Hechos 10:2 - Nuevo Testamento Toba Sombrero Negro

² Nach'eñe ñe'me jiyaĝaua jo'ne choĝodenataĝanaĝaic joca'li, jo'ne nalo'ta'ajalo gaa'me mach'e 'lachaqadiaĝa'u da'me 'nonaĝachidegue joñe'me Dios. Nataq'aen jalcote jaga'me naicaua yanegue qaedi lecochaĝanaĝanegueta joga'me judiopi nataq'aen nach'e eta't netametapecot joñe'me Dios.

Nuevo Testamento Toba Sur

² Qaq se'eso shiÿaxaua qataq 'enauac so llalaqpi quetague' ñi Dios qataq ÿataqta ñi'iÿa ñimayi. Somayi nataq'en ÿataqta qalota añi ÿaneec alom da itauaatac na judiopi qataq nachi 'eetai' da nqouagaxaueetacot ñi Dios.

La'aqtaqa Ñim Lo'onatac 'Enauacna 2013

² Qaq se'eso ỹale qataq 'enauac so llalaqpi ỹalaxaguet Ñim Lo'onatac 'Enauacna qataq ỹo'oxoreetac Ñimaye. Somaye nataqa'en ỹataqta itauaatac na judiopi maye choxoraqpi qataq nache 'eetai' da nqouagaxaueetacot Ñim Lo'onatac 'Enauacna.

Hechos 10:2 Referans Kwoze

Hechos 10:4

Cornelio yelo'ta ñe'me piyem le'ec nataq'aen t'oiyapega, qama'le yena't: —¿Jach'ega, jaliaĝanec? Joñe'me piyem le'ec enaac: —Dios naquiaĝatapegalo daa'me anetamenaĝaco joote ueteda'ajop ñe'me Dios, nataq'aen yauanalo gaa'me jo'ne auauo'oe da'me qaedi alecochiyalo gaa'me jo'ne 'uo da'me louenaĝanaĝa'j.

Hechos 10:22

Jogaa'me 'yadeteguet: —Jachiyajaqa'a ñe'me coico le'ec lajoĝola' Cornelio, jiyaĝaua jo'ne chimaqachiñe, jo'ne 'nonaĝachigui ñe'me Dios nataq'aen nach'eñe jo'ne ena'uaque ga'me judiopi 'yamaqate'n nataq'aen noqopideta. 'Uo jo'me piyem le'ec jo'ne chiyoĝogue ñe'me Dios t'aqataĝanem qaedi am niyaĝana, qaedi auec'ata di'me 'lachaqa' qaedi naquiaĝana ga'me jo'ne a'uaĝatem.

Hechos 13:16

Chane'eja Pablo ñijeguem, nodegue ga'me louaq da'me en tochiñe, enaac: —Ami jo'ne Israel laje', jayem anaquiaĝañiya, nataq'aen ami jo'ne ja at'achaqadiyena jo'ne adoqopichiya ñe'me Dios.

Hechos 10:35

dite da'me gamachaqaega jena'me aleua yaconeguet ga'me jo'ne p'iya'a nataq'aen yauote da'me 'noota.

Hechos 10:7

Ca'li ec jo'me piyem le'ec jo'ne dojetapegue', Cornelio yiyaĝanalo dojolqa lamaĝa's choqoga'me coico le'ec jo'ne yataqachiñe p'etaqadaic nataq'aen nach'eñe jo'ne p'iya'a.

Hechos 8:2

Uo'oe gaa'me jiyaĝa'u jo'ne choĝodenataĝanaĝayaqa yijediñi Esteban nataq'aen noyetedapelegue joga'me.

Apocalipsis 15:4

Am Jaliaĝanec, ¿jach'e jogamaĝa yaqanatet ta'le ja am 'te t'oiya? ¿Jach'e jogamaĝa ja am 'te 'nonaĝachichigui? Qa'a naqa'am jo'ne am Onolec da'me ja am 'te 'nalegue; Ena'uaque naa'me noyaqa let'adayaqa na'taquena qomle, Qama'le am 'nonaĝachidegue, Qa'a da'me adec'atenaĝanaĝac joote aualoĝon Nataq'aen da'me qonauachigui yema.”

Hechos 18:8

Choqoñe'me Crispo 'me yelolegue ga'me nemaĝaiqui p'iya'a ñe'me Jaliaĝanec, nataq'aen yemeda ga'me mach'e c'oqo'tepi. Nataq'aen nach'e ena'am qayoĝode' gaa'me Corinto laje', ca'li domachita da'me 'naqataĝanaĝac, p'iida'a qama'le qonachilaĝa'n.

Hechos 13:26

“Ami yaqaya'olqa jo'ne Abraham c'oqo'tepi, nataq'aen ami jo'ne ja at'achaqadiyena nataq'aen jo'ne at'oiyapega joñe'me Dios: jenjo' qo'yaĝatetac 'me nec'alaĝa mach'e qo'mi nelo'talo.

Lucas 2:25

Joca'li gaa'me noloqo'ote 'uo ñe'me jiyaĝaua jo'ne na'ña di'me Jerusalén, lenaĝat Simeón, jo'ne yataqatelegue nataq'aen choĝodenataĝanaĝaic, nataq'aen 'uo da'me leuataqataĝanaĝac da'me qoyiyamaĝachiñe ga'me Israel laje'pi. Joñe'me Dios Lepaqal ue'tajop joñe'me,

Santiago 1:5

Da'me ami, gamachaqaega ga'me jo'ne qaya'te layatenaĝanaĝac, 'noota qom yajela joñe'me Dios, qama'le yataqata qoyanem qomle, qa'a joñe'me ja jemataqaic, qaya'te en lochiya'a q'aen da'me lichoĝodenataĝanaĝac, uotaĝa ta'le 'uo ga'me nauchiyaĝac nale.

1 Ts 5:17

Nach'e aueñeta't da'me jalcote da'me auauoyi da'me anetamenaĝaqui.

Colosenses 4:2

Qom auanaiya'ac da'me anetamenaĝaqui qama'le a'nañaĝachela't, nach'e eta't a'vicheta't nataq'aen auañem da'me adamaiqui joñe'me Dios.

Hechos 22:12

“Di'me Damasco 'uo ñe'me jiyaĝaua jo'ne lenaĝat Ananías, 'me choĝodenataĝanaĝaic ca'li ñe'me nataq'aen yataqachiñe yoqocha'alo daa'me namaĝajoĝonaĝaco; ena'uaque ga'me judiopi jo'ne neda'ña di'me Damasco yiyamaĝadetedac ñe'me.

Hechos 13:50

Qalaĝaja joga'me judiopi dojapegue'to gaa'me yauo' jo'ne choĝodenataĝanaĝail nataq'aen 'uo da'me li'yoĝodi'j choqogaa'me jiyaĝa'u jo'ne p'ajodaye 'me neteda'ña ga'me noic, qama'le qoyachelo'te jogaa'me qaedi paja'a qonautenalo ñe'me Pablo nataq'aen Bernabé, qaedi qoyen queda'e ga'me aleua.

Hechos 10:31

Qama'le jayem t'aqataĝanem, enaac: «Cornelio, Dios naquiaĝatapegalo daa'me anetamenaĝaco joote ueteda'ajop ñe'me Dios, nataq'aen yauanalo gaa'me jo'ne auauo'oe da'me qaedi alecochiyalo gaa'me jo'ne 'uo da'me louenaĝanaĝa'j.

Hechos 9:36

Jaa'me jaajo' noloqo'ote ga'me noic jo'ne Jope na'ña jañe'me p'etaqadai lenaĝat Tabitá, jo'ne griego 'laqatac yelo'teguet Dorcas. Janjo' yauo yema da'me nejiyaĝauayaĝac 'yetetac da'me 'noota nataq'aen lecochiyalo gaa'me 'uo da'me louenaĝanaĝa'j.

Hechos 9:31

Chane'eja gaa'me uetedaue ga'me 'naqataĝanaĝac 'me dalaĝaic, yema di'me aleua Judea, Galilea nataq'aen Samaria, 'uo da'me 'lamaĝa'j nataq'aen naqaloĝodetajeguem da'me lepe'e. Yataqatelo'te t'onataĝade'uo ñe'me Jaliaĝanec, nataq'aen queda'me qolecochaĝanaĝanegueta ñe'me Dios Lepaqal jo'ne ja 'nalegue nach'e eta't nichiquetaye ga'me p'etaqadaiquipi.

Hechos 9:11

Joñe'me Jaliaĝanec enaac: “Oñijeguem qama'le auec'ata di'me noqoyaĝac 'me lenaĝat Qoyayaten, qama'le ga'me 'lachaqa' ñe'me Judas auenataĝanaque ñe'me jiyaĝaua jo'ne chiyoĝogue di'me Tarso lenaĝat Saulo. Netametac nayi,

Lucas 18:1

Jesús 'yaĝatema dojo' laloqotenaĝanaĝaiqui qaedi yapaĝagueneque queda'me nach'e eta't ja yaĝadiñi da'me netamenaĝaco.

Hechos 2:5

Uo'oe ga'me judiopi jo'ne neda'ña di'me Jerusalén, chiyoĝoguelo yemeda naa'me ale'u lael, nach'egaua jo'ne nach'e eta't 'nonaĝachidegue joñe'me Dios.

Hechos 11:14

ñe'me am 'yaĝatem qomle da'me eeta da'me qaedi adec'alegue, am nataq'aen ena'uaque ga'me mach'e ac'oqo'tepi.»

Mateo 25:17

Nach'e naq'aeta ga'me jo'ne qoyanema gaa'me dojole talentos yitaĝa uoja'ae lomataĝanaqate jo'ne dojole talentos.