Hebreos 9:28 - Nuevo Testamento Toba Sombrero Negro

²⁸ Chane'eja nach'e ena'am ñe'me Cristo onolec da'me qo'yaĝateuo, qama'le qoyen najaqajec jo'ne onolec, qaedi doĝotaĝaneque gaa'me loeco jogaa'me jiyaĝa'u jo'ne qayoĝode'. Qama'le qom'che male yitaĝa di'yoq, male ja naqaenaua naa'me qadoeco ta'le nec'atalo, dite da'me male nec'alaĝatedegue jogaa'me jo'ne yeuatetedaque.

Nuevo Testamento Toba Sur

²⁸ qaq nachida da 'eetec nataq'en so Cristo da 'oonolec da qaÿi'iguelaxalec da qoÿaneuo da yaqto' nqat nam qalota nasouaxashitpi. Qaq da ime, nachi qaltaq ÿi'iguelaxalec da nachaxan, qalaxayi sa ishit da anaga da nqat na nasouaxashitpi, chaqdata da somayi anaga da nca'alaxateec nam iuattaique somayi.

La'aqtaqa Ñim Lo'onatac 'Enauacna 2013

²⁸ Qaq nache 'eeta'am So Cristo da 'oonolec da nañan da yaqto' qalota da shenaqta na qaỹapalaxat na lasouaxashetpi. Ime, nache Somaye ñe'eguelaxa qome ana 'alhua, qalaxaye saishet da naỹa da qaltaq ileualec na qarasouaxashetpi, nachaqrata da anac da 'enauac qomi' nca'alaxatre'c, qomi' maye seuataqtaique ca lviraxac.

Hebreos 9:28 Referans Kwoze

Tito 2:13

'Noota qom naq'aeta da'me jauoqo qa'a 'uo da'me qadajoĝonataĝanaĝac ga'me 'uo qomle jo'ne qo'mi e'n made'tapolqa: qom male qoyaloĝon da'me 'lonaĝac joñe'me Jesucristo qom 'niyelaq, nach'eñe jo'ne mach'e Qanedios p'ajaye nataq'aen mach'e Qadec'alaĝaiqui.

1 Pedro 2:24

Qa'a nach'eñe ñe'me Cristo jo'ne qo'mi nep'aĝanegueta ca'li yachi'y naa'me qadoeco qama'le ga'me lapat qoyachalegue jaga'me sodoso, qaedi da'me qo'mi male qolaqa'e da'me qadoiquiyaĝac qama'le jouaqaue da'me nec'alaĝa jo'ne ja 'nalegue. Joñe'me Cristo uo'oe ca'li jogaa'me yedidiñe qaedi ami nec'alaĝatedegue.

Romanos 6:10

Qa'a Cristo ca'li yeleu, da'me leleuaĝa onolec jouaĝat da'me etaĝaloĝoc, qalaĝaja da'me 'niyelaĝajeguem male uetaue da'me Dios lec'alaqataĝanaĝac.

2 Timoteo 4:8

Chane'eja nayi joote 'uo joga'me yomataĝanaĝac jo'ne jelo'ta, qa'a ñe'me Jaliaĝanec jo'ne qaya'te nepaten jayem yanem jo' qomle. Qalaĝaja ja jayem 'te onolec da'me jayem qoyanem; chayovida'alo qoyanema yemeda jogaa'me 'uo da'me loqopich'i da'me youatetedac ga'me yitaĝa 'niyelaĝac joñe'me Jaliaĝanec.

Romanos 8:23

Nataq'aen ja jaldata da'me 'uo ga'me lachitataic jaga'me, dite da'me nach'e ena'am qo'mi, jo'ne joote ua'ajopa ñe'me Dios Lepaqal jo'ne qane'uauaĝat queda'me 'uo ga'me uoja'ega qo'mi qoyanema qomle. Yataqachiñe qaya'ñgui da'me qadachoyaĝac, jediajoqo'taguet ga'me nolo' qom ñe'me Dios qo'mi yaconegueta da'me male lec'oqo'tolqa, nach'eda male qoyejodegue naa'me qadoje'.

1 Juan 3:2

Ami yaqaya'olqa, joote qo'mi Dios lec'oqo'tolqa, temaqaedi maliaĝa ja jayatenaq da'me qo'mi di'yoĝoma q'ae'n ga'me qo'mi 'yeteque qom'che. Qalaĝaja, jayatenaq qom di'yo'quena joñe'me Cristo qama'le jenaqa'am joñe'me, qa'a jauanaĝa da'me 'loyaĝac qama'le jatetonaq.

Hechos 1:11

qama'le enapega't jogaa'me: —Ami Galilea laje'pi, ¿toqoch'e anechachetañe aueloyitaje'mec jodi'me piyem? Jojo' nach'ejo jo'me Jesús jo'ne ami uetauelo nataq'aen queda'me qoyauegue di'me piyem, yitaĝa 'niyelaq qomle nach'e naq'aeta da'me auañiya da'me ec dajoyi da'me daja'.

1 Ts 1:10

choqoda'me auache'ta joñe'me Jesús da'me 'niyelaq, chiyaqa'ague jodi'me piyem, nach'eñe jo'ne Dios Lec'oĝot 'me mach'e Dios nec'alaĝachijeguem ca'li. Jesús nach'eñe qo'mi nec'alaĝatedegue qaedi ja qo'mi 'te nedalo'te da'me t'adaic ne'uaĝanague'j ga'me jiyaĝadipi jo'ne na'ta.

Mateo 26:28

qa'a janjo' mach'e laloĝoiqui qoyen jana'me yetauo', nach'ana jo'ne 'nanec queda'me Dios ami ye'tema qaedi male aniyamaĝadeñiyeguet joñe'me. Mach'e yetauo' jo'ne naliñi qomle, nala'alo joga'me jiyaĝadipi jo'ne jalcote, qaedi yiyamaĝatem qomle queda'me male qoyapalaĝa't joda'me loeco.

2 Pedro 3:12

Aueuachi'taguet ga'me nolo' 'me lovidaĝaiqui ñe'me Dios, qama'le auadeñita'aguet qomle ga'me nolo'. Qama'le qom yovita ga'me nolo', di'me piyem male qoyaviyaĝat, qama'le pal. Nach'e ena'ama gaa'me uo'oe male nimichidiñe da'me uedaue ga'me dole' lauaq.

1 Pedro 3:18

Qa'a nach'e ena'am ñe'me Cristo 'uo da'me lachoĝodec ca'li yeleu, yajouaĝa't naa'me adoecodi', onolec da'me naloĝola't qama'le ja yitaĝa ta'le di'yoq. Ñe'me jo'ne qaya'te ta'le laviyaĝajet qalaĝaja nach'e ena'am 'uo da'me lachoĝodec q'aen yajouaĝat da'me ami loeco lo'ol, qaedi ami yauegalo joñe'me Dios. Qama'le ja qalaq da'me male pal da'me ch'e nejiyaĝauayaĝac ca'li yeleu, qalaĝaja yitaĝa 'niyelaĝajeguem queda'me 'uo da'me 'loyaĝac jo'ne ja di'yoq 'me qaya'te loiquiaqa'.

1 Corintios 15:54

Nataq'aen qom yepaquetelegue da'me dojo', jenjo' qanejiyaĝauayaĝac 'loyaĝac jo'ne yeleu qomle, qom yem da'me qoneleguemaĝata da'me jo'ne ja yitaĝa yeleu, qama'le yepaquichigui ga'me jo'ne joote qoyediñe ca'li naa'me nedii's jo'ne 'laqatac ñe'me Dios, jo'ne eet'oi: «¡Da'me neleuaĝa male qoyolaĝachigui, qama'le da'me qadomataĝanaĝac male nalo'ta't!»

Romanos 8:3

Qa'a ñe'me Dios male ye'et da'me jo'ne ja yañoĝot da'me ye'et da'me namaĝajoĝonaĝac jo'ne chiyoqo'ot di'me Moisés, qa'a da'me lachoĝolaĝac da'me ch'e nejiyaĝauayaĝac qama'le ja yaqanatet ta'le yomat da'me dojo'. Qama'le Dios namaĝaquena ñe'me C'oĝot ena'am da'me lachoĝolaĝac ga'me ch'e jiyaĝaua 'me loeco lo'ol nataq'aen ena'am ta'le nemenec 'me nep'aĝaneguet gaa'me loeco joga'me jiyaĝadipi, nach'eda naq'aeta da'me ena'am q'aen ga'me ch'e jiyaĝaua 'me etaĝaloĝoic chiyaqayi da'me male yolaĝachigui ga'me etaĝaloĝoc.

Juan 14:3

Chane'eja qom yem da'me jec nataq'aen da'me jiyamaĝateta't gaa'me at'achaqachidi', qama'le yitaĝa 'ñiyelaq qaedi male ami yequiaĝa'u, qaedi ami nach'e eta't da'me oñiya'ña di'me jo'ne 'nachaqa' di'me jo'ne nach'edi 'nachaqa' jo'ne joneta'ña.

Apocalipsis 1:7

¡A'vicheta't! ¡Cristo na'taquena qomle da'me nalegue ga'me piyem lo'oc! Qama'le yema ga'me jiyaĝadipi male yauata, Chayovida'alo jogaa'me nalatoqo't nach'e ena'am da'me yauata joñe'me; Qama'le yema joga'me jiyaĝadipi jo'ne uedalegue jena'me aleua male 'uo da'me lachoĝode'j yajouaĝat joñe'me. Chane'eja naq'aeta da'me dojo'. Jaja'a, nach'e naq'aeta da'me dojo'.

Hebreos 4:15

Qa'a ñe'me mach'e Qadetaĝayaĝanaĝanec yataqata yaqanatet ta'le yichoĝoden da'me mach'e qadachoĝolaĝac, qa'a joñe'me uetauelo ca'li yemeda gaa'me napiyenagueco, ena'ama da'me qo'mi, qalaĝaja joñe'me qaya'te lepatenaĝanaĝac.

1 Juan 3:5

Ami joote auayachiñe queda'me Jesucristo nec'ata joca'li jena'me aleua, qaedi nemenegueta ena'uaque jodaa'me qadoeco, nach'eñe jo'ne qaya'te gamachaqaega ta'le loec.

2 Ts 2:1

Qama'le nayi, ami yaqaya'olqa, ga'me 'liyelaĝajoĝoc joñe'me Qadejaliaĝanec Jesucristo, uotaĝa ga'me nolo' jo' qomle male jouaqa'tajop joñe'me, ami ñachoĝodenoqoto

1 Corintios 1:7

qo'che' ja auoviñetaque ga'me anemii 'me chiyoqo'ot ñe'me Dios nayi queda'me cha'li auachitaque ga'me nolo' qom di'yo'quena ñe'me Qadejaliaĝanec Jesucristo.

Romanos 5:15

Qalaĝaja da'me yajouaĝat di'me Adán, ja nalo'taguet da'me qonaloqotenaĝaneguet da'me lachetaĝanaĝac 'me qo'mi yanema ñe'me Dios. Qa'a da'me lajouaĝac ga'me onolec jiyaĝaua yajouaĝat da'me jalcote dia'me yele'u; qalaĝaja da'me lachetaĝanaĝac ñe'me Dios 'me qaya'te lajo'vi q'aen da'me qo'mi yanema jo'ne chiyaqayi q'aen ñe'me onolec jiyaĝaua, nach'eñe ñe'me Jesucristo, yataqachiñe jalcote let'adaic yiyamaĝatem gaa'me qayoĝode'.

Hebreos 9:25

Qama'le ja naqaeda ta'le nach'e eta't 'viyelaĝalegue da'me yenoĝoje'ma di'me piyem, qaedi yitaĝa ya'uo ga'me lajaqajec; ja ena'am ga'me lajoĝola' gaa'me judiopi letaĝayaĝanaĝanaqa jo'ne onolqa'tape naa'me 'uoidi da'me taue ga'me netamenaĝaiqui qaedi 'yaĝateuo jaga'me jo'ne ja mach'e letauo'.

Mateo 20:28

Qa'a mate mane'e jayem jo'ne yataqachiñe jayem Jiyaĝaua Lec'oĝot, ja ñanaequena qaedi 'uo da'me ñecochaguec, dite da'me ñanaequena qaedi yecochiyalo joga'me jiyaĝadipi 'me jalcote nataq'aen qaedi janema da'me 'yoyaĝac, qaedi ñep'aĝanegueta jogaa'me.

Mateo 25:31

“Da'me jayem jo'ne jayem Jiyaĝaua Lec'oĝot nataq'aen jayem Jaliaĝanec, qom 'ñiyelaq qama'le nachetac da'me yi'yoĝodic, nataq'aen ena'uaque jogaa'me yamaĝa's jo'ne piyem laje' jayem naequetedapegue', qama'le jonañgui jaga'me yejaliaĝaiqui jo'ne p'ajaye da'me li'yoĝodic.

Romanos 3:25

Cristo naliñi jaga'me letauo' ca'li; nach'eda Dios 'yetem da'me lo'o q'aen da'me qoyapalaĝa't jodaa'me qadoeco. Dojo' napalaqataguec joga'me noecopi, chiyaqayi da'me nepe'e da'me maqachaĝa qoyovidalegue. Naq'aeta da'me jetaque yaloĝon ñe'me Dios da'me qo'mi e'n yataqatelo'te; yapalaĝa't gaa'me qadoeco jo'ne joote jauoqo'oe ca'li.

Hebreos 1:14

Qa'a ena'uaque jogaa'me piyem laje' nach'egaua jo'ne nepaqa'li 'me t'onataĝadeuo'o joñe'me Dios, qa'a joñe'me nach'eñe jo'ne yamaĝalo'te da'me lecochiyalo joga'me jiyaĝadipi jo'ne qonec'alaĝatedegue.

Hebreos 2:3

Qama'le nayi, ¿teua'atoqo' qo'mi yaĝa'n ga'me qane'uaĝanaguec, qom ja qadetela da'me nec'alaĝa let'adaic? Qa'a nach'eñe joñe'me Jaliaĝanec jo'ne 'uaechiñe da'me 'yaĝatetac da'me dojo' nec'alaĝa, qama'le jogaa'me jo'ne joote domachita da'me 'naqatac male qo'mi yaloĝonalo da'me naqaeda da'me jo'ne eja.

Hebreos 5:9

Qama'le ja yaĝañi da'me yataqata yoqo'cha joñe'me Dios, chayovida'a da'me yovita da'me laloqo' da'me qoyalat. Chane'eja nach'eñe joñe'me jo'ne yovida'a q'aen da'me male qoyen ladic da'me qonec'alaĝatedegue yema jogaa'me jo'ne yoqochideta joñe'me, da'me nec'alaĝa jo'ne qaya'te loiquiaqa'.

Hebreos 7:27

Qa'a ja ena'ama jogaa'me netaĝayaĝanaĝanaqa laqaya' jo'ne youe'n da'me yala't gaa'me yejidi yemeda naa'me noloqo'ote da'me yigouelo ga'me lajaqajecpi qaedi qoyapalaĝa't jogaa'me loeco jo'ne ja 'noe'n, da'me ye'uauaĝadiñe jogaa'me mach'e loeco, qama'le da'me yem male qauadegue jogaa'me loeco ga'me jiyaĝadipi. Qama'le ja ena'am ñe'me Jesús, jo'ne ya'uo ca'li ga'me lajaqajec jo'ne onolec, joca'li yaneuo da'me mach'e 'loyaĝac, qama'le qaya'te lajaqajec laqaya ta'le qoyouetaque.

Hebreos 10:10

Chane'eja ñe'me Dios joote qo'mi e'n yoqovite' q'ae'n, yajouaĝat da'me 'lonatac joñe'me Jesucristo jo'ne yoqo'cha da'me lelnataĝac joñe'me Dios, qama'le 'yaĝateuo da'me mach'e 'loyaĝac qaedi qoyalat. Ch'e onolec da'me nalataguec, qaedi nale'en da'me qo'mi yoqovite' q'ae'n.

Hebreos 12:14

Anepogoĝoiñetapegue' da'me nach'e eta't ami uetauelo da'me 'nemaĝac, ena'uaque da'me ami, nataq'aen da'me nach'e eta't da'me ami ja 'nalo'te, qa'a qom qaya da'me qat'oyaĝac jo'ne ja 'nalegue qama'le ja jaqanatetaq ta'le jauanaĝa joñe'me Jaliaĝanec.

Judas 1:21

Naq'aeta da'me ta'le aniyamaĝachetoue da'me loqopich'i joñe'me Dios. Nataq'aen 'noota qom 'uo da'me adeuataqataĝanaĝaqui ga'me nolo' qom ñe'me Qadejaliaĝanec Jesucristo qo'mi yanema da'me 'noyaĝac jo'ne ja 'naidena'a, qa'a jalcote da'me lichoĝodenataĝanaĝac.