Hechos 1:16 - Nuevo Testamento Toba Sombrero Negro

¹⁶ “Ami yaqaya'olqa, 'uo ca'li da'me youetaque ta'le yepaque'teguelo ena'uac ga'me jo'ne Dios Lepaqal yayatenaĝanaĝanec di'me David, joote yechoĝotetac daa'me nedii's jo'ne 'yaĝatetedac di'me Judas, nach'edi qodajolegue ca'li male qoyecoñe' ñe'me Jesús.

Nuevo Testamento Toba Sur

¹⁶ –Qami' ÿaqaÿa't, ÿataqta ipacchigui co'ollaxa da l'aqtac so Espíritu Santo mayi nanettañi co'ollaq i'aqtaxanaxan so David, da i'axata'a naq'en so Judas som datalec co'ollaxa som ÿaconeu'a so Jesús da qaicoñi'.

La'aqtaqa Ñim Lo'onatac 'Enauacna 2013

¹⁶ «Qami' ỹaqaỹa't, ỹataqta ipacchigui co'ollaxa da la'aqtac So Saqcha'a Na'añaxac Qui'itta maye nanettañi co'ollaq ỹa'aqtaxanaxan so David, da ỹa'axata'a da so Judas nacheso som ỹaueca'aguet co'ollaxa som ỹaconeua'a So Jesús da icoñi'.

Hechos 1:16 Referans Kwoze

Juan 13:18

“Ja ademiya ta'le ami ja'aĝate'tape nayi, qa'a jayate'n jogaa'me jo'ne je'n yecochaĝa'u. Qalaĝaja yataqata yepaquichigui qomle da'me qoyediñe joca'li jo'ne eet'oi: «Joga'me mach'e yiqui'yaĝaua naqaega jo'ne jayem nautena jo' qomle.»

Hechos 1:20

“Qa'a uo'oe gaa'me nedii's jo'ne joote 'yaĝatetedac di'me Judas, 'me uedaye nede jo'ne lenaĝat Nalacpi, enaac: «'Noota qom ga'me 'lachaqa' taya da'me aleua jo'ne totapega't, nataq'aen qaya'te en 'lachaqa'.» Ua'edi enaac: «'Noota qom jiyaĝaua laqaya ye'et ga'me jo'ne te'me qoyen 'lonataqa.»

Mateo 26:56

Qalaĝaja yema da'me dojo' ami di'yoĝoma qaedi yepaque'teguelo daa'me jo'ne joote 'yaĝatetedac dia'me Dios 'laqataĝanaĝanaqa ca'li qoyedidiñe gaa'me ledii's. Qama'le ena'uaque jogaa'me lapaĝaguenataqa queda'ae nataq'aen yegue'm ñe'me Jesús qama'le dajodegue.

Mateo 26:54

Qalaĝaja ta'le naq'aeta da'me dojo', qama'le ja yepaquetelo'te gaa'me jo'ne joote qoyedidiñe, queda'me naq'aeta nayi da'me yepaquichigui.

Mateo 26:47

Maliaĝa dojetac ñe'me Jesús ca'li yovidi't ñe'me Judas, jo'ne lapaĝaguenatac joñe'me, nataq'aen jalcote ga'me jiyaĝadipi 'me naequetedapegue', lajoqot'alo jogaa'me leloiquiaĝanaqa'te jo'ne daĝanaqa'te nataq'aen nepo'ñe jo'ne ep'a. Lamaĝa's jogaa'me tamenaĝaiqui lo'olpi lejaliaĝanaqa nataq'aen 'yaĝaicachidipi 'me judiopi.

1 Pedro 1:11

Joñe'me Lepaqal ñe'me Cristo ye'uauaĝanouelo da'me yayatenaĝanaĝaneque jogaa'me Dios 'laqataĝanaĝanaqa da'me eeta da'me lachoĝodec ñe'me Cristo nataq'aen da'me 'lonaĝac jo'ne p'ategue. Qama'le jogaa'me jetaque da'me yejomedalegue jach'e jogamaĝa gaa'me noloqo'ote nataq'aen ga'me jo'ne ua'a ga'me en laloqo' joñe'me Dios Lepaqal jo'ne uetauelo jogaa'me.

Marcos 14:43

Maliaĝa dojetac ñe'me Jesús ca'li paja'a novi' ñe'me Judas, jo'ne lapaĝaguenatac joñe'me. Nataq'aen queda'me naequetedapegue' ñe'me Judas ga'me jiyaĝadipi jo'ne lamaĝa's jogaa'me lejaliaĝanaqa joga'me tamenaĝaiqui lo'olpi, joga'me judiopi napaĝaguenoqo'tpi nataq'aen joga'me 'yaĝaicachidipi jo'ne p'ajodaye; qama'le lajoqotayelo jogaa'me leloiquiaĝanaqa'te jo'ne daĝanaqa'te nataq'aen nepo'ñe.

2 Pedro 2:21

Te'me 'noote' da'me eete' jogaa'me da'me ja yateto'n ga'me ladiquiyaĝac da'me 'noyaĝac jo'ne chimaqategue. Qalaĝaja jalcote da'me lachoĝode'j jo' qomle, yajouaĝat da'me te'me yateto'n joñe'me, yem qama'te yaĝadiñi da'me qoyanem jo'ne namaĝajoĝonaĝac 'me ja 'nalegue.

Hechos 23:6

Ua'edi Pablo yetaden queda'me uo'oe gaa'me saduceopi nataq'aen uo'oe gaa'me fariseopi. Chane'eja netenec ga'me 'laqatac da'me enaac: —Ami yaqaya'olqa, jayem fariseo jo'ne jayem amaqatenataĝanaĝaic da'me 'niyelaĝadijeguem gaa'me joote yele'u; nach'e ena'ama ñaa'me yet'al amaqatenataĝanaĝayaqa; qama'le nayi qonemitetaque ga'me yaviyaĝajet qa'a 'uo da'me yeuataqataĝanaĝac da'me 'niyelaĝadijeguem gaa'me te'me joote yele'u.

Hechos 23:1

Pablo yelapegouelo joga'me jiyaĝadipi 'me p'ajodaye jo'ne netedaue ga'me nojaĝaiqui qama'le enaac: —Ami yaqaya'olqa, chayovida'a nayi da'me yiyamaqachiñe da'me yetadenataĝanaĝac jo'ne mach'e Dios yayaten.

Hechos 22:1

“Ami yaqaya'olqa, nataq'aen ami net'alpi, anaquiaĝañiya da'me ami ja'aĝatema jo'ne ami jedo'ogueta.”

Hechos 15:7

Ca'li jalcote da'me necotaĝa'j qama'le Pedro ñijeguem nataq'aen enaac: —Ami yaqaya'olqa, ami joote auayachiñe queda'me ja cop'a jaa'me jaajo' noloqo'ote queda'me Dios 'yatetelo'te gaa'me jo'ne ja judiopi qaedi qo'yaĝatema da'me onaĝaic 'naqataĝanaĝac, qaedi jogaa'me p'iida'a joñe'me Dios.

Hechos 13:38

Chane'eja, ami yaqaya'olqa, 'noota qom auayachiñe da'me dojo': chiyaqayi joñe'me Jesucristo, male ami qo'yaĝatema da'me ladic da'me qoyapalaĝa't naa'me noeco.

Hechos 13:15

Ca'li yem da'me qodojelo'te gaa'me nedii's jo'ne lamaĝajoĝonaĝaco ñe'me Dios nataq'aen ledii's gaa'me Dios 'laqataĝanaĝanaqa, qama'le jogaa'me lejaliaĝanaqa ga'me nemaĝaiqui dojapegue'to jogaa'me, enapega't: —Ami qadaqaya'olqa, qom 'uo ga'me jetaque anenaĝachiyegue qaedi a'uañaqachichi' jena'me jiyaĝadipi, qama'le anenaĝachiyegue nayi.

Hechos 7:2

qama'le ñe'me 'yateguet: “Ami yaqaya'olqa, nataq'aen net'alpi, cha'li jayem anaquiaĝañiya: ñe'me Qanedios jo'ne 'uo da'me 'lonaĝa naloĝoneguet ñe'me Abraham jo'ne mach'e jachiyojoĝoguet ca'li ue'ta di'me Mesopotamia, ca'li tatalegue da'me yec'ata di'me Harán qaedi na'ña,

Hechos 2:37

Mane'e ca'li domachita da'me dojo' ga'me jiyaĝadipi, qama'le yoqoche' naa'me lai'li, nataq'aen yachimaĝadeta ñe'me Pedro nataq'aen gaa'me namaĝa's laqaya': —Ami qadaqaya', ¿jach'e ga'me jauoqo nayi?

Hechos 2:23

Qama'le Jesús, jo'ne qoyaneuo ca'li queda'me nach'eda joote yaqataĝañi ñe'me Dios jo'ne ya'uo da'me 'lonataĝanaĝac, ami aualachi, auep'eñiyajeguem auaviquelo'te gaa'me jiyaĝa'u jo'ne ja 'noe'n.

Juan 19:36

Qama'le uo'oe daa'me daajo' jo'ne di'yo't qaedi yepaquichigui da'me 'yaĝatetac daa'me nedii's joca'li jo'ne eetac: “Gaa'me lep'inaqa, qaya'te 'uo ga'me qoyenoĝon.”

Juan 10:35

Da'me qo'mi joote jayatenaq naa'me nedii's 'yaĝatetedac da'me eja jo'ne qaya'te yaqanatet ta'le neman. Qama'le ñe'me Dios en lenaĝat diospi gaa'me jiyaĝa'u jo'ne 'yaĝate'tape naa'me 'laqataqa.

Lucas 22:47

Qaale maliaĝa dojetac ñe'me Jesús, ca'li qoyovita ñe'me jalcote ga'me jiyaĝadipi. Ñe'me jo'ne lenaĝat da'me Judas, jo'ne nach'eñe chiyaqauelo ca'li gaa'me doce 'me namaĝa's, nach'eñe qodajotalegue. Yec'ata ñe'me Jesús qaedi nec'ouoq,

Marcos 12:36

Qa'a mach'edi David, taue joñe'me Dios Lepaqal qama'le yojaĝanaĝan, enaac: «Ñe'me Jaliaĝanec dojapegue' ñe'me Yejaliaĝanec: Ona'ña na'me jayaten, chayovida'a qom jacho'oto naa'me adapia'te ena'uaque joga'me adaute'upi.»

Hechos 28:25

Qama'le queda'me ja nalo'ta'ajalo jogaa'me, male queda'e. Pablo nach'edata da'me enaac: —Jodaa'me 'laqataqa ñe'me Dios Lepaqal da'me yojaĝanaĝan di'me Isaías ca'li yataqachiñe tachiguilo jodia'me adet'aldi' ca'li enaac:

Hechos 28:17

Yenoĝodegue tres gaa'me noloqo'ote da'me joote uetede'edi, Pablo yiyaĝanalo ga'me toye's judiopi 'me neda'ña di'me Roma. Ca'li joote nalo'ta't, qama'le enaac: —Ami yaqaya'olqa, qaya'te gamachaqaega 'yonatac jo'ne nautena na'me qadayi judiopi uotaĝa ta'le ñautena da'me janaqa'ac 'me 'loyaĝa'j dia'me mach'e jachiyojoĝogueta. Taqaeue'ta, di'me Jerusalén jayem qoyanouelo jogaa'me Roma laje',

Hechos 15:13

Ca'li yoma't da'me lojaĝa'j, ñe'me Santiago enaac: —Ami yaqaya'olqa, cha'li jayem anaquiaĝañiya:

Mateo 26:14

'Uo ñe'me onolec chiyaqauelo jogaa'me doce napaĝaguenataqa, nach'eñe lenaĝat Judas Iscariote, yec'atalo ca'li gaa'me lejaliaĝanaqa joga'me tamenaĝaiqui lo'olpi

Juan 17:12

Da'me jayem ca'li cha'li jouetauelo jogaa'me, qama'le je'euoĝonot da'me adañoqotaĝanaĝac jo'ne jayem auanem, qaedi yataqata jetelalo jogaa'me. Qama'le qaya'te ta'le yejomac, dite jo'me jo'ne jalchi'ena taya'a da'me yejomac, qaedi yepaquichigui da'me 'yaĝatetac naa'me nedii's.

2 Pedro 1:21

Qa'a jogaa'me Dios 'laqataĝanaĝanaqa jo'ne uo'oe joca'li ja 'yaĝatetedac da'me jo'ne chiyaqayi da'me mach'e lelnataĝa'j, dite da'me nach'egaua joca'li jogaa'me paĝaguenataĝanaĝayaqa jo'ne quetegue joñe'me Dios, qama'le nach'eñe ñe'me Dios Lepaqal da'me yojaĝanaĝa'n.