Hebreos 6:2 - Nuevo Testamento Toba Sombrero Negro

² Ja yitaĝa ta'le ji'iyelaĝajoĝolegue da'me ja'aĝataqatac da'me chilaĝanataĝanaĝac uotaĝa da'me jachaqalo'te naa'me qadoua' jogaa'me p'etaqadayaqa, uotaĝa da'me qo'niyelaĝachidijeguem jogaa'me joote yele'u, uotaĝa da'me Dios laloqotenaĝanaĝac jo'ne qaya'te loiquiaqa'.

Nuevo Testamento Toba Sur

² qataq da llic da qanachilaxan ca shiÿaxaua, qataq da qaÿachiltalec na 'amqajnataxanaxaicpi, qataq da llic qom qaltaq qanca'alaxateec na leuaxaicpi, qataq qom qanmit 'enauacna.

La'aqtaqa Ñim Lo'onatac 'Enauacna 2013

² qataq dam naigui da qomi' qanachelaxa'n. Nataqa'en iuen da saỹaanaq da llec nam ỹa'amaqten So Cristo da qaỹasheltalec da yaqto' ỹaconeguet So Saqcha'a Na'añaxac Qui'itta. Qataq nataqa'en iuen da saỹaanaq da na leuaxaicpi qaltaq ỹe'eguelaxalec qome da nca'alec. Qataq nataqa'en iuen da saỹaanaq da huo'o ca pa'atec nmitaguec 'enauacna.

Hebreos 6:2 Referans Kwoze

Hechos 6:6

Qama'le qoyauegalo gaa'me namaĝa's jogaa'me, qaedi yachalo'te naa'me loua' da'me netamelo'te.

Hechos 24:25

Qalaĝaja ca'li Pablo male 'yaĝatetac da'me 'noyaĝac jo'ne chimaqachiñe, da'me nomat da'me 'loyaĝac ga'me jiyaĝaua, nataq'aen ga'me nec'atenaĝanaĝac qom'te, Félix t'oiyapega qama'le enaac: —Paja'a oc nayi. Mach'e yitaĝa am jiyaĝana qom 'uo ga'me yedaqa'.

Hechos 23:6

Ua'edi Pablo yetaden queda'me uo'oe gaa'me saduceopi nataq'aen uo'oe gaa'me fariseopi. Chane'eja netenec ga'me 'laqatac da'me enaac: —Ami yaqaya'olqa, jayem fariseo jo'ne jayem amaqatenataĝanaĝaic da'me 'niyelaĝadijeguem gaa'me joote yele'u; nach'e ena'ama ñaa'me yet'al amaqatenataĝanaĝayaqa; qama'le nayi qonemitetaque ga'me yaviyaĝajet qa'a 'uo da'me yeuataqataĝanaĝac da'me 'niyelaĝadijeguem gaa'me te'me joote yele'u.

Hechos 17:18

Nach'e ena'am uo'oe gaa'me yatenaĝanaĝayaqa jo'ne epicureopi choqogaa'me estoicopi, paja'a necotedapegue' ñe'me. Uo'oe gaa'me enapega't: —¿Jach'e ga'me 'yaĝatetac dojo' jaĝaic? Nataq'aen laqaya' enapega't: —Ena'am ta'le aqataĝanaĝaic gaa'me qop'iyapegalo jo'ne chiyoqodayi. Naq'aeta da'me 'laqata'j qa'a Pablo 'yaĝatetac da'me onaĝaic 'naqataĝanaĝac 'me 'yaĝatetac ñe'me Jesús nataq'aen queda'me 'niyelaĝajeguem ca'li.

Hechos 16:33

Qanach'ega ua'a ca'li ga'me pi'yaq, ñe'me coñetaĝanaĝaiqui lo'o male yiyo'y ga'me yec'o'n jo'ne yedidiñe jogaa'me. Yem qama'le ñe'me nataq'aen gaa'me jo'ne ueteda'a ga'me 'lachaqa' qonachilaĝa'n ca'li.

Hechos 16:15

Qonachilaĝan ca'li nataq'aen ena'uaque gaa'me jo'ne mach'e laqaya'. Ca'li yem qama'le qo'mi nachoĝodenoto: —Qom aueñetapega queda'me yataqachiñe jep'iya'a ñe'me Jaliaĝanec, qama'le jayem anec'achiya qaedi oviya'a di'me 'yachaqa'. Qama'le qo'mi paquetapegue'to qaedi jouaqa'tedi.

Hechos 10:47

Chane'eja Pedro enaac: —¿Jeele qoyaqanatet ta'le ja qonajenegueta da'me nach'e ena'am qonachilaĝa'n naajo' jiyaĝa'u jo'ne male yacoteguet ñe'me Dios Lepaqal, nach'e naq'aeta da'me qo'mi?

Hechos 2:41

Chane'eja naq'aeta, gaa'me jo'ne yoqochideta da'me 'laqataĝanaĝac qonachilaĝa'n ca'li; qama'le jojo' nolo' uoja'aegaua tres mil jiyaĝadipi da'me nichidegue ga'me p'etaqadaiquipi.

Hechos 2:38

Pedro 'yategueta jogaa'me: —A'niyelaqaeyot joñe'me Dios, nataq'aen onolqa'tape ami auacoñiyeguet da'me nachilaĝanataĝanaĝac jo'ne en di'yoq da'me auep'iiya'a joñe'me Jesucristo, qaedi Dios yapalaĝa't jodaa'me adoecodi', qama'le nach'eda naq'aeta ami qoyanema joñe'me Dios Lepaqal jo'ne ja 'nalegue.

Juan 1:33

Jayem maliaĝa ja jayaten ca'li jach'e jogamaĝa eeta, qalaĝaja ñe'me jo'ne jayem yamaĝalegue da'me jachilaĝanataĝañgui jena'me noĝop joote jayem enapega: «Da'me dojo' 'uo qomle 'me auana, ñe'me jo'ne nenochi'ña ñe'me Yepaqal, nach'eñe joñe'me jo'ne dachilaĝanataĝañgui joñe'me Yepaqal.»

Marcos 16:16

Joga'me jo'ne p'iya'a nataq'aen qonachilaĝan, naqaega yataqachiñe qonec'alaĝategue; qalaĝaja ga'me jo'ne ja p'iya'a, naqaega 'uo da'me naviyaqataguec.

Mateo 28:19

Chane'eja oquiyi nayi, auec'achiyalo ena'uaque ga'me jiyaĝadipi qama'le a'uaqataĝañema qaedi auauoyi' yapaĝaguenaqa. Anachilaĝañi' jogaa'me, da'me auachiyalo'te da'me lañoqotaĝanaĝac ñe'me Qadet'a choqoñe'me Lec'oĝot choqoñe'me Dios Lepaqal 'me ja 'nalegue,

2 Pedro 3:7

Qalaĝaja di'me piyem nataq'aen jenjo' aleua jo'ne cha'li 'uo nayi, joote qoyeuataqateta'aguet ga'me dole' qa'a nach'eñe ñe'me Dios da'me damaĝajoĝolegue ga'me dole' en yavic, qom yovita ga'me nolo' qom ya'uo da'me lec'atenaĝanaĝac qama'le qoyala't jogaa'me qaleuaĝayaqa.

Hebreos 11:35

Uo'oe gaa'me yauo' jo'ne yauanalo da'me yitaĝa nec'aledegue jogaa'me mach'e laqaya' jo'ne joote yele'u. Nataq'aen uo'oe gaa'me jiyaĝa'u laqaya' jo'ne yeletem da'me layaliaĝa'j, queda'me ja yacoteguet da'me ta'le qoyejodegue, qa'a yayate'n da'me yitaĝa nec'alidijeguem, qama'le yauata da'me nec'alaĝa jo'ne onaĝaic.

Hebreos 9:10

Yema da'me dojo' jo'ne qoya'uo joca'li, nach'edaua daa'me namaĝajoĝonaĝaco jo'ne ch'e yelotede'eguet da'me jiyaĝaua lapachiaĝac, da'me 'uo da'me niqui'yaĝac nataq'aen da'me yomaĝac, choqodaa'me niyoĝoco jo'ne yodapecache, da'me dojo' jo'ne te'me 'uo da'me lajo'viyaĝac chayovida'a qom Dios yadalaĝa't yemeda jogaa'me uo'oe.

2 Timoteo 2:18

qama'le joote nepate'n da'me yataqata eja, qama'le nenaĝatetedapegue da'me joote yem da'me 'niyelaĝadijeguem gaa'me jiyaĝa'u, male nach'ena jenjo' 'yaĝatetedac jo'ne joote 'uo da'me en ca'e da'me qadepe'e ladic.

Colosenses 2:12

Ca'li ami qonachilaĝa'n qama'le ami qoyijediñijop joñe'me Cristo, nataq'aen ca'li 'niyelaĝajeguem qama'le nach'e ena'am a'niyelaqaejeguem, qa'a auep'iiya'a joñe'me Dios jo'ne 'uo da'me lañoqotaĝanaĝac qaedi 'niyelaĝachijeguem joñe'me.

Filipenses 3:21

Jena'me jenjo' qadapachiyaĝac jo'ne choĝolaĝaic male qoyapalaĝat qomle, qalaĝaja joñe'me male en nec'alijeguem jena'me jenjo' qadapat, qama'le qoyen yataqata onaĝaic, chayovida'a neleguemaĝata da'me 'loyaĝac joñe'me. Yataqata 'uo da'me lañoqotaĝanaĝac qaedi ya'uo da'me dojo', qa'a nejaliaĝatelo'te yema jogaa'me uo'oe.

1 Corintios 12:13

Qa'a joca'li qo'mi qonachilaĝa'n, nach'eñe ñe'me Dios Lepaqal qo'mi 'yeteque da'me ena'am ta'le onolec da'me qat'oyaĝac, joga'me griegopi nach'e ena'am joga'me judiopi, jogaa'me nelataqa nataq'aen jogaa'me yiyamaqachidiñe, qama'le Dios qo'mi ena'uac yecodelo'te nach'eñe ñe'me mach'e Lepaqal.

1 Corintios 10:2

Chane'eja, ena'uaque jogaa'me yoqoteteda'aguet di'me Moisés qa'a ena'am ta'le chiyaqayi ga'me piyem lo'oc nataq'aen ga'me noĝop let'a da'me qonachilaĝa'n.

Romanos 2:16

Ga'me nolo' p'ategue qom Dios ya'uo da'me lec'atenaĝanaĝac da'me nemitaque ga'me lelnataĝacopi 'me ja di'yo't ga'me jiyaĝadipi chiyaqayi q'aen ñe'me Cristo Jesús nach'e naq'aeta da'me onaĝaic 'naqataĝac 'me ja'aĝatetac.

Hechos 26:8

Chane'eja ami judiopi, ¿toqoch'e ja auep'iiya'a ñe'me Dios queda'me 'niyelaĝachidijeguem jogaa'me jo'ne joote yele'u?

Hechos 24:21

Nach'edata da'me ñenaĝategue ca'li jouetauelo gaa'me, qama'le ñetenec ga'me 'yaqatac ca'li jenaac: «Nayi anemichitaque ga'me yaviyaĝajet qa'a ja'amaqaten da'me yitaĝa 'niyelaĝadijeguem gaa'me jo'ne te'me joote yele'u.»”

Hechos 24:15

'Uo da'me yeuataqataĝanaĝac ñe'me Dios jo'ne nach'e jena'ama jogaa'me, queda'me 'niyelaĝadijeguem qomle gaa'me joote yele'u, jogaa'me 'noote' nataq'aen jogaa'me qaleuaĝayaqa.

Hechos 4:2

Dalemata'tape jogaa'me qa'a Pedro nataq'aen Juan 'yaĝate'tape ñe'me Jesús da'me yapaĝaguetapeque ga'me jiyaĝadipi da'me 'niyelaĝadijeguem jo' qomle dia'me joote yele'u.

Juan 5:29

qama'le chiyaqapiñelo jogaa'me napa'l lete'. Jodia'me jo'ne yauote da'me 'noota ca'li nec'aletedaye, nach'ediaua jo'ne 'niyelaĝadijeguem qomle qaedi yacoteguet da'me lec'alaĝa jo'ne qaya'te loiquiaqa', qalaĝaja jodia'me jo'ne yauote da'me ja no'en ca'li, nach'ediaua jo'ne 'niyelaĝadijeguem qomle qaedi qoya'uo da'me ne'uaĝanague'j.

Lucas 14:14

Qama'le qomle yataqachiñe 'uo da'me adamaic, qa'a mate mane'e jogaa'me ja yaqanate't ta'le am yejete'n, qalaĝaja 'uo qomle da'me anejetenaguec ga'me nolo' qomle 'niyelaĝadijeguem dia'me yataqatelo'te.

Lucas 12:50

Jaue qomle da'me ñapiyenaguec jo'ne 'uo da'me lichic, nataq'aen ¡degueja da'me yachoĝodec chayovida'a qom yepacalegue da'me dojo'!

Lucas 11:38

Qama'le ñe'me fariseo yoqoch'em ca'li yauana queda'me Jesús jetaque deque'e qama'te ja 'uaeñe yiyo'y naa'me loua'.

Lucas 3:16

Qalaĝaja Juan ena'uaque enapegalo jogaa'me: —Jayem, eja da'me male ami ñachilaĝañilo ga'me noĝop; qalaĝaja 'uo qom'te ñe'me jo'ne jayem napacalegue jo'ne yataqata p'ajaye nataq'aen ja jalo'oguet ta'le jejodegue gaa'me lapela'te leque'te. Nach'eñe ami nachilaĝaneque qom'te joñe'me Dios Lepaqal uotaĝa ga'me dole'.

Marcos 7:8

Qa'a ami yataqata aĝañidegue daa'me lamaĝajoĝonaĝaco ñe'me Dios, qaedi oquiyegue da'me jo'ne 'loyaĝa'j 'me naeda'ac jena'me jenjo' jiyaĝadipi choqodia'me adet'aldi'.

Marcos 7:4

Nataq'aen nale chiyoqoda'a ga'me uodenaĝaiqui qama'le ja deque'y qom cha'li jona'li yiyo'y naa'me loua'. Nataq'aen uo'oe gaa'me laqaya' jo'ne 'loyaĝaco 'me naya'aque, ena'am da'me qoyiyo'y gaa'me yomaĝaiqui' jo'ne nalote', nataq'aen gaa'me yomaĝaiqui' jo'ne jalco'l, nataq'aen gaa'me taĝaiqui' 'me laicaual.)

Mateo 3:14

Ca'li yemta Juan jetaque ja yaje'tem, qama'le dojapegue': —'Noota qom naqa'am ta'le jayem anachilaĝan, qama'te ¿toqoch'e jayem anec'ata qaedi am ñachilaĝan?

2 Corintios 5:10

Qa'a ena'uaque qo'mi jajoyaqa'aguet qomle ñe'me Cristo, jo'ne nach'eñe qanec'atenoqo't. Nach'eñe nimitapiye qomle gaa'me qat'onataqa, qama'le qo'mi yanema ga'me qanejetenaguec qom qadalo'taguet, uotaĝa qo'mi yanema ga'me qane'uaĝanaguec.

Hechos 13:3

Chane'eja ca'li yem da'me netame'tape nataq'aen noqouaqatetapela'ajalo, nataq'aen qoyachalo'te naa'me noua' qama'le qoyep'iye'n da'me eque'.