Hebreos 2:10 - Nuevo Testamento Toba Sombrero Negro

¹⁰ Qa'a joñe'me Dios jetaque yema joga'me lec'oqo'tepi nach'e ena'am da'me ueda'ajop da'me 'lonaĝac. Chane'eja joñe'me jo'ne 'netoqo't yemeda gaa'me uo'oe qama'le yema mach'e loĝot joñe'me, yataqata chimaqachiñe da'me 'lonataĝanaĝac jo'ne 'yetec joñe'me Jesús ca'li, da'me en taue da'me lachoĝodec chayovida'a yovita da'me ja 'nalegue, qaedi naqaeñe qoyen Lec'alaĝaiqui' joga'me jiyaĝadipi.

Nuevo Testamento Toba Sur

¹⁰ Cha'ayi 'enauac nam huetalecna, namayi lalamaxat ñi Dios, qataq maichi chigoqo'ot ñimayi. Qaq ñi Dios nshitaique da 'enauac na llalaqpi nhuanau'a de'eda lli'oxoyic. Qaq ÿoqo'oyi ñimayi naloqchiichiguiñi naq'en da lataxac so Jesucristo som lca'alaxaqui namayipi, ÿachigoxotchigui naq'en da nque'ejnaxac.

La'aqtaqa Ñim Lo'onatac 'Enauacna 2013

¹⁰ Ñim Lo'onatac 'Enauacna ỹo'ot 'enauac nam huetalecna da yaqto' maiche lalamaxat, qataq huotaique da nhuanaua'a 'enauac da llo'oxoyec nam ỹauotec qataq ỹalaxaguet Ñimaye. Qaq nachera da huo'omshe Ñim Lo'onatac 'Enauacna ỹa'auaxaañi da naloqchiichiguiñi da lataxac So Jesucristo, nache ỹaneguet da l-leuaxa, cha'aye Somaye, nacheso Som Lca'alaxaqui namayepi.

Hebreos 2:10 Referans Kwoze

Romanos 11:36

Qa'a ena'uaque gaa'me di'yo't 'me uo'oe mach'e chiyoqodo'ot ñe'me Dios, di'yo't jogaa'me qa'a 'ye't joñe'me, nataq'aen mach'e loqo'te joñe'me. ¡'Noota qom nach'e eta't qo'nonaĝachigui joñe'me Dios! Jaja'a. Nach'e naq'aeta da'me dojo'.

Hebreos 12:2

'Noota qom nach'e eta't da'me jenataqatapega joñe'me Jesús, qa'a naqaeñe 'me chiyaqayi da'me qadepe'e, nataq'aen da'me yiyamaĝachiñe. Ñe'me Jesús yauana joca'li da'me 'uo qomle da'me lamaic let'adaic. Chane'eja napogaĝadeneguet joca'li jana'me sodoso, ja jetaque yoqochi'eguet da'me nepocoĝoc jo'ne chiyaqayi da'me neleuaĝa, qama'le da'me yem da'me jo'ne lachoĝodec qoyen, male na'ña ga'me yayaten ga'me lejaliaqa' joñe'me Dios.

Hebreos 6:20

Nach'edi di'me jo'ne yenoĝoje'ma joca'li joñe'me Jesús, qaedi qo'mi yichoĝode'n da'me en qadadiiuo, qa'a nach'eñe ñe'me Jesús jo'ne joote qoyen Qadetaĝayaĝanaĝanec 'me p'ajaye, da'me ena'am da'me 'loyaĝac ñe'me Melquisedec joca'li.

Hechos 5:31

Dios yañijeguem qama'le yana'ña na'me yayaten, qama'le en najoĝola' nataq'aen nec'alaĝaiqui qaedi ga'me Israel c'oqo'tepi 'viyelaĝadeta ñe'me Dios qama'le yacoteguet da'me qoyapalaĝa't daa'me loeco.

Lucas 24:46

qama'le yanema da'me 'laqatac: —Joote qoyediñe ca'li ñe'me Dios Liquiyac qoyen ladiquiyaĝac da'me qoyalat nataq'aen yenoĝodegue tres noloqo'ote qama'le 'niyelaĝajeguem.

Lucas 24:26

¿Qo'li ja nach'e youetaque queda'me tauelo naajo' uo'oe da'me qoya'uo lachoĝodec ñe'me Dios Liquiyac, qom tatalegue da'me male qo'nonaĝachigui joñe'me?

1 Pedro 5:10

Qalaĝaja qom yenoĝodegue jogaa'me noloqo'ote da'me 'uo da'me adachoĝodequi qama'le joñe'me Dios male ami 'yañaqateneque, nataq'aen da'me en ami 'uañaĝayaqa choqoda'me ami yanema da'me jo'ne yataqatelegue. Qa'a nach'eñe ñe'me Dios 'uo da'me loqopich'i let'adaic chane'eja ami yiyaĝanalo qaedi ademii'teguet joñe'me Jesucristo qama'le ovitaue da'me jo'ne mach'e 'lonaĝa jo'ne qaya'te loiquiaqa'.

1 Corintios 8:6

qalaĝaja qo'mi qamqa'me jayatenaq queda'me 'uo ñe'me Dios jo'ne onolec, mach'e Qadet'a jo'ne 'netoqo't ena'uaque gaa'me uo'oe, nataq'aen qo'mi yanema da'me qat'oyaĝac jeloqot'ot joñe'me. Nach'e naq'aeta queda'me onolec ñe'me Jaliaĝanec Jesucristo nach'eñe necochoqo't ñe'me Dios joca'li ye'et jena'me aleua nataq'aen ena'uaque gaa'me uo'oe, qama'le da'me qo'mi joda'me qat'oyaĝac chiyoĝoguet joñe'me.

Hebreos 7:28

Qa'a 'uo da'me chiyoqodayi naa'me namaĝajoĝonaĝaco jo'ne Moisés yepota'n joca'li: gaa'me jo'ne qoye'n netaĝayaĝanaĝanaqa nach'egaua jo'ne jiyaĝa'u 'me ja yataqatelo'te. Qalaĝaja da'me jo'ne chiyaqayi da'me Dios 'laqatac jo'ne 'naĝatelegue, jo'ne napacalegue da'me 'uaechiñe, nach'eda da'me qoyen Netaĝayaĝanaĝanec ñe'me mach'e Lec'oĝot, nach'eñe jo'ne nach'e eta't da'me yataqatelegue.

Efesios 3:10

Qama'le nayi male 'uo jena'me jenjo' Dios lec'oqo'tepi jo'ne qoyemata'a't, qama'le chiyaqayi da'me dojo' male qoyayatenaĝanaĝaneque yema gaa'me jaliaĝanaqa jo'ne piyem laje' da'me eeta da'me layatenaĝanaĝac let'adaic joñe'me Dios jo'ne qaya'te nalo'taguet.

Apocalipsis 4:11

“Am Qadejaliaĝanec nataq'aen da'me mach'e am Qanedios, Naqa'am jo'ne am tachigui da'me yataqata am qo'nonaĝachigui, Jouaĝat da'me 'uo da'me at'onaĝac nataq'aen da'me adañoqotaĝanaĝac let'adaic, Qa'a naqa'am jo'ne aue't yema naa'me naajo' uo'oe; Qa'a naq'aeta da'me mach'e adelnataĝac ca'li, Qama'le uo'oe nayi da'me male aue'n di'yo'quena.”

2 Timoteo 2:10

qama'le jalcote qoye'n yachoĝodeco, qaedi gaa'me dalaĝayaqa Dios lec'oqo'tepi male nec'alaĝatedegue nataq'aen yacoteguet ga'me 'noyaĝac jo'ne ja 'naidena'a, nach'ena jenjo' yanegue joñe'me Cristo Jesús.

Colosenses 3:4

Nach'eñeta ñe'me Cristo jo'ne chiyaqayi da'me at'oyaĝaqui, qama'le qom yitaĝa di'yo'quena ñe'me, qama'le nach'e ena'am ami di'yoĝoma da'me male najaqachiguilo joda'me at'onaĝaqui.

Gálatas 3:26

Ami joote auep'iiya'a ñe'me Jesucristo, qo'che' ena'uaque ami joote ami Dios lec'oqo'tepi,

2 Corintios 3:18

Qama'le qo'mi ja qo'mi 'te netayelo ga'me ualoq jo'ne yapadelegue na'me qadatajoĝoc. Jenaqa'am ga'me c'atenaĝanaĝaqui jo'ne yaloĝon da'me 'lonaĝac ñe'me Jaliaĝanec, nach'eñe neleguemaĝat da'me qat'oyaĝac qama'le ñichigaqa'ta da'me jenaqa'am joñe'me, yajouaĝat da'me qo'mi t'onataĝanouelo ñe'me Lepaqal 'me ja 'nalegue.

Romanos 9:23

Nach'eda naq'aeta da'me jetaque qo'mi yaloĝonalo da'me let'adaic 'lonaĝac joñe'me, qa'a qo'mi yichoĝode'n nataq'aen 'uaeñe da'me qo'mi yiyamaĝateta'ajalo qaedi ñetauanaqa'uo da'me 'lonaĝac.

Hechos 3:15

Qama'le naqaeda da'me aualachi ñe'me jo'ne chiyaqayi da'me yataqachiñe qat'oyaĝac. Qalaĝaja Dios chiyoĝotauelo ga'me napa'lpi, qama'le nach'eda dojo' jechoĝotaqatac.

Apocalipsis 7:9

Mane'e ca'li yem da'me dojo' qama'le jauana ga'me jiyaĝadipi let'adaic jo'ne qaya'te yaqanatet ta'le noloqoten, jo'ne qoyachiyoĝotauelo yemeda jogaa'me noyaqa let'adayaqa nataq'aen yodapecache da'me neqomyaĝa'j nataq'aen yodapecache naa'me 'loyaĝaco naa'me 'laqataqa. Qama'le jauanalo da'me nechatetedañe ena'uac da'me dajotauo jaga'me je'onaĝaiqui jo'ne nejaliaĝaiqui, qama'le nach'e ena'ama dajoteda'aguet joñe'me 'Naĝanaĝate Lec'oĝot. Qama'le uo'oe naa'me louo jo'ne pagaĝayaqa nataq'aen da'me yachi'y jaa'me chaic layoqote, onolqa'tape jogaa'me jiyaĝa'u da'me lajoqot'alo.

1 Pedro 5:1

Nayi ami jaqatalo, ami 'yaĝaicachidi jo'ne ami lajoĝola'te gaa'me p'etaqadayaqa, queda'me nach'e ena'am jayem 'yaĝaicachigui jo'ne ja'aĝatetac da'me jo'ne lachoĝodec joñe'me Cristo, qama'le nataq'aen jouetaue qomle da'me 'lonaĝa joñe'me jo'ne qo'mi di'yoĝoma jo' qomle.

1 Pedro 1:12

Qalaĝaja ñe'me Dios yayatenaĝanaĝaneque jogaa'me da'me ja naqaegaua ta'le loĝo't joda'me jo'ne 'yaĝatetedac, dite da'me naqa'ami jo'ne ami yapaĝague'n. Chane'eja gaa'me Dios 'laqataĝanaĝanaqa jo'ne joote ami yapaĝagueneque da'me 'laqataĝanaĝac joñe'me Dios, da'me chiyaqayi da'me lañoqotaĝanaĝac joñe'me Dios Lepaqal jo'ne uetayelo, naqaegaua jo'ne ami 'yaĝatema nayi da'me dojo' 'naqataĝanaĝac jo'ne chiyaqayi da'me nec'alaĝa. ¡Nach'eda da'me dojo' jo'ne jetaque yayate'n jogaa'me Dios lamaĝa's jo'ne piyem laje'!

Hebreos 7:26

Chane'eja nach'eñe ñe'me Jesús jo'ne jouenaqa'ta, qa'a naqaeñe mach'e Qadetaĝayaĝanaĝanec jo'ne p'ajaye, joñe'me jo'ne ja 'nalegue, qaya'te ta'le loec nataq'aen ja paĝachigui, joote qoyachiyoĝotauelo jogaa'me loeco lo'olpi qama'le qoyana'ña di'me p'ajeguem jo'ne ne'tague di'me piyem.

Efesios 2:7

Ee'tec jena'me jenjo' qaedi naa'me naajo' noloqo'ote jayatenaq da'me eja 'uo da'me loqopich'i nataq'aen leyalaqataĝanaĝac jo'ne chiyaqayi ñe'me Lec'oĝot Jesucristo, nach'eñe jo'ne qo'mi nec'alaĝatedegue.

2 Corintios 6:18

Jayem Adet'ai qomle qama'le ami yalaqapi qomle nataq'aen yalelpi. Dojo' jayem ja'aeñi, jayem Anedios 'me ñapacalegue ena'uac.”

2 Corintios 5:18

Yema da'me dojo' chiyoĝoguet ñe'me Dios; joca'li ena'am ta'le qadauteua ñe'me Dios, qalaĝaja nayi Cristo qo'mi yovidaĝateda'a da'me ena'am ta'le ñaigaqatapegue' ñe'me Dios. Nataq'aen qo'mi yanema da'me dojo' qat'onataĝanaĝac qaedi ga'me jiyaĝadipi qoye'n naequetedapegue' joñe'me.

2 Corintios 4:17

'Uo ga'me qalaqa't jo'ne qo'mi 'uaĝayeta nale qalaĝaja nach'enaua uo'oe jo'ne ja let'adayaqa, nataq'aen ja nale'en uo'oe jogaa'me. Ena'am ta'le qadamaic janemaĝam joga'me qa'a Dios qo'mi e'n najaqachiguilo da'me 'lonaĝac jo'ne ja yitaĝa yem nale'en 'uo: 'lonaĝac jo'ne yataqachiñe let'adaic nataq'aen onaĝaic.

1 Corintios 2:7

Da'me nayatenaĝanaĝac jo'ne japaĝaguenataĝanaqatapec nach'eda Dios yaloĝon; ca'li maliaĝa ja ye'et jena'me aleua, ñe'me Dios jetaque ya'uo da'me qo'mi yachiteque joda'me 'lonaĝac joñe'me, qalaĝaja da'me jetaque ya'uo 'me 'yaeñi joca'li ja qoyaloĝon, qoyoĝochi'ñejopa joga'me jiyaĝadipi chayovida'a nayi.

Juan 19:30

Joñe'me Jesús da'me yem da'me niyomigui jo'me lataĝa, qama'le enaac: —¡Male yema yepaquichiguilo nayi! Male naĝañi na'me laqaic, qama'le 'yiyelaĝatot ñe'me Dios ñe'me lepaqal.

Juan 11:52

Qalaĝaja ja nach'edata da'me yiyamaĝam ga'me judiopi, dite da'me qaedi yapotena't ena'uac jogaa'me nelagaĝa ga'me neteda'ña jo'ne Dios lec'oqo'tepi.

Lucas 13:32

Joñe'me 'yateguet: —Jamoyi nataq'aen a'uaĝachiyem jo' ga'me uaĝayaĝa: «Nayi nataq'aen qom 'yoĝoñi jamaĝadegue jogaa'me payagodipi nataq'aen jen yemedegue ga'me leuaĝaiquipi, qama'le qom 'yoĝoñi laqaya jomat da'me 'yonatac.»

Lucas 2:14

“¡Qo'nonaĝachigui joñe'me Dios jo'ne na'ague di'me p'ajeguem! ¡'Nemaĝac neda'ña jena'me aleua uetouelo joga'me jiyaĝadipi, nach'egaua jo'ne Dios yichoĝode'n!”