Hebreos 2:9 - Nuevo Testamento Toba Sombrero Negro

⁹ Qalaĝaja jauanaĝa ñe'me Jesús, jo'ne cada'ac da'me qoyen ja napacalo'te joga'me piyem laje'pi jaa'me noloqo'ote ja lama'y, qaedi yeleualegue yema jena'me jiyaĝadipi, yajouaĝat da'me loequenataĝanaĝac joñe'me Dios jo'ne yataqata qo'mi noqopitalo. Chane'eja ca'li yem da'me lachoĝodec joñe'me Jesús, qama'le yataqachiñe qo'nonaĝachigui nataq'aen da'me yaconeguet da'me 'lonaĝac jo'ne chiyaqayi joñe'me Dios.

Nuevo Testamento Toba Sur

⁹ Qalaxayi qomi' ishit da seloqchigui so Jesús som cada'ac da nataÿaña naq'en ñi Dios na lamaxashic piguem l'ecpi. Qalaxayi souaxat da lauotaxanaqtaic da shinaqta ñi Dios, nachi ÿan somayi, da yaqto' ileualec 'enauac na shiÿaxauapi. Qaq nagui somayi qoÿanagui da lli'oxoyic qataq da l'amaqchic souaxat da nque'etaxangui da l-leuaxa.

La'aqtaqa Ñim Lo'onatac 'Enauacna 2013

⁹ Qalaxaye Ñim Lo'onatac 'Enauacna qomi' ỹauoteque, nache namaxalec ana 'alhua So Jesús da qomi' nca'alaxatre'c, chegoqchigui da l-leuaxa. Ỹoqo'oye na'aictaxa da Ñim Lo'onatac 'Enauacna da cara'ac co'ollaxa da ỹasheeteguet So Jesús da nquicchiguiñi da la'amaqchec saq 'ena'am na lamaxashecpi piguem le'ecpi, qalaxaye nagui Somaye nachaqsota da qaỹo'oxoreetac souaxat da qaica ca 'ena'am la'amaqchec.

Hebreos 2:9 Referans Kwoze

Apocalipsis 5:9

Qama'le 'yotedac jenjo' nalac jo'ne dalaĝaic: “Naqa'am jo'ne aueloteguet qoyen Da'me auacona ga'me nenañejec Qaedi anaqa't jogaa'me 'nanaĝanaqatel, Qa'a naqa'am jo'ne am qoyalat joca'li Qama'le naliñi jana'me adetauo' Da'me aue'n nejetenatac ñe'me Dios Joga'me jiyaĝadipi jo'ne yodapecache naa'me 'loyaĝaco naa'me 'laqataqa, Ena'uac da'me neqomyaĝac Nataq'aen ena'uaque gaa'me noyaqa.

1 Juan 2:2

Jesucristo nach'eñe jo'ne nemenegueta ena'uac daa'me qadoeco ca'li yeleu, qaedi naa'me qadoeco male qoyapalaĝa't, nataq'aen ja nach'e qo'mita dite da'me yema gaa'me aleua laje'pi.

Romanos 5:18

Qama'le naq'aeta da'me dojo' Adán ca'li yenoĝon ga'me namaĝajoĝonaĝac 'yetema da'me qoyegue'm ena'uaque gaa'me jiyaĝadipi, nach'e naq'aeta nataq'aen da'me onaĝaic lajoĝoc ñe'me Jesucristo neda'a jena'me jiyaĝadipi qaedi 'uo da'me 'loyaĝa'j.

Hechos 2:33

Qama'le Dios yana'ña di'me yayaten, nataq'aen yi'yoĝoden, nataq'aen yanem ñe'me Lepaqal 'me ja 'nalegue jo'ne joote 'yaĝatetapem ca'li. Qama'le ñe'me nach'eñe chiyoqo'tot da'me qo'mi yeyala'aque: dojo' nach'eda auañiya nataq'aen auomachiya nayi.

Juan 3:16

Qa'a naq'aeta da'me Dios noqopitalo ena'uaque gaa'me aleua laje'pi, queda'me yanegue ñe'me mach'e Lec'oĝot jo'ne onolec, qaedi ena'uaque jogaa'me jo'ne p'iida'a joñe'me ja yitaĝa yele'u dite da'me yauata da'me 'loyaĝa'j jo'ne ja 'naidena'a.

2 Corintios 5:15

Chane'eja qom Cristo yeleu queda'me qo'mi nep'aĝanegueta, qama'le 'noota qom da'me qat'oyaĝac ja yitaĝa ena'am ta'le mach'ega nec'aletaye, dite ñe'me Cristo, jo'ne yeleu ca'li nataq'aen 'niyelaĝajeguem qaedi qo'mi yanema da'me qat'oyaĝac jo'ne dalaĝaic.

Hebreos 10:5

Chane'eja da'me male nec'ata jenjo' aleua ñe'me Cristo, qama'le t'aqataĝanem joñe'me Dios, enaac: “Ja a'uamaqate'n gaa'me najaqajel jo'ne qoyigouelo nale, Nataq'aen gaa'me nachetaqataĝanaqatel, Dite da'me jayem auanem jena'me yapat.

Romanos 5:8

Qalaĝaja Dios di'yoq q'aen da'me qo'mi noqopitalo, chaqaeda da'me maliaĝa qolaqatauelo gaa'me qadoeco ca'li, yajouaĝa't qo'mi ca'li yeleu ñe'me Cristo.

Juan 1:29

Jo'me nolo' laqaya ñe'me Juan yauana joñe'me Jesús queda'me nec'ata qama'le t'aqataĝanema ga'me jiyaĝadipi, enaac: “¡Auec'achiñe jena'me jenjo' Jesús, naqaena jena'me jo'ne «'Naĝanaĝate Lec'oĝot 'me chiyaqa'a ñe'me Dios», jo'ne yapalaĝa't jogaa'me loeco gaa'me aleua laje'pi!

Juan 12:32

Qalaĝaja qom jayem qoyanajeguem jachiyaqa'ña jena'me aleua, qama'le mach'e jayem ñauela't ena'uac.

Hebreos 7:25

Qo'che' yataqata yaqanatet ta'le nach'e eta't da'me nec'alaĝatedegue joga'me jiyaĝadipi, jogaa'me jo'ne 'yamaqate'n joñe'me da'me jetaque yec'adeta joñe'me Dios. Qa'a naqaeñe jo'ne nach'e eta't da'me nec'aletaye, qama'le nach'e eta't da'me nachoĝodetapelo'te jogaa'me.

1 Pedro 1:21

Chiyaqayi joñe'me Cristo, da'me ami male auep'iiya'a ñe'me Dios, 'me 'niyelaĝachijeguem joñe'me, yachiyaqaue di'me napa'lpi 'lachaqa', qama'le yanem da'me 'lonaĝac qaedi male auep'iiya'a joñe'me Dios jo'ne anaquichitapega.

Hebreos 8:3

Yema ga'me netaĝayaĝanaĝanec jo'ne qoyen lajoĝola' gaa'me tamenaĝaiqui lo'ol 'uo da'me 'lonatac jo'ne yanoto joñe'me Dios gaa'me lachitaĝanaqa'te ga'me jiyaĝadipi choqoga'me lajaqajecpi jo'ne qoyigouelo. Qama'le nach'e ena'am joñe'me Dios Lec'oĝot youen ca'li da'me ya'uo jaga'me mach'e lachitaĝanaqate.

1 Timoteo 2:6

jo'ne nemela't qaedi qoyalat ca'li, qama'le naqaeñe chiyaqayi joga'me nec'alaĝac da'me yema da'me qo'mi, nataq'aen joote yaloĝon ca'li uetalegue jaga'me sodoso male yauana jena'me jiyaĝadipi.

2 Corintios 5:21

Ñe'me Cristo yataqata qaya'te loec ca'li, qalaĝaja Dios 'yetem da'me ena'am ta'le loeco lo'o, qaedi Cristo qo'mi yovidaĝateda'a da'me ena'am ta'le qaya'te qadejamaĝataĝac.

Romanos 8:32

Qom Dios ja qo'mi 'te nematapeque, nataq'aen ñe'me mach'e C'oĝot, dite da'me yanoue da'me leleuaĝa qa'a jouaĝat qo'mi, da'me qo'mi yanema ñe'me C'oĝot, ¿qo'li ja nach'e ena'am qo'mi yanema ena'uaque gaa'me uo'oe?

Gálatas 4:4

Qalaĝaja ca'li yovita ga'me nolo' 'me laloqo' q'aen ñe'me Dios, ñe'me namaĝaquena ca'li ñe'me C'oĝot, jo'ne na'ya q'aen jaga'me yauo da'me niyiñe qama'le yaconegueta nataq'aen que'teguelo jogaa'me namaĝajoĝonaĝaco jo'ne qoyanema gaa'me judiopi.

Hechos 3:13

“Ñe'me Nedios di'me Abraham, di'me Isaac, di'me Jacob, ñe'me Nedios dia'me jachiyojoĝogueta 'me qadet'al, nach'eñe yanem da'me yataqachiñe p'ajaye li'yoĝodic ñe'me lalemaĝajet Jesús. Nach'eñe jo'ne auemiñeyouelo gaa'me jaliaĝanaqa nataq'aen nach'eñe jo'ne a'uotañetac nataq'aen anemañetapec ca'li jetaque yejoye ñe'me Pilato.

Romanos 8:3

Qa'a ñe'me Dios male ye'et da'me jo'ne ja yañoĝot da'me ye'et da'me namaĝajoĝonaĝac jo'ne chiyoqo'ot di'me Moisés, qa'a da'me lachoĝolaĝac da'me ch'e nejiyaĝauayaĝac qama'le ja yaqanatet ta'le yomat da'me dojo'. Qama'le Dios namaĝaquena ñe'me C'oĝot ena'am da'me lachoĝolaĝac ga'me ch'e jiyaĝaua 'me loeco lo'ol nataq'aen ena'am ta'le nemenec 'me nep'aĝaneguet gaa'me loeco joga'me jiyaĝadipi, nach'eda naq'aeta da'me ena'am q'aen ga'me ch'e jiyaĝaua 'me etaĝaloĝoic chiyaqayi da'me male yolaĝachigui ga'me etaĝaloĝoc.

Juan 10:17

“Ñe'me Taĝadena' jayem noqopita qa'a janegue da'me 'yoyaĝac qaedi yitaĝa jayem 'yiyelaĝatot da'me yec'alaĝa.

Juan 8:52

Gaa'me judiopi male enapega't: —Nayi male yataqachiñe jayatenaq da'me am payac lae't. Qa'a di'me Abraham yeleu ca'li, nataq'aen dia'me Dios 'laqataĝanaĝanaqa, qama'te da'me am aueetapega: «Ga'me jo'ne yoqocha'a da'me 'yaqatac, nach'ega jo'ne yauana qomle da'me lec'alaĝa jo'ne qaya'te loiquiaqa'.»

Mateo 16:28

Eja ami jayatenaĝaneque queda'me uo'oe gaa'me ueteda'a jena'me jenjo' nayi ja yele'u chayovida'a qom jayem yauata, da'me jayem jo'ne yataqachiñe jayem Jiyaĝaua Lec'oĝot, qom ñovi' qaedi ñejaliaĝatelegue quena.

Apocalipsis 19:12

Qama'le naa'me 'lae'te yataqata edañguilo, ena'am ta'le dole' lauaq, nataq'aen jena'me laqaic uo'oe jogaa'me qayoĝode' qop'al jo'ne netayelo, nataq'aen 'uo ga'me nediijec 'me uetalegue jo'ne mach'e lenaĝat jo'ne yataqata ja qoyayaten, nach'eñeta joñe'me mach'e yayaten joga'me.

Hebreos 2:7

Qa'a cada'ac da'me auen ja napacalo'te joga'me piyem laje'pi ca'li, Qalaĝaja yem da'me dojo' qama'le auanem da'me 'lonaĝac nataq'aen da'me yataqachiñe a'nonaĝachigui joñe'me.

Lucas 9:27

Eja da'me ami ja'aĝatema queda'me nayi uo'oe gaa'me jo'ne ueteda'a jena'me jenjo' cha'li ja yele'u chayovida'a qom yauata da'me lejaliaĝa joñe'me Dios.

Marcos 9:1

Jesús dojapegue'to ga'me jiyaĝadipi: —Eja da'me ami ja'aĝatema queda'me uo'oe gaa'me nayi ueteda'a jena'me jenjo', cha'li ja yele'u chayovida'a qom yauata da'me lovidaĝac da'me lejaliaĝa joñe'me Dios choqoda'me lañoqotaĝanaĝac.

Mateo 6:28

“Qama'le, ¿toqoch'e aueñi diyachitapiyelo naa'me adai'lidi' qa'a jouaĝat ga'me adeuodi'? Auec'achiñe' gaa'me lolelaĝail jo'ne nolelidijeguem nale. Ja t'onataĝa'n uotaĝa ta'le dacalitenaĝa'n.

Juan 8:51

Eja da'me dojo' jo'ne ami ja'aĝatema: ga'me jo'ne yoqo'cha da'me 'yaqatac, nach'ega ja yeleu, dite da'me male yauana da'me lec'alaĝa jo'ne qaya'te loiquiaqa'.

Hebreos 1:9

Yataqata a'uamaqaten da'me 'noota nataq'aen adiquiya'a da'me ja no'en. Qo'che' jen am yiquiyac, mach'e jayem Anedios, Qama'le jen am jaqachigui da'me namaic let'adaic, Da'me anapacalo'te jogaa'me jo'ne am ueteda'ajop.”

Hebreos 11:5

Ñe'me Henoc yataqata p'iya'a ñe'me Dios, qama'le qoyauegue di'me piyem joca'li, qoyachi qaedi ja yeleu. Chane'eja ua'a da'me ja yitaĝa qoyauana joca'li, qa'a Dios joote yachi joñe'me. Qama'le 'uo da'me 'naqatac jo'ne qoyediñe 'me eetac joca'li cha'li maliaĝa ja qoyachi ñe'me Henoc qama'le joote yiyamaĝaden ñe'me Dios.

Hebreos 12:2

'Noota qom nach'e eta't da'me jenataqatapega joñe'me Jesús, qa'a naqaeñe 'me chiyaqayi da'me qadepe'e, nataq'aen da'me yiyamaĝachiñe. Ñe'me Jesús yauana joca'li da'me 'uo qomle da'me lamaic let'adaic. Chane'eja napogaĝadeneguet joca'li jana'me sodoso, ja jetaque yoqochi'eguet da'me nepocoĝoc jo'ne chiyaqayi da'me neleuaĝa, qama'le da'me yem da'me jo'ne lachoĝodec qoyen, male na'ña ga'me yayaten ga'me lejaliaqa' joñe'me Dios.