Hebreos 4:9 - Nuevo Testamento Toba Sombrero Negro

⁹ Chane'eja nayi joñe'me Dios yitaĝa yiyaĝanalo jogaa'me mach'e lec'oqo'tepi qaedi tadoue da'me 'nomataĝaiqui.

Nuevo Testamento Toba Sur

⁹ Qaq ÿoqo'oyi ñaq huo'o qone' que'eca na'a'q mataxaqui mayi qaÿauotaique da nmataxaqui na lalamaxatpi ñi Dios.

La'aqtaqa Ñim Lo'onatac 'Enauacna 2013

⁹ Qalaxaye qomi' ñaq seuataqtaique que'eca na'a'q, qomi' maye qomi' lalamaqa'ate Ñim Lo'onatac 'Enauacna da saconaxaguet ca qanmataxac maye qomi' ỹachaxanapeguema Ñimaye.

Hebreos 4:9 Referans Kwoze

1 Pedro 2:10

Da'me ami joca'li ja jalchi'ena ta'le ami noic laje', qalaĝaja nayi male ami noic jo'ne Dios lec'oqo'tepi. Joca'li ñe'me Dios cha'li ja ami 'te yichoĝode'n, qalaĝaja nayi male yataqata ami yichoĝode'n.

Apocalipsis 21:4

Qama'le joñe'me yiyo'y yema naa'me lachi'y ga'me jiyaĝadipi. Ja yitaĝa ta'le 'uo da'me yeleu ga'me jiyaĝaua, uotaĝa ta'le 'uo joga'me noyetac. Male qaya'te lachoĝode'j, nach'e ena'am da'me qaya'te layaliaĝa'j, qa'a ena'uaque jogaa'me 'uaechidiñe, nayi male ja yitaĝa ta'le uo'oe.

Hebreos 4:3

Qama'le da'me qo'mi jo'ne joote ja'amaqatenaq da'me 'naqatac male jenoĝonaĝaue qomle di'me 'nomataqa' joñe'me. Nach'ena jo'ne Dios 'yaĝat ca'li da'me enaac: “Qo'che' jen eja da'me yalemataic, jenaac: «Da'me ami male ja auaqanachichi ta'le auec'achiya di'me 'yachaqa' jo'ne 'ñomataqa'.»” Qama'le enaac da'me dojo' mate mane'e joote yoma't yema daa'me 'lonataqa chiyoqotelegue da'me ye'et jena'me aleua ca'li 'uaechiñe.

Hebreos 4:1

Qama'le nayi, da'me qo'mi maliaĝa qo'mi qoyiyaĝanalo qaedi jenoĝonaĝaue di'me 'nomataqa' joñe'me Dios. Chane'eja, 'noota qom qadetelapega't qaedi qaya'te onolec da'me ami jo'ne qoyauana da'me ja nalo'oguet ta'le yenoĝoneuo.

Hebreos 11:25

Qama'le yelotelegue da'me taue da'me ne'uaĝanague'j joga'me Dios lec'oqo'tepi, ja jetaque da'me cha'li cada'ac da'me tauelo naa'me lamaico naa'me 'netaĝaloĝoco.

Hebreos 3:11

Qo'che' jen eja da'me yalemataic, jenaac: «Da'me ami male ja auaqanachichi ta'le auec'achiya di'me 'yachaqa' jo'ne 'ñomataqa'.»”

Tito 2:14

Nach'eñe qo'mi nep'aĝanegueta ca'li yeleu, qaedi qo'mi yachiyoĝotauelo gaa'me ja 'noe'n, nataq'aen qaedi qo'mi yataqachiñe qo'mi yiyo'y, qaedi mach'e qo'mi e'n Dios lec'oqo'tolqa, jo'ne qa'nañaĝatetac da'me jauoqo joda'me 'noota.

Mateo 1:21

María 'uo qomle ga'me c'oĝot, qama'le auen lenaĝat Jesús qomle. Naq'aeta da'me lenaĝat qa'a nec'alaĝatedegue qomle gaa'me jiyaĝadipi chiyoĝotauelo jodaa'me loeco.”

Hebreos 4:8

Qa'a joñe'me Josué ja yaqanatet ta'le 'nomataĝadegue joga'me Israel laje'pi joca'li; qo'che' ñe'me Dios yitaĝa 'yaĝatetac da'me 'uo ga'me nolo' laqaya.

Hebreos 4:10

Qa'a ga'me jo'ne taue da'me 'nomataĝaiqui joñe'me Dios, nach'ega jo'ne joote yoma't jogaa'me mach'e 'lonataqa qama'le 'nomateguejopa, ena'am joñe'me Dios da'me 'nomateguejopa jogaa'me jo'ne mach'e 'lonataqa joca'li 'uaechiñe.

Apocalipsis 14:13

Qama'le jomachiya ga'me nejamaĝa jo'ne chiyaqaje'ma di'me piyem jo'ne eetac: “Auediñe da'me yataqata made'tape jogaa'me yele'u jo'ne chiyoqo'tegue nayi male yele'tedot joñe'me Qadejaliaĝanec.” Qama'le 'yateguet joñe'me Dios Lepaqal, enaac: “Naq'aeta da'me dojo', qa'a male 'nomatedegue, joote yem da'me lachoĝode'j, qama'le nach'e eta't di'yo't da'me 'lonataqa jogaa'me.”