Biblia Todo Logo
Bib sou entènèt

- Piblisite -




Hebreos 7:8 - Nuevo Testamento Toba Sombrero Negro

8 Nataq'aen nayi naa'me naajo' noloqo'ote uo'oe gaa'me netaĝayaĝanaĝanaqa jo'ne yacoteguet ga'me jo'ne qoyanem, nach'egaua jo'ne ch'e jiyaĝa'u, qama'le gamachaqaega nolo' da'me yele'u. Qalaĝaja naa'me nedii's jo'ne Dios 'laqataĝanaĝac ja 'yaĝatetedac da'me leleuaĝa ñe'me Melquisedec, qama'le ena'am ta'le maliaĝa nec'aletaye.

Gade chapit la Kopi

Nuevo Testamento Toba Sur

8 Qaq de'eda shinaqta nagui nam ÿacootapeeguet añi 'oonole nam diez lalamaxatpi na shiÿaxauapi, namayipi taÿa'a da ileu. Qalaxayi de'eda 'eetec so Melquisedec naua l'aqtaqa ñi Dios i'axa't da somayi nachi 'eetai' da nca'altauec.

Gade chapit la Kopi

La'aqtaqa Ñim Lo'onatac 'Enauacna 2013

8 Na ntaxaỹaxanaxanecpi maye ỹacootapeeguet nagui ana diezmo, namayepi choche shiỹaxauapi, ỹoqo'oye taỹa'a da ileu. Qalaxaye so Melquisedec nache 'eetai' da nca'altauec, cha'aye ana nere maye huetalec na la'aqtacpi Ñim Lo'onatac 'Enauacna saishet da ỹa'axat da ileu somaye.

Gade chapit la Kopi




Hebreos 7:8
12 Referans Kwoze  

Nach'edi di'me jo'ne yenoĝoje'ma joca'li joñe'me Jesús, qaedi qo'mi yichoĝode'n da'me en qadadiiuo, qa'a nach'eñe ñe'me Jesús jo'ne joote qoyen Qadetaĝayaĝanaĝanec 'me p'ajaye, da'me ena'am da'me 'loyaĝac ñe'me Melquisedec joca'li.


Nataq'aen 'uo da'me nediijec laqaya jo'ne 'laqatac joñe'me Dios 'me eet'oi: “Da'me am nach'e eta't da'me am netaĝayaĝanaĝanec, Qama'le auena'am da'me 'loyaĝac ñe'me Melquisedec.”


nataq'aen da'me naqayem jo'ne nach'e eta't da'me jec'aletaye: naqayem jo'ne jeleu ca'li, qalaĝaja nayi male nach'e eta't da'me jec'aletaye, qama'le jayem ue'tajop da'me yañoqotaĝanaĝac qaedi 'ñiyelaĝachidijeguem gaa'me joote yele'u, da'me jachiyoĝotedaue di'me napa'lpi necoñetaĝaiqui'.


Uo'oe joca'li jogaa'me netaĝayaĝanaĝanaqa laqaya' jo'ne qayoĝode', qa'a yajouaĝat da'me ja nach'e eta'ajalo da'me nec'aletedaye.


Qomle male ja jayem 'te yauata ga'me aleua laje'pi, qalaĝaja da'me ami qamqa'me yitaĝa jayem auañiya qomle, nataq'aen da'me adec'aletedaye qomle qa'a nach'e ena'am da'me jayem yitaĝa jec'aletaye qomle.


Qama'le ¿jach'e jogamaĝa gaa'me jo'ne domachiyalo daa'me 'laqataqa joñe'me Dios qama'le ja yoqochideta ca'li? Nach'egaua jogaa'me jo'ne Moisés yachiyoĝotedaue di'me Egipto joca'li.


Jesús 'yateguet joñe'me: —Naqayem jo'ne naq'aec, 'me eja nataq'aen da'me nec'alaĝa. Qaya'te naq'aec laqaya ta'le qoyovida'a ñe'me Taĝadena'.


Joote qoyediñe joca'li onolec da'me qadeleuaĝa, qama'le da'me yem da'me dojo' male qoya'uo da'me nec'atenaĝanaĝac.


Qaya'te ta'le yoqoleguet da'me dojo': ga'me jo'ne dichoĝodenataĝan, nach'ega jo'ne p'ajaye, qama'le napacalegue ga'me jo'ne qoyichoĝoden.


Chane'eja ñe'me Leví jo'ne yaconegueta joca'li yema gaa'me qoyanema, nataq'aen ena'uaque jogaa'me netaĝayaĝanaĝanaqa jo'ne chiyoĝoteguet, ena'am ta'le yanema ñe'me Melquisedec ga'me lae yema ga'me yauata, yajouaĝat da'me jo'ne yanegue joca'li ñe'me Abraham.


Swiv nou:

Piblisite


Piblisite