Hebreos 6:5 - Nuevo Testamento Toba Sombrero Negro

⁵ choqoda'me joote yayate'n daa'me onaĝayaqa jo'ne 'laqataqa joñe'me Dios choqoda'me lañoqotaĝanaĝac jo'ne yataqata di'yoqo'tegue qomle,

Nuevo Testamento Toba Sur

⁵ qataq da mashi ÿaÿateeta da l'aqtac ñi Dios, qataq dam n'añaxac mayi hueta'a cam 'alhua mayi ñaq naÿa'cna,

Hebreos 6:5 Referans Kwoze

Lucas 8:13

Jaga'me peta jo'ne tachi'ñalo ga'me qadipi yelo'tegueta gaa'me jo'ne domachita da'me Dios 'laqataĝanaĝac qama'le made'tape da'me yacoteguet. Qalaĝaja ja jalcote qayada'ñelo gaa'me patadi: cada'ac 'uo da'me 'lamaqatenataĝanaĝa'j, qalaĝaja yovita da'me 'uo ga'me napiyenague'j qama'le ja naloteguet.

1 Pedro 2:3

qa'a joote auejomiyalegue da'me lamaic joñe'me Jaliaĝanec jo'ne yataqata onaĝaic.

2 Pedro 2:20

Qalaĝaja gaa'me jo'ne joote yaĝa'n daa'me ja 'noe'n jo'ne yodapecache 'me ueteda'ña jenjo' aleua qama'le yateto'n joñe'me Qadejaliaĝanec mach'e Qadec'alaĝaiqui Jesucristo, qom yitaĝa naje'teguet da'me lecoĝoque naa'me naajo' ja 'noe'n ta'le yitaĝa nejaliaĝatelo'te jogaa'me, qama'le nach'egaua jo'ne male 'uo da'me lachoĝode'j 'me ja ena'am da'me jo'ne 'uaechiñe.

Hebreos 2:5

Qom Dios yadalaĝat jena'me aleua, jena'me jo'ne joote ami ja'aĝatema, qama'le ja nach'egaua gaa'me piyem laje' ta'le qoye'n qadejaliaĝanaqa.

Marcos 6:20

qa'a Herodes t'oiyapega joñe'me, qa'a yayaten queda'me jiyaĝaua jo'ne chimaqachiñe nataq'aen ja 'nalegue, qama'le netela joñe'me. Mate mane'e nale Herodes domachiya joñe'me qama'le ja yayaten ga'me ya'uo, qalaĝaja 'uo da'me lamaic nale naquiaĝana joñe'me.

Mateo 12:32

Chayovida'alo gaa'me jo'ne jayem ye'uetedac, jayem jo'ne yataqachiñe Jiyaĝaua Lec'oĝot, Dios yapalaĝa't gaa'me laviyaĝaco; qalaĝaja ga'me e'n ja 'noe'n da'me 'laqataqa da'me ye'uetac ñe'me Dios Lepaqal 'me ja 'nalegue, qamqa'me ja yapalaĝa't da'me laviyaĝaco nayi da'me cha'li uetalegue jena'me aleua nataq'aen qom'che ga'me na'taquena.

Efesios 6:17

Nataq'aen jetaque da'me adec'alaqai ami de'uolo'te, ena'am ga'me jaĝa'to jo'ne laicaua 'me de'uolegue na'me laqaic ga'me coico le'ec. Nach'e ena'ama daa'me Dios 'laqataqa jo'ne ena'am ta'le daĝanaĝat 'me ami yanema ñe'me Dios Lepaqal, qama'le yataqata noma't na'me adauteua.

Hebreos 4:12

Qa'a da'me 'laqatac joñe'me Dios yataqata nec'aletaye nataq'aen 'uo da'me lañoqotaĝanaĝac. Nach'eda jo'ne nichaĝajoĝonaĝat jo'ne p'ajaye, napacalegue ga'me nedaĝanaĝat jo'ne dos naa'me lia'a, qama'le yaqanatet ta'le yeda'uo ga'me lauel ga'me jiyaĝaua, chayovida'a da'me yovidauo ga'me lepaqal, ena'am ta'le yededa'uo gaa'me loiquiaqa'te naa'me lep'inaqa nataq'aen na'me lap'iyoĝo. Qama'le nach'eda jo'ne ya'uo da'me lec'atenaĝanaĝac, naloqote'n gaa'me lelnataĝaco ga'me jiyaĝaua nataq'aen gaa'me jo'ne mach'e lamaico.

Hebreos 11:3

Da'me yajouaĝat da'me 'uo da'me qadepe'e, male jayatenaq da'me eeta da'me qoye'et joca'li jena'me aleua. Qa'a ñe'me Dios ya'uo ga'me 'laqatac joca'li, qama'le yemta uo'oe gaa'me jo'ne qoyauanalo, da'me qoye'n chiyoqodayi joga'me ja qoyauana.

1 Pedro 1:25

Qalaĝaja na'me 'laqatac joñe'me Jaliaĝanec ja pal, qaya'te loiquiaqa'.” Qama'le jenjo' 'naqatac naqaeda da'me 'naqataĝanaĝac jo'ne onaĝaic 'me joote ami qo'yaĝatema.