Hechos 1:11 - Nuevo Testamento Toba Sombrero Negro

¹¹ qama'le enapega't jogaa'me: —Ami Galilea laje'pi, ¿toqoch'e anechachetañe aueloyitaje'mec jodi'me piyem? Jojo' nach'ejo jo'me Jesús jo'ne ami uetauelo nataq'aen queda'me qoyauegue di'me piyem, yitaĝa 'niyelaq qomle nach'e naq'aeta da'me auañiya da'me ec dajoyi da'me daja'.

Nuevo Testamento Toba Sur

¹¹ Qaq soomayi 'ena'po': –Qami' Galilea lashi', ¿tá'ainco' yi nachi qauloito'ot na piguem? Se'eso Jesús mayi qami' nalligoqtoiguilo da taigue da piguem, somayi qome qaltaq ñi'iguelaq. Qaq que'eca lli'iguelaxasoxoc nachi 'eeta'am qome de'eda lliquiaxac mayi qauauañiichigui.

La'aqtaqa Ñim Lo'onatac 'Enauacna 2013

¹¹ Qaq se'esoua ỹale't 'ena'apo': «Qami' Galilea lashe', ¿ta'ainco' ye qauloito'ot na piguem? Se'eso Jesús maye qami' nallegoqtoiguilo, taigue da piguem, Somaye qome qaltaq ñe'eguelaq. Qaq que'eca lle'eguelaxasoxoc, nache 'eeta'am qome de'era llecỹaxac maye qauauañiichigui.»

Hechos 1:11 Referans Kwoze

Apocalipsis 1:7

¡A'vicheta't! ¡Cristo na'taquena qomle da'me nalegue ga'me piyem lo'oc! Qama'le yema ga'me jiyaĝadipi male yauata, Chayovida'alo jogaa'me nalatoqo't nach'e ena'am da'me yauata joñe'me; Qama'le yema joga'me jiyaĝadipi jo'ne uedalegue jena'me aleua male 'uo da'me lachoĝode'j yajouaĝat joñe'me. Chane'eja naq'aeta da'me dojo'. Jaja'a, nach'e naq'aeta da'me dojo'.

1 Ts 4:16

Qa'a qodomachiya jo' qomle da'me 'uo joga'me yejam, choqoda'me doje ñe'me piyem lejaliaĝanec nataq'aen jaga'me lajeede joñe'me Dios, qama'le male 'niyelaq joñe'me Qadejaliaĝanec, chiyoĝogue jodi'me piyem. Qama'le jodia'me yele'u jo'ne yataqata p'iida'a ñe'me Jaliaĝanec male naqaegaua 'uaediñe qoyen nec'alidijeguem jo' qomle.

Marcos 13:26

Qom yem da'me dojo', qama'le jayem jo'ne yataqachiñe Jiyaĝaua Lec'oĝot jayem qoyela'aguet da'me japetalo'te gaa'me piyem loje' da'me ñovi', choqoda'me yañoqotaĝanaĝac nataq'aen da'me 'yonaĝac.

Juan 14:3

Chane'eja qom yem da'me jec nataq'aen da'me jiyamaĝateta't gaa'me at'achaqachidi', qama'le yitaĝa 'ñiyelaq qaedi male ami yequiaĝa'u, qaedi ami nach'e eta't da'me oñiya'ña di'me jo'ne 'nachaqa' di'me jo'ne nach'edi 'nachaqa' jo'ne joneta'ña.

Mateo 25:31

“Da'me jayem jo'ne jayem Jiyaĝaua Lec'oĝot nataq'aen jayem Jaliaĝanec, qom 'ñiyelaq qama'le nachetac da'me yi'yoĝodic, nataq'aen ena'uaque jogaa'me yamaĝa's jo'ne piyem laje' jayem naequetedapegue', qama'le jonañgui jaga'me yejaliaĝaiqui jo'ne p'ajaye da'me li'yoĝodic.

Mateo 24:30

Chane'eja qom male di'yoq ga'me 'yanec jo'ne yataqachiñe ualegue di'me piyem, qama'le yema ga'me jiyaĝadipi jo'ne aleua laje'pi male ye'uaĝalo'te naa'me letoguel, qom yauata da'me japetalegue ga'me piyem lo'oc da'me ñovi', da'me 'uo da'me yañoqotaĝanaĝac nataq'aen da'me 'yonaĝac let'adaic.

Mateo 16:27

Qa'a jayem jo'ne yataqachiñe jayem Jiyaĝaua Lec'oĝot, qom ñovi' qama'le jayem ue'tajop da'me 'lonaĝa ñe'me Taĝadena' choqoga'me lamaĝa'spi jo'ne piyem laje'pi, qama'le jen nalo'taguet ga'me mach'e 'yetetac onolqa'tape ga'me jiyaĝadipi da'me jejeten.

1 Ts 1:10

choqoda'me auache'ta joñe'me Jesús da'me 'niyelaq, chiyaqa'ague jodi'me piyem, nach'eñe jo'ne Dios Lec'oĝot 'me mach'e Dios nec'alaĝachijeguem ca'li. Jesús nach'eñe qo'mi nec'alaĝatedegue qaedi ja qo'mi 'te nedalo'te da'me t'adaic ne'uaĝanague'j ga'me jiyaĝadipi jo'ne na'ta.

Lucas 21:27

Qom yem da'me dojo' qama'le jayem jo'ne yataqachiñe Jiyaĝaua Lec'oĝot jayem qoyela'aguet da'me japetalegue ga'me piyem lo'oc da'me ñovi', nataq'aen yataqata t'adaic da'me yañoqotaĝanaĝac choqoda'me 'yonaĝac.

Hechos 13:31

Chane'eja, qayoĝode' gaa'me noloqo'ote da'me naloĝotapegueta gaa'me lapaĝaguenataqa ñe'me Jesús, nach'egaua jo'ne naequetedapegue' ca'li ga'me leuoĝoc da'me yec'ata di'me Jerusalén, chiyoĝogue di'me Galilea; qama'le nayi nach'egaua choqotaĝanaĝayaqa jo'ne 'yaĝatetapema ñe'me Jesús ga'me noyaqapi.

Lucas 24:5

Najaqachiguilo da'me loqolanaqa't, male naĝadiñi yeda'aguet jena'me aleua; qalaĝaja jogaa'me jiyaĝa'u eet'oi ga'me 'laqataqa yanema: —¿Toqoch'e auapichiñitapegueta dia'me yele'u da'me aueloyitaque ñe'me jo'ne nec'aletaye?

Hechos 3:12

Pedro ca'li yauana da'me dojo' qama'le enaac: “Ami Israel c'oqo'tepi, ¿toqoch'e auoqochetapeguem da'me dojo'? ¿Toqoch'e qo'mi auelochiguilo? Qa'a ja mach'e qo'mi da'me jenaĝa yemegue jenjo' jiyaĝaua; ja jaqanatetaq ta'le je'etaĝac da'me male yeuotac da'me jedoĝolegue ga'me mach'e qadañoqotaĝanaĝac uotaĝa ga'me qadepi'iyaĝac.

Hechos 2:7

Yataqachiñe jalcote da'me yoqochetem jogaa'me, qama'le nenatetapega't: —¡Cha'li auec'achiñe da'me dojo'! ¿Qo'li ja 'lachaqa't di'me Galilea naa'me naajo' jo'ne doje'tape?

Marcos 14:70

Qalaĝaja Pedro yitaĝa nematapec. Ja cop'a ca'li yitaĝa jogaa'me jo'ne ueteda'a ga'me yitaĝa dojedapegue' ñe'me Pedro: —Jenaqatapega nach'e ena'am auachiyaqauelo jogaa'me, qa'a nach'e ena'am am Galilea le'ec.

Mateo 16:28

Eja ami jayatenaĝaneque queda'me uo'oe gaa'me ueteda'a jena'me jenjo' nayi ja yele'u chayovida'a qom jayem yauata, da'me jayem jo'ne yataqachiñe jayem Jiyaĝaua Lec'oĝot, qom ñovi' qaedi ñejaliaĝatelegue quena.

Marcos 16:19

Mane'e ca'li yem da'me dojapegue'to, joñe'me Jaliaĝanec Jesús qoyen taje'ma di'me piyem qama'le na'ña di'me yayaten joñe'me Dios.

Hechos 1:2

chayovida'a jo'me nolo' ca'li male qoyauegue di'me piyem. Ca'li maliaĝa 'uo qama'le yanema daa'me lamaĝajoĝonaĝaco jo'ne chiyaqayi q'aen ñe'me Dios Lepaqal gaa'me lamaĝa's jo'ne joote 'yatetelo'te.

Hechos 1:9

Nenaĝategue da'me dojo', ca'li cha'li yelotedo'ot, qanach'e Jesús ec, qoyauegue di'me piyem, qama'le 'uo ga'me piyem lo'oc jo'ne yapadelegue qama'le ja yitaĝa yauata.

Hechos 1:22

chiyoqo'teguet ca'li Juan nachilaĝan chayovida'a ca'li qoyauegue di'me piyem. Chane'eja youetaque da'me onolec ga'me chiyaqauelo jogaa'me ta'le qo'mi uaĝayeta, qaedi da'me qadalo'ta't nach'e ena'am dechoqotaĝatapec queda'me Jesús joote 'niyelaĝajeguem.”

Hechos 3:21

Mate mane'e nayi Jesucristo cha'li ue'ta di'me piyem chayovida'a qom Dios yiyamaĝate'tape ena'uaque gaa'me uo'oe, nach'e naq'aeta ga'me 'laqatac jo'ne en na'yalo gaa'me 'laqataĝanaĝanaqa jo'ne ja 'nalo'te jo'ne chiyoqoteda'aguet gaa'me noloqo'ote jo'ne 'uaechidiñe.

Hebreos 9:28

Chane'eja nach'e ena'am ñe'me Cristo onolec da'me qo'yaĝateuo, qama'le qoyen najaqajec jo'ne onolec, qaedi doĝotaĝaneque gaa'me loeco jogaa'me jiyaĝa'u jo'ne qayoĝode'. Qama'le qom'che male yitaĝa di'yoq, male ja naqaenaua naa'me qadoeco ta'le nec'atalo, dite da'me male nec'alaĝatedegue jogaa'me jo'ne yeuatetedaque.