Hebreos 2:8 - Nuevo Testamento Toba Sombrero Negro

⁸ Qama'le yema gaa'me jo'ne uo'oe ena'am ta'le auacho'oto naa'me lapia'te joñe'me qaedi nejaliaĝatelo'te.” Chane'eja joñe'me Dios joote yem da'me yacho'oto naa'me lapia'te joñe'me jiyaĝaua yema gaa'me uo'oe. Qaya'te 'uo ga'me onolec ta'le ja qonauela't, mate mane'e maliaĝa ja jauanaĝa da'me yema joote qonauela't.

Nuevo Testamento Toba Sur

⁸ qaq 'enauac na 'ad'onatacpi 'eeta'am da 'auacho'oto naua lapia'te namayipi. Qaq ÿoqo'oyi co'ollaq mashi ime da qaÿacho'oto naua lchil na shiÿaxauapi 'enauac na n'onatacpi, nachi ñi Dios sa ishit da huo'o ca 'oonolec da daqaptauec da saq hueto'ot naq'en da lamaxasoxonaxac na shiÿaxauapi. Qamaq nagui saxanaxa da huo'otaq qomi' selaqa'a da huo'otaq 'enauac na n'onatacpi ishit da ÿalaxaguet na shiÿaxauapi.

La'aqtaqa Ñim Lo'onatac 'Enauacna 2013

⁸ qataq qomi' 'anema da qara'añaxac da ñataỹaqaña 'enauac na laỹepi 'aro'onatacpi; qataq qomi' 'anema da seloxogue 'enauac nam 'aro'onatacpi.» Qaq Ñim Lo'onatac 'Enauacna da ỹanem da ilo'ogue 'enauac nam lo'onatacpi, nache damaye naigui da qaica ca 'oonolec nam lo'onatacpi da sa ilo'ogue. Qaq na'aictaxa nagui da saxanaxa da semetenaq da 'enauac na lo'onatacpi da ỹataqta ilo'ogue.

Hebreos 2:8 Referans Kwoze

Juan 13:3

Jesús yayaten da'me chiyaqaje'ma ñe'me Dios mach'e Let'a, nach'e ena'am da'me yitaĝa 'viyelaĝaje'ma ñe'me, nataq'aen ñe'me Let'a joote yanem yema da'me lañoqotaĝanaĝac qaedi yema yaqanatet ta'le ya'uo.

1 Corintios 15:27

Joote qoyediñe ca'li gaa'me nedii's 'me 'laqatac ñe'me Dios, eet'oi: “Ena'uaque gaa'me uo'oe, Dios 'yetem ñe'me Cristo qaedi ena'uaque yelolo'te.” Qalaĝaja qom enaac queda'me ena'uac yelolegue ñe'me Cristo, qama'le dojo' di'yoq q'aen queda'me ja yalequeten ñe'me Dios, qa'a nach'eñe ñe'me jo'ne 'yetem qaedi yelolegue ena'uac.

1 Pedro 3:22

Nach'eñe joñe'me Jesucristo joote yec'adije'ma di'me piyem qama'le nayi male neta'ña na'me yayaten joñe'me Dios, qama'le nejaliaĝatelo'te joga'me piyem laje'pi choqoga'me nepaqa'lpi laqaya' jo'ne te'me 'uo da'me lejaliaĝa'j nataq'aen da'me lañoqotaĝanaĝa'j.

Apocalipsis 1:18

nataq'aen da'me naqayem jo'ne nach'e eta't da'me jec'aletaye: naqayem jo'ne jeleu ca'li, qalaĝaja nayi male nach'e eta't da'me jec'aletaye, qama'le jayem ue'tajop da'me yañoqotaĝanaĝac qaedi 'ñiyelaĝachidijeguem gaa'me joote yele'u, da'me jachiyoĝotedaue di'me napa'lpi necoñetaĝaiqui'.

Hebreos 1:13

Joñe'me Dios qaya'te ua'a ta'le enaac da'me dojapegue' ga'me piyem le'ec: “Ona'ague nayi jena'me jayaten, Chayovida'a qom ñoma't jogaa'me adaute'udi' Qama'le jacho'oto naa'me adapia'te.”

Apocalipsis 1:5

qama'le nach'e ena'am chiyoqo'ot joñe'me Jesucristo, nach'eñe jo'ne choqotaĝanaĝaic 'me yataqatelegue, joñe'me jo'ne 'uaechiñe da'me 'niyelaĝajeguem da'me chiyaqauelo gaa'me napa'lpi, qama'le yataqata nejaliaĝatelo'te yema jogaa'me nejaliaĝanaqa jena'me aleua. Nach'eñe jo'ne jalcote da'me qo'mi noqopitalo, Qama'le qo'mi doĝotaĝaneque gaa'me qadoeco Ca'li naliñi jaga'me letauo' da'me qoyalat.

Hebreos 2:5

Qom Dios yadalaĝat jena'me aleua, jena'me jo'ne joote ami ja'aĝatema, qama'le ja nach'egaua gaa'me piyem laje' ta'le qoye'n qadejaliaĝanaqa.

Juan 3:35

Ñe'me Net'a 'uo da'me loqopich'i ñe'me Lec'oĝot, chane'eja yanem da'me lañoqotaĝanaĝac qaedi nejaliaĝatelo'te ena'uac gaa'me uo'oe.

Mateo 28:18

Jesús nichiidi'uo jogaa'me qama'le yanema da'me laqataĝac, enaac: —Dios joote jayem yachalegue da'me yañoqotaĝanaĝac let'adaic, qaedi ñejaliaĝatelo'te yemeda gaa'me ueteda'ague di'me piyem nataq'aen gaa'me uetedalegue jena'me aleua.

Hebreos 1:2

Qalaĝaja nayi naa'me naajo' noloqo'ote jo'ne p'atedegue, male 'uo joñe'me jo'ne mach'e C'oĝot, qama'le nach'eñe jo'ne qo'mi yapaĝague'n, nach'eñe jo'ne qoyen loqo'te ena'uaque jogaa'me jo'ne uo'oe, qa'a nach'eñe 'me chiyaqayi da'me ye'et ena'uac joca'li.