Hebreos 6:6 - Nuevo Testamento Toba Sombrero Negro

⁶ qalaĝaja da'me male yaĝañi da'me lepe'e, nach'ega ga'me jiyaĝaua jo'ne ja yaqanatet ta'le yitaĝa 'ñemaĝañi. Ja yaqanatet ta'le yitaĝa 'niyeloqot joñe'me Dios qa'a ena'am ta'le naqaega jo'ne yitaĝa yep'elegue jaga'me nesodoso joñe'me Dios Lec'oĝot da'me yataqata ye'uetac joñe'me.

Nuevo Testamento Toba Sur

⁶ qaq ne'ena shiÿaxauapi, da huo'otaq ÿi'iguelaxalec da dashiuec, nachi sa ishit da qaltaq ca'aisalo qanqoÿin naua n'onataxaco, cha'ayi namayipi 'eeta'am da qaltaq iuaxaneuo so llalec ñi Dios qataq qaÿauaachigui naq'en da ÿi'inai' somayi.

Hebreos 6:6 Referans Kwoze

2 Pedro 2:21

Te'me 'noote' da'me eete' jogaa'me da'me ja yateto'n ga'me ladiquiyaĝac da'me 'noyaĝac jo'ne chimaqategue. Qalaĝaja jalcote da'me lachoĝode'j jo' qomle, yajouaĝat da'me te'me yateto'n joñe'me, yem qama'te yaĝadiñi da'me qoyanem jo'ne namaĝajoĝonaĝac 'me ja 'nalegue.

Hebreos 10:29

Qama'le nayi, ¿qo'li ja yaguegue ga'me ne'uaĝanague'j qoyen jogaa'me jo'ne 'yota'n ñe'me Dios Lec'oĝot? Qa'a nach'egaua gaa'me jo'ne ja 'yamaqate'n jaga'me letauo' joñe'me, nach'aga jaga'me letauo' jo'ne naliñi qoyen joca'li qaedi en yepaquichigui da'me 'namaqatenataĝanaĝac dalaĝaic, qama'le en qoyapalaĝa't gaa'me qadoeco. Nach'e ena'am jogaa'me ye'uetedac ñe'me Dios Lepaqal jo'ne qo'mi yichoĝode'tape.

Hebreos 6:4

Qa'a ga'me jo'ne joote 'yamaqaten da'me eja jo'ne chiyaqayi joñe'me Dios choqoda'me joote yaconeguet da'me leyalaqataĝanaĝac joñe'me, nataq'aen joote uetaue ñe'me Dios Lepaqal 'me ja 'nalegue,

1 Juan 5:16

Qama'le qom jauanaĝa ga'me qadaqayolec da'me yejamaĝatalegue da'me ya'uo ga'me loec jo'ne maqachaĝa ja yovidaĝa'ta da'me leleuaĝa, 'noota qom ñetamenaĝalegue, qaedi Dios yanem da'me netouenaĝac ga'me qadaqayolec. Qom naq'aeta ga'me loec 'me ya'uo jo'ne maqachaĝa ja yovidaĝa'ta da'me leleuaĝa, qama'le Dios yataqachiñe yanem da'me netouenaĝac. Qalaĝaja, 'uo ga'me loe'j gaa'me jiyaĝadipi jo'ne eja yovidaĝa'ta da'me leleuaĝa, qama'le naqaega loe'j jo'ne ja jaqanatetaq ta'le ñetamenaĝalegue.

2 Timoteo 2:25

'Uo da'me lapaĝaguenataĝanaĝac jo'ne ja 'yoĝodenaĝaic yanema jogaa'me jo'ne te'me nautetapegalo, qa'a uotaĝa yaloĝolo'te ñe'me Dios qaedi 'ñemaĝadiñe, 'niyelaĝadetot joñe'me nataq'aen male yataqachiñe qoye'n yateto'n da'me eja,

Hebreos 12:2

'Noota qom nach'e eta't da'me jenataqatapega joñe'me Jesús, qa'a naqaeñe 'me chiyaqayi da'me qadepe'e, nataq'aen da'me yiyamaĝachiñe. Ñe'me Jesús yauana joca'li da'me 'uo qomle da'me lamaic let'adaic. Chane'eja napogaĝadeneguet joca'li jana'me sodoso, ja jetaque yoqochi'eguet da'me nepocoĝoc jo'ne chiyaqayi da'me neleuaĝa, qama'le da'me yem da'me jo'ne lachoĝodec qoyen, male na'ña ga'me yayaten ga'me lejaliaqa' joñe'me Dios.

Mateo 19:26

Jesús yelochiguilo, qama'le 'yategueta: —Joga'me jiyaĝadipi ja yaqanate't da'me dojo', qalaĝaja ñe'me Dios ja en 'te qalaq.

Lucas 11:48

Nach'eda dojo' auechoĝochitelegue queda'me aviyamaĝadeñi daa'me 'lonataĝanaĝaco jodia'me adet'aldi', qa'a jodia'me dalataĝa'n, qama'te ami a'noĝoñidijeguem gaa'me napa'l lete'.

Hebreos 4:14

Chane'eja queda'me joote yec'adije'ma di'me piyem ñe'me Qadetaĝayaĝanaĝanec jo'ne napacalegue ena'uac, nach'eñe ñe'me Jesús jo'ne Dios Lec'oĝot, qama'le da'me qo'mi, 'noota qom 'ñañaĝataq da'me qolaqatelegue da'me qadepe'e ladic.

Hebreos 10:26

Qa'a qom nach'eda da'me jenaĝa qadelnataĝac da'me qolaqa'taguelo naa'me qadoeco, da'me joote ja'amaqatenaq da'me napaĝaguenataĝanaĝac jo'ne eja, qama'le qaya qomle ga'me najaqajec ta'le yapalaĝa't naa'me qadoeco.