Hebreos 7:2 - Nuevo Testamento Toba Sombrero Negro

² Ñe'me Abraham e'n diez gaa'me lael da'me lomataĝanaĝac 'me yachiyoĝotaue jo'me nalada't, qama'le onolec ga'me lae male yanem ñe'me Melquisedec. Da'me dojo' nenaĝat jo'ne Melquisedec yelo'teguet da'me “Jaliaĝanec jo'ne Ja 'Nalegue”, qalaĝaja nach'e ena'am da'me 'uo da'me lenaĝat laqaya jo'ne “Nejaliaĝanec da'me 'Nemaĝac”, qa'a naqaeda jo'ne yelo'teguet da'me nejaliaĝanec di'me Salem.

Nuevo Testamento Toba Sur

² Nachi so Abraham ÿanem somayi ñi 'oonolec nam diez nam lhuotaxanaxatpi mayi ÿachigoxotaigui so alaataxac. Qaq de'eda n'enaxat Melquisedec da hua'auchiguiñi naigui 'eeta': “Nta'a mayi no'on da lataxac.” Qaq cha'ayi somayi nachiso so lta'a na netaña yi Salem yim nataq'en da naigui 'eeta': “Nlagaxayic,” qaq ÿoqo'oyi de'eda n'enaxat nataq'en da naigui 'eeta': “Lta'a da nlagaxayic.”

La'aqtaqa Ñim Lo'onatac 'Enauacna 2013

² Nache so Abraham ỹanem so Melquisedec aso ndiezmo maye ỹachegoxotaigui nam lhuotaxanaxatpi maye ỹachegoxotaigui se'eso alaataxac. Qaq de'era ne'enaxat Melquisedec, da hua'auchiguiñi naigui 'eeta': «Nta'a maye no'on da lataxac.» Qalaxaye nataqa'en da qaiỹaxana qalaq lta'a nam netaña ye nỹecpi ye Salén, qaq damaye naigui da «Lta'a da nlagaxayec.»

Hebreos 7:2 Referans Kwoze

Romanos 3:26

Qa'a ja yalaĝadaic ñe'me Dios. Ñe'me jetaque yaloĝon da'me qo'mi e'n yataqatelo'te q'ae'n ga'me nolo' jo'ne tachigui q'aen; qa'a naq'aeta queda'me yataqatelegue ñe'me qama'le e'n yataqatelo'te jogaa'me jo'ne p'iida'a ñe'me Jesús.

Lucas 2:14

“¡Qo'nonaĝachigui joñe'me Dios jo'ne na'ague di'me p'ajeguem! ¡'Nemaĝac neda'ña jena'me aleua uetouelo joga'me jiyaĝadipi, nach'egaua jo'ne Dios yichoĝode'n!”

Mateo 1:23

“Jañe'me q'añole jo'ne uayamaqai qo'uaĝai qomle, qama'le 'uo ga'me c'oĝot, nach'ega qoyenaqatenec qomle Emanuel” (jo'ne yelo'teguet: “Qadet'a qo'mi uetauelo.”)

Hebreos 7:1

Qa'a nach'eñe ñe'me Melquisedec jo'ne nejaliaĝanec di'me noic 'me lenaĝat da'me Salem joca'li, nataq'aen da'me mach'e netaĝayaĝanaĝanec jo'ne dajo'tot joñe'me Dios jo'ne napacalegue ena'uac. Mane'e joca'li ñe'me Abraham 'viyelaq da'me chiyoqo'ta ga'me nalada't, di'me jo'ne ua'a joca'li noma't jogaa'me nejaliaĝanaqa, qama'le nenoĝonegue ñe'me Melquisedec da'me uaqate'taguet ñe'me Abraham, qama'le yanem da'me Dios lichoĝodenataĝanaĝac ca'li.

Hebreos 7:3

Qaya'te ta'le ch'e yayate'n jogaa'me jo'ne mach'e let'al ñe'me Melquisedec, uotaĝa gaa'me jo'ne mach'e chiyoĝogueta, qama'le nach'e ena'am ja qo'yaĝa't da'me eeta joca'li niyiñe, uotaĝa joca'li male yeleu. Chane'eja naq'aeta da'me dojo' 'loyaĝac joca'li: qo'che' qoyetapega ena'am da'me 'loyaĝac ñe'me Dios Lec'oĝot jo'ne netaĝayaĝanaĝanec 'me nach'e eta't da'me dajo'tot joñe'me Dios.