Hebreos 3:3 - Nuevo Testamento Toba Sombrero Negro

³ Qom qoye'et ga'me emec, qama'le joga'me jo'ne 'noĝojeguem nach'ega jo'ne yataqata qo'nonaĝachigui, ja ena'am ga'me emec. Qama'le nach'e ena'am ñe'me Jesús, nach'eñe joñe'me jo'ne qoyen let'adaic da'me 'lonaĝac, ja ena'am ñe'me Moisés joca'li.

Nuevo Testamento Toba Sur

³ Qaq so Jesús, somayi ÿataqta 'itchiguiñi da huo'o da l'amaqchic, qaq saq 'en'am so Moisés. Qaq somayi 'eeta'am da 'eetec cam i'ot ca noÿic da ÿataqta huo'o da ñi'oxonnataguec qanqoÿin, qaq saq 'en'am da ñi'oxonnataguec so noÿic.

La'aqtaqa Ñim Lo'onatac 'Enauacna 2013

³ Qalaxaye Ñim Lo'onatac 'Enauacna ỹami' So Jesús da napacalec so Moisés da la'amaqchec. 'Eeta'am da qano'oxoosheguem ca nỹec, cha'aye cam no'oxoosheguem ca nỹec camaye ỹactec da la'amaqchec, qaq sa 'ena'am ca nỹec.

Hebreos 3:3 Referans Kwoze

1 Corintios 3:9

Qa'a jayem nataq'aen Apolo qo'mi necochaĝa'u da'me 'lonataĝanaĝac ñe'me Dios, qama'le da'me ami aueñiya'am ga'me lanaĝanaqa' ñe'me Dios, nach'e ena'am aueñiya'am ga'me emec 'me 'noĝojeguem ñe'me Dios.

Hebreos 2:9

Qalaĝaja jauanaĝa ñe'me Jesús, jo'ne cada'ac da'me qoyen ja napacalo'te joga'me piyem laje'pi jaa'me noloqo'ote ja lama'y, qaedi yeleualegue yema jena'me jiyaĝadipi, yajouaĝat da'me loequenataĝanaĝac joñe'me Dios jo'ne yataqata qo'mi noqopitalo. Chane'eja ca'li yem da'me lachoĝodec joñe'me Jesús, qama'le yataqachiñe qo'nonaĝachigui nataq'aen da'me yaconeguet da'me 'lonaĝac jo'ne chiyaqayi joñe'me Dios.

Hebreos 3:6

Qalaĝaja ñe'me Cristo qamqa'me mach'e Dios Lec'oĝot jo'ne yataqachiñe yelolegue jena'me noic jo'ne Dios lec'oqo'tepi, qama'le nayi mach'e qo'mi jo'ne jouaqatoue jena'me noic, qom eja da'me 'ñañaĝataĝac da'me qadepe'e choqoda'me qadeuataqataĝanaĝac, nach'eda jo'ne chiyaqayi da'me yataqachiñe qo'mi made'tape.

Colosenses 1:18

Uoja'eda, ñe'me Cristo nach'eñe laqai'j joga'me p'etaqadaiquipi, jo'ne mach'e lapat. Nach'eñe jo'ne chiyoqochiñe, nataq'aen 'uaechiñe da'me 'niyelaĝajeguem chiyaqauelo joga'me napa'lpi, qaedi nach'eñeta jo'ne onolec ñe'me lajoĝola't ena'uaque gaa'me uo'oe.

Mateo 16:18

Qama'le am ja'aĝatem queda'me am Pedro ena'am ta'le am qa' let'adaic, qama'le nach'ena jenjo' qa' jo'ne jachiyoĝotetelegue qomle da'me 'ñoĝojeguem ga'me ñetamenaĝaiqui; nataq'aen yataqachiñe 'uo qomle da'me 'lañaĝac qaedi joda'me lañoqotaĝanaĝac da'me neleuaĝa ja yaqanatet ta'le nomat.

2 Corintios 3:7

Dios yedelo'te ca'li gaa'me qadi da'me yedidiñe gaa'me lamaĝajoĝonaĝaco, qama'le yanema ñe'me Moisés. Mate mane'e gaa'me namaĝajoĝonaĝaco 'yaĝatetedac da'me qadeleuaĝa qa'a jouaĝa't joga'me qadoeco, jojo' nolo' yataqachiñe p'ajaye ca'li, chayovida'a da'me 'uo da'me laqaselegaĝac ga'me latajoĝoc ñe'me Moisés ca'li. Nataq'aen ga'me laqaselegaĝac yataqachiñe 'uo da'me 'lañaĝac qama'le ga'me israelpi ja yaqanate't ta'le dajoeda'aguet ñe'me Moisés ta'le yec'ate'n. Qalaĝaja ga'me lauaqayaĝac ja cop'a ca'li paja'a yitaĝa pal.

Hebreos 3:4

Qa'a yemeda gaa'me emaqa 'uo ga'me jo'ne yete'tape, qalaĝaja nach'eñe joñe'me Dios jo'ne ya'uo yema naa'me naajo' jo'ne uo'oe.