Hebreos 2:3 - Nuevo Testamento Toba Sombrero Negro

³ Qama'le nayi, ¿teua'atoqo' qo'mi yaĝa'n ga'me qane'uaĝanaguec, qom ja qadetela da'me nec'alaĝa let'adaic? Qa'a nach'eñe joñe'me Jaliaĝanec jo'ne 'uaechiñe da'me 'yaĝatetac da'me dojo' nec'alaĝa, qama'le jogaa'me jo'ne joote domachita da'me 'naqatac male qo'mi yaloĝonalo da'me naqaeda da'me jo'ne eja.

Nuevo Testamento Toba Sur

³ Qaq ¿táloxochiyictoxo' da qomi' ÿi't ca qanhuaxanaguec da huo'otaq sa ishit da seloxogue ca llic dam lta'adaic nca'alaxa? Cha'ayi nachiso so qadataxala' so l'auaxanec da i'axat de'eda nca'alaxa, ime, qataq jec nam n'axaÿaxaatega somayi, nachi ÿataqta 'itchiguiñi naq'en de'eda n'aqtaxanaxac. Ime, nachi qomi' da'aqtaxanema.

La'aqtaqa Ñim Lo'onatac 'Enauacna 2013

³ qaq ỹataqta 'eesa qone' da huo'o ca qanhuaxanaguec da saishet da ñetelaqa'a de'era nca'alaxa maye ỹataqta qaica ca 'ena'am. Cha'aye So Qarataxala' nacheso so la'auaxanec da ỹa'axat de'era nca'alaxa, qataq nam na'axaỹaxaatega co'ollaxa de'era na'aqtaxanaxac nataqa'en qomi' ỹachaxanalo da ỹataqta 'eesa.

Hebreos 2:3 Referans Kwoze

Hebreos 12:25

Chane'eja yataqata a'uamaqachiñe da'me 'laqatac joñe'me Dios. Qa'a joga'me Israel lec'oqo'tepi jo'ne ja yacoteguet joca'li joñe'me Dios 'laqataĝanaĝanec jo'ne ch'e aleua le'ec, qaya'te onolec jo'ne yaqanatet ta'le yaĝan joda'me qoyen lachoĝodec. Qama'le nayi, qo'mi jo'ne jomachaĝa da'me 'laqatac joñe'me jo'ne chiyaqayi di'me piyem, qom ja ja'amaqatenaq, qama'le ¿teua'atoqo' jaqanatetaq ta'le qo'mi yaĝa'n da'me qoyen mach'e qadachoĝodec?

Romanos 2:3

Qama'le da'me am jo'ne auatapiñgue ga'me laviyaĝajet ga'me adaqaya, nataq'aen auadenaĝa't gaa'me 'lonataqa jogaa'me, ena'te aueetapega am yaĝan qomle ga'me Dios ya'uo ne'uaĝanague'j.

Hebreos 5:9

Qama'le ja yaĝañi da'me yataqata yoqo'cha joñe'me Dios, chayovida'a da'me yovita da'me laloqo' da'me qoyalat. Chane'eja nach'eñe joñe'me jo'ne yovida'a q'aen da'me male qoyen ladic da'me qonec'alaĝatedegue yema jogaa'me jo'ne yoqochideta joñe'me, da'me nec'alaĝa jo'ne qaya'te loiquiaqa'.

Hechos 4:12

Qaya'te laqaya jo'ne chiyaqayi da'me nec'alaĝa, qa'a yema jena'me aleua Dios ja qo'mi 'te yanema ga'me jiyaĝaua laqaya jo'ne jachiyojoĝotaĝaye da'me qadec'alegue.

Hebreos 4:11

Chane'eja da'me qo'mi, 'noota qom 'ñañaĝataq qaedi jañoĝotaq da'me jenoĝonaĝauo'o da'me 'nomataĝaiqui joñe'me Dios, qaedi qaya'te ta'le onolec jo'ne ja yenoĝoneuo'o yajouaĝat da'me que'teguelo jogaa'me jo'ne ja p'iida'a joñe'me Dios.

Hebreos 1:2

Qalaĝaja nayi naa'me naajo' noloqo'ote jo'ne p'atedegue, male 'uo joñe'me jo'ne mach'e C'oĝot, qama'le nach'eñe jo'ne qo'mi yapaĝague'n, nach'eñe jo'ne qoyen loqo'te ena'uaque jogaa'me jo'ne uo'oe, qa'a nach'eñe 'me chiyaqayi da'me ye'et ena'uac joca'li.

Lucas 1:2

ga'me eeta da'me jo'ne joote qo'mi yacauaqatenouelo jogaa'me Jesús lamaĝa's, nach'egaua jo'ne yataqachiñe yauachidigui ga'me 'yaĝatetedac nataq'aen queda'me ua'edi male qoyanema da'me 'nelopague'j da'me qaedi dapaĝaguenataĝatec da'me Dios 'laqataĝanaĝac.

Apocalipsis 7:10

Qama'le ena'uac da'me nete'tape da'me 'yalaqataye, eet'oi: “¡Da'me nec'alaĝa chiyaqayi ñe'me Qanedios, Jo'ne nach'eñe 'me netañgui na'me nejaliaĝaiqui, Choqoda'me chiyaqayi ñe'me 'Naĝanaĝate Lec'oĝot!”

Tito 2:11

Naq'aeta da'me auapaĝagueneque ena'uaque joga'me p'etaqadaiquipi, qa'a joote yaloĝon da'me lichoĝodenataĝanaĝac joñe'me Dios, nach'eda ja qalaĝa q'aen da'me lec'alaĝa'j ena'uaque joga'me jiyaĝadipi.

1 Timoteo 1:15

Jenjo' yataqata eja, qama'le 'noota ta'le yema jep'iyaqa, queda'me Cristo Jesús nec'ata ca'li jena'me aleua qaedi nec'alaĝatedegue jogaa'me loeco lo'olpi, qama'le jayem tachigui da'me naqayem loeco lo'o t'adaic.

Mateo 23:33

“¡Ami nanayaqapi! ¡Ami c'oqo'tepi ga'me nanayaqa! ¿Teua'atoqo' ami yaĝa'n qomle ga'me ane'uaĝanaguequi qomle da'me ami qoyajaĝa'ñalo di'me payac 'lachaqa'?

Hebreos 4:1

Qama'le nayi, da'me qo'mi maliaĝa qo'mi qoyiyaĝanalo qaedi jenoĝonaĝaue di'me 'nomataqa' joñe'me Dios. Chane'eja, 'noota qom qadetelapega't qaedi qaya'te onolec da'me ami jo'ne qoyauana da'me ja nalo'oguet ta'le yenoĝoneuo.

Hechos 2:22

“Chane'eja, ami jo'ne israelpi, yataqachiñe anaquiaĝañiya da'me ami ja'aĝatema: queda'me joote auayachiñe jo'ne Dios ami yaloĝonalo ca'li da'me lañoqotaĝanaĝac ñe'me Jesús jo'ne Nazaret le'ec, nach'eñe en na'yalo da'me yaloĝo'n gaa'me p'ajodaye li'yoĝodico, gaa'me lañoqotaĝanaĝaco nataq'aen 'nanaqa jo'ne yauo'oe.

Hechos 1:22

chiyoqo'teguet ca'li Juan nachilaĝan chayovida'a ca'li qoyauegue di'me piyem. Chane'eja youetaque da'me onolec ga'me chiyaqauelo jogaa'me ta'le qo'mi uaĝayeta, qaedi da'me qadalo'ta't nach'e ena'am dechoqotaĝatapec queda'me Jesús joote 'niyelaĝajeguem.”

Juan 15:27

Qama'le nach'e ena'am da'me naqa'ami jo'ne ami 'yaqataĝanaĝanaqa, qa'a joote jayem ovi'tajop ca'li da'me jo'ne 'uaechiñe.

Lucas 24:19

Joñe'me 'yategueta: —¿Te'ena't? Jogaa'me t'aqataĝatem: —Ga'me jo'ne qo'yetec ca'li ñe'me Jesús mach'e Nazaret le'ec, jo'ne nach'eñe Dios 'laqataĝanaĝanec; 'uo da'me lañoqotaĝanaĝac da'me 'laqataqa nataq'aen 'lonataqa nale dajoya'aguet ñe'me Dios nataq'aen nale dajoya'agueta ga'me jiyaĝadipi.

Marcos 1:14

Joca'li joote qoyanetaue jaga'me coñetaĝanaĝaiqui ñe'me Juan, qama'le ñe'me Jesús yec'ata di'me Galilea qaedi 'yaĝatetac joda'me onaĝaic 'naqataĝanaĝac jo'ne chiyaqayi ñe'me Dios.

1 Ts 5:3

Qa'a jena'me jiyaĝadipi enaac jo' qomle: “Yataqata qo'mi 'noote', chayovida'a da'me qo'mi machidiñe,” qama'te paja'a da'me 'uo ga'me ne'uaĝanague'j let'adaic jo'ne yedalo'te jogaa'me, ga'me layaliaĝa'j ena'am jaga'me yauo nale c'oe, yataqata co'yaq nale maliaĝa dayaletac, qama'le yataqata qaya'te yaĝan.

Lucas 1:69

Qo'mi namaĝalo ñe'me Qadec'alaĝaiqui jo'ne qaya'te yaqalaatac, jo'ne chiyoĝoguet di'me qadet'a David, mach'e Dios lalemaĝajet.

Mateo 4:17

Chane'eja chiyoqotelegue da'me Jesús t'aqataĝatapema ga'me jiyaĝadipi, enaac: “¡A'niyelaqaeyot joñe'me Dios jo'ne ne'tague di'me piyem, qa'a male qoyoqo'ta da'me laloqo' da'me nejaliaĝatelegue ena'uac!”

Romanos 11:14

Jepaquetapega ta'le uo'oe gaa'me mach'e 'yachaqadiaĝa'u nometeguet da'me netotaĝa'j jouaĝat ami, qaedi naq'aeta da'me jaueguelo da'me lec'alaĝa'j.

1 Corintios 1:21

Dios yauanalo ga'me aleua laje'pi queda'me ja yacota da'me mach'e layatenaĝanaĝa'j qaedi yateto'n joñe'me, chane'eja ñe'me jetaque t'onataĝana da'me qat'aqataĝanaĝac jo'ne ena'am ta'le chiyoĝojoĝoc qaedi nec'aledegue gaa'me jo'ne p'iida'a.

Hebreos 1:1

Joca'li jaa'me 'uoidi jo'ne 'uaechidiñe, Dios yojaĝanaĝa'n jodia'me 'laqataĝanaĝanaqa da'me dojapegue'to jodia'me jiyaĝa'u jo'ne mach'e jachiyojoĝogueta: nach'e eta't 'viyelaĝalegue da'me dojapegue'to, choqoda'me yodapecache daa'me 'laqataqa jo'ne yanema.

Hebreos 1:14

Qa'a ena'uaque jogaa'me piyem laje' nach'egaua jo'ne nepaqa'li 'me t'onataĝadeuo'o joñe'me Dios, qa'a joñe'me nach'eñe jo'ne yamaĝalo'te da'me lecochiyalo joga'me jiyaĝadipi jo'ne qonec'alaĝatedegue.

Hebreos 9:28

Chane'eja nach'e ena'am ñe'me Cristo onolec da'me qo'yaĝateuo, qama'le qoyen najaqajec jo'ne onolec, qaedi doĝotaĝaneque gaa'me loeco jogaa'me jiyaĝa'u jo'ne qayoĝode'. Qama'le qom'che male yitaĝa di'yoq, male ja naqaenaua naa'me qadoeco ta'le nec'atalo, dite da'me male nec'alaĝatedegue jogaa'me jo'ne yeuatetedaque.

1 Juan 1:1

Ami yaqaya'olqa, ami ja'aqataĝanaqatapema nayi queda'me jo'ne jalchi'ena 'uo joca'li, nach'eñe jo'ne joote jomachaĝa nataq'aen yataqachiñe jauanaĝa; nach'eñe jo'ne joote jec'atenaqatac choqoda'me joote jepotaqatac; nach'eñe 'naqataĝanaĝac jo'ne dechoqotaĝanec da'me 'noyaĝac jo'ne dalaĝaic.

Judas 1:17

Qalaĝaja ami yaqaya'olqa, anetoviñetac da'me 'laqata'j gaa'me lamaĝa's joñe'me Qadejaliaĝanec Jesucristo,