Hechos 1:13 - Nuevo Testamento Toba Sombrero Negro

¹³ Ca'li joote yovideta di'me noic qama'le yec'adidije'ma ga'me emec p'ajeguem jo'ne nach'ega uetedaue jogaa'me: 'uo ñe'me Pedro, Juan, Santiago, Andrés, Felipe, Tomás, Bartolomé, Mateo, Santiago c'oĝot ñe'me Alfeo, Simón jo'ne celote, nataq'aen Judas jo'ne c'oĝot ñe'me Santiago.

Nuevo Testamento Toba Sur

¹³ Qaq co'ollaq ivildeu'a yi la ciudad, nachi tayishiguemec ca pa'ashiguem ca noÿic mayi lanataqa't. Qaq na l'enqa'te soomayi: Pedro, Santiago, Juan, Andrés, Felipe, Tomás, Bartolomé, Mateo qataq so Santiago, Alfeo llalec, qataq so Simón mayi chigaqaigui na cananistapi, qataq so Judas mayi lqaÿa so Santiago.

La'aqtaqa Ñim Lo'onatac 'Enauacna 2013

¹³ Qaq co'ollaq ivildeua'a ye Jerusalén, nache taresheguemec ca pa'asheguem ca nỹec maye lanataqa't. Qaq na le'enaqa'ate soomaye: Pedro, Santiago, Juan, Andrés, Felipe, Tomás, Bartolomé, Mateo qataq so Santiago maye Alfeo llalec, qataq so Simón maye chegaqaigui nam dataỹa'aguet naxa na nta'alpi, qataq so Judas maye lqaỹa so Santiago.

Hechos 1:13 Referans Kwoze

Hechos 20:8

Da'me qadema'a't jouaqataue ga'me emec jo'ne p'ajeguem qayaje'mec, jalcote gaa'me coyadaĝanaqatel jo'ne edetañguilo;

Lucas 22:12

Qama'le ami yaloĝonalo ga'me emec jo'ne jalcochiye 'me qayaje'mec nataq'aen qoyiyamaĝateta't qaedi ua'a da'me jeque'yaq. Aviyamaĝacheta't qomle ga'me maliaĝa.

Marcos 14:15

Qama'le ami yaloĝonalo ga'me emec jo'ne jalcochigui 'me qayaje'mec, jo'ne joote qoyiyamaĝateta't nataq'aen joote yem qaedi ua'a da'me jeque'yaq. Qo'mi aviyamaĝachit'aeta jo' ga'me maliaĝa qaedi uoteta yem qom male jeque'yaq.

Marcos 2:14

Joca'li eque' qama'le Jesús yauana joñe'me Leví jo'ne Alfeo c'oĝot netaue ga'me nejetenaĝaiqui ñe'me jaliaĝanec jo'ne Roma le'ec. Jesús enaac: “¡Jayem oquegue!” Leví ñijeguem ca'li qama'le equegue.

Santiago 1:1

Jayem Santiago jo'ne jayem lalemaĝajet ñe'me Dios choqoñe'me Qadejaliaĝanec Jesucristo, yamaic ami jamaĝalo, yema da'me ami jo'ne ami Dios lec'oqo'tepi 'me auachiyoĝoyegueta jogaa'me doce Israel lec'oqo'tepi 'me laedelegue yema jena'me aleua.

Hechos 12:17

Qalaĝaja ñe'me Pedro nodegue ga'me louaq qaedi 'yemadete', qama'le 'yaĝatema ga'me 'yetec ñe'me Jaliaĝanec da'me yachiyoĝotaue jaga'me coñetaĝanaĝaiqui, nataq'aen enaac: —A'uaĝachiyem da'me dojo' ga'me Santiago, nataq'aen gaa'me qadaqaya'olqa laqaya'. Yem qama'le yenoĝonegue nataq'aen dajoyi ga'me aleua laqaya.

Hechos 2:38

Pedro 'yategueta jogaa'me: —A'niyelaqaeyot joñe'me Dios, nataq'aen onolqa'tape ami auacoñiyeguet da'me nachilaĝanataĝanaĝac jo'ne en di'yoq da'me auep'iiya'a joñe'me Jesucristo, qaedi Dios yapalaĝa't jodaa'me adoecodi', qama'le nach'eda naq'aeta ami qoyanema joñe'me Dios Lepaqal jo'ne ja 'nalegue.

Judas 1:1

Jayem Judas 'me jayem lalemaĝajet joñe'me Jesucristo, nataq'aen jayem lanoqolec joñe'me Santiago, ami janema naa'me naajo' yedii's, da'me ami jo'ne ami noqopitalo joñe'me Qadet'a Dios nataq'aen ami netelalo joñe'me Jesucristo, qa'a joote ami yiyaĝanalo joñe'me Qadet'a, ami yiyota'alo qaedi yataqachiñe ami e'n lec'oqo'tepi.

Gálatas 2:9

Santiago, Pedro nataq'aen Juan jo'ne nach'egaua qoyenapegalo lajel yema gaa'me p'etaqadaiquipi, yayate'n queda'me dojo' mach'e Dios jayem yeyala'ac. Chane'eja da'me yaloĝo'n da'me 'lamaqatenataĝanaĝa'j, qama'le jayem nataq'aen Bernabé qo'mi uajelegueta jogaa'me, qaedi ja'aqataĝanaĝama gaa'me ja judiopi da'me onaĝaic 'naqataĝanaĝac, qama'le jogaa'me qamqa'me t'aqataĝanema gaa'me judiopi.

Gálatas 1:19

Nach'e ena'am jauana ñe'me Santiago, jo'ne mach'e lanoqolec ñe'me Qadejaliaĝanec Jesucristo. Qaya'te onolec laqaya jo'ne namaĝajec ta'le jauana.

Hechos 15:13

Ca'li yoma't da'me lojaĝa'j, ñe'me Santiago enaac: —Ami yaqaya'olqa, cha'li jayem anaquiaĝañiya:

Hechos 4:19

Qalaĝaja Pedro nataq'aen Juan 'yategueta: —Aueñetapela't chimaqachiñe joona ta'le ja je'etaq ga'me jo'ne qo'mi yamaĝalo'te ñe'me Dios, ta'le jauoqo ga'me jo'ne auepaquitapega.

Hechos 4:13

Ca'li gaa'me jaliaĝanaqa yauata da'me 'lañaĝa'j ñe'me Pedro nataq'aen Juan da'me doje'y qama'le yetade'n queda'me ja ch'e yatenaĝanaĝayaqa jogaa'me, qama'le qoyoqoche'ema nataq'aen male qoyateto'n da'me nach'egaua lapaĝaguenataqa ñe'me Jesús.

Hechos 2:14

Chane'eja Pedro nechachiñe ca'li choqogaa'me once namaĝa's laqaya', qama'le netenec ga'me 'laqatac, enaac: “Ami judiopi, nataq'aen ena'uaque ami jo'ne oñita'ña jenjo' Jerusalén, 'noota qom yataqachiñe anaquiaĝañiya ga'me jo'ne ami ja'aĝatema, qaedi auayachiñe ga'me yelo'teguet da'me dojo'.

Juan 21:2

'uo ñe'me Simón Pedro, nataq'aen Tomás jo'ne lenaĝat qoyen da'me Uadiaĝaic, nataq'aen Natanael jo'ne 'lachaqa' di'me noic jo'ne Caná jo'ne uaue di'me aleua Galilea, nataq'aen jogaa'me lec'oqo'te ñe'me Zebedeo, choqogaa'me dojolqa jo'ne lapaĝaguenataqa laqaya' joñe'me.

Juan 18:17

Jaga'me jom lo'o yenat joñe'me Pedro: —¿Qo'li ja am 'te lapaĝaguenatac laqaya da'me dojo' jiyaĝaua? Pedro 'yateguet jaga'me: —Ja naqayem.

Juan 11:16

Qama'le ñe'me Tomás, ñe'me jo'ne qoyanec da'me Uadiaĝaic, t'aqataĝanema jogaa'me napaĝaguenataqa laqaya': —¡Nach'e ena'am qo'mi jajoĝogue, qaedi qadeleua'y!

Marcos 14:33

Qama'le lequiaĝa'u ñe'me Pedro, ñe'me Santiago, nataq'aen ñe'me Juan queda'me yitaĝa eque', qama'le paja'a Jesús nomeguet da'me totelegue, nataq'aen 'uo da'me lachitataic jena'me lauel.

Marcos 9:2

Yenoĝodegue gaa'me seis noloqo'ote, qama'le Jesús yiyaĝana ñe'me Pedro, ñe'me Santiago, nataq'aen ñe'me Juan, qama'le yejamache da'me quetegue da'me yec'adije'ma ga'me qajoĝonaĝa jo'ne qayaje'mec. Qama'le neleguemaĝata da'me edañgui joda'me 'loyaĝac da'me dajoya'agueta jogaa'me,

Marcos 5:37

Qama'le ja najeneguet ga'me jiyaĝadipi ta'le quetapegue', dite ñe'me Pedro choqoñaa'me mach'e naqaya' jo'ne Santiago nataq'aen Juan.

Mateo 9:9

Jesús ec, ca'e ga'me ue'ta, qama'le yauana ñe'me jiyaĝaua lenaĝat Mateo, netaue ga'me nejetenaĝaiqui ñe'me jaliaĝanec jo'ne Roma le'ec. Jesús enaac: —Jayem oquegue. Chane'eja Mateo ñijeguem qama'le equegue.

2 Juan 1:1

Jayem jo'ne jayem 'yaĝaicachigui nayi jalcote da'me yamaic jo'ne am janem, am yaqayole jo'ne am Dios liquiya, nataq'aen ena'uaque gaa'me ac'oqo'tolqa. Yataqachiñe eja da'me ami joqopitalo, nataq'aen ja jayem 'te onolec da'me jayem, dite da'me nach'e ena'ama ena'uaque jogaa'me jo'ne yacoteguet da'me yataqachiñe eja.

1 Corintios 15:7

qama'le ua'edi naloĝoneguet ñe'me Santiago, nataq'aen ena'uaque jogaa'me namaĝa's laqaya'.

Juan 14:22

Ñe'me Judas jo'ne lenaqateua ñe'me Iscariote yenat joñe'me: —Jaliaĝanec, ¿toqoch'e qo'mi analoĝonegueta qama'te ja analoĝonegueta jena'me jiyaĝadipi laqaya' jo'ne aleua laje'pi?