Hebreos 8:1 - Nuevo Testamento Toba Sombrero Negro

¹ Chane'eja da'me qat'aqatac jo'ne yaguegue da'me lajo'viyaĝac, nach'eda da'me dojo', eet'oi: yataqata 'uo ñe'me Qadetaĝayaĝanaĝanec jo'ne ne'tague di'me piyem nayi, da'me male na'ña da'me loec joga'me lejaliaĝaiqui joñe'me Dios.

Nuevo Testamento Toba Sur

¹ Qaq 'eda da ÿoqta ÿacteec da ñanacto'ot da sa'axattac, 'eeta': 'Eda da 'eetec da lataxac som 'oonolec qadtaxaÿaxanaxanec. Qaq nagui somayi nso'oota'ague da aloic ñi Dios mayi neta'ague da piguem.

La'aqtaqa Ñim Lo'onatac 'Enauacna 2013

¹ Qaq 'era da ỹoqta ỹactec da 'onaxaic, 'eeta': Qomi' huo'o Som Lataxala' na ntaxaỹaxanaxanecpi neta'ague da piguem, nso'ootañi, hueta'ague da aloic añi nso'onaxaqui Ñim Lo'onatac 'Enauacna.

Hebreos 8:1 Referans Kwoze

Colosenses 3:1

Chane'eja, queda'me Cristo ami 'niyelaĝachidijeguem, 'noota qom aueloyapiye gaa'me jo'ne uo'oe 'me ueda'ague di'me piyem, 'me ne'tague ñe'me Cristo da'me ñichiñe, na'ña jena'me yayaten joñe'me Dios.

Hebreos 1:3

Queda'me naqaeñe jo'ne laqaselegaĝac da'me 'lonaĝac joñe'me Dios, nataq'aen da'me 'loyaĝac joñe'me ena'am da'me 'loyaĝac joñe'me Dios. Qama'le naa'me 'laqataqa joñe'me C'oĝot 'uo da'me lañoqotaĝanaĝa'j qaedi nelaĝatetedañe ena'uaque naa'me naajo' jo'ne uo'oe. Chane'eja ca'li yomat da'me ena'am ta'le qo'mi yiyo'y qaedi qoyapalaĝa't naa'me mach'e qadoeco, qama'le neta'ña di'me yayaten joñe'me Dios, da'me male na'ague di'me piyem jo'ne lejaliaqa'.

Apocalipsis 3:21

Jogaa'me jo'ne yovidedeta da'me noma't joga'me ja no'en, nach'egaua jo'ne janema da'me jayem neteda'ñe' di'me yejaliaqa', da'me ena'am da'me jayem ca'li jomataĝan, qama'le joneta'ñe' ñe'me Taĝadena' di'me mach'e lejaliaqa'.

Hebreos 12:2

'Noota qom nach'e eta't da'me jenataqatapega joñe'me Jesús, qa'a naqaeñe 'me chiyaqayi da'me qadepe'e, nataq'aen da'me yiyamaĝachiñe. Ñe'me Jesús yauana joca'li da'me 'uo qomle da'me lamaic let'adaic. Chane'eja napogaĝadeneguet joca'li jana'me sodoso, ja jetaque yoqochi'eguet da'me nepocoĝoc jo'ne chiyaqayi da'me neleuaĝa, qama'le da'me yem da'me jo'ne lachoĝodec qoyen, male na'ña ga'me yayaten ga'me lejaliaqa' joñe'me Dios.

Hebreos 2:17

Qo'che' joñe'me youen da'me yataqata ena'am qoyen da'me 'loyaĝa'j jogaa'me laqaya'olqa, qaedi yovida'a da'me qoyen Letaĝayaĝanaĝane'j jo'ne p'ajaye 'me yataqatelegue nataq'aen choĝodenataĝanaĝaic da'me dajo'tot joñe'me Dios, nataq'aen da'me yapalaĝa't gaa'me loeco joga'me jiyaĝadipi, qama'le yachiyoĝotayilo da'me leleuaĝa'.

Hebreos 10:12

Qalaĝaja ñe'me Jesucristo mach'eñe da'me 'naĝatela't, qa'a onolec da'me leleuaĝa qaedi nach'e eta't da'me nep'aĝanegueta naa'me qadoeco, qama'le yem da'me jo'ne qo'yetec male na'ña jena'me yayaten joñe'me Dios.

Hebreos 1:13

Joñe'me Dios qaya'te ua'a ta'le enaac da'me dojapegue' ga'me piyem le'ec: “Ona'ague nayi jena'me jayaten, Chayovida'a qom ñoma't jogaa'me adaute'udi' Qama'le jacho'oto naa'me adapia'te.”

Efesios 6:20

Joñe'me Qadejaliaĝanec jayem yamaĝalegue ca'li jena'me jenjo' qaedi ja'aĝatetac jenjo' jo'ne 'lonataĝanaĝac, nach'ena jayem yajouaĝat nayi da'me male jayem qoyecoñedetac. Chane'eja anachoĝodeñiyot joñe'me Dios qaedi yataqata ya'uo ga'me 'yañaĝac, qaedi maliaĝa jequeta da'me ja'aĝa'tape naajo' 'naqataqa.

Marcos 16:19

Mane'e ca'li yem da'me dojapegue'to, joñe'me Jaliaĝanec Jesús qoyen taje'ma di'me piyem qama'le na'ña di'me yayaten joñe'me Dios.

Hebreos 3:1

Chane'eja, ami yaqaya'olqa, da'me ami jo'ne ami liquiyaqa joñe'me Dios qaedi male en mach'e ami lec'oqo'tepi, 'noota qom auenache'ta joñe'me Jesús jo'ne Lamaĝajec joñe'me Dios, nataq'aen nach'eñe ñe'me Qadejaliaĝanec mach'e Qadetaĝayaĝanaĝanec jo'ne dajo'tot joñe'me Dios.

Hebreos 4:14

Chane'eja queda'me joote yec'adije'ma di'me piyem ñe'me Qadetaĝayaĝanaĝanec jo'ne napacalegue ena'uac, nach'eñe ñe'me Jesús jo'ne Dios Lec'oĝot, qama'le da'me qo'mi, 'noota qom 'ñañaĝataq da'me qolaqatelegue da'me qadepe'e ladic.