Hebreos 7:16 - Nuevo Testamento Toba Sombrero Negro

¹⁶ Qama'le da'me qoyen netaĝayaĝanaĝanec ja yepaquetelegue da'me namaĝajoĝonaĝac 'me 'yaĝa't ga'me nec'oqo'tepi ta'le chiyaqauelo, dite da'me chiyaqayi da'me lañoqotaĝanaĝac da'me mach'e 'loyaĝac jo'ne nach'e eta't ja pal.

Nuevo Testamento Toba Sur

¹⁶ da somayi qoÿanagui da ntaxaÿaxanaxanec. Qalaxayi sa ishit da chigaqaigui ca ñalaqpi mayi i'axat na nqataxacpi da chigaqaigui ca ntaxaÿaxanaxanec. Cha'ayi somayi chigoqchigui da l'añaxac da nachaalataxac mayi sa ishit da qanlaxajñi.

La'aqtaqa Ñim Lo'onatac 'Enauacna 2013

¹⁶ Somaye huaỹoqtec da lataxac, cha'aye saishet da nca'aguishec da chegaqaigui ca 'oonolec nhuo' le'ecpi, nachaqrata da souaxat da Somaye chochaq tatec da lca'alaxa.

Hebreos 7:16 Referans Kwoze

Colosenses 2:20

Adelevi'ta'y ca'li ñe'me Cristo qama'le ja yitaĝa anejoqui'tagueta jogaa'me 'nañaĝaco jo'ne nejaliaĝatedelegue jena'me aleua. Chane'eja, ¿toqoch'e ena'am ta'le maliaĝa ademiya'eguet jena'me aleua, queda'me maliaĝa oquitapegue'to gaa'me ja qodajenataĝanema, ena'am da'me

Apocalipsis 1:18

nataq'aen da'me naqayem jo'ne nach'e eta't da'me jec'aletaye: naqayem jo'ne jeleu ca'li, qalaĝaja nayi male nach'e eta't da'me jec'aletaye, qama'le jayem ue'tajop da'me yañoqotaĝanaĝac qaedi 'ñiyelaĝachidijeguem gaa'me joote yele'u, da'me jachiyoĝotedaue di'me napa'lpi necoñetaĝaiqui'.

Hebreos 10:1

Qa'a daa'me namaĝajoĝonaĝaco jo'ne qoyanema ñe'me Moisés joca'li, nach'edata da'me ena'am ta'le ch'e lequi'il gaa'me niyamaqataĝanaĝaco jo'ne onaĝayaqa 'me nateda'aquena. Chane'eja da'me jo'ne joote novitequena ja naqaeda da'me jo'ne yataqatelegue, qa'a daa'me namaĝajoĝonaĝaco jo'ne 'uaechidiñe, qaya'te ua'a ta'le yaqanate't da'me e'n yataqatelo'te jogaa'me jiyaĝa'u, jo'ne onolqa'tape naa'me 'uoidi da'me yec'adeta joñe'me Dios, qaedi yitaĝa yauo'oe gaa'me lajaqajel.

Hebreos 7:28

Qa'a 'uo da'me chiyoqodayi naa'me namaĝajoĝonaĝaco jo'ne Moisés yepota'n joca'li: gaa'me jo'ne qoye'n netaĝayaĝanaĝanaqa nach'egaua jo'ne jiyaĝa'u 'me ja yataqatelo'te. Qalaĝaja da'me jo'ne chiyaqayi da'me Dios 'laqatac jo'ne 'naĝatelegue, jo'ne napacalegue da'me 'uaechiñe, nach'eda da'me qoyen Netaĝayaĝanaĝanec ñe'me mach'e Lec'oĝot, nach'eñe jo'ne nach'e eta't da'me yataqatelegue.

Hebreos 7:3

Qaya'te ta'le ch'e yayate'n jogaa'me jo'ne mach'e let'al ñe'me Melquisedec, uotaĝa gaa'me jo'ne mach'e chiyoĝogueta, qama'le nach'e ena'am ja qo'yaĝa't da'me eeta joca'li niyiñe, uotaĝa joca'li male yeleu. Chane'eja naq'aeta da'me dojo' 'loyaĝac joca'li: qo'che' qoyetapega ena'am da'me 'loyaĝac ñe'me Dios Lec'oĝot jo'ne netaĝayaĝanaĝanec 'me nach'e eta't da'me dajo'tot joñe'me Dios.

Colosenses 2:14

Dios yapalaĝat jaga'me qadomalate jo'ne ja qo'mi 'te yotaua'n; yataqachiñe yemegue ca'li qoyetouoĝolegue jaga'me sodoso.

Gálatas 4:9

Qalaĝaja nayi male auatetoñi ñe'me Dios, uotaĝa chimaqachiñe da'me jenaac: Dios male ami yateto'n. Qo'che' ja jayem 'te taue da'me toqoch'e anajeñe'teguet da'me yitaĝa ami yaue'j jogaa'me qop'iyapegalo jo'ne mach'egaua qaya'te lañoqotaĝanaĝa'j uotaĝa lajo'viyaĝa'j.

Gálatas 4:3

Ena'am ta'le naq'aeta ga'me jouaqataue ca'li maliaĝa ja jatetonaq ñe'me Cristo: jogaa'me nepaqa'lpi jo'ne ch'e yeuotapiye'ajalo qo'mi 'yetapeque da'me ena'am da'me qo'mi lelataqa.

Hebreos 7:21

Nach'eñeta ñe'me onolec jo'ne qoyachalegue ca'li da'me 'laqatac ñe'me Dios, qa'a naa'me nedii's 'yaĝatetac da'me dojo', eet'oi: “Joñe'me Jaliaĝanec 'naĝatelegue da'me dojo', qama'le ja eetapega ta'le ja ya'uo qomle, enaac: «Naqa'am jo'ne am netaĝayaĝanaĝanec 'me nach'e eta't ja pal.»”

Hebreos 7:17

Qa'a naa'me nedii's jo'ne Dios 'laqataĝanaĝac 'yaĝatetedac joñe'me, eet'oi: “Naqa'am jo'ne am netaĝayaĝanaĝanec 'me nach'e eta't ja pal, Qa'a auena'am da'me 'loyaĝac ñe'me Melquisedec.”

Romanos 7:14

Jayatenaq gaa'me namaĝajoĝonaĝaco jo'ne chiyoqodo'ot joñe'me Dios da'me 'yaĝatetedac ga'me ja di'yoq, qalaĝaja jayem qaya'te 'yañaĝac, nemenec 'me lelatac da'me etaĝaloĝoc.

Hebreos 7:15

Qama'le yataqachiñe di'yoq da'me dojo', qom 'uo ñe'me Qadetaĝayaĝanaĝanec dalaĝaic jo'ne male ena'am da'me 'loyaĝac ñe'me Melquisedec.

Hebreos 9:14

Chane'eja qom naq'aeta da'me dojo', qama'le jalcote da'me yaguegue da'me lañoqotaĝanaĝac jaga'me letauo' joñe'me Cristo, qa'a chiyaqayi ñe'me Dios Lepaqal jo'ne nach'e eta't da'me 'uo, ñe'me Cristo mach'e nemenot joñe'me Dios, da'me ena'am ta'le najaqajec jo'ne qaya'te lejepaĝanaĝa. Chane'eja jaga'me letauo' da'me yataqata e'n yoqovite' naa'me mach'e qadai'li, nach'eda da'me jo'ne ja yaqanatet ta'le chiyaqayilo jogaa'me najaqajel toye's, qama'le nayi yataqata jaqanatetaq da'me jo'onataĝanaĝauo'o ñe'me Dios jo'ne nach'e eta't da'me nec'aletaye.