Hebreos 7:3 - Nuevo Testamento Toba Sombrero Negro

³ Qaya'te ta'le ch'e yayate'n jogaa'me jo'ne mach'e let'al ñe'me Melquisedec, uotaĝa gaa'me jo'ne mach'e chiyoĝogueta, qama'le nach'e ena'am ja qo'yaĝa't da'me eeta joca'li niyiñe, uotaĝa joca'li male yeleu. Chane'eja naq'aeta da'me dojo' 'loyaĝac joca'li: qo'che' qoyetapega ena'am da'me 'loyaĝac ñe'me Dios Lec'oĝot jo'ne netaĝayaĝanaĝanec 'me nach'e eta't da'me dajo'tot joñe'me Dios.

Nuevo Testamento Toba Sur

³ Qaq somayi qaica ca lta'a qataq aca late'e qataq cam hua'au lta'alpi. Qataq somayi sa ishit da qai'axat da 'eetec ca lañoxoc qataq ca l-leuaxa. Qaq 'eda da 'eetec da somayi nachi 'eeta'am da lataxac so llalec ñi Dios, da somayi nachi 'eetai' da ntaxaÿaxanaxanec da qaitaxaÿapegue' ñi Dios.

La'aqtaqa Ñim Lo'onatac 'Enauacna 2013

³ Qaq somaye, qaica ca ỹaỹaten ca le'enaxa't caua lta'al qataq cam chegoxoguet lauo', nataqa'en saishet da qaỹaỹaten ca hua'ague co'ollaq ñiguiñi qataq ca huaña da ileu. Qaq ỹoqo'oye so Melquisedec da lo'onataxanaxac da ntaxaỹaxanaxanec, 'eeta'am So Llalec Ñim Lo'onatac 'Enauacna da chochaq tatec da ntaxaỹaxanaxanec da qaitaxaỹapegue' Ñimaye.

Hebreos 7:3 Referans Kwoze

Hebreos 7:17

Qa'a naa'me nedii's jo'ne Dios 'laqataĝanaĝac 'yaĝatetedac joñe'me, eet'oi: “Naqa'am jo'ne am netaĝayaĝanaĝanec 'me nach'e eta't ja pal, Qa'a auena'am da'me 'loyaĝac ñe'me Melquisedec.”

Hebreos 7:6

Qalaĝaja ñe'me Melquisedec, mate mane'e ja naqaeñe ta'le chiyoĝoguet ñe'me Leví, nach'eñe jo'ne qoyejeten ca'li yaconeguet ga'me lae da'me nejetenaguec ñe'me Abraham. Nach'e ena'am ñe'me Melquisedec naqaeñe jo'ne yanem da'me Dios lichoĝodenataĝanaĝac ñe'me Abraham jo'ne joote yaconeguet da'me 'naĝataĝac joñe'me Dios.

Mateo 4:3

Chane'eja ñe'me payac yec'ata joñe'me Jesús qaedi yapiyen, qama'le enaac: —Ta'le yataqachiñe eja am Dios Lec'oĝot, qama'le auamaĝalo'te naa'me naajo' qadipi qaedi neleguemaĝatalo panpi.

Hebreos 4:14

Chane'eja queda'me joote yec'adije'ma di'me piyem ñe'me Qadetaĝayaĝanaĝanec jo'ne napacalegue ena'uac, nach'eñe ñe'me Jesús jo'ne Dios Lec'oĝot, qama'le da'me qo'mi, 'noota qom 'ñañaĝataq da'me qolaqatelegue da'me qadepe'e ladic.

Hebreos 7:1

Qa'a nach'eñe ñe'me Melquisedec jo'ne nejaliaĝanec di'me noic 'me lenaĝat da'me Salem joca'li, nataq'aen da'me mach'e netaĝayaĝanaĝanec jo'ne dajo'tot joñe'me Dios jo'ne napacalegue ena'uac. Mane'e joca'li ñe'me Abraham 'viyelaq da'me chiyoqo'ta ga'me nalada't, di'me jo'ne ua'a joca'li noma't jogaa'me nejaliaĝanaqa, qama'le nenoĝonegue ñe'me Melquisedec da'me uaqate'taguet ñe'me Abraham, qama'le yanem da'me Dios lichoĝodenataĝanaĝac ca'li.

Hebreos 7:2

Ñe'me Abraham e'n diez gaa'me lael da'me lomataĝanaĝac 'me yachiyoĝotaue jo'me nalada't, qama'le onolec ga'me lae male yanem ñe'me Melquisedec. Da'me dojo' nenaĝat jo'ne Melquisedec yelo'teguet da'me “Jaliaĝanec jo'ne Ja 'Nalegue”, qalaĝaja nach'e ena'am da'me 'uo da'me lenaĝat laqaya jo'ne “Nejaliaĝanec da'me 'Nemaĝac”, qa'a naqaeda jo'ne yelo'teguet da'me nejaliaĝanec di'me Salem.