Hebreos 6:1 - Nuevo Testamento Toba Sombrero Negro

¹ Chane'eja da'me qo'mi jo'ne joote jaconaĝaguet da'me napaĝaguenataĝanaĝac jo'ne 'uaechiñe 'me 'yaĝatetac ñe'me Cristo, 'noota qom ja jaqapiyaĝañi, dite da'me qolaqa'tegue da'me qadepe'e ladic chayovida'a qom jovidaqa'a da'me male qo'mi yajo't. Ja yitaĝa ta'le ji'iyelaĝajoĝolegue da'me ja'aĝataqatac da'me ladic ga'me jiyaĝaua da'me ca'ae gaa'me loeco jo'ne yauetegue da'me neleuaĝa, uotaĝa ta'le yitaĝa ja'aĝataqatac da'me eeta da'me qadepi'iyaĝac.

Nuevo Testamento Toba Sur

¹ Qaq ÿoqo'oyi qomi' no'on da ñiquigaqtashiguem, da yaqto' sevidaxa da qomi' ÿi't. Ñi'onaxataqchigui qome nam hua'auchiguiñi qanapaxaguenataguecpi so Cristo. Qataq sa ishit da shi'iguelaxasoxolec da sa'axataxaco mayi taÿa'alo naq'en da nleuaxa camayi, qataq da qaipi'iÿa'a ñi Dios,

La'aqtaqa Ñim Lo'onatac 'Enauacna 2013

¹ Qaq ỹoqo'oye qomi', no'on da nquictasheguem da qarauattonaxanaxac, choche seviraqta'a da ỹe da qarauattonaxanaxac So Cristo. Qataq ño'onaxataqchigui dam hua'auchiguiñi napaxaguenataxanaxac maye ỹa'axat So Cristo, qataq saishet da qolaqto'ot da sa'axataqtac ca lataxac maye saq 'amaqtaq. Qataq saxanaxañi da so'otaq ca qauem, nache qolaxague So Cristo, qataq saxanaxañi da sauoqo'o ca qarasouaxashet, yaqto' saishet da seleuaq. Qomi' saỹatenaq da iuen da sauoqo'o ca qarpi'iỹaxac Ñim Lo'onatac 'Enauacna,

Hebreos 6:1 Referans Kwoze

Hebreos 9:14

Chane'eja qom naq'aeta da'me dojo', qama'le jalcote da'me yaguegue da'me lañoqotaĝanaĝac jaga'me letauo' joñe'me Cristo, qa'a chiyaqayi ñe'me Dios Lepaqal jo'ne nach'e eta't da'me 'uo, ñe'me Cristo mach'e nemenot joñe'me Dios, da'me ena'am ta'le najaqajec jo'ne qaya'te lejepaĝanaĝa. Chane'eja jaga'me letauo' da'me yataqata e'n yoqovite' naa'me mach'e qadai'li, nach'eda da'me jo'ne ja yaqanatet ta'le chiyaqayilo jogaa'me najaqajel toye's, qama'le nayi yataqata jaqanatetaq da'me jo'onataĝanaĝauo'o ñe'me Dios jo'ne nach'e eta't da'me nec'aletaye.

2 Corintios 7:1

Ami yaqaya'olqa, Dios joote qo'mi yaqataĝana'aque da'me 'laqatac. Qo'che' 'noota qom ja jauoqo ga'me ja no'en, dite da'me nach'e eta't jenaĝa qaya'a ga'me qadoec qaedi Dios qo'mi yaconegueta. 'Noota qom 'ñonaĝataĝaye ñe'me Dios, nataq'aen 'noota qom ja'aedenaqatac da'me ja 'nalegue ena'am joñe'me.

Hechos 26:20

dite da'me 'uaeñe janema dojo' 'naqataĝanaĝac jogaa'me ueteda'a di'me Damasco, yem qama'le Jerusalén nataq'aen yema di'me aleua jo'ne Judea, nach'e ena'ama joga'me jo'ne ja judiopi, ñepota'tape jogaa'me qaedi nejouoĝodiñe qama'le 'niyelaĝadetot joñe'me Dios, nataq'aen qaedi yauo'oe gaa'me 'lonataqa jo'ne yaloĝo'n chiyaqayi da'me yataqachiñe 'ñemaĝadiñe.

Hebreos 12:13

Chane'eja ayi'ya joga'me naq'aec jo'ne chimaqategue nataq'aen nalo'ta't, qaedi naa'me adapia'te jo'ne 'uo da'me lachoĝolaĝa'j male ja yitaĝa ta'le nouoqodapegue.

Mateo 21:32

Qa'a Juan 'me chilaĝanataĝanaĝaic ami nec'atalo ca'li qaedi ami yapaĝagueneque ga'me nadic jo'ne chimaqategue, qama'te ami ja auep'iiya'a. Qalaĝaja gaa'me lo'ol da'me nejetenataĝanaĝac nataq'aen jaga'me quejeguetaĝaipi qamqa'me p'iida'a. Qama'te ami, mate mane'e auañiya, ja nejouoĝodiñe naa'me adai'lidi' qaedi auep'iiya'a.

Hebreos 7:11

Joca'li ñe'me Dios yanema daa'me lamaĝajoĝonaĝaco ga'me Israel lec'oqo'tepi qaedi gaa'me netaĝayaĝanaĝanaqa jo'ne lec'oqo'te di'me Leví e'n yataqatelo'te joga'me jiyaĝadipi. Qalaĝaja jogaa'me Leví lec'oqo'te ja yaqanate't ca'li; qo'che' male qonamaq ñe'me Netaĝayaĝanaĝanec laqaya jo'ne ja ena'ama gaa'me Leví lec'oqo'te qa'a ja chiyoĝoguet di'me Aarón, dite da'me ena'am da'me 'loyaĝac ñe'me Melquisedec.

Efesios 4:12

Ya'uo ca'li da'me dojo' qaedi yema da'me qo'mi jo'ne jouaqaue jena'me Dios lec'oqo'tepi, jo'ne nach'e ena'am ta'le qo'mi Cristo lapat, yataqata chimaqachiñe da'me qat'onataĝanaĝac, qaedi jauoqo 'lañaĝac ga'me qadepi'iyaĝa'u laqaya'.

Juan 12:44

Jesús neteneque naa'me 'laqataqa da'me enaac: “Ga'me jo'ne jayem p'iya'a, ja jaldata da'me jayem p'iya'a, dite da'me nach'e ena'am p'iya'a ñe'me Taĝadena' jo'ne jayem namaĝaquena.

Juan 5:24

“Eja da'me ami ja'aĝatema: ga'me jo'ne naquiaĝanalo naa'me 'yaqataqa nataq'aen p'iya'a ñe'me jo'ne jayem namaĝaquena, qama'le yauana da'me lec'alaĝa jo'ne qaya'te loiquiaqa', nataq'aen da'me ja yitaĝa 'uo da'me ne'uaĝanaguec, qa'a joote chiyaqaue da'me neleuaĝa qama'le yataqachiñe nec'aletaye.

Mateo 3:2

Da'me liyaĝanaĝac 'me lepodaĝanaĝac enaac: “¡A'ñemaĝañiyi, a'niyelaqaeyot joñe'me Dios, qa'a male qoyoqo'ta da'me lejaliaĝa 'me chiyaqaje'ma di'me piyem!”

1 Timoteo 3:16

Qaya'te noqoleguetaĝanaĝac da'me jenjo' 'lonataĝanaĝac jena'me jenjo' qadepe'e ladic jo'ne yataqata t'adaic nataq'aen onaĝaic: Cristo naequena ca'li qaedi yadenaĝat da'me qanejiyaĝauayaĝac, qalaĝaja onolec joñe'me da'me qoyen yataqata eja joñe'me Lepaqal, nataq'aen yema joga'me piyem laje' yauata ca'li. Qama'le qo'yaĝatema yema gaa'me jiyaĝadipi, nataq'aen jena'me aleua laje'pi 'yamaqaten da'me dojo', nataq'aen da'me joote qoyavije'ma di'me 'lachaqa' joñe'me Dios.

2 Corintios 7:10

Qom Dios ami e'n totelo'te q'ae'n, ena'te ami nejalidiñe, qa'a da'me totelo'te ami 'yeteque da'me qaedi anejouoqoeñi nataq'aen anachoĝodeñiyot joñe'me qaedi yapalaĝa't da'me adaviyaĝacodi' qama'le adec'aliyegue. Qalaĝaja qom ami totelo'te jo'ne chiyaqayilo gaa'me laqalaico jena'me aleua, ami yovidaĝateda'a da'me adeleuaqai.

2 Timoteo 2:19

Qalaĝaja Dios joote ya'uo joga'me 'uaechiñe nataq'aen eja jo'ne qoyediñe ca'li: “Joñe'me Jaliaĝanec yateto'n jogaa'me mach'e lec'oqo'te”, nataq'aen enaac: “Yema jogaa'me 'nonaĝachidegue joñe'me Jaliaĝanec, 'noota qom queda'e da'me ja no'en.”

Hechos 20:21

Ga'me judiopi nataq'aen ga'me ja judiopi ja'aqataĝanema queda'me 'noota ta'le 'viyelaĝadetot joñe'me Dios nataq'aen 'noota ta'le p'iida'a ñe'me Qadejaliaĝanec Jesús.

Hechos 11:18

Ca'li domachita da'me dojo' jogaa'me laqaya'olqa jo'ne ueteda'a di'me Jerusalén, qama'le 'nemaĝadiñe nataq'aen 'nonaĝachidegue joñe'me Dios, enapega't: —¡Chane'eja nach'e ena'ama ga'me ja judiopi queda'me Dios ya'uo ledaqa't qaedi 'niyelaĝadetot joñe'me nataq'aen yaqanate't ta'le yacoteguet da'me 'loyaĝa'j jo'ne ja 'naidena'a!

Hechos 3:19

Chane'eja, a'niyelaqaeya ñe'me Qadejaliaĝanec Dios nataq'aen auep'iiya'a ñe'me, qaedi yapalaĝa't jodaa'me adoecodi',

Juan 14:1

“Ena'te ami totelo'te, dite da'me jayem auep'iiya'a nataq'aen da'me auep'iiya'a ñe'me Dios.

Marcos 6:12

Chane'eja eque' jogaa'me lapaĝaguenataqa, qama'le t'aqataĝatapema joga'me jiyaĝadipi, qaedi 'niyelaĝadetot joñe'me Dios.

Marcos 1:1

Da'me 'uaechiñe 'naqataĝanaĝac jo'ne onaĝaic 'me 'yaĝatetac ñe'me Dios Lec'oĝot, mach'e Jesús jo'ne Dios Liquiyac.

Mateo 4:17

Chane'eja chiyoqotelegue da'me Jesús t'aqataĝatapema ga'me jiyaĝadipi, enaac: “¡A'niyelaqaeyot joñe'me Dios jo'ne ne'tague di'me piyem, qa'a male qoyoqo'ta da'me laloqo' da'me nejaliaĝatelegue ena'uac!”

1 Juan 4:12

Jalchi'ena qaya'te ta'le yauana joñe'me Dios; qalaĝaja qom ñoqopitaqapega't, qama'le joñe'me Dios qo'mi netauelo nataq'aen joda'me loqopich'i yataqata qo'mi qoyiyamaĝatetouelo.

1 Pedro 1:21

Chiyaqayi joñe'me Cristo, da'me ami male auep'iiya'a ñe'me Dios, 'me 'niyelaĝachijeguem joñe'me, yachiyaqaue di'me napa'lpi 'lachaqa', qama'le yanem da'me 'lonaĝac qaedi male auep'iiya'a joñe'me Dios jo'ne anaquichitapega.

Santiago 1:4

Chane'eja yataqata a'nañaĝachi chayovida'a da'me auaqanachichi ta'le anapogaĝadeñiyeguet yema, qaedi ami yovidaĝateda'a da'me en ami yataqatelo'te q'ae'n, yataqata ami yajo't, qama'le qaya'te adouenaĝanaĝaqui.

Hebreos 11:6

Qalaĝaja gaa'me jo'ne qaya'te lepe'e' ja yaqanate't ta'le yiyamaĝade'n ñe'me Dios, qa'a gamachaqaega ga'me jo'ne jetaque yec'ata joñe'me, cha'li 'uaeñe youetaque da'me 'yamaqaten joñe'me da'me eja da'me 'uo, qama'le nataq'aen 'yamaqaten da'me ya'uo ga'me lomataĝanaĝa't gaa'me jo'ne yelotedaque.

Colosenses 4:12

Ami yamaĝalo lamaic ñe'me Epafras, mach'e lalemaĝajet ñe'me Cristo Jesús; nach'eñe jo'ne ami chiyaqauelo ca'li, qama'le nach'e eta't ami nachoĝodelo'te nale yauo'oe gaa'me netamenaĝaco, qaedi a'nañaĝachiyec da'me ami chimadichidiñe, yataqachiñe anaviquila't da'me qaedi auauoyi joda'me loequenataĝanaĝac joñe'me Dios.

Colosenses 1:28

Chane'eja da'me qo'mi male ja'aĝataqatac joñe'me Cristo, jaqataqatapegalo ena'uaque joga'me jiyaĝadipi nataq'aen japaĝaguenaqatapeque joda'me layatenaĝanaĝac joñe'me Cristo, qaedi onolqa'tape joga'me jiyaĝadipi yataqata yemetede'eguet joñe'me Cristo nataq'aen joote yi't da'me lepi'iyaĝa'j nale dajotedo'ot ñe'me Dios.

Efesios 2:5

Temaq'aen da'me jenaqa'am da'me joote qadeleu ca'li jouaĝat jogaa'me qadoeco, male nayi Dios joote qo'mi yanema da'me qat'oyaĝac qa'a jouaĝat da'me joqo'taqataguet joñe'me Cristo. Chane'eja male 'uo da'me qadec'alaĝa qa'a jouaĝat da'me loqopich'i ñe'me Dios.

1 Pedro 5:10

Qalaĝaja qom yenoĝodegue jogaa'me noloqo'ote da'me 'uo da'me adachoĝodequi qama'le joñe'me Dios male ami 'yañaqateneque, nataq'aen da'me en ami 'uañaĝayaqa choqoda'me ami yanema da'me jo'ne yataqatelegue. Qa'a nach'eñe ñe'me Dios 'uo da'me loqopich'i let'adaic chane'eja ami yiyaĝanalo qaedi ademii'teguet joñe'me Jesucristo qama'le ovitaue da'me jo'ne mach'e 'lonaĝa jo'ne qaya'te loiquiaqa'.

Efesios 2:1

Ca'li da'me ami yataqata ena'am ta'le joote adelevi, qa'a yajouaĝat da'me yataqata ademiya'alo gaa'me adepatenaĝanaĝacodi', nataq'aen yataqata ami loeco lo'olpi.

1 Corintios 13:10

qalaĝaja qom novi' da'me jo'ne yataqatelegue qama'le ga'me ja naloiñe male pal.

Hechos 17:30

Qalaĝaja Dios ja yeloyelo gaa'me noloqo'ote ca'li cha'li qaya'te letadenataĝanaĝa'j ga'me jiyaĝadipi, qalaĝaja nayi yamaĝalo'te ena'uaque ga'me jiyaĝadipi qaedi 'niyelaĝadetot joñe'me ena'uaque gaa'me ale'u lael.

Hechos 2:38

Pedro 'yategueta jogaa'me: —A'niyelaqaeyot joñe'me Dios, nataq'aen onolqa'tape ami auacoñiyeguet da'me nachilaĝanataĝanaĝac jo'ne en di'yoq da'me auep'iiya'a joñe'me Jesucristo, qaedi Dios yapalaĝa't jodaa'me adoecodi', qama'le nach'eda naq'aeta ami qoyanema joñe'me Dios Lepaqal jo'ne ja 'nalegue.

Mateo 7:25

Novi' ga'me uotep, nayenegue ga'me ñache nataq'aen yajedidiñe gaa'me laya'che; qalaĝaja ja 'uaĝañe ga'me emec, qa'a qochiyoĝotetelegue ga'me qa' da'me qo'noĝojeguem.

Mateo 5:48

'Noota qom yataqachiñe ami chimadichidiñe, nach'e naq'aeta ñe'me Adet'ai jo'ne na'ague di'me piyem yataqachiñe chimaqachiñe.

1 Timoteo 6:19

Qama'le da'me leuoyaĝa'j jalcote da'me necochaĝac gaa'me noloqo'ote jo'ne nate', nataq'aen qom p'iida'a da'me qoyaloĝonalo male yaqanate't da'me nataq'aen tadoue da'me nec'alaĝa jo'ne qaya'te loiquiaqa'.

Lucas 6:48

queda'me nach'egaua eda'am ga'me jiyaĝaua jo'ne jetaque 'noĝojeguem ga'me 'lemec, qama'le 'uaeñe q'aen da'me yataqachiñe en qaya'ñgui ga'me lejedec, qama'le en lamo ga'me qa' ga'me emec. Ca'li nayenegue ga'me ñache, ga'me noĝop ja yilae'teguet da'me 'lañaĝac da'me yauaĝanot ga'me emec, qalaĝaja ja yaqanatet ta'le yidaĝat, qa'a ja qoyalajaĝan da'me qo'nedijeguem.

Mateo 21:29

Ñe'me 'yateguet: «¡Da'me jayem, ja jec!» Qalaĝaja ua'edi nejouoĝoñe da'me lelnataĝac qama'le ec.

1 Corintios 2:6

Qalaĝaja 'uo da'me nayatenaĝanaĝac jo'ne japaĝaguenaĝaque gaa'me jo'ne t'añi da'me lepe'e', mate mane'e ja layatenaĝanaĝac jena'me aleua, ja layatenaĝanaĝa'j gaa'me jo'ne nejaliaĝatedelegue jena'me aleua, nach'egaua ja cop'a da'me qoyapalaĝa't qomle.

Colosenses 3:14

Anapaquiyalo'te naa'me naajo' qom anaviquila't joda'me adoqopich'ii, nach'eda necoñeteguet da'me yataqatelegue naqayayaĝac.