Hebreos 3:1 - Nuevo Testamento Toba Sombrero Negro

¹ Chane'eja, ami yaqaya'olqa, da'me ami jo'ne ami liquiyaqa joñe'me Dios qaedi male en mach'e ami lec'oqo'tepi, 'noota qom auenache'ta joñe'me Jesús jo'ne Lamaĝajec joñe'me Dios, nataq'aen nach'eñe ñe'me Qadejaliaĝanec mach'e Qadetaĝayaĝanaĝanec jo'ne dajo'tot joñe'me Dios.

Nuevo Testamento Toba Sur

¹ Qaq ÿoqo'oyi qami' ÿaqaÿa't mayi qami' lca'agui'shi ñi Dios qataq qami' iÿaxanalo da qami' lalamqa'te, qami' ÿataqta qauloichigui qome so Cristo Jesús, som qomi' qanamaxalo qataq qadataxala' da detaxaÿapegue' ñi Dios mayi sa'amaqtenaqtac.

La'aqtaqa Ñim Lo'onatac 'Enauacna 2013

¹ Qami' ỹaqaỹa't, Ñim Lo'onatac 'Enauacna qami' iỹaxanalo qataq qami' lca'agui'she da ỹauo'oi qami' lalamaqa'ate. Ỹoqo'oye iuen da ỹataqta qauennataxañiitelec qataq qauloichigui So Cristo: Somaye qomi' qanamaxalo co'ollaxa qataq nacheso so lataxala' nam ntaxaỹaxanaxanecpi da qaitaxaỹapegue' Ñimaye.

Hebreos 3:1 Referans Kwoze

2 Timoteo 1:9

Dios joote qo'mi nec'alaĝatedegue nataq'aen nach'eñe qo'mi yiyaĝanalo qaedi jouaqauelo gaa'me lec'oqo'te jo'ne ja 'nalo'te. Jouaĝat taĝa da'me qat'onataĝanaĝac, mac joñe'me Dios nach'eñe lelnataĝac da'me dojo', qa'a joote qo'mi noqopitalo ca'li maliaĝa ja ye'et jena'me aleua, qama'le qo'mi yamaĝalo joñe'me Cristo Jesús.

Filipenses 3:14

Qama'le yataqachiñe 'ñañaĝat da'me yataqata ja jaĝañi jenjo' jelo'tegue jo'ne 'yonatac ladic, qaedi joñe'me Dios male jayem yanem joga'me ñomataĝanaqate, nach'ega jo'ne jayem yiyaĝana qaedi jona'ague di'me piyem, jouaĝat da'me yataqata jeme'teguet joñe'me Jesucristo.

Hebreos 7:26

Chane'eja nach'eñe ñe'me Jesús jo'ne jouenaqa'ta, qa'a naqaeñe mach'e Qadetaĝayaĝanaĝanec jo'ne p'ajaye, joñe'me jo'ne ja 'nalegue, qaya'te ta'le loec nataq'aen ja paĝachigui, joote qoyachiyoĝotauelo jogaa'me loeco lo'olpi qama'le qoyana'ña di'me p'ajeguem jo'ne ne'tague di'me piyem.

Efesios 4:1

Chane'eja jayem jo'ne jayem necoñetaejec nayi qa'a jouaĝat joñe'me Qadejaliaĝanec, male yataqata ami ñachoĝodenouelo, 'noota ta'le yataqata anechoĝodeñela't, qa'a naq'aeta da'me ami qoyiyaĝanalo ca'li, qaedi oviyaue jena'me jenjo' Dios lec'oqo'tepi.

1 Pedro 2:9

Qalaĝaja ami yataqata ami liquiyaqa ñe'me Dios, nataq'aen ami qoye'n letaĝayaĝanaĝanaqa joga'me jiyaĝadipi da'me auajoyi'tot ñe'me nejaliaĝanec, nataq'aen da'me ami noic let'adaic jo'ne ja 'nalegue, ami jo'ne onolec noic jo'ne loĝot joñe'me Dios. Qama'le naq'aeta da'me jo'ne ya'uo joñe'me qaedi a'uaĝache'tape naa'me 'lonataqa jo'ne onaĝayaqa, ñe'me jo'ne ami yachiyoĝotauelo ga'me 'lalaĝa qaedi male ayoue da'me onaĝaic yoqochiñe jo'ne chiyoqo'ot joñe'me.

Hebreos 2:17

Qo'che' joñe'me youen da'me yataqata ena'am qoyen da'me 'loyaĝa'j jogaa'me laqaya'olqa, qaedi yovida'a da'me qoyen Letaĝayaĝanaĝane'j jo'ne p'ajaye 'me yataqatelegue nataq'aen choĝodenataĝanaĝaic da'me dajo'tot joñe'me Dios, nataq'aen da'me yapalaĝa't gaa'me loeco joga'me jiyaĝadipi, qama'le yachiyoĝotayilo da'me leleuaĝa'.

Hebreos 10:21

Nach'eñe ñe'me Jesús mach'e qadetaĝayaĝanaĝanec jo'ne p'ajaye 'me neteloqo't di'me 'lachaqa' joñe'me Dios.

Efesios 4:4

Qa'a jena'me Dios lec'oqo'tepi onolec da'me 'loyaĝac, nataq'aen onolec ñe'me Dios Lepaqal jo'ne qo'mi uetauelo, nataq'aen onolec da'me jepagaqatapega, nach'eda da'me nec'alaĝac jo'ne Dios qo'mi yiyaĝanalo qaedi jaĝaue.

1 Ts 2:12

Qama'le ga'me qadet'ayaĝac 'noota ta'le yataqata ami ejoda auauoyi ga'me yataqata qoyiyamaĝaden ga'me yataqata Dios lec'oqo'te joga, jo'ne nach'egaua male yaqanate't da'me uedaue ga'me lejaliaqa' jo'ne yataqata ja 'nalegue nataq'aen da'me qaya'te loiquiaqa' da'me qo'nonaĝachigui.

1 Corintios 9:23

Ena'uaque gaa'me jauo'oe, ja'uo qaedi qoyelagaĝategue da'me qo'yaĝatetac da'me onaĝaic 'naqataĝanaĝac, qa'a jetaque nach'e ena'am ñapeteguet joga'me.

2 Timoteo 2:7

Auenate'talo naa'me naajo' 'yaqataqa jo'ne am janema, qa'a qomle ñe'me Qadejaliaĝanec male naqaeñe en yataqata auayaten ga'me yelo'tegueta.

1 Timoteo 6:12

Nach'e eta't aueloiquitapegue'to jogaa'me adoeco qa'a yataqata 'uo da'me adepe'e, nataq'aen qaedi ja anepaten da'me nec'alaĝa jo'ne qaya'te loiquiaqa'. Nach'ena jenjo' ca'li Dios am yiyaĝana, qama'le nayi yataqata eja da'me adepe'e jo'ne joote qoyec'atetac.

Romanos 15:8

Qama'le ami ja'aqataĝanema ñe'me Cristo da'me naequena joca'li qaedi lecochiyalo joga'me judiopi qaedi yepaque'teguelo gaa'me jo'ne joote qo'yaĝatema dia'me qadet'al 'me jachiyojoĝogueta nataq'aen naq'aeta da'me yaloĝon queda'me Dios yepagaqate'tegue ga'me jo'ne yaqataĝañi 'laqatac.

Hebreos 2:11

Qa'a joñe'me jo'ne yauecoto joga'me jiyaĝadipi joñe'me Dios, choqogaa'me jiyaĝa'u jo'ne qoyaue'j, 'uo ñe'me onolec jo'ne Let'a' ena'uac, nach'eñe ñe'me Dios. Chane'eja joñe'me Jesús ja nepocoĝolegue da'me dojelo'te jogaa'me jiyaĝa'u, enaac: “Nach'egaua mach'e yaqaya'.”

Juan 20:21

Qama'le Jesús yitaĝa enaac: —¡'Nemaĝac ami uetauelo! Queda'me jayem namaĝaquena ca'li joñe'me Taĝadena', qama'le nach'e ena'am da'me jayem male ami jama'.

Judas 1:1

Jayem Judas 'me jayem lalemaĝajet joñe'me Jesucristo, nataq'aen jayem lanoqolec joñe'me Santiago, ami janema naa'me naajo' yedii's, da'me ami jo'ne ami noqopitalo joñe'me Qadet'a Dios nataq'aen ami netelalo joñe'me Jesucristo, qa'a joote ami yiyaĝanalo joñe'me Qadet'a, ami yiyota'alo qaedi yataqachiñe ami e'n lec'oqo'tepi.

Hebreos 3:14

Qa'a da'me qo'mi, male qo'mi lequiaĝa'u ñe'me Cristo, qom nach'e eta't 'ñañaĝataĝac da'me qadepe'e jo'ne 'uaechiñe 'me qo'mi uetauelo.

1 Timoteo 6:2

Nataq'aen qom p'etaqadaic ga'me adadipa, yataqata auanem da'me adoqopich'i choqoda'me adichoĝodenataĝanaĝac, qa'a jenjo' mach'e adaqaya da'me 'uo ga'me adepe'e. Mac da'me a'uetec da'me yataqata alecochiya, qa'a jenjo' at'onatac nataq'aen qoyen 'lonatac, chiyaqa'alo jiyaĝa'u jo'ne p'iida'a ñe'me Dios, chane'eja 'noota ta'le yataqata aviyamaĝatetac ga'me aue'et. Daa'me daajo' 'noota qom yataqata auapaĝaguenataĝaneque nataq'aen auamaĝajoĝolo'te.

2 Ts 2:14

Dios ami yiyaĝanalo ca'li jouaĝat da'me yataqata auacoñiyeguet jena'me jenjo' onaĝaic 'naqataĝanaĝac jo'ne ami ja'aĝataĝama ca'li, qaedi nataq'aen male oviyaue da'me 'lonaĝac ñe'me Qadejaliaĝanec Jesucristo.

2 Ts 1:11

Nataq'aen yemeda naa'me noloqo'ote da'me ami jajelaĝanaĝalo'te, da'me ñachoĝodenoqot joñe'me Dios qaedi ami e'n adaloyeguet da'me 'noyaĝac jo'ne auacoñiyeguet ca'li ami qoyiyaĝanalo, nataq'aen qaedi ami yanema ena'uaque daa'me 'noote' jo'ne auepaquitapegalo, qaedi yataqata ami onaĝayaqa nataq'aen qaedi auomachi' gaa'me at'onataqadi' 'me chiyoqodayi da'me adepi'i, qa'a nach'eñe jo'ne qaya'te yaqalaatac.

1 Ts 5:27

Ami ñachoĝodenoto nataq'aen ami jamaĝalo'te queda'me jacona da'me lejaliaĝa ñe'me Qadejaliaĝanec, qaedi auojeyilegue jana'me janjo' yediije ga'me qadayi qaedi yema qodomachiya ga'me ja'aĝatetac.

Colosenses 3:12

Dios ami noqopitalo, nataq'aen ami yatetelo'te qaedi ovitauelo joga'me c'oqo'tepi joñe'me. Chane'eja anaviquila't da'me qaedi ami choĝodenataĝanaĝayaqa, nataq'aen ami qopitaĝanaqataqayaqa nataq'aen ami pogaĝadenaĝayaqa. Ena'te ami 'yoĝodenaĝayaqa, uotaĝa ta'le ami co'yaqayaqa.

Colosenses 1:22

Qalaĝaja nayi Cristo yitaĝa ami 'niyelaĝatela'ajalo, chiyaqayi da'me lachoĝodec 'me leleuaĝa ca'li cha'li ue'tena, qaedi ja ami 'te 'nalo'te da'me ami naueguedela't, qaya'te adejamaĝataĝaqui nataq'aen qaya'te adaviyaĝaje'che.

Colosenses 1:12

Qama'le auañem da'me adamaiqui joñe'me Qadet'a, qa'a joñe'me ami yaqataĝata'ajalo qaedi auacoñiyeguet da'me lejaliaĝa jo'ne yoqochiñe qama'le anetauañiya'uo ga'me yanema yema joga'me c'oqo'tepi joñe'me.

2 Corintios 1:7

'Uo da'me qadajoĝonataĝanaĝac jo'ne t'añañe queda'me ami, qa'a naq'aeta da'me qo'mi ovita'ñoto da'me qadachoĝodeco nach'e naq'aeta qo'mi ovi'tajopa da'me male qo'mi qoloyaĝanate't.

1 Corintios 1:2

ami janema da'me qadamaic, ami jo'ne yataqachiñe Dios lec'oqo'tolqa 'me oñiya'ña di'me Corinto, ami jo'ne joote yoqovite' qa'a auacoñiyeguet ñe'me Cristo Jesús, nataq'aen ami qoyiyaĝanalo qaedi ami qoyapetenegueta joga'me Dios lec'oqo'tepi 'me ja 'nalo'te nach'e ena'ama ena'uaque jogaa'me jo'ne napi'ñalo naa'me ale'u lael 'me 'yaĝatetedac da'me lenaĝat ñe'me Jesucristo mach'e Qadejaliaĝanec nataq'aen joga'me Dios lec'oqo'tepi 'me ja 'nalo'te.

Romanos 15:27

Yataqachiñe eja onaĝaic da'me yauote dojo', mate mane'e eja 'uo da'me nep'iayaĝa'j jogaa'me, qa'a naq'aeta da'me yauote joga'me judiopi, da'me qoyapetedeuo da'me Dios lec'oĝochiyaĝac joga'me ja judiopi, qama'le chimaqachiñe da'me dachetaĝatec da'me leuoyaĝa'j qaedi lecochiyalo gaa'me p'etaqadayaqa jo'ne judiopi.

Romanos 11:17

Jaga'me epaq jo'ne olivo, nach'ena 'me yelo'tegueta jena'me judiopi, tayapiye uo'oe gaa'me qoyichaĝadegue gaa'me lepeel, qama'le ga'me chiyaqa'ña qoyejechi'ñeguet jaga'me olivo 'me viaĝaje, jo'ne mach'e am. Naq'aeta da'me maqachaĝa anetauana'uo ga'me onolec pata', nataq'aen nach'eda da'me 'loyaĝac jaga'me olivo.

Romanos 9:24

Naq'aeta da'me Dios qo'mi yiyaĝanalo, uo'oe gaa'me chiyaqauelo joga'me judiopi qama'le gaa'me laqaya' chiyaqauelo joga'me jo'ne ja judiopi.

Juan 20:27

Mane'e ca'li yem da'me nenaĝategue, qama'le enapega joñe'me Tomás, enaac: —Auec'ate'n naa'me youa' qama'le auejetoue jana'me adiaĝata jenjo' liiuo jo'me clavo, nataq'aen auejetoue na'me adouaq jenjo' yae, jo'ne liiuo jajo'me miyoĝo. Ena'te auoqoleguet, ¡dite da'me auep'iya'a!

Apocalipsis 18:20

“Male am matac nayi, am piyem, Qa'a yajouaĝat da'me ne'uaĝanaguec jena'me jenjo' noic, nataq'aen male ami made'tape, ami Dios lec'oqo'tepi jo'ne ami ja 'nalo'te, da'me ami Dios lamaĝa's nataq'aen da'me ami 'laqataĝanaĝanaqa joñe'me, qa'a nach'eñe ñe'me Dios jo'ne ye'uaĝan di'me noic let'adaic, qaedi ya'uo da'me en adajo'viyaĝaqui.

Apocalipsis 17:14

Yem da'me dojo' qama'le deloi'te' ñe'me 'Naĝanaĝate Lec'oĝot, qalaĝaja ñe'me 'Naĝanaĝate Lec'oĝot noma't jogaa'me, qa'a ñe'me 'Naĝanaĝate Lec'oĝot naqaeñe jo'ne Lejaliaĝane'j ena'uaque jogaa'me jaliaĝanaqa, nataq'aen yataqata yaguegue da'me mach'e lañoqotaĝanaĝac. Qama'le gaa'me jo'ne ueteda'ajop joñe'me nach'egaua jo'ne Dios yiyaĝanalo 'me mach'e liquiyaqa, nach'egaua jo'ne yataqata p'iida'a joñe'me.”

1 Juan 1:3

Qama'le naq'aeta da'me ami jechoĝotaqatapema da'me jo'ne joote jauanaĝa nataq'aen jomachaĝa, qaedi qo'mi ademii'tegueta, nach'e naq'aeta da'me qadema'aguet joñe'me Dios jo'ne Qadet'a nataq'aen ñe'me Lec'oĝot Jesucristo.

1 Pedro 5:10

Qalaĝaja qom yenoĝodegue jogaa'me noloqo'ote da'me 'uo da'me adachoĝodequi qama'le joñe'me Dios male ami 'yañaqateneque, nataq'aen da'me en ami 'uañaĝayaqa choqoda'me ami yanema da'me jo'ne yataqatelegue. Qa'a nach'eñe ñe'me Dios 'uo da'me loqopich'i let'adaic chane'eja ami yiyaĝanalo qaedi ademii'teguet joñe'me Jesucristo qama'le ovitaue da'me jo'ne mach'e 'lonaĝa jo'ne qaya'te loiquiaqa'.

1 Pedro 5:1

Nayi ami jaqatalo, ami 'yaĝaicachidi jo'ne ami lajoĝola'te gaa'me p'etaqadayaqa, queda'me nach'e ena'am jayem 'yaĝaicachigui jo'ne ja'aĝatetac da'me jo'ne lachoĝodec joñe'me Cristo, qama'le nataq'aen jouetaue qomle da'me 'lonaĝa joñe'me jo'ne qo'mi di'yoĝoma jo' qomle.

1 Pedro 3:5

Qa'a naq'aeta da'me 'netaĝa'j joca'li gaa'me yauodipi jo'ne yataqatelo'te, ca'li cha'li uo'oe dia'me jiyaĝa'u jo'ne toye's, queda'me yajouaĝat da'me p'iida'a joñe'me Dios nataq'aen da'me yoqocha'alo jogaa'me louadipi.

Hebreos 9:11

Qama'le joote novi' joñe'me Cristo, mach'e Qadetaĝayaĝanaĝanec jo'ne p'ajaye. Naqaeñe qo'mi yanema ga'me onaĝaic jo'ne joote 'uo, qa'a joote yenoĝoneuo'o joga'me tamenaĝaiqui laqaya jo'ne p'ajaye nataq'aen yataqatelegue, qa'a ja naqaegaua gaa'me jiyaĝa'u ta'le 'lonata'j, queda'me ja neta'ña jena'me jenjo' aleua.

Hebreos 6:20

Nach'edi di'me jo'ne yenoĝoje'ma joca'li joñe'me Jesús, qaedi qo'mi yichoĝode'n da'me en qadadiiuo, qa'a nach'eñe ñe'me Jesús jo'ne joote qoyen Qadetaĝayaĝanaĝanec 'me p'ajaye, da'me ena'am da'me 'loyaĝac ñe'me Melquisedec joca'li.

Efesios 3:6

Qama'le jena'me jenjo' 'lonataĝanaĝac ñe'me jo'ne yataqata ja qoyayaten ca'li, mach'e jenjo' jo'ne enaac: chiyaqayi da'me joote ye'et ca'li joñe'me Jesucristo, yema ga'me ja judiopi male yaqanate't ta'le yacoteguet jena'me nec'alaĝa, nataq'aen yacoteguet yema joga'me ca'li qo'yaĝatetac mach'e 'laqataqa ñe'me Qadet'a jo'ne yanouelo dia'me Israel laje', nataq'aen male onolec jena'me lec'oqo'tepi. Onolec da'me jauoqo da'me jaconaĝaguet jena'me jenjo' 'naqataĝanaĝac jo'ne onaĝaic.

1 Corintios 10:17

Mate mane'e qo'mi qayoĝode', qo'mi ena'am ta'le onolec ga'me qadapat, qa'a onolec ga'me pan 'me jaliguinaq.

Juan 17:3

Qama'le nach'eda da'me 'noyaĝac jo'ne ja 'naidena'a chiyaqayi da'me am qoyateton, da'me am onolec Dios jo'ne yataqatelegue, nataq'aen da'me jayem qoyateton, da'me jayem Jesucristo jo'ne jayem anamaĝaquena.

Hechos 1:15

'Uo ga'me ua'a ca'li yenoĝodegue gaa'me noloqo'ote, Pedro ñijeguem ca'li uañe laeñi jogaa'me laqaya'olqa jo'ne yema'a't, nach'egaua nalo'taguet ciento veinte ga'me jiyaĝadipi, qama'le enaac:

2 Corintios 9:13

Janjo' necochaĝanaqate nach'eda yaloĝon queda'me ami auacoñiyeguet da'me onaĝaic 'naqataĝanaĝac nataq'aen auoqochiya ga'me 'yaĝatetac. Qo'che' jogaa'me netotedapec nataq'aen 'nonaĝachidegue joñe'me Dios.

Hebreos 3:12

Ami yaqaya'olqa, adechilela't qaedi qaya'te onolec da'me ami jo'ne ja no'en da'me lelnataĝac, da'me ja 'yamaqaten ta'le yoqo'cha joñe'me Dios jo'ne nach'e eta't da'me nec'aletaye, qaedi ja yaĝanegue joñe'me.

Hebreos 7:28

Qa'a 'uo da'me chiyoqodayi naa'me namaĝajoĝonaĝaco jo'ne Moisés yepota'n joca'li: gaa'me jo'ne qoye'n netaĝayaĝanaĝanaqa nach'egaua jo'ne jiyaĝa'u 'me ja yataqatelo'te. Qalaĝaja da'me jo'ne chiyaqayi da'me Dios 'laqatac jo'ne 'naĝatelegue, jo'ne napacalegue da'me 'uaechiñe, nach'eda da'me qoyen Netaĝayaĝanaĝanec ñe'me mach'e Lec'oĝot, nach'eñe jo'ne nach'e eta't da'me yataqatelegue.

Hebreos 9:15

Chane'eja ca'li yeleu joñe'me Jesucristo, male yiyamaĝatetac da'me 'namaqatenataĝanaĝac jo'ne dalaĝaic. Qa'a chiyaqayi da'me leleuaĝa joñe'me, male qoyapalaĝa't jogaa'me loeco joga'me jiyaĝadipi, jogaa'me lejamaĝataĝaco jo'ne e'n 'naĝa't da'me 'namaqatenataĝanaĝac jo'ne 'uaechiñe. Chane'eja nach'egaua ga'me jiyaĝadipi jo'ne joote qoyiyaĝanalo, male yaqanate't ta'le yacoteguet da'me 'noota jo'ne qaya'te loiquiaqa', da'me jo'ne joote qo'yaĝatema joca'li.

Hebreos 10:19

Chane'eja ami yaqaya'olqa, yajouaĝat da'me naliñi qoyen jaga'me letauo' ñe'me Jesús, male qo'mi qoyaje'tema da'me jaĝaue ga'me tamenaĝaiqui, chayovida'a di'me 'nachaqa' da'me yataqata ja 'nalegue.

Hebreos 10:23

Yataqata 'ñañaĝataq da'me qadeuataqataĝanaĝac jo'ne japaĝaguenataĝanaqatapec nale; ena'te joqoleguetaqatac, qa'a ñe'me Dios yataqata yepaquichigui qomle da'me jo'ne joote qo'mi yaloĝonalo.

Hebreos 13:22

Ami yaqaya'olqa, ami ñachoĝodenoto da'me auacoñiyeguet jenjo' yaqataĝac 'me ami jamaĝalo nayi, qa'a ch'e jaleca da'me jo'ne jediñe.