Hechos 10:43 - Nuevo Testamento Toba Sombrero Negro

⁴³ Ena'uaque dia'me Dios 'laqataĝanaĝanaqa joote 'yaĝatetedac ca'li ñe'me Jesús, nataq'aen joote 'yaĝate'tape gaa'me jo'ne p'iida'a ñe'me Jesús queda'me joñe'me nach'eñe yapalaĝa't jodaa'me loeco.”

Nuevo Testamento Toba Sur

⁴³ Nataq'en som hua'a'u vi'iyi 'enauac co'ollaxa som l'aqtaxanaxanecpi ñi Dios i'axatta'aguet so Jesús, da ca i'amaqten somayi, nachi qaÿapalaxat na lasouaxashitpi, chigoqchigui da l'enaxat somayi.

La'aqtaqa Ñim Lo'onatac 'Enauacna 2013

⁴³ Nataqa'en soua hua'au' vi'iye 'enauac co'ollaxa som la'aqtaxanaxanecpi Ñim Lo'onatac 'Enauacna ỹa'axatta'aguet So Jesús, da ca ỹa'amaqten Somaye, nache qaỹapalaxat na lasouaxashetpi, chegoqchigui da la'añaxac Somaye. Qaq 'oonolec Somaye chegoqchigui da ishet da seviraqa'a da saconaxaguet da lchoxonnataxanaxa Ñim Lo'onatac 'Enauacna.

Hechos 10:43 Referans Kwoze

Hechos 2:38

Pedro 'yategueta jogaa'me: —A'niyelaqaeyot joñe'me Dios, nataq'aen onolqa'tape ami auacoñiyeguet da'me nachilaĝanataĝanaĝac jo'ne en di'yoq da'me auep'iiya'a joñe'me Jesucristo, qaedi Dios yapalaĝa't jodaa'me adoecodi', qama'le nach'eda naq'aeta ami qoyanema joñe'me Dios Lepaqal jo'ne ja 'nalegue.

Romanos 10:11

Naa'me nedii's eet'oi: “Ga'me jo'ne p'iya'a joñe'me, ja qoyoqovitac joga'me.”

1 Pedro 1:11

Joñe'me Lepaqal ñe'me Cristo ye'uauaĝanouelo da'me yayatenaĝanaĝaneque jogaa'me Dios 'laqataĝanaĝanaqa da'me eeta da'me lachoĝodec ñe'me Cristo nataq'aen da'me 'lonaĝac jo'ne p'ategue. Qama'le jogaa'me jetaque da'me yejomedalegue jach'e jogamaĝa gaa'me noloqo'ote nataq'aen ga'me jo'ne ua'a ga'me en laloqo' joñe'me Dios Lepaqal jo'ne uetauelo jogaa'me.

Romanos 5:1

Qama'le queda'me Dios joote qo'mi e'n yataqatelo'te, yajouaĝat da'me qadepi'iyaĝac, male 'uo da'me qat'emaĝac 'me chiyoqo'ot ñe'me Dios, qa'a na'ya q'aen ñe'me Qadejaliaĝanec Jesucristo.

Romanos 8:1

Chane'eja nayi male qaya'te gamachaqaega ne'uaĝanague'j gaa'me jo'ne yoqotede'uo ñe'me Cristo Jesús.

Juan 5:24

“Eja da'me ami ja'aĝatema: ga'me jo'ne naquiaĝanalo naa'me 'yaqataqa nataq'aen p'iya'a ñe'me jo'ne jayem namaĝaquena, qama'le yauana da'me lec'alaĝa jo'ne qaya'te loiquiaqa', nataq'aen da'me ja yitaĝa 'uo da'me ne'uaĝanaguec, qa'a joote chiyaqaue da'me neleuaĝa qama'le yataqachiñe nec'aletaye.

Romanos 8:34

¿Jach'e ga'me yaqanatet da'me yamaĝadoue da'me ne'uaĝanague'j jogaa'me? Cristo Jesús nach'eñe yeleu ca'li; maliaĝa uoja'eda nach'eñe 'niyelaĝajeguem ca'li qama'le neta'ña yayaten ñe'me Dios, qo'mi nachoĝodetapelo'te.

Hechos 26:22

Qalaĝaja queda'me jayem lecochiya ñe'me Dios qama'le chayovida'a nayi nach'e jeta't, ena'uaque joga'me jiyaĝadipi ja'aĝatapema joñe'me Dios, jaqayi't choqogaa'me 'yaĝayaqa. Qaya'te ua'a ta'le ñenaĝategue ga'me yaqa'a jo'ne 'yaĝatetedac gaa'me Dios 'laqataĝanaĝanaqa nataq'aen ñe'me Moisés jo'ne 'uo nayi 'me qo'mi di'yoĝoma:

Hechos 26:18

Am jamaĝalo jogaa'me qaedi a'uatedegue naa'me 'lae'te nataq'aen yaĝadegue ga'me 'lalaĝa, dite joga'me 'yoqochiñe; qaedi male ja quetegue ñe'me Satanás, dite joñe'me Dios; nataq'aen qaedi jayem p'iida'a qama'le qoyapalaĝa't jodaa'me loeco, nataq'aen qaedi qoyapetenegueta qomle ga'me Dios c'oqo'tepi.»

Hechos 15:9

Dios ja qo'mi 'te ye'tema da'me qaedi qo'mi yodapecache jogaa'me nataq'aen qo'mi, qa'a nach'e ena'am yoqovite' q'ae'n da'me lepe'e' naa'me lai'li.

Hechos 3:16

Da'me nepe'e 'me chiyaqayi da'me lañoqotaĝanaĝac ñe'me Jesús, nach'eda jo'ne yitaĝa ya'uo 'lañaĝac jenjo' jiyaĝaua jo'ne auañiya nataq'aen auatetoñi. Da'me dojo' nepe'e nach'eda jo'ne chiyaqayi da'me Jesús yataqachiñe en yemegue, nach'eda da'me jo'ne auañetelegue.

Juan 20:31

Qalaĝaja naa'me naajo' 'naqataqa male qoyedidiñe qaedi a'uamaqachiñe joñe'me Jesús da'me nach'eñe jo'ne Dios Liquiyac, nataq'aen da'me yataqachiñe Lec'oĝot joñe'me Dios. Chane'eja qom auep'iiya'a joñe'me qama'le 'uo da'me adec'alaĝaqui jo'ne chiyaqayi joñe'me.

Marcos 16:16

Joga'me jo'ne p'iya'a nataq'aen qonachilaĝan, naqaega yataqachiñe qonec'alaĝategue; qalaĝaja ga'me jo'ne ja p'iya'a, naqaega 'uo da'me naviyaqataguec.

Apocalipsis 19:10

Chane'eja te'me jejoidiñe naa'me yeliquetel, jejocoto naa'me lapia'te joñe'me piyem le'ec queda'me te'me 'ñonaĝachigui, qalaĝaja jayem uaqata: “Ena'te aua'uo da'me dojo', qa'a naqayem jo'ne ch'e jayem Dios lalemaĝajet, qama'le nach'e am jena'am, choqogaa'me adaqaya'olqa jo'ne nach'e eta't da'me 'yamaqate'n naa'me 'laqataqa joñe'me Jesús. Nach'eñeta ñe'me Dios jo'ne a'nonaĝachigui.” Qa'a naa'me 'laqataqa joñe'me Jesús, nach'enaua jo'ne 'yañaqate't joñaa'me Dios 'laqataĝanaĝanaqa.

Gálatas 3:22

Qalaĝaja joda'me nedii's 'yaĝatetac queda'me yema jogaa'me aleua laje'pi yapadelo'te gaa'me loeco, qaedi ga'me ch'e jetaque qaneme q'aen ñe'me Dios jo'ne joote yaqataĝañi da'me 'laqatac ñe'me, nach'edata tachiguilo gaa'me jo'ne p'iida'a ñe'me Jesucristo.

Hebreos 13:20

Joñe'me Dios jo'ne qo'mi yanema da'me 'nemaĝac, qa'a nach'eñe 'me 'niyelaĝachijeguem ñe'me Jesús da'me en chiyaqauelo dia'me napa'lpi, joñe'me Jesús jo'ne 'naĝanaĝate 'nouatoqo't 'me p'ajaye, ñe'me mach'e Qadejaliaĝanec jo'ne joote yomat da'me niyamaqataĝanaĝac jo'ne qaya'te loiquiaqa', yajouaĝat da'me qoyen naliñi jaga'me letauo'.

Colosenses 1:14

nach'eñe jo'ne chiyaqayi da'me qo'mi qonec'alaĝatedegue nataq'aen da'me male qoyapalaĝa't yemeda naa'me qadoeco.

Efesios 1:7

Da'me leleuaĝa joñe'me Jesucristo ca'li uetalegue jaga'me sodoso, male Dios en qo'mi uojotedañi, da'me yapalaĝa't yemeda jogaa'me qadoeco. Nach'ena jena'me jenjo' ya'uo ca'li qa'a jouaĝat da'me yataqata eja qo'mi noqopitalo.

Romanos 6:23

Joda'me lejetenataĝanaĝac ga'me adoec nach'eda neleuaĝa, qalaĝaja da'me lachetaĝanaĝac ñe'me Dios mach'e 'noyaĝac 'me ja 'naidena'a da'me joqotaqa'taguet ñe'me Cristo Jesús mach'e Qadejaliaĝanec.

Hechos 3:18

Qalaĝaja naq'aeta ga'me qo'yetec qa'a Dios en yepaquichigui ga'me jo'ne joote 'yaĝatetac jo'ne en na'yalo gaa'me 'laqataĝanaĝanaqa: jo'ne 'noota da'me yeleu ñe'me Liquiyac.

Juan 1:45

Qama'le Felipe yauana ñe'me Natanael qama'le enaac: —Qo'mi joote jauanaĝa ñe'me jo'ne qo'yaĝatetac ca'li yediñe naa'me nedii's ñe'me Moisés nataq'aen gaa'me Dios 'laqataĝanaĝanaqa. Nach'eñe jo'ne Jesús, Nazaret le'ec 'me c'oĝot ñe'me José.

Lucas 24:47

Nataq'aen queda'me qo'yaĝatapema joñe'me ena'uaque naa'me noyaqapi qaedi 'ñemaĝadiñe, 'niyelaĝadetot joñe'me Dios, qaedi joñe'me yapalaĝa't daa'me loeco, qoyachiyoĝochichi'ña di'me Jerusalén.

Romanos 3:21

Qalaĝaja nayi, ja qopacapegalo daa'me namaĝajoĝonaĝaco, Dios qo'mi yaloĝonalo da'me lajoĝoc q'aen da'me qo'mi yiyamaĝadete' joñe'me, qama'le nach'enaua naa'me namaĝajoĝonaĝaco nataq'aen naa'me ledii's gaa'me Dios 'laqataĝanaĝanaqa jo'ne qo'mi yayatenaĝanaĝaneque da'me dojo'.