Hebreos 5:12 - Nuevo Testamento Toba Sombrero Negro

¹² Qa'a nayi da'me joote yenoĝodegue jaa'me 'uoidi chayovida'a ta'le naqa'ami jo'ne auapaĝaguenataĝañitac, qalaĝaja maliaĝa auoviñetaque da'me yitaĝa ami qoyapaĝague'n daa'me ja qalache jo'ne mach'e lapaĝaguenataĝanaĝaco joñe'me Dios, queda'me ena'am ta'le a'viyelaqaiya da'me qaya'te at'añaĝaqui, qama'le ja youen da'me ami qoyiqui'yaĝaneque ga'me niqui'yaĝat jo'ne 'uo da'me 'lañaĝac, dite jaga'me lochi' jo'ne nach'aga 'me aniyomitapiye.

Nuevo Testamento Toba Sur

¹² Cha'ayi nagui da mashi qaÿoqteguelo naua vi'iyi, nachi qami' ishíttaxa da mashi qauapaxaguenataxañiitac. Qalaxayi nagui qami' ñaq 'eetalec da qaviñiitac da qami' qaÿapaxaguenque ca llic naua huesoteguelo lapaxaguenataxanaxaco ñi Dios. Cha'ayi qami' qavi'iguelaqÿa da qaica ca qad'añaxaqui, ÿoqo'oyi iuen da qami' qaiqui'axanque ca nchi', qaq sa ishit da nachica ca nallic mayi sa nsatta.

La'aqtaqa Ñim Lo'onatac 'Enauacna 2013

¹² Cha'aye ne'enaua na'axa'te maye huetaiguilo da qaua'amaqchiñi da no'on na'axaỹaxac, nache qami' mashe ishettaxa da huo'o ca qarapaxaguenataqui. Qalaxaye nagui qami' ñaq 'eetalec da qaviñiitac da qami' qaỹa'aqtaxaatema ca saqalaq napaxaguenataxanaxac maye ỹa'axat Ñim Lo'onatac 'Enauacna. Cha'aye qami' ñaq qoñiita'am ca nogotolec maye saxanaxa da chec ca nallec maye sa nsatta, nachaqrata da nỹomtapigui na nche'.

Hebreos 5:12 Referans Kwoze

Hebreos 6:1

Chane'eja da'me qo'mi jo'ne joote jaconaĝaguet da'me napaĝaguenataĝanaĝac jo'ne 'uaechiñe 'me 'yaĝatetac ñe'me Cristo, 'noota qom ja jaqapiyaĝañi, dite da'me qolaqa'tegue da'me qadepe'e ladic chayovida'a qom jovidaqa'a da'me male qo'mi yajo't. Ja yitaĝa ta'le ji'iyelaĝajoĝolegue da'me ja'aĝataqatac da'me ladic ga'me jiyaĝaua da'me ca'ae gaa'me loeco jo'ne yauetegue da'me neleuaĝa, uotaĝa ta'le yitaĝa ja'aĝataqatac da'me eeta da'me qadepi'iyaĝac.

1 Pedro 2:2

Ena'am ga'me notolec jo'ne yemta niyiñe netaque da'me lamaic jaga'me lochi', qama'le nach'e ena'am da'me ami, 'noota qom anechiyaque da'me lamaic da'me 'laqatac ñe'me Dios, qaedi ga'me jo'ne chiyaqayi en anichiquitajeguem nataq'aen da'me 'uo da'me adec'alaĝaqui,

Hebreos 5:13

Qa'a joga'me jo'ne maliaĝa niyomigui jana'me lochi', nach'ega jo'ne ena'am ta'le notolec jo'ne maliaĝa uanoquetac, qa'a maliaĝa ja yayaten da'me naloqoten joda'me jo'ne yataqatelegue.

Colosenses 3:16

'Noota qom Cristo 'laqataĝanaĝac nach'e eta't jaqachiguilo q'ae'n naa'me adai'lidi'. Nataq'aen ami yatenaĝanaĝayaqa da'me anapaĝagueñiya't nataq'aen anequeuoquitalo nale gaa'me adaqayadi'. Nataq'aen da'me 'uo da'me lamai'j naa'me adai'lidi' qama'le a'nonaĝachigui joñe'me Dios, a'uoñe'tape joga'me nalaco jo'ne Dios Lepaqal ami yanema.

Mateo 17:17

Jesús 'yateguet: —¡Yataqachiñe ami jiyaĝadipi jo'ne qaya'te adepi'i nataq'aen ami chiyoĝo'spi! ¿Jach'e jogamaĝa ua'a da'me cha'li ami jouetauelo da'me ami ñeualaĝae'to? Yaĝa, anedo'quena na'me notolec.

1 Pedro 4:11

Qom 'uo ga'me yayaten da'me t'aqataĝan, qama'le 'noota qom 'yaĝatema gaa'me 'laqataqa joñe'me Dios. Nach'e ena'am qom 'uo ga'me laqaya jo'ne lecochiyalo gaa'me laqaya', qama'le 'noota qom yapoteneguet da'me 'lañaĝac jo'ne yanem joñe'me Dios. Yema ga'me 'noota jo'ne a'vichetac, 'noota qom a'vichi qaedi male nach'e ena'am qo'nonaĝachigui joñe'me Dios, yajouaĝat da'me nach'eñe joñe'me Jesucristo jo'ne loĝot da'me 'noyaĝac choqoda'me nañoqotaĝanaĝac jo'ne ja pal. Jaja'a, nach'e naq'aeta da'me dojo'.

1 Corintios 14:19

Qalaĝaja nale jouetaue ga'me yema'a't, qama'le ja'uo yepagaĝac da'me jaconalo cincolqa 'naqataqa laqaya' jo'ne maqachaĝa qodomachita, ja jena'am ta'le yaguegue q'aen da'me jadenaĝa't gaa'me 'naqataqa laqaya'.

Romanos 3:2

Yataqata jalcote ga'me chiyaqayilo. Da'me 'uaeñe, yaje'tema jogaa'me judiopi da'me yanema da'me 'laqataĝanaĝac.

Hechos 7:38

Nataq'aen ca'li Moisés yema'ña ga'me aleua jo'ne totapega't nach'e Moisés p'ayapeguet ca'li ga'me piyem le'ec jo'ne naloĝoneguet di'me qajoĝonaĝa jo'ne Sinaí nataq'aen dia'me qadet'al; nach'eñe qoyanema gaa'me 'naqataqa jo'ne chiyaqauelo da'me 'noyaĝac qaedi qo'mi yaqauaqatenouelo.

Marcos 9:19

Jesús 'yategueta jogaa'me: —¡Yataqachiñe ami jiyaĝadipi jo'ne qoleguetaĝanaĝaiquipi! ¿Jach'e jogamaĝa ua'a da'me cha'li ami jouetauelo? ¿Jach'e jogamaĝa ua'a da'me cha'li ami ñeualaĝae'to? ¡Yaĝa, anedoyiquena ga'me notolec!

Filipenses 3:1

Chane'eja, ami yaqaya'olqa, 'noota qom yataqata ami made'tape, yajouaĝat da'me ademii'teguet joñe'me Jaliaĝanec. Yataqata ja jouala da'me ji'iyelaĝatelegue da'me joote jediñe ca'li, qa'a qom naq'aeta da'me ja'uo qama'le yataqata ami qo'yañaqateneque.

1 Corintios 14:20

Ami yaqaya'olqa, ena'te auadenaĝachi' daa'me lelnataĝaco jogaa'me ñoqolqa. Yataqachiñe 'noota ta'le aueñiya'ama jogaa'me 'najodolqa jo'ne ja yauote ga'me ja no'en, qalaĝaja 'noota ta'le gaa'me adelnataĝacodi' joote 'yaĝayaqa.

Gálatas 4:3

Ena'am ta'le naq'aeta ga'me jouaqataue ca'li maliaĝa ja jatetonaq ñe'me Cristo: jogaa'me nepaqa'lpi jo'ne ch'e yeuotapiye'ajalo qo'mi 'yetapeque da'me ena'am da'me qo'mi lelataqa.

Hebreos 5:11

Da'me jayem jalcote da'me jo'ne jetaque ami ja'aĝatema da'me jo'ne mach'e yelo'teguet da'me dojo' napaĝaguenataĝanaĝac, qalaĝaja 'uo da'me laqalaic da'me ami japaĝagueneque, yajouaĝat da'me ja paja'a ta'le auayachiñe.

Hebreos 10:32

Qalaĝaja da'me ami auenache'talo jaa'me noloqo'ote jo'ne yenoĝodegue joca'li da'me yemta auacoñiyeguet da'me yoqochiñe. Ua'a ca'li yataqata 'uo da'me adeloiquiaĝaqui let'adaic, qalaĝaja ja aĝañiñi da'me adepi'i, dite da'me 'uo da'me at'añaĝaqui da'me anapogaĝadeñiyeguet da'me adachoĝodequi.