Hebreos 4:6 - Nuevo Testamento Toba Sombrero Negro

⁶ Chane'eja, mate mane'e ñe'me Dios yiyaĝanalo ca'li joga'me jiyaĝadipi jo'ne mach'e lec'oqo'tepi qaedi yenoĝodoue di'me 'nomataĝaiqui, qalaĝaja jogaa'me ja 'yamaqate'n da'me 'laqatac joñe'me qama'le ja tadoue, yajouaĝat da'me ja yoqochideta joñe'me.

Nuevo Testamento Toba Sur

⁶ Qalaxayi saxanaxa da huo'otaq huo'o ca ishit da inoxoneu'a de'eda mataxac. Qaq nam hua'auchiguiñipi co'ollaxa da qai'aqtaxanem da n'aqtac mayi chigaqaigui da nca'alaxa, qalaq namayipi sa ishit da inoxoneuo, souaxat da sa ÿalaq.

La'aqtaqa Ñim Lo'onatac 'Enauacna 2013

⁶ Qaq som hua'auchiguiñipi maye hua'axaỹa de'era no'on na'axaỹaxac, somayepi saishet da ỹalaxaguet Ñim Lo'onatac 'Enauacna, ỹoqo'oye saishet da ỹañoxot da ỹaconeguet ca nmataxac. Qalaxaye da ỹachaxanapec Ñim Lo'onatac 'Enauacna co'ollaxa, damaye nagui ñaq queta,

Hebreos 4:6 Referans Kwoze

Mateo 21:43

Qo'che' ami ja'aĝatema queda'me qodoĝotaĝanec qomle joda'me lejaliaĝa joñe'me Dios qama'le qoyanem ga'me jiyaĝadipi laqaya' jo'ne ya'uo jalayaĝac joda'me nejaliaĝa.

Hebreos 4:2

Qa'a da'me qo'mi joote jomachaĝa da'me dojo' 'naqatac jo'ne onaĝaic, ena'am ga'me Israel laje'pi joca'li. Qalaĝaja da'me 'naqatac jo'ne qo'yaĝatema ca'li joga'me Israel laje'pi qaya'te chiyaqayi, jouaĝat da'me ja 'yamaqate'n qama'le ja napotenegueta gaa'me laqaya' jo'ne yataqata 'uo da'me lepe'e' joca'li.

Hechos 28:28

Chane'eja 'noota qom auayachiñe queda'me chiyoqotelegue nayi dojo' lec'alaqataĝanaĝac ñe'me Dios male qoyanema joga'me jo'ne ja judiopi, qama'le jogaa'me qamqa'me yataqata naquiaĝata qomle.

Hebreos 4:9

Chane'eja nayi joñe'me Dios yitaĝa yiyaĝanalo jogaa'me mach'e lec'oqo'tepi qaedi tadoue da'me 'nomataĝaiqui.

Gálatas 3:8

Chiyoqo'teguet ga'me jalchi'ena joca'li daa'me 'laqataqa ñe'me Dios 'yaĝatetac da'me nach'e ena'am Dios yataqatelo'te q'ae'n jogaa'me jo'ne ja judiopi, qa'ejo' nach'eda eeta qom p'iida'a ñe'me Jesucristo. Qo'che' Dios yanem ñe'me Abraham jenjo' onaĝaic 'laqataĝanaĝac: “Nach'e am jo'ne am chiyaqayi da'me jichoĝode'n yema jena'me noyaqa.”

1 Corintios 7:29

Ami yaqaya'olqa, ami jayataĝadeneque: ja cop'a qomle novideda'aquena gaa'me p'atedegue noloqo'ote. Chane'eja gaa'me jo'ne ja jamaĝayaqa, yataqachiñe 'noota ta'le yacoteguet da'me ena'am ga'me jamaĝaic.

Hebreos 4:11

Chane'eja da'me qo'mi, 'noota qom 'ñañaĝataq qaedi jañoĝotaq da'me jenoĝonaĝauo'o da'me 'nomataĝaiqui joñe'me Dios, qaedi qaya'te ta'le onolec jo'ne ja yenoĝoneuo'o yajouaĝat da'me que'teguelo jogaa'me jo'ne ja p'iida'a joñe'me Dios.