Hebreos 8:4 - Nuevo Testamento Toba Sombrero Negro

⁴ Qalaĝaja ta'le cha'li ue'ta jena'me aleua joñe'me, qama'le ja naqaeñe ta'le qoyen netaĝayaĝanaĝanec, qa'a joote uo'oe jogaa'me tamenaĝaiqui lo'ol jo'ne yedodapeuo gaa'me nachitaĝanaqa'te, nach'eda da'me jo'ne damaĝajoĝolo'te da'me Dios lamaĝajoĝonaĝac 'me qo'mi yanema ca'li joñe'me Moisés.

Nuevo Testamento Toba Sur

⁴ Qaq somayi da huo'otaq ñaq hueta'a ana 'alhua, nachi sa ishíttaxa da ntaxaÿaxanaxanec, cha'ayi ñaq huo'o nam ntaxaÿaxanaxanecpi mayi ÿaatapegueuo ana nachitaqtaxanaqte mayi damaxasoxoolec co'ollaxa so Moisés.

La'aqtaqa Ñim Lo'onatac 'Enauacna 2013

⁴ Cha'ayectaxa da netaina'a nagui, nache saishettaxa da iuen da ntaxaỹaxanaxanec, cha'aye mashe huo'o nam qartaxaỹaxanaxanecpi, da nachena nam ỹanot ana qarachetaqtaxanaqte Ñim Lo'onatac 'Enauacna maye damaxasoxoolec co'ollaxa na nqataxacpi maye chegoqo'ot so Moisés.

Hebreos 8:4 Referans Kwoze

Hebreos 5:1

Yema ga'me netaĝayaĝanaĝanec jo'ne lajoĝola' ga'me tamenaĝaiqui lo'olpi mach'e liquiyac joñe'me Dios, qama'le qoyachiyoĝotauelo jogaa'me jiyaĝa'u laqaya' da'me dajoya'aguet joñe'me Dios, qaedi yadegue gaa'me lachitaqataĝanaqa'te ga'me jiyaĝadipi choqoga'me lajaqajecpi jo'ne qoyigouelo, qaedi qoyapalaĝa't gaa'me loeco jogaa'me.

Hebreos 11:4

Ñe'me Abel yataqata p'iya'a ñe'me Dios, qama'le ya'uo joca'li ga'me lajaqajec jo'ne onaĝaic 'me yanem joñe'me Dios, ga'me jo'ne napacalegue ga'me lajaqajec ñe'me Caín. Chane'eja nach'eñe ñe'me Abel jo'ne qoyiyamaĝaden ca'li, da'me qo'yaĝatetac da'me yataqatelegue, qama'le qoyaconeguet ga'me mach'e lajaqajec. Qama'le nayi, mate mane'e Abel joote yeleu joca'li, qalaĝaja da'me lepi'iyaĝac maliaĝa queta da'me qo'mi t'aqataĝatapema.

Hebreos 7:27

Qa'a ja ena'ama jogaa'me netaĝayaĝanaĝanaqa laqaya' jo'ne youe'n da'me yala't gaa'me yejidi yemeda naa'me noloqo'ote da'me yigouelo ga'me lajaqajecpi qaedi qoyapalaĝa't jogaa'me loeco jo'ne ja 'noe'n, da'me ye'uauaĝadiñe jogaa'me mach'e loeco, qama'le da'me yem male qauadegue jogaa'me loeco ga'me jiyaĝadipi. Qama'le ja ena'am ñe'me Jesús, jo'ne ya'uo ca'li ga'me lajaqajec jo'ne onolec, joca'li yaneuo da'me mach'e 'loyaĝac, qama'le qaya'te lajaqajec laqaya ta'le qoyouetaque.

Hebreos 8:3

Yema ga'me netaĝayaĝanaĝanec jo'ne qoyen lajoĝola' gaa'me tamenaĝaiqui lo'ol 'uo da'me 'lonatac jo'ne yanoto joñe'me Dios gaa'me lachitaĝanaqa'te ga'me jiyaĝadipi choqoga'me lajaqajecpi jo'ne qoyigouelo. Qama'le nach'e ena'am joñe'me Dios Lec'oĝot youen ca'li da'me ya'uo jaga'me mach'e lachitaĝanaqate.

Hebreos 9:9

Qama'le nayi naa'me naajo' noloqo'ote, nach'eda jenjo' qoyen qadaloqotenaĝanac, qa'a gaa'me nachetaqataĝanaqatel nataq'aen jogaa'me najaqajel jo'ne qoyigouelo da'me qoyanoto joñe'me Dios, ja naqaegaua ta'le yaqanate't da'me en yataqatelo'te q'ae'n gaa'me lai'li jogaa'me jiyaĝa'u, qom naq'aeta da'me li'yoĝodenataĝanaĝa'j.

Hebreos 10:11

Eja jogaa'me letaĝayaĝanaĝanaqa joga'me judiopi da'me 'yetetedac yemeda naa'me noloqo'ote da'me mach'e 'lonataĝanaĝa'j, qama'le ja yaĝadiñi da'me 'yiyelaĝatedapelegue da'me yauo'oe gaa'me lajaqajel, mate mane'e ja naqaegaua ta'le yapalaĝa't jogaa'me jiyaĝaua loeco.