Hechos 1:8 - Nuevo Testamento Toba Sombrero Negro

⁸ Qalaĝaja, qom ñe'me Dios Lepaqal ami neda'ñalo, qama'le auacoñiyeguet qomle da'me adañoqotaĝanaĝaqui, nataq'aen jayem a'uaĝachetac, a'uaqataĝañetapema ga'me Jerusalén laje'pi, nataq'aen ena'uaque gaa'me neda'ña di'me Judea nataq'aen di'me Samaria, chayovida'alo gaa'me lael jena'me aleua jo'ne yataqachiñe qayada'aguelo.

Nuevo Testamento Toba Sur

⁸ Qalaxayi qom qami' nvitalo ca Espíritu Santo, nachi qami' taÿoto qome ca n'añaxac, nachi qoquii da aÿim qau'axachi, da qau'aqtaxañiim nam netaña na Jerusalén, qataq nam netaña yi 'alhua Judea qataq yi Samaria, qataq chochi qaviyiita'a ca ÿapacteec qaÿoqta ana 'alhua.

La'aqtaqa Ñim Lo'onatac 'Enauacna 2013

⁸ Qalaxaye qom qami' nvitalo ca Saqcha'a Na'añaxac Qui'itta, nache qami' taỹoto qome ca na'añaxac, nache qoqui da Aỹem qaua'axache, da qaua'aqtaxañim nam netaña na Jerusalén, qataq nam netaña ye 'alhua Judea qataq ye Samaria, qataq choche qaviyeeta'a ca ỹataqta pa'atec ana 'alhua.

Hechos 1:8 Referans Kwoze

Mateo 28:19

Chane'eja oquiyi nayi, auec'achiyalo ena'uaque ga'me jiyaĝadipi qama'le a'uaqataĝañema qaedi auauoyi' yapaĝaguenaqa. Anachilaĝañi' jogaa'me, da'me auachiyalo'te da'me lañoqotaĝanaĝac ñe'me Qadet'a choqoñe'me Lec'oĝot choqoñe'me Dios Lepaqal 'me ja 'nalegue,

Marcos 16:15

Chane'eja dojapegue'to: “Jamoyi, a'uaĝachetac da'me 'naqataĝanaĝac jo'ne onaĝaic ena'uaque joga'me jiyaĝadipi 'me nedalegue jena'me aleua.

Romanos 15:19

Qoyen uaĝayet da'me 'lañaĝac ga'me 'nanaqapi, nataq'aen gaa'me di'yo't nañoqotaĝanaĝaco, nataq'aen da'me 'lañaĝac ñe'me Dios Lepaqal. Chane'eja jachiyoqochi'ña di'me Jerusalén nataq'aen ga'me qoyode'talo noyaqapi chayovida'a Iliria. Yataqachiñe yemet'a't da'me japaĝaguenataĝanec da'me onaĝaic 'laqataĝanaĝac ñe'me Cristo.

Hechos 5:32

Nach'eda dojo' qo'mi aqataĝanaĝayaqa, qama'le nach'e ena'am ñe'me Lepaqal ja 'nalegue, jo'ne Dios yanema ga'me jo'ne yoqochideta joñe'me.

Hechos 4:33

Jogaa'me napaĝaguenataqa 'uo da'me 'lañaĝa'j da'me dapaĝaguenataĝatapec da'me 'liyelaĝajoĝoc ñe'me Jaliaĝanec Jesús, qama'le jalcote da'me Dios yichoĝode'n ena'uaque jogaa'me.

Hechos 6:8

Esteban, najaqachigui da'me 'lañaĝac nataq'aen da'me liyalaqataĝanaĝac ñe'me Dios, yauo'oe ga'me nañoqotaĝanaĝaco jo'ne qoyoqoye'ema nataq'aen 'nanaqa 'me yaloĝotapegalo ga'me noic.

Romanos 10:18

Qalaĝaja, jayem 'uo da'me yachimaqataĝanaĝac: ¿ja domachita jeele da'me 'naqataĝanaĝac? ¡Qa'ejo' domachita! Qa'a naa'me nedii's eet'oi: “Daa'me lejamaqa' jogaa'me nelagaĝatelegue yema jena'me aleua; chayovida'alo gaa'me p'atedegue lael jena'me aleua, yovida'alo daa'me 'laqataqa.”

Juan 15:27

Qama'le nach'e ena'am da'me naqa'ami jo'ne ami 'yaqataĝanaĝanaqa, qa'a joote jayem ovi'tajop ca'li da'me jo'ne 'uaechiñe.

Lucas 10:19

Ami janema da'me adañoqotaĝanaĝaqui qaedi aualequitapegueta jogaa'me nanayaqapi nataq'aen gaa'me noĝopi'go, nataq'aen qaedi anomachi ena'uaque daa'me 'lañaĝaco ñe'me nauteua jo'ne Satanás, qama'le qaya'te gamachaqaega ja no'en jo'ne ami 'yeteque qaedi ya'uo adachoĝodequi.

Hechos 1:5

Yataqachiñe eja queda'me Juan dachilaĝanataĝanec ga'me noĝop; qalaĝaja ja cop'a qama'le ami qonachilaĝaneque joñe'me Dios Lepaqal jo'ne ja 'nalegue.

Mateo 24:14

Qama'le dojo' 'laqataĝanaĝac ñe'me Dios 'me 'yaĝatetac da'me lejaliaĝa qo'yaĝatapema qomle ena'uaque ga'me jiyaĝadipi jo'ne uetedalegue jena'me aleua qaedi yateto'n. Yem qama'le novi' ga'me loiquiaqa'.

Hechos 2:32

Chane'eja nach'eñe ñe'me Jesús da'me Dios 'niyelaĝachijeguem, qama'le ena'uaque qo'mi jechoĝotaqatac da'me dojo'.

Hechos 22:15

Qa'a nach'e am lechoqotaĝanaĝanec qom auajoya'agueta ena'uaque ga'me aleua laje'pi, qama'le a'uaĝatetac ga'me jo'ne auana nataq'aen auomachiya.

Hechos 13:31

Chane'eja, qayoĝode' gaa'me noloqo'ote da'me naloĝotapegueta gaa'me lapaĝaguenataqa ñe'me Jesús, nach'egaua jo'ne naequetedapegue' ca'li ga'me leuoĝoc da'me yec'ata di'me Jerusalén, chiyoĝogue di'me Galilea; qama'le nayi nach'egaua choqotaĝanaĝayaqa jo'ne 'yaĝatetapema ñe'me Jesús ga'me noyaqapi.

Lucas 1:35

Ñe'me piyem le'ec 'yateguet: —Joñe'me Dios Lepaqal jo'ne ja 'nalegue am neda'ña qomle, nataq'aen ñe'me Dios jo'ne napacalegue ena'uac am yachalegue qomle da'me 'lañaĝac. Qo'che' ñe'me notolec jo'ne niyiñe qomle qoyiyaĝanaĝatapec ja 'nalegue, Lec'oĝot joñe'me Dios.

Hechos 3:15

Qama'le naqaeda da'me aualachi ñe'me jo'ne chiyaqayi da'me yataqachiñe qat'oyaĝac. Qalaĝaja Dios chiyoĝotauelo ga'me napa'lpi, qama'le nach'eda dojo' jechoĝotaqatac.

Colosenses 1:23

Qom yataqachiñe ami ejoda da'me a'nañaĝachela't da'me ami t'añidañe q'ae'n joda'me adepi'i, 'noota qom ja auaĝañiyegue da'me adeuataqataĝanaĝaqui jo'ne chiyaqayi da'me onaĝaic 'naqataĝanaĝac ca'li yemta auomachiiya. Nach'eda da'me 'naqataĝanaĝac jo'ne joote qoyapaĝagueneque ena'uaque jogaa'me noyaqa jo'ne neda'ña jena'me aleua, nataq'aen jo'ne ja'aĝatetac da'me jayem nale japaĝaguenataĝan.

Hechos 1:22

chiyoqo'teguet ca'li Juan nachilaĝan chayovida'a ca'li qoyauegue di'me piyem. Chane'eja youetaque da'me onolec ga'me chiyaqauelo jogaa'me ta'le qo'mi uaĝayeta, qaedi da'me qadalo'ta't nach'e ena'am dechoqotaĝatapec queda'me Jesús joote 'niyelaĝajeguem.”

Hechos 8:1

Saulo nechatetañe yec'atetac da'me Esteban leleuaĝa. Nach'ejo jojo' nolo', ga'me p'etaqadaiquipi yataqachiñe jalcote da'me necanague'j di'me Jerusalén. Ena'uaque jo'me qamaĝaya't gaa'me namaĝa's, nelagaĝatedelegue di'me aleua Judea nataq'aen Samaria.

Lucas 24:29

Qalaĝaja jogaa'me yepaquetedapega da'me ue'tedi, enapega't: —Qo'mi oue'tajopa, qa'a joote javit. Yamta'le pi'yaq. Chane'eja Jesús yenoĝoneuo, qaedi uetauelo jogaa'me.