Hebreos 7:12 - Nuevo Testamento Toba Sombrero Negro

¹² Qama'le qom qoyadalaĝa't gaa'me netaĝayaĝanaĝanaqa nataq'aen qom ja ena'am da'me 'loyaĝac ga'me dalaĝaic, qama'le nach'e ena'am qoyouetaque da'me qoyadalaĝa't daa'me namaĝajoĝonaĝaco.

Nuevo Testamento Toba Sur

¹² Cha'ayi da qanqochinaxat na ntaxaÿaxanaxanecpi, nachi nataq'en iuen da qanqochinaxat na nqataxacpi.

La'aqtaqa Ñim Lo'onatac 'Enauacna 2013

¹² Cha'aye da nqochen da lataxac ca ntaxaỹaxanaxanec, nache nataqa'en iuen da qanqochenaxat na namaxasoxonaxacpi.

Hebreos 7:12 Referans Kwoze

Hebreos 7:11

Joca'li ñe'me Dios yanema daa'me lamaĝajoĝonaĝaco ga'me Israel lec'oqo'tepi qaedi gaa'me netaĝayaĝanaĝanaqa jo'ne lec'oqo'te di'me Leví e'n yataqatelo'te joga'me jiyaĝadipi. Qalaĝaja jogaa'me Leví lec'oqo'te ja yaqanate't ca'li; qo'che' male qonamaq ñe'me Netaĝayaĝanaĝanec laqaya jo'ne ja ena'ama gaa'me Leví lec'oqo'te qa'a ja chiyoĝoguet di'me Aarón, dite da'me ena'am da'me 'loyaĝac ñe'me Melquisedec.

Hebreos 7:13

Joñe'me mach'e Qadejaliaĝanec, ñe'me netaĝayaĝanaĝanec dalaĝaic jo'ne qo'yaĝatetac, ja chiyaqauelo ga'me lec'oqo'tepi di'me Leví, dite da'me chiyoĝoguet di'me Judá, jo'ne qaya'te 'uo ga'me netaĝayaĝanaĝanec ta'le chiyaqaue.

Hebreos 9:10

Yema da'me dojo' jo'ne qoya'uo joca'li, nach'edaua daa'me namaĝajoĝonaĝaco jo'ne ch'e yelotede'eguet da'me jiyaĝaua lapachiaĝac, da'me 'uo da'me niqui'yaĝac nataq'aen da'me yomaĝac, choqodaa'me niyoĝoco jo'ne yodapecache, da'me dojo' jo'ne te'me 'uo da'me lajo'viyaĝac chayovida'a qom Dios yadalaĝa't yemeda jogaa'me uo'oe.