Hechos 1:15 - Nuevo Testamento Toba Sombrero Negro

¹⁵ 'Uo ga'me ua'a ca'li yenoĝodegue gaa'me noloqo'ote, Pedro ñijeguem ca'li uañe laeñi jogaa'me laqaya'olqa jo'ne yema'a't, nach'egaua nalo'taguet ciento veinte ga'me jiyaĝadipi, qama'le enaac:

Nuevo Testamento Toba Sur

¹⁵ Qaq se'esoua na'axa'te nachi so Pedro nachaatoigui so lqaÿañicpi mayi huac da ivi' ca ciento veinte shiÿaxauapi. Nachi 'enapega, 'eeta':

La'aqtaqa Ñim Lo'onatac 'Enauacna 2013

¹⁵ Qaq se'esoua na'axa'te, nache so Pedro nachangui na laiñi so lqaỹañecpi maye ivi' ye ciento veinte shiỹaxauapi. Nache 'enapega, 'eeta':

Hechos 1:15 Referans Kwoze

1 Corintios 15:6

nataq'aen ca'li nalo'ta't joga'me quinientos 'me quetedapegue' ca'li qama'le naloĝonegueta —yamta'le yemeda joga'me maliaĝa uo'oe, mate mane'e uo'oe dia'me joote qayaua—

Apocalipsis 11:13

Qama'le paja'a da'me 'uo jo'me nedaĝac let'adaic, qama'le di'me noic let'adaic ena'uaque gaa'me diez 'nachaqa'te male 'uo ga'me onolec jo'ne iyiñe, qama'le nach'e ena'ama joga'me jiyaĝadipi jo'ne yele'u nalo'taguet siete mil. Chane'eja jogaa'me jo'ne maliaĝa uo'oe male 'uo da'me loqolanaqa' qama'le 'nonaĝachidegue joñe'me Dios jo'ne ne'tague di'me piyem.

Hechos 21:20

Ca'li domachita, 'nonaĝachidegue ñe'me Dios, eet'oi ga'me 'laqataqa jo'ne yate'm ñe'me Pablo: —Jaja'a, am qadaqaya, joote auayate'n ga'me judiopi queda'me yataqachiñe ja nejataĝaic ga'me joote p'iida'a, qama'le ena'uaque joga'me yepaquetedapegue' da'me youetaque ta'le qodique'teguelo daa'me namaĝajoĝonaĝaco jo'ne chiyoqodo'ot ñe'me Moisés.

Juan 21:23

Jena'me jenjo' 'laqatac qodomachiya'at jogaa'me laqaya'olqa queda'me uotaĝa ja yitaĝa yeleu da'me dojo' napaĝaguenatac, qalaĝaja ñe'me Jesús ja eetac da'me ja yeleu ga'me lapaĝaguenatac, dite da'me naq'aeta da'me eetac ca'li: “Qom jepaquetapega ta'le nec'aletaye chayovida'a qom yitaĝa 'ñiyelaq, qama'le ¿toqoch'e auepaquetapega ta'le auayaten?”

Apocalipsis 3:4

Qalaĝaja di'me noic Sardes, maliaĝa uo'oe jogaa'me ja lama'y jo'ne ja e'n 'te paĝachiguilo jonaa'me louo: nach'egaua jo'ne jayem quetedapegue' qomle, qama'le yatedañe jona'me louo dalaĝayaqa jo'ne pagaĝayaqa, qa'a naq'aeta da'me naloteguet.

Juan 14:12

Eja da'me ami ja'aĝatema: ga'me jo'ne jayem p'iya'a nach'e ena'am yauo'oe naa'me 'nonataqa jo'ne joote jauo'oe, nataq'aen yitaĝa yauo'oe qomle gaa'me 'nonataqa laqaya' jo'ne yataqachiñe let'adayaqa, yajouaĝat da'me male jec'ata di'me neta'ña joñe'me Taĝadena'.

Lucas 22:32

qalaĝaja joote ñachoĝodetapecot ñe'me Dios queda'me am ñachoĝodetapelegue qaedi ja qaya da'me adepe'e. Qama'le am, qom jayem a'niyeloqot, qama'le alecochiyalo naa'me adaqaya'olqa qaedi 'nañaĝatela'ajalo.

Mateo 13:31

Jesús nach'e ena'am 'yaĝatema dojo' laloqotenaĝanaĝaiqui: “Joda'me lejaliaĝa di'me piyem ena'am jaga'me onole peta 'me mostaza jala qom 'uo ga'me jiyaĝaua yaalegue ga'me lanaĝanaqa'.

Hechos 10:23

Chane'eja Pedro yenoĝonaqatedeuo jogaa'me qama'le nach'e uede'edi ca'li jo'me pi'yaq. Ca'li 'yoĝoñi, Pedro equeguelo jogaa'me, nataq'aen uo'oe gaa'me quetegue lepi'iyaĝa'u jo'ne 'lachaqa't di'me Jope.

Hechos 11:1

Jogaa'me namaĝa's nataq'aen jogaa'me laqaya'olqa jo'ne ueteda'a di'me Judea domachitedapega da'me 'naqataĝanaĝac queda'me nach'e ena'ama joga'me ja judiopi yacoteguet da'me napaĝaguenataĝanaĝac jo'ne chiyoĝogue ñe'me Dios.

Hechos 11:12

Joñe'me Dios Lepaqal jayem yamaĝalegue queda'me jequeguelo jogaa'me, da'me ja joqoleguet. Nataq'aen nach'e ena'am jayem quetegue naajo' seis qadaqaya'olqa. Ena'uaque qo'mi jenoĝonaĝague ga'me 'lemec ñe'me jiyaĝaua,

Hechos 11:26

qama'le ca'li yauana, yauega di'me Antioquía. Nach'edi ueda'a da'me uetauelo joga'me p'etaqadaiquipi, nalo'taguet onolec uo'e, yapaĝague'tape ga'me jiyaĝadipi. Nach'edi Antioquía ua'a da'me 'uaechiñe qoyenaqateneque «Cristo laje'» jogaa'me jo'ne quetegue ñe'me Cristo.

Hechos 11:29

Chane'eja joga'me p'etaqadaiquipi 'me neteda'ña di'me Antioquía 'uo da'me lelnataĝa'j da'me yamaĝalo da'me lecochaĝa'j jogaa'me laqaya'olqa 'me neda'ña di'me Judea, jogaa'me mach'e yayate'n ga'me yaqanate't ta'le yadegue.

Hechos 12:17

Qalaĝaja ñe'me Pedro nodegue ga'me louaq qaedi 'yemadete', qama'le 'yaĝatema ga'me 'yetec ñe'me Jaliaĝanec da'me yachiyoĝotaue jaga'me coñetaĝanaĝaiqui, nataq'aen enaac: —A'uaĝachiyem da'me dojo' ga'me Santiago, nataq'aen gaa'me qadaqaya'olqa laqaya'. Yem qama'le yenoĝonegue nataq'aen dajoyi ga'me aleua laqaya.

Hechos 14:2

Qalaĝaja joga'me judiopi jo'ne ja p'iida'a en nautenaĝanegueta ga'me ja judiopi jogaa'me qadaqaya'olqa.

Hechos 15:1

Jaa'me jaajo' noloqo'ote, uo'oe gaa'me jo'ne chiyoqoda'a di'me Judea jo'ne yapaĝague'tape gaa'me qadaqaya'olqa: “Qom ja auacoñiyeguet da'me nichaĝajoĝonaĝac nach'e naq'aeta da'me damaĝajoĝolegue ca'li ñe'me Moisés, qama'le ja auaqanachichi ta'le adec'aliyegue.”

Hechos 15:3

Chane'eja lamaĝa's ca'li ga'me p'etaqadaiquipi jo'ne Antioquía laje', mane'e da'me tadelegue di'me aleua jo'ne Fenicia nataq'aen Samaria 'yaĝatetedac da'me eeta ca'li ga'me ja judiopi queda'me yaĝadegue joda'me toye's lepe'eco qaedi quetegue ñe'me Dios. Chane'eja ena'uaque jogaa'me qadaqaya'olqa jalcote made'tapolqa ca'li domachita da'me dojo' 'naqataĝanaĝac.

Hechos 16:2

qama'le jogaa'me qadaqaya'olqa 'me Listra laje' nataq'aen di'me Iconio, ena'uaque 'nonaĝachidegue ñe'me.

Hechos 16:40

Mane'e ca'li yenoĝodegue jaga'me coñetaĝanaĝaiqui, Pablo nataq'aen Silas yec'adeta ga'me 'lachaqa' jañe'me Lidia, nataq'aen da'me yauanalo jogaa'me laqaya'olqa, choqoda'me 'yañaqate'tape, qama'le eque'.

Hechos 17:6

qalaĝaja queda'me ja qoyauanalo ta'le uetede'edi, qama'le yauequetedac ñe'me Jasón nataq'aen gaa'me jiyaĝa'u laqaya' da'me qoyajoĝona'agueta gaa'me jaliaĝanaqa di'me noic, niyaĝatedapejeguem: —¡Naajo' jiyaĝa'u jo'ne yema jena'me aleua da'me 'ñemaĝachidiñe, nach'e ena'am nec'adeta jena'me jenjo',

Hechos 17:10

Joote pi'yaq, jogaa'me qadaqaya'olqa yepaquetedapega ta'le Pablo nataq'aen Silas paja'a eque', yec'adeta di'me Berea. Mane'e ca'li yovideta, qama'le yec'adeta ga'me lemaĝaiqui' joga'me judiopi.

Hechos 17:14

Qalaĝaja gaa'me qadaqaya'olqa yauote da'me qaedi Pablo ja neyaloĝoden da'me ca'e ga'me noic, dajoyi ga'me loogue. Silas nataq'aen Timoteo qamqa'me cha'li ueteda'a di'me Berea.

Hechos 18:18

Pablo cha'li maliaĝa qayoĝode' gaa'me noloqo'ote da'me ue'ta di'me Corinto. Yem qama'le yep'iye'tape gaa'me qadaqaya'olqa, qama'le nach'e ena'am ñe'me Priscila choqoñe'me Aquila, nedañgui jaga'me licota qaedi yec'adeta di'me aleua jo'ne Siria. Di'me Cencreas, ca'li yamta'le nañgui licota qama'le Pablo nemadelegue ga'me laqaic, qaedi yepaquichigui ga'me 'laqatac jo'ne joote 'yaeñi ca'li.

Hechos 18:27

Ca'li Apolo jetaque taya'ague di'me aleua Acaya, jogaa'me qadaqaya'olqa yate'm da'me lecochaĝa'j, nataq'aen yauote jaga'me lediije' qaedi yedenaqatenalo ga'me p'etaqadaiquipi da'me daja', qaedi qoyelo'ogueta joga'me. Chane'eja ca'li Apolo yovita di'me Acaya, yataqachiñe lecochiyalo gaa'me jo'ne p'iida'a ca'li, jouaĝat da'me lichoĝodenataĝanaĝac ñe'me Dios.

Hechos 21:7

Chane'eja jachiyoĝojoqochi'ña di'me Tiro qama'le jomataq da'me qadeuoĝoc da'me qolaqatañgui ga'me noĝop ca'li jec'otaĝa di'me Tolemaida, ua'a da'me jep'iyenaqa'tape jogaa'me qadaqaya'olqa nataq'aen onolec jo'me nolo' da'me jouaqatauelo jogaa'me.

Hechos 21:17

Ca'li jovitaĝa di'me Jerusalén, jogaa'me qadaqaya'olqa jalcote made'tapolqa ca'li yauanalo.

Hechos 22:5

Ñe'me lejaliaĝane'j joga'me tamenaĝaiqui lo'olpi nataq'aen ena'uaque joga'me 'yaĝaicachidipi nach'egaua yechoĝo't da'me dojo'. Nach'egaua jayem yate'm jaga'me lediije' qaedi jec'atalo jogaa'me qadaqaya'olqa jo'ne Damasco laje', qama'le jajoyi da'me daja' da'me jecaa'tape joga'me p'etaqadaiquipi, qaedi ñauegalo jenjo' Jerusalén nataq'aen qaedi qoyalate'tape.

Hechos 28:14

ua'a da'me uo'oe gaa'me jauanaĝalo qadaqaya' jo'ne qo'mi nepoda'tape ca'li qaedi cha'li yenoĝotegue onolec ga'me semana da'me jouaqa'tajopa; qama'le naq'aeta chayovida'a jovitaĝa di'me Roma.