Hebreos 4:12 - Nuevo Testamento Toba Sombrero Negro

¹² Qa'a da'me 'laqatac joñe'me Dios yataqata nec'aletaye nataq'aen 'uo da'me lañoqotaĝanaĝac. Nach'eda jo'ne nichaĝajoĝonaĝat jo'ne p'ajaye, napacalegue ga'me nedaĝanaĝat jo'ne dos naa'me lia'a, qama'le yaqanatet ta'le yeda'uo ga'me lauel ga'me jiyaĝaua, chayovida'a da'me yovidauo ga'me lepaqal, ena'am ta'le yededa'uo gaa'me loiquiaqa'te naa'me lep'inaqa nataq'aen na'me lap'iyoĝo. Qama'le nach'eda jo'ne ya'uo da'me lec'atenaĝanaĝac, naloqote'n gaa'me lelnataĝaco ga'me jiyaĝaua nataq'aen gaa'me jo'ne mach'e lamaico.

Nuevo Testamento Toba Sur

¹² Cha'ayi da l'aqtac ñi Dios ÿataqta nca'altauec, qataq huo'o da l'añaxac. Qataq na llaxa napactelec ca ÿilonec mayi dos naua ala'pi. Qataq damayi ishit da ividau'a cam ÿataqta pa'auo saq cha'a nachaalataxac ca shiÿaxaua qataq som capegue' lqui'i, qataq ishit da ÿaateec naq'en ca lhuennataxac qataq da lavilÿaxac.

La'aqtaqa Ñim Lo'onatac 'Enauacna 2013

¹² Da huo'o ye la'aqtac Ñim Lo'onatac 'Enauacna da nasaxauec qalaq ỹataqta huo'o da la'añaxac qaltaq nca'altauec. Da la'aqtac Ñimaye ỹataqta napacalec na llaxa ca ỹeelonec maye dos naua ala'api, ỹoqo'oye ishet da iviraua'a ye ỹataqta pa'auo da nachaalataxac ca shiỹaxaua. Nataqa'en huaña da ishet da imete'n naua qarhuennataxaco qataq da qaryaxayec, nache ỹachaxa'n da huo'otaq 'onaxaiqa huo'otaq qauema.

Hebreos 4:12 Referans Kwoze

Efesios 6:17

Nataq'aen jetaque da'me adec'alaqai ami de'uolo'te, ena'am ga'me jaĝa'to jo'ne laicaua 'me de'uolegue na'me laqaic ga'me coico le'ec. Nach'e ena'ama daa'me Dios 'laqataqa jo'ne ena'am ta'le daĝanaĝat 'me ami yanema ñe'me Dios Lepaqal, qama'le yataqata noma't na'me adauteua.

1 Pedro 1:23

Qa'a da'me ami ena'am ta'le yitaĝa 'niyelaq da'me aniyiñe, qama'le nayi ja naqaeda da'me net'ayaĝac 'me ch'e qanejiyaĝauayaĝac jo'ne pal qomle, dite da'me nach'ena na'me 'laqatac joñe'me Dios, jo'ne nach'e eta't nec'aletaye nataq'aen da'me ja pal.

Apocalipsis 1:16

Jena'me louaq jo'ne yayaten uo'oe gaa'me siete uaqachiñil jo'ne uetedaye, qama'le nataq'aen jena'me nedegaĝat chiyaqaue jo'me ledaĝanaĝat jo'ne dos naa'me lia'a; nataq'aen jena'me latajoĝoc yataqata yaqaselec, ena'am jañe'me ajeua nale nolo' laeñi.

1 Ts 2:13

Chane'eja da'me qo'mi, nach'e eta't da'me janemaĝam da'me qadamaic joñe'me Dios, yajouaĝat da'me auomachiiya ca'li ga'me qadapaĝaguenataĝanaĝac, jo'ne mach'e 'laqataqa ñe'me Dios, qama'le yataqata auacoñiyeguet ga'me, ja aueñetapega ta'le ch'e jiyaĝaua 'laqatac. Qa'a eja yataqata Dios mach'e 'laqataqa, qama'le yataqata eja 'uo joga'me ami chiyaqayilo, da'me ami jo'ne male yataqata eja auep'iiya'a.

Romanos 1:16

Ja jepocoĝolegue da'me dojo' onaĝaic 'naqataĝanaĝac, qa'a nach'eda lañoqotaĝanaĝac ñe'me Dios qaedi ena'uaque gaa'me jo'ne p'iida'a yededalegue da'me qonec'alaĝatedegue, nach'egaua joga'me judiopi jo'ne 'uaediñe, qama'le nach'e ena'ama yema joga'me jiyaĝadipi.

Apocalipsis 19:15

Qama'le jena'me nedegaĝat joñe'me chiyaqaue ga'me nedaĝanaĝat jo'ne neuoyejec, qaedi nach'ega jo'ne yejogueque ena'uaque ga'me jiyaĝadipi jo'ne uetedalegue jena'me aleua, nataq'aen lajoqot'a ga'me naje'l jo'ne laicaua da'me male nejaliaĝatelo'te jogaa'me. Chane'eja ya'uo ga'me ne'uaĝanague'j jogaa'me, ena'am da'me qoyen yolaĝachiguilo jogaa'me uva jala, qaedi qoyachiyoĝotaye ga'me lataĝa, qama'le nach'ega jo'ne yelo'teguet da'me lalemataic joñe'me Dios 'me qaya'te yaqalaatac, jo'ne 'uo da'me lichic.

Efesios 5:13

Qom edañgui jañe'me coyadaĝanaqate, male yemta di'yoq joga'me uetaue da'me 'naltapiye, male yataqata qoyayaten joga'me 'loyaĝac. Qa'a yema da'me qoyayaten male qoyen yoqochiñe.

Lucas 8:11

“Dojo' da'me jo'ne yelo'teguet da'me jaloqotenaĝana: jaga'me peta 'yaĝatetac da'me 'laqataĝanaĝac ñe'me Dios.

Juan 6:51

Naqayem jo'ne pan 'me nec'alaĝa, jo'ne ñenochiñe da'me jachiyoĝogue di'me piyem. Joga'me jo'ne yalic jenjo' pan nach'e eta't da'me nec'aletaye: jenjo' pan jo'ne janegue, nach'ena jo'ne mach'e yapachidiyaĝac, da'me janegue qaedi 'uo da'me lec'alaĝa'j jogaa'me jiyaĝadipi.”

Apocalipsis 19:21

Qama'le ena'uaque jodia'me laqaya' da'me nach'e ena'ama da'me yele'u, da'me qoyalateque joga'me nedaĝanaĝat jo'ne chiyaqaue ga'me nedegaĝat joñe'me jo'ne netalegue ñe'me pegaq, qama'le yema jena'me mayodipi yaliquitedac jena'me lapa't jodia'me jiyaĝa'u jo'ne nalataqa.

Apocalipsis 2:16

Chane'eja a'niyelaqaeyot nayi ñe'me Dios yema da'me ami, qa'a qom ja naq'aeta da'me auauoyi, qama'le paja'a da'me ami jec'atalo qaedi jeloi'ye'to jogaa'me, qa'a 'uo na'me yedaĝanaĝat jo'ne chiyaqaue jena'me ñedegaĝat.

Hebreos 13:7

Anetoviñetaque ñaa'me mach'e adajoĝola'chidi', naqaeñaua jo'ne ami 'yaĝatema ca'li daa'me 'laqataqa ñe'me Dios. Auenachelegue da'me jo'ne chiyaqayi da'me 'loyaĝa'j joñaa'me, qama'le oqui'tegue da'me ee'tec da'me mach'e lepi'iyaĝa'j.

Hechos 4:31

Ca'li yem da'me netamenaĝa'j, qama'le yema deda ga'me ueteda'a da'me yema'a't; qama'le ena'uaque jogaa'me male najaqachiguilo ñe'me Dios Lepaqal 'me ja 'nalegue, qama'le 'uo da'me 'lañaĝa'j da'me 'yaĝa'tape jodaa'me Dios 'laqataqa.

Hechos 2:37

Mane'e ca'li domachita da'me dojo' ga'me jiyaĝadipi, qama'le yoqoche' naa'me lai'li, nataq'aen yachimaĝadeta ñe'me Pedro nataq'aen gaa'me namaĝa's laqaya': —Ami qadaqaya', ¿jach'e ga'me jauoqo nayi?

Apocalipsis 2:23

Qama'le nach'e ena'am jala't qomle jogaa'me jo'ne ueteda'ajop jañe'me, qaedi yema ga'me Dios lec'oqo'tepi male yayate'n da'me naqayem jo'ne jayaten chayovida'a ga'me p'auo joga'me jiyaĝaua laqaic nataq'aen joga'me lauel. Qama'le da'me ami, onolqa'tape janema ga'me nejetenaguec jo'ne nalo'tagueta jogaa'me 'lonataqa.

Apocalipsis 20:4

Ca'li yem qama'le yitaĝa jauanalo jogaa'me jiyaĝa'u laqaya' jo'ne netauelo gaa'me nejaliaĝaiqui', qa'a joote yacoteguet da'me lañoqotaĝanaĝa'j qaedi male dec'atenaĝa'n nataq'aen da'me daloqotenaĝa'n. Jogaa'me jiyaĝa'u jo'ne jauanalo nach'ediaua dia'me jo'ne joote yele'u da'me qoyichaĝadegue naa'me laqai'go, yajouaĝat da'me 'yaĝatetedac joca'li joñe'me Jesús, nataq'aen da'me dapaĝaguenataĝatedapec da'me 'laqatac joñe'me Dios. Jodia'me ja jetaque netametot ca'li ñe'me jiyac polio' choqoga'me mach'e lequi'i, qama'le nach'e ena'am da'me ja naje'teguet ta'le qoyanayelo naa'me laqai'go jaga'me 'nanaĝanaqate, uotaĝa ta'le qoyanayelo naa'me loua'. Qama'le jauanalo da'me yitaĝa nec'aledegue jogaa'me, qama'le ueteda'ajop joñe'me Cristo da'me qoyanema da'me lejaliaĝa'j chayovida'a qom yenoĝodegue ga'me mil 'uoidi.

1 Ts 5:23

'Noota qom Dios male naqaeñe jo'ne chiyoqo'ot da'me 'nemaĝac, male yataqata ami 'yeteque da'me male jalcote da'me ja ami 'te 'nalo'te, nataq'aen yataqata netela yema da'me at'oyaĝaqui, uotaĝa na'me adepaqali jo'ne ami uetauelo, nataq'aen netela na'me adai'lidi', choqona'me adapa'chidi', qaedi male yataqata qaya'te ami netayelo jo'ne ja no'en, chayovida'a qom male 'niyelaq joñe'me Qadejaliaĝanec mach'e Jesucristo.

2 Corintios 4:2

Qaya'te gamachaqaega ta'le janomaĝaguet da'me qadepocoĝo, uotaĝa joĝotaqatapiñi ga'me qat'onatac. Ja jauoqo da'me ta'le joqovinaq ga'me jiyaĝadipi uotaĝa jaeyaĝanaq da'me 'laqataĝanaĝac ñe'me Dios. Ja naq'aeta, dite da'me nach'eñe ñe'me Dios qa'naĝatoqo't queda'me onolec da'me eja ñenaĝataĝaye. Qo'che' ena'uaque qo'mi qop'eteque.

Santiago 1:18

Qa'a naq'aeta da'me jo'ne mach'e lelnataĝac joñe'me, da'me qo'mi yanema da'me nec'alaĝa jo'ne chiyaqayilo naa'me 'laqataqa jo'ne ejoda, qaedi ena'am ta'le qo'mi jala jo'ne 'uaechidiñe da'me mach'e 'lonataĝanaĝac.

2 Corintios 2:17

Qo'mi ja naqaeda ta'le jauoqo lajo'vi da'me 'laqataĝanaĝac ñe'me Dios, jo'ne qayoĝode' naq'aeta da'me yauote; ja naq'aeta, dite da'me Dios qo'mi yauanalo queda'me qaya'te jenaq lale'gue da'me ja'aqataĝanaqatac, qa'a nach'eñe ñe'me Dios qo'mi lamaĝa's nataq'aen qa'a yataqachiñe qademe'teguet ñe'me Cristo.

1 Corintios 1:24

Qalaĝaja gaa'me jo'ne Dios yiyaĝanalo, naqaegaua ga'me judiopi uotaĝa ga'me griegopi, jayatenaq da'me Cristo mach'e lañoqotaĝanaĝac nataq'aen layatenaĝanaĝac ñe'me Dios.

Hechos 5:33

Ca'li domachita da'me dojo', qama'le dalemata'y nataq'aen jetaque yala't jogaa'me.

Juan 12:48

Ga'me jo'ne ja jayem 'te 'yamaqaten nataq'aen da'me ja yoqocha'alo naa'me 'yaqataqa, joote 'uo na'me naviyaqatoqo't: naa'me 'yaqataqa jo'ne joote ñenaĝatedegue nach'enaua jo'ne mach'e naviyaqatoqo't jogaa'me, qom novita ga'me nolo' jo'ne p'ategue.

Hechos 7:38

Nataq'aen ca'li Moisés yema'ña ga'me aleua jo'ne totapega't nach'e Moisés p'ayapeguet ca'li ga'me piyem le'ec jo'ne naloĝoneguet di'me qajoĝonaĝa jo'ne Sinaí nataq'aen dia'me qadet'al; nach'eñe qoyanema gaa'me 'naqataqa jo'ne chiyaqauelo da'me 'noyaĝac qaedi qo'mi yaqauaqatenouelo.

Efesios 5:26

qama'le qo'mi 'yaĝatema da'me 'laqataĝanaĝac qaedi male yataqata e'n qo'mi loqo'te nataq'aen da'me qo'mi e'n yoqovite' da'me qo'mi qonachilaĝa'n,

Hebreos 6:5

choqoda'me joote yayate'n daa'me onaĝayaqa jo'ne 'laqataqa joñe'me Dios choqoda'me lañoqotaĝanaĝac jo'ne yataqata di'yoqo'tegue qomle,