Hebreos 8:2 - Nuevo Testamento Toba Sombrero Negro

² Qama'le nach'eñe jo'ne yataqata dajo'tot joñe'me Dios, qa'a uetaue di'me tamenaĝaiqui jo'ne ja 'nalegue, 'me ja 'lonata'j jogaa'me jiyaĝa'u dite da'me nach'eñe ñe'me Dios jo'ne ye'et.

Nuevo Testamento Toba Sur

² Qataq somayi nachiso so ntaxaÿaxanaxanec da qaitaxaÿapegue' ñi Dios cam ÿataqta lauo' ñimayi da piguem, cam noÿic mayi maichi l'onatac ñi qadataxala', qaq sa ishit da l'onatac na chochi shiÿaxauapi.

La'aqtaqa Ñim Lo'onatac 'Enauacna 2013

² Qaq Somaye, nacheso So Jesucristo maye ỹo'ottac da lo'onataxanaxac da ntaxaỹaxanaxanec qataq huetasheguema yem ỹataqta 'eesa lma' Ñim Lo'onatac 'Enauacna maye maiche lo'onatac Ñimaye, qaq saishet da lo'onatac ca choche shiỹaxaua.

Hebreos 8:2 Referans Kwoze

2 Corintios 5:1

Yataqachiñe jayatenaq queda'me jenaqa'am ga'me emec jo'ne ch'e nomachaĝaiqui, jo'ne yovita ga'me nolo' nale qonejoyeñe joga'me. Qalaĝaja 'uo ga'me qat'achaqa' di'me piyem, jo'ne ja ch'e jiyaĝaua 'lonatac nataq'aen ja yitaĝa pal, qa'a nach'eñe ñe'me Dios 'lonatac.

Romanos 15:8

Qama'le ami ja'aqataĝanema ñe'me Cristo da'me naequena joca'li qaedi lecochiyalo joga'me judiopi qaedi yepaque'teguelo gaa'me jo'ne joote qo'yaĝatema dia'me qadet'al 'me jachiyojoĝogueta nataq'aen naq'aeta da'me yaloĝon queda'me Dios yepagaqate'tegue ga'me jo'ne yaqataĝañi 'laqatac.

Hebreos 11:10

Qa'a ñe'me Abraham yeuate'ta joca'li da'me neta'ña ga'me noic let'adaic jo'ne qoyen chimaqachiñe jaga'me lamo da'me qo'noĝojeguem, ga'me noic jo'ne nach'eñe ñe'me Dios da'me 'noĝojeguem.

Hebreos 10:21

Nach'eñe ñe'me Jesús mach'e qadetaĝayaĝanaĝanec jo'ne p'ajaye 'me neteloqo't di'me 'lachaqa' joñe'me Dios.

Colosenses 2:11

Nataq'aen nach'e ena'am chiyaqayi joñe'me queda'me ami qoyanema ga'me nichaĝajoĝonaĝac, qalaĝaja ja naqaega ga'me nichaĝajoĝonaĝac jo'ne ch'e jiyaĝaua 'lonatac, dite ga'me nichaĝajoĝonaĝac jo'ne ya'uo ñe'me Dios ca'li ami yapetenegueta joñe'me Cristo nataq'aen ami yachiyoĝotauelo joda'me adoecodi'.

Lucas 24:44

Yem qama'le yanema da'me 'laqatac: —Ga'me jo'ne 'uo jaa'me jaajo' noloqo'ote nach'ega jo'ne joote ami jaqataĝatapeque da'me cha'li maliaĝa ami jouetauelo; jo'ne nach'egaua male yepaquichiguilo ena'uaque gaa'me qoyedidiñe 'me jayem 'yaĝatetedac gaa'me nedii's jo'ne lamaĝajoĝonaĝaco di'me Moisés, choqogaa'me ledii's dia'me Dios 'laqataĝanaĝanaqapi nataq'aen jaga'me nede jo'ne lenaĝat Nalacpi.

Hebreos 9:1

Qa'a da'me 'uaechiñe 'namaqatenataĝanaĝac yataqata 'uo da'me lajoĝoc da'me qoye'et nale qoya'uo ga'me nemaĝac, qama'le 'uo ca'li ga'me tamenaĝaiqui 'me 'lonata'j ga'me jiyaĝadipi.

Hebreos 10:11

Eja jogaa'me letaĝayaĝanaĝanaqa joga'me judiopi da'me 'yetetedac yemeda naa'me noloqo'ote da'me mach'e 'lonataĝanaĝa'j, qama'le ja yaĝadiñi da'me 'yiyelaĝatedapelegue da'me yauo'oe gaa'me lajaqajel, mate mane'e ja naqaegaua ta'le yapalaĝa't jogaa'me jiyaĝaua loeco.

Apocalipsis 21:3

Qama'le jomachiya ga'me 'naqatac jo'ne yejam, chimaqapicot jaga'me je'onaĝaiqui jo'ne eetac: —Piiya: joñe'me Dios male en 'lemec jena'me 'lachaqa't joga'me jiyaĝadipi. Joñe'me male uetauelo jogaa'me, qama'le e'n jogaa'me mach'e 'lachaqadiaĝa'upi. Qa'a nach'eñe joñe'me Dios male ne'tajopa jogaa'me.