Hebreos 6:8 - Nuevo Testamento Toba Sombrero Negro

⁸ Qalaĝaja ga'me aleua jo'ne qaya'te chiyaqayi, jouaĝat da'me jaldata da'me en naje'ma jana'me yaĝat choqoga'me lolelaĝa, qama'le nach'ega ga'me aleua jo'ne taya'a da'me 'uo ga'me ne'uaĝanaguec 'me chiyoqo'ot joñe'me Dios, chayovida'a da'me qoyigoue ena'uac.

Nuevo Testamento Toba Sur

⁸ Qalaxayi que'eca 'alhua da huo'otaq ñaxajlec ana ÿaxat qataq ana huoue, nachi camayi ÿataqta qaica ca naigui, taÿa'a da ÿauo'o ca nhuaxanaguec naq'en ñi Dios, qataq taÿa'a da qaÿavigaxat.

La'aqtaqa Ñim Lo'onatac 'Enauacna 2013

⁸ Qalaxaye nam ỹaxaañi da lpi'iỹaxac, nache namayepi 'eeta'am ca 'alhua maye ndota't ana huoue maye huo'o ana le da ñaxaalec, ỹataqta qaica ca naigui, qaq Ñim Lo'onatac 'Enauacna ỹasaxalec ca qauem. Qaq da pa'atec, nache ỹoqta qaỹavigaxat.

Hebreos 6:8 Referans Kwoze

Juan 15:6

Joga'me jo'ne ja nach'e eta't jayem yoqote'taguet, nach'ega jo'ne qoyajaĝa'ya ga'me p'aye qama'le ua'ña da'me daqaqa qama'le ena'ama gaa'me lepeel jaga'me uva lichidic nale qoyapotena't qama'le qoyachedañgui ga'me dole' qaedi yavi'j.

Hebreos 12:17

Qama'le joote auayachiñe da'me ca'li yem da'me dojo', qama'le jetaque yaconeguet da'me nechoĝodenataguec jo'ne chiyaqayi ñe'me mach'e let'a. Temaqaedi da'me yataqata noyen, qalaĝaja male ja yañoĝot da'me nadalaĝat ga'me ee'tec da'me joote qoye'et joca'li.

Hebreos 10:27

Ta'le naq'aeta qama'le nach'edata da'me jeuataqataque ga'me nec'atenaĝanaĝac jo'ne qo'mi na'talo 'me qaya'te ena'am da'me lichic, nach'ega ga'me dole' jo'ne yataqata let'adaic 'me yigouelo qomle ga'me laute'upi joñe'me Dios.

Apocalipsis 20:15

Chane'eja dia'me napa'lpi nach'e ena'am da'me qoyajaĝadiñgui ga'me dole', ena'uaque dia'me jo'ne qaya'te lenaĝa't ta'le uedalegue da'me qoyedidiñe jaga'me nede jo'ne nedaĝalate jena'me qonec'alaĝatedegue.

Marcos 11:21

Chane'eja Pedro netouetac ga'me 'uo mañaĝa, qama'le dojapegue' ñe'me Jesús: —¡Jaliaĝanec! ¡Auec'aten jaga'me higuera jo'ne auenapega: male daqaqa!

Marcos 11:14

Chane'eja enapega jaga'me higuera: —¡Ja yitaĝa qoyalic jaga'me jala jo'ne am chiyaqayi! Jogaa'me lapaĝaguenataqa domachita da'me dojo'.

Mateo 7:19

Qama'le yema jaga'me epaq jo'ne ja 'noota ga'me jala, qoyequejoĝoye qama'le qoyijaĝañgui ga'me dole'.

Mateo 3:10

Uoja'eda da'me le'uaĝanaĝanaĝac ñe'me Dios ena'am jaga'me qachipe jo'ne qoyiyamaĝateta't qaedi qoyequejoĝoyelo gaa'me ep'a chayovida'alo gaa'me patadi. Ena'uaque gaa'me ep'a jo'ne ja yauote jala qonejecoĝojeguem qama'le qoyigoue.

Mateo 25:41

“Chane'eja nach'e ena'am jenapegalo qomle gaa'me jo'ne neteda'ague jena'me 'ñemaq: «¡Jayem oquiya'ae! Ami jo'ne ja ami 'te qoyichoĝode'n nayi, auec'achiya di'me dole' jo'ne ja 'naidena'a 'me ami qoyaqataĝat'agueta ñe'me payac nataq'aen jogaa'me lamaĝa's jo'ne piyem laje'.