucia, qama'le nach'edi ua'a da'me nedañgui jaga'me licota jo'ne dajoyi di'me Chipre.

Hechos 13:2

'Uo jo'me nolo' ca'li cha'li yema'a't, 'nonaĝachidegue ñe'me Jaliaĝanec nataq'aen noqouaqatela'ajalo, qama'le ñe'me Dios Lepaqal t'aqataĝanema jogaa'me, enaac: “Aviyochiya'a ñe'me Bernabé nataq'aen Saulo qa'a 'uo ga'me jen 'lonata'j: qo'che' jiyaĝanalo.”

Hechos 1:15

'Uo ga'me ua'a ca'li yenoĝodegue gaa'me noloqo'ote, Pedro ñijeguem ca'li uañe laeñi jogaa'me laqaya'olqa jo'ne yema'a't, nach'egaua nalo'taguet ciento veinte ga'me jiyaĝadipi, qama'le enaac:

Hechos 11:13

jo'ne qo'mi 'yaĝatema da'me eeta ca'li 'uo ga'me yauana jo'ne piyem le'ec 'me ue'ta di'me 'lachaqa', da'me nechatelegue qama'le yanem da'me 'laqatac ca'li: «Auamaĝalo qomle gaa'me adamaĝa's di'me noic jo'ne Jope qaedi e'n naequena ga'me Simón jo'ne nach'e ena'am qoyateton da'me Pedro;

Hechos 28:15

Jogaa'me qadaqaya'olqa 'me Roma laje' joote qo'mi dip'iquitagueta ca'li; chane'eja qo'mi que'tagueta ca'li chayovida'a di'me nemenaqa' ñe'me Apio nataq'aen di'me noic jo'ne lenaĝat Tres Omataqa'te. Ca'li yauanalo ñe'me Pablo qama'le yanem da'me lamaic ñe'me Dios nataq'aen nomeguet da'me 'lañaĝac.