Biblia Todo Logo
Bib sou entènèt

- Piblisite -




Hechos 10:11 - Nuevo Testamento Toba Sombrero Negro

11 yauana queda'me 'nouategue di'me piyem nataq'aen queda'me najeje'ña jena'me aleua ga'me ena'am ta'le ualoq jo'ne qoyecoñe't naa'me laliaqa da'me qonenotaĝañe.

Gade chapit la Kopi

Nuevo Testamento Toba Sur

11 Ila'a na piguem da 'eeta'am da qanauatoigui, nachi ÿauaateguet so 'eeta'am na hualoq laÿi lta'adaic qoÿaxatta'a't naua cuatro ltela da naÿaña ana 'alhua.

Gade chapit la Kopi

La'aqtaqa Ñim Lo'onatac 'Enauacna 2013

11 Ila'a na piguem da 'eeta'am da nauatoigui, nache ỹauaateguet so 'eeta'am na hualoq laỹe lta'araic, qaicoñetta'a't naua cuatro ltelal da naỹaña ana 'alhua.

Gade chapit la Kopi




Hechos 10:11
28 Referans Kwoze  

Qama'le jena'me jenjo' 'lonataĝanaĝac ñe'me jo'ne yataqata ja qoyayaten ca'li, mach'e jenjo' jo'ne enaac: chiyaqayi da'me joote ye'et ca'li joñe'me Jesucristo, yema ga'me ja judiopi male yaqanate't ta'le yacoteguet jena'me nec'alaĝa, nataq'aen yacoteguet yema joga'me ca'li qo'yaĝatetac mach'e 'laqataqa ñe'me Qadet'a jo'ne yanouelo dia'me Israel laje', nataq'aen male onolec jena'me lec'oqo'tepi. Onolec da'me jauoqo da'me jaconaĝaguet jena'me jenjo' 'naqataĝanaĝac jo'ne onaĝaic.


Nach'e ena'am enaac ñe'me Jesús: —Eja da'me ami ja'aĝatema: da'me auañiya qomle di'me piyem 'nouategue nataq'aen jogaa'me piyem laje' jo'ne lamaĝa's ñe'me Dios yec'adidijeguem choqoda'me nenochidi'ña joñe'me Jiyaĝaua Lec'oĝot.


Qama'le jauana di'me piyem da'me 'nouategue, qama'le 'uo jo'me pegaq jo'ne pagaĝaic, qama'le jauana jo'me netalegue 'me ladipa jo'ne lenaĝat da'me “Ja 'nalegue jo'ne ejoda naa'me 'laqataqa”, qa'a yachiyaqayi da'me chimaqachiñe da'me ya'uo da'me lec'atenaĝanaĝac nataq'aen da'me ya'uo ga'me nalada't.


Chane'eja 'nouategue ga'me tamenaĝaiqui jo'ne loĝot joñe'me Dios 'me ne'tague di'me piyem, qama'le qoyauana jaga'me uetaue joga'me tamenaĝaiqui jo'ne lae't jogaa'me diez lamaĝajoĝonaĝaco joñe'me Dios, qama'le en naqalip nataq'aen 'uo ga'me nejamaĝa choqoga'me 'noĝoyaĝac; male deda jena'me aleua qama'le 'uo jaga'me loñi lat'edai jo'ne ena'am ta'le qadipi.


Mane'e ca'li yem da'me dojo', qama'le jauana ga'me jom jo'ne 'nouatetaye da'me jeloje'ma di'me piyem, qama'le yitaĝa jomachiya ga'me najamaĝa jo'ne 'uaeñe da'me jomachiya ca'li, nataq'aen da'me ena'am jaga'me najeede qom qoyajediye, qama'le jayem dojapegue', enaac: “Auenidije'ma jena'me jenjo' qama'le am jaloĝonalo jogaa'me uo'oe qom'che jo'ne di'yo't qom yenoĝodegue naa'me naajo' jo'ne uo'oe nayi.”


Male qaya'te lajo'viyaĝac da'me am griego uotaĝa am judío, uotaĝa ta'le 'uo ga'me nichaĝajoĝonaĝac uotaĝa ta'le qaya, uotaĝa ta'le am yaqa'a le'ec uotaĝa viaĝa le'ec, uotaĝa ta'le am nelatac uotaĝa ja am 'te nelatac. Nach'eñeta ñe'me Cristo jo'ne yemata'a't yema nataq'aen ena'uaque uetauelo.


Qom male yovita ga'me laloqo' qama'le yataqata en yomat yema joga'me jetaque ye'et, da'me yemata'a't yema jogaa'me uo'oe, gaa'me ueteda'a di'me piyem, chayovida'a jena'me ue'ta jena'me aleua, qaedi male yataqata qonauachigui da'me qoyen nejaliaĝanec joñe'me Cristo, yataqata qodajotalegue joñe'me.


Chane'eja male ja p'ajaye da'me ami judiopi uotaĝa ja ami 'te judiopi, qom ami nelataqa uotaĝa uojotedañi, uotaĝa ami le'emdipi uotaĝa ami yauodipi, qa'a ena'uaque ami qoyapetenegueta ñe'me Cristo qama'le ena'uac nalo'ta't.


Nataq'aen ja'aqataĝanem queda'me qo'mi jo'ne judiopi chiyoqo'teguet da'me qadañoĝoc ca'li, choqoda'me ja qo'mi 'te loeco lo'olpi ja jenaqa'ama jogaa'me ja judiopi,


Jogaa'me mach'e Israel c'oqo'tepi, nataq'aen Dios e'n liaqataqa jogaa'me qaedi ena'am da'me c'oqo'tolqa. Dios uetauelo ca'li jogaa'me, di'yoq q'aen ca'li da'me 'lonaĝa, qama'le yanema da'me yamaĝataĝac, daa'me lamaĝajoĝonaĝaco jo'ne chiyoqodo'ot di'me Moisés, da'me qouenate'ta joñe'me nataq'aen daa'me 'laqataqa 'me 'yaediñi joca'li.


Ja jepocoĝolegue da'me dojo' onaĝaic 'naqataĝanaĝac, qa'a nach'eda lañoqotaĝanaĝac ñe'me Dios qaedi ena'uaque gaa'me jo'ne p'iida'a yededalegue da'me qonec'alaĝatedegue, nach'egaua joga'me judiopi jo'ne 'uaediñe, qama'le nach'e ena'ama yema joga'me jiyaĝadipi.


Chane'eja enaac: —¡Auec'achiñe! ¡Jauana di'me piyem da'me 'nouatetaye nataq'aen ñe'me Jiyaĝaua Lec'oĝot jo'ne nechateta'ña yayaten ñe'me Dios!


Qalaĝaja qom jayem qoyanajeguem jachiyaqa'ña jena'me aleua, qama'le mach'e jayem ñauela't ena'uac.


Qalaĝaja ja nach'edata da'me yiyamaĝam ga'me judiopi, dite da'me qaedi yapotena't ena'uac jogaa'me nelagaĝa ga'me neteda'ña jo'ne Dios lec'oqo'tepi.


Ua'edi ca'li Juan cha'li maliaĝa dachilaĝanataĝatac, nach'e ena'am Jesús qonachilaĝan. Mane'e ca'li maliaĝa netametac, qama'le jodi'me piyem 'nouategue,


Qama'le ami ja'aĝatema queda'me novi't qomle jalcote ga'me jiyaĝadipi jo'ne ja judiopi, chiyaqapeguelo naa'me lael jena'me aleua, qama'le yec'adeta qomle da'me lejaliaĝa joñe'me Dios qaedi mach'e neuanaĝa'u ñe'me Abraham choqoñe'me Isaac nataq'aen Jacob, da'me neteda'ague di'me piyem.


Ga'me ualoq 'uo ca'li ga'me yodapecache yejidipi jo'ne cuatro naa'me lapia'te, nataq'aen joga'me naqaledelegue jena'me aleua choqoga'me mayodipi.


—Jayem joue'ta di'me noic jo'ne Jope, qama'le mane'e ca'li cha'li ñetametac qama'le 'uo da'me yauanaĝanaĝac: ena'am ga'me ualoĝo t'adaic ga'me jauana jo'ne qoyecoñe't ga'me laliaqa da'me najejeñe chiyoĝogue di'me piyem chayovida'a yovita di'me joue'ta.


Swiv nou:

Piblisite


Piblisite