Hebreos 9:8 - Nuevo Testamento Toba Sombrero Negro

⁸ Chane'eja joñe'me Dios Lepaqal qo'mi yayatenaĝanaĝaneque queda'me yatemaliaĝa queta da'me 'uaechiñe tamenaĝaiqui, qama'le cha'li ja qoyaloĝon da'me qadadic ta'le jaĝaue di'me p'auo jo'ne yataqata ja 'nalegue.

Nuevo Testamento Toba Sur

⁸ Qaq 'eda da 'eetec so Espíritu Santo da qomi' i'axatema da se'eso hua'auchiguiñi ndaqa', da ñaq 'eetalec da qai'onataxaatapoigui da qai'ot da ñi'oxonnataxanaxac ñi Dios, nachi saxanaxa da qaÿauategue se'eso ñigueuo mayi taÿau'a so lÿa ndaqa' mayi sa qaishitapec.

La'aqtaqa Ñim Lo'onatac 'Enauacna 2013

⁸ Qaq 'era da 'eetec So Saqcha'a Na'añaxac Qui'itta da qomi' ỹaỹaanaxanaxaneque, da co'ollaq ñaq huo'o se'eso npe'l, nache se'eso ñegueuo so Ndaqa' maye sa Qaishetapec saishet da qaỹashenem ca camachaqca se'eso na'a'q.

Hebreos 9:8 Referans Kwoze

Juan 14:6

Jesús 'yateguet joñe'me: —Naqayem jo'ne naq'aec, 'me eja nataq'aen da'me nec'alaĝa. Qaya'te naq'aec laqaya ta'le qoyovida'a ñe'me Taĝadena'.

Hebreos 3:7

Chane'eja, auomachiiya nayi da'me 'laqatac joñe'me Dios Lepaqal jo'ne joote qoyediñe joca'li: “Nayi jenjo' nolo', qom auomachiiya da'me jo'ne Dios 'yaĝatetac,

Efesios 2:18

Jena'me jenjo' ca'li 'lonatac ñe'me Jesucristo, en onolec ladiiuo ga'me judiopi nataq'aen gaa'me ja judiopi, male jauanaĝa ñe'me onolec 'me Dios Lepaqal, jo'ne chiyaqayi da'me male yataqata jovitaĝa ñe'me Qadet'a jo'ne ja 'nalegue.

2 Pedro 1:21

Qa'a jogaa'me Dios 'laqataĝanaĝanaqa jo'ne uo'oe joca'li ja 'yaĝatetedac da'me jo'ne chiyaqayi da'me mach'e lelnataĝa'j, dite da'me nach'egaua joca'li jogaa'me paĝaguenataĝanaĝayaqa jo'ne quetegue joñe'me Dios, qama'le nach'eñe ñe'me Dios Lepaqal da'me yojaĝanaĝa'n.

Hebreos 9:3

Qama'le ga'me laqaya nequepaĝanaĝat nach'ega jo'ne qoyen lenaĝat da'me 'Lachaqa' da'me Yataqata Ja 'Nalegue,

Gálatas 3:8

Chiyoqo'teguet ga'me jalchi'ena joca'li daa'me 'laqataqa ñe'me Dios 'yaĝatetac da'me nach'e ena'am Dios yataqatelo'te q'ae'n jogaa'me jo'ne ja judiopi, qa'ejo' nach'eda eeta qom p'iida'a ñe'me Jesucristo. Qo'che' Dios yanem ñe'me Abraham jenjo' onaĝaic 'laqataĝanaĝac: “Nach'e am jo'ne am chiyaqayi da'me jichoĝode'n yema jena'me noyaqa.”

Juan 10:9

Naqayem jo'ne jayem jom: joga'me jo'ne jayem ta'uet, nach'ega jo'ne nec'alegue. Qama'le ena'am jaga'me 'naĝanaĝate qom yenoĝoneuo nataq'aen qom yenoĝonegue qama'le nach'e ena'am yauana ga'me auaqapiijat.

Hechos 28:25

Qama'le queda'me ja nalo'ta'ajalo jogaa'me, male queda'e. Pablo nach'edata da'me enaac: —Jodaa'me 'laqataqa ñe'me Dios Lepaqal da'me yojaĝanaĝan di'me Isaías ca'li yataqachiñe tachiguilo jodia'me adet'aldi' ca'li enaac:

Juan 10:7

Chane'eja Jesús yitaĝa 'viyelaĝalegue da'me laloĝonataĝanaĝac jo'ne joote 'yaĝatema, enaac: “Da'me dojo' jo'ne yataqachiñe eja: qa'a naqayem jo'ne jayem jom 'me tado'uet gaa'me 'naĝanaĝatel.

Hebreos 10:15

Qama'le ñe'me Dios Lepaqal nataq'aen qo'mi 'yaĝatema da'me eeta, enaac:

Lucas 1:80

Ñe'me notolec natajeguem ca'li nataq'aen ue'tajop da'me 'lañaĝac queda'me ja choĝolaĝaic ñe'me lepaqal, qama'le quetalo'te gaa'me ale'u jo'ne totapega'ajalo chayovida'a ga'me nolo' ca'li natetonegueta ga'me Israel laje'pi.